خلق ضايعة

حنان متجرحنيش

عبد الحميد: سونيا لازم تقدري موقفى كراجل سياسي معروف الناس بتحاسبه على كل كبيرة وصغيرة .. قعدتك معايا فيها إحراج ليا

سونيا: أنت ممنوع تقعد مع ستات ؟!

عبد الحميد: بمعنى أصح رقاصات .. الناس هنا عارفة كويس إنك رقاصة

سونيا: بس المفروض إنى من رعاياك يا مولاي .. ولا حضرتك مسئول عن ناس وناس لأ ؟! .. المفروض إنك بتخدم شعب بحاله.. العدل فيه والأعوج .. وبعدين لما فيه ناس مش على هواكم وجيبالكم العار زي حالاتي بتسمحلوهم ليه ينتخبوكوا ؟! .. ما كفاية عليكوا أوي الأصوات التانية !

عبد الحميد: أنتى عاوزه مني إيه ؟!

سونيا: الموافقة على دار للأيتام

عبد الحميد: مقدرش أعملك حاجة

سونيا: ليه ؟

عبد الحميد: مقدرش أتوسط لرقاصة !

سونيا: الله !! .. إيه الحكاية رقاصة رقاصة ! .. ما إحنا الأتنين زي بعض يا عبدالحميد

عبد الحميد: أنتى قليلة الأدب !

سونيا: وأنت كداب .. علشان بتكدب على نفسك قبل ما تكدب على الناس .. كل واحد فينا بيرقص بطريقته .. أنا بهز وسطي .. وأنت بتلاعب لسانك وتخطب

عبد الحميد: الفرق شاسع يا عالمه يا....

سونيا: أنا أقولك الفرق .. إحنا الأتنين بنطلع فى التلفزيون .. أنا الناس بتتفرج عليا .. وأنت أول ما بتظهر الناس بتقفل التلفزيون .. لأن رقصك مالوش جمهور .. إنما أنا رقصي له جمهور .. عارف ليه؟

عبد الحميد: لأن بضاعتك رخيصة .. هدفك تشعللي الغرائز المكبوتة عند الناس .. أنتى شغلك الإثارة

سونيا: اسم الله على مقامك الرفيع .. وأنت شغلك يبقى إيه لما توعد الناس بمستقبل مشرق وييجي بكرة ما يطلعلوش شمس! .. يا عبد الحميد بيه أنا مش عايزه غير الموافقه على المشروع بتاعى .. عايزه أربى أطفال .. عايزه لما أعيا الاقى حد جمبى .. لما أموت ألاقى حد يمشى فى جنازتى .. على الله تكون فهمت .. عن اذنك !

مشهد من فيلم الراقصة والسياسي

بتبقى فين - أمل وهبى

تعليق: موسيقار الأجيال الدكتور محمد عبدالوهاب

ليلى مراد - (طقطوقة) ما ليش أمل ... عام ١٩٤٩م

يا ورد علي فل و ياسمين - ناير ناجي

Sahra song

Days without you

عبير - أحمد فؤاد حسن

مولد السيدة زينب الشيخ زكريا أحمد وليلى مراد

موسيقى رائعة من مسلسل زيزينيا للموسيقار الكبير عمار الشريعى

موسيقى رائعة من مسلسل زيزينيا للموسيقار الكبير عمار الشريعى

ahmed.ibrahim.mohamed

Related tracks