بعد الثوره جالنا رئيس
كان مفكرنا قراطيس
جانا بالصندوق
وسبناه يسوق
علشان عايزين
مالنهضة ندوق
والرئيس طلع كذاب
النهضة كانت فكره هباب
خوف شعبه بالارهاب
ساق فى غباوته
ولم جماعته
ولبسنا .. فى الشله .. بتاعته
ماهو بالصندوق
وسبناه يسوق
اتاريه خازوق
معمول للشعب
والشعب قرر يثور
ياخد جماعته ويغور
مش عايزين اخوان
Any more
عاند الشعب
فنزل الشعب
حلق للشعب
وكمل لعب
وساق فى غباوته
ولم جماعته
ولبسنا .. فى الشله … بتاعته
ماهو بالصندوق وسبناه يسوق
اتاريه خازوق
فأفش الشعب
والسيسى طرقع بيان
قرر يفشخ الاخوان
قاله معاك يومين كمان
قاله احيه
بتعمل كده ليه
معايا شرعية
تمشينى ليه
ماهو عاند الشعب
فنزل الشعب
حلق للشعب
وكمل لعب
وساق فى غباوته
ولم جماعته
ولبسنا .. فى الشله … بتاعته
ماهو بالصندوق وسبناه يسوق
اتاريه خازوق
ففرح الشعب
والسيسى لعبها صح
الاخوان ابتدوا بالدح
حسوا ان الكرسى بح
اعتصموا فى رابعه
ونهضة وجيزه
والهتافات كانت لذيذة
احية احية !!
بتعمل كدا ليه ؟
معايا شرعية
تمشينى لية
ماهو عاند الشعب
فنزل الشعب
فحلق للشعب
وكمل لعب
وساق فى غباوته
ولم جماعته
ولبسنا فى الشله بتاعته
ماهو بالصندوق
وسيبناه يسوق
اتاريه خازوق
واتقسم الشعب
والسلطه ابتدت تضيع
قفشوا خيرت وبديع
صفوت اللى طلع فظيع
عمل سكسوكه
هرب فى فلوكه
كان ناقص … يلبس باروكه
فلسع من نهضة ورابعه وجيزه
والهتافات كانت لذيذة
احية احية
بتعمل كده ليه ؟
معايا شرعية
تمشينى ليه
ماهو عاند الشعب
فنزل الشعب
حلق للشعب
وكمل لعب
وساق فى غباوته
والاعلام مسبش حد 
لو قولت رأيك تتشد 
تبقي ارهابي وتتمد
تبقي اخوان وعميل وجبان 
وكمان مسنود من الامريكان

زي ابو سكسوكة هرب في فلوكة 
كان ناقص يلبس باروكة
فلسع من رابعة ونهضة 
وجيزة والهتافات كانت لذيذة
احيه احيه .. بتعمل كده ليه ؟ 
معايا شرعية تمشيني ليه ؟
ماهو عاند الشعب فنزل الشعب 
حلق للشعب وكمل لعب
وساق في غباوته ولم جماعته 
ولبسنا في الشلة بتاعته
ماهو بالصندوق وسيبناه يسوق 
اتاريه خازوق وتاه الشعب


باسم يوسف بعد الثورة جالنا رئيس Mp3 2013

ايادي مصرية سمرا ليها في التمييز
ممددة وسط الزئير بتكسر البراويز
سطوع لصوت الجموع شوف مصر تحت الشمس
آن الآوان ترحلي يا دولة العواجيز
عواجيز شداد مسعورين اكلوا بلدنا اكل
ويشبهوا بعضهم نهم وخسة وشكل
طلع الشباب البديع قلبوا خريفها ربيع
وحققوا المعجزة صحوا القتيل من القتل
اقتلني قتلي ما هيعيد دولتك تاني
بكتب بدمي حياة تانية لأوطاني
دمي دة ولا الربيع الاتنين بلون اخضر
وببتسم من سعادتي ولا احزاني
تحاولوا ما تحاولوا ما تشوفوا وطن غيره
سلبتوا دم الوطن وبشيمته من خيره
احلامنا بكرانا اصغر ضحكة علي شفة
شفتوتش الصياد يا خلق بيقتلوا طيروا
السوس بينخر وسارح تحت اشرافك
فرحان بيهم كنت وشايلهم علي كتافك
واما اهالينا من زرعوا وبنوا وصنعوا
كانوا مداس ليك ولولادك واحلافك
ويا مصر يا مصر آن العليل رجعتله انفاسه
وباس جبين للوطن ما للوطن داسه
من قبل موته بيوم صحوه اولاده
ان كان سبب علته محبته لناسه
الثورة فيضان قديم
محبوس مشافوش زول
الثورة لو جد متبانش في كلام او قول
تحلب وتعجن في سرية تفور في القلب وتنغزل فتلة فتلة في ضمير النول
متخافش علي مصر يابا مصر محروسة حتي من التهمة دي اللي فينا مدسوسة
ولو انت ابوها بصحيح وخايف عليها اي تركتها ليه بدن بتنخره السوسة
وبيسرقوكي يا الوطن قدامنا عيني عينك
ينده بقوة الوطن ويقلي قوم
فينك ضحكت علينا الكتب بعدت بينا عنك
لولا ولادنا اللي قاموا يسددوا دينك
لكن خلاص يا وطن
صحيت جموع الخلق قبضوا علي الشمس بايديهم
وقالوا لا من المستحيل يفرطوا عقد الوطن تاني
و الكدب تاني محال يلبس قناع الحق
بكل حب الحياة خوط في دم اخوك
قول انت مين للي باعوا حلمنا وباعوك واهانوك
وذلوك ولعبوا قمار باحلامك
نيران هتافك تحرر صحبك الممسوك
يرجعلها صوتها مصر تعود ملامحها تاخد مكانها القديم
والكون يصالحها عشرات السنين تسكونوا بالكدب في عروقنا
والدنيا متقدمة ومصر مطرحها
كتبتوا اول سطور في صفحة ثورة
وهما علما و خبرة مداورة ومناورة
وقعتوا فرعون هرب من قلب تمثاله
لكن جيوشه مازالوا بيحلموا ببكرة
صباح حقيقي ودرس جديد اوي في الرفض
اتاري للشمس صوت واتاري للارض نبض
تاني معاكم رجعنا نحب كلمة مصر
تاني معاكم رجعنا نحب ضحكة بعض
مين كان يقول ابننا يطلع من النفق
دي صرخة ولا غني ودة دم ولا شفق
اتاريها حاجة بسيطة الثورة يا اخوانا
مين اللي شافها كدة مين اول اللي بدأ
مش دول شاببنا اللي قالوا كرهوا اوطانهم
ولبسنا توب الحداد وبعدنا اوي عنهم
هما اللي قاموا النهاردة يشعلوا الثورة
ويصنفوا الخلق مين عنهم ومين خانهم
يادي الميدان اللي حضن الذكري وسهرها
يادي الميدان اللي فتن الخلق وسحرها
يادي الميدان اللي غاب اسمه كتير عنه وصبرها
ما بين عباد عاشقة و عباد كارهة
شباب كان الميدان اهله وعنوانه
ولا في الميدان نسكافيه ولا كابتشينو
خدوده عرفوا جمال النوم علي الأسفلت
والموت عارفهم اوي وهما عارفينه
لا الظلم هين يا ناس ولا الشباب قاصر
مهما حاصرتوا الميدان عمروا ما يتحاصر
فكرتني يا الميدان بزمان وسحر زمان
فكرتني بأغلي ايام في زمن ناصر
شايل حياتك علي كفك صغير السن
ليل بعد يوم المعاناة وانت مش بتأن
جمل المحامل وانت غاضض
بتعجب امتي عرفت النضال
اسمحلي حاجة تجن
اتاريك جميل يا وطن مازلت و هتبقي
زال الضباب وانفجرت باعلي صوت
لا حركتنا نبتسم ودفعت انت الحساب
وبنبتسم بس بسمة طالعة بمشقة
فينك يا صبح الكرامة لما البشر هانوا
وأهل مصر الأصيلة اتخانوا واتهانوا
بنشتري العزة تاني والتمن غالي
فتح الوطن للجميع قلبوا و احضانوا
الثورة غيض الامل وغنوة الثوار
الليل اذا خانه لونه يتقلب لنهار
ضج الضجيج بالندا اصحي يا فجر الناس
فينك يا صوت الغلابة وضحكة الانفار
وأحنا وراهم أساتذة خايبة
تتعلم ازاي نحب الوطن وامتي نتكلم
لما طال الصدي قلبنا ويأسنا من فتحه
قلب الوطن قبلكم كان خاوي ومضلم
أولنا في لسة الجولة ورا جولة
دة سوس بينخر يا ابويا في جسد دولة
ايوة الملك صار كتابة انما ابدا
لو غفلت عينا لحظة يقلبوا العملة
لكن خوفي مازال جوة الفؤاد يكبش
الخوف اللي ساكن شقوق القلب ومعشش
واللي مش راح يسيبه ولسة هيبقوا
وهيلاقولهم سكك وببان ما تتردش
وحاسبوا اوي من الديابة اللي في وسطيكم
وحاسبوا اوي من الديابة اللي في وسطيكم
والا تبقي الخيانة منك وفيكم
الضحك علي البق بس الرك علي النيات
فيهم عدوين اشد من اللي حواليكم

أن الأوان ترحلي يا دولة العواجيز

من كل جهات المدن الخرسا
الوف شبان
زاحفين يسألوا عن موت الفجر
استنوا الفجر ورا الفجر
ان القتل يكف
ان القبضه تخف
ولذلك خرجوا يطالبوا
بالقبض على القبضه
وتقديم الكف
الدم
قلب الميدان وعدل
وكأنه دن نحاس مصهور
انا عندى فكرة عن المدن
اللى يكرهها النور
والقبر اللى يبات مش مسرور
وعندى فكرة عن العار
وميلاد النار
والسجن فى قلبى مش على رسمه سور
قلت له لأ يا بيه
انا اسف
بلدى بربيع وصباح
ولسه فى صوتى هديل الينابيع
لسه فى قلبى صهيل المصباح
لسه العالم حي رايح جي
بيفرق بين الدكنه وبين الضى
بلدى مهما تتضيع مش حتضيع
ما ضايع الا ميدان وسيع
يساع خيول الجميع
يقدم المقدام
ويفرسن الفارس
ويترك الشجاعه للشجيع
ولا باعرف ابكى صحابى غير فى الليل
انا اللى واخد على القمر
ومكلمه اطنان من الشهور
وعلى النظر من خلف كوة فى سور
واللى قتلنى ما ظهر له دليل
وفى ليله التشييع
كان القمر غافل.. مجاش
والنجم كان حافل
لا بطل الرقصه ولا الارتعاش
لما بلغنى الخبر
اتزحم الباب
وجونى الاحباب
ده يغسل.. ده يكفن.. ده يعجن كف تراب
وانا كنت موصى لا تحملنى الا كتوف اخوان
اكلوا على خوان
وما بينهمش خيانه ولا خوان
والا نعشى ما حينفدش من الباب
ما اجمل نومه على كتوف اصحابك
تنظر صادقك من كدابك
تبحث عن صاحب انبل وش
فى الزمن الغش
والرؤيه قصادى اتسعت
بصيت واحسب نفسى بين خلان
تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر
ونمنا سنوات مدهشه
نحلب ليالى حلمنا المنتظر
وامتلات الاسواق بالمواكب
تبيع صديد الوهم والمراكب
وفارشه بالوطن على الرصيف
بالفكر والجياع والكواكب ومذله الرغيف
شويه فات سقراط
مسلسلينه من القدم للباط
ومتهم باليأس والاحباط
وبالعدم وبالزنا وباللواط
وبكل كافه التهم
وهو عابر للجحيم على الصراط
ينظر على الشعب التعيس ويبتسم
الى الجحيم للفلسفه
دنيا لا كانت يوم
ولا حتكون فى يوم كويسه
دنيا فى هيأة خنفسة
دنيا فسه
ما اتعس الانسان
ما اسعد الحيوان
وعبر
وصف من الزوانى وراه
متلطخين بالبودرة والمعاجين
حاصرين غطاوى الروس
بطونهم عريانين
بيغنوا طوبى لضحكه المساجين
وعيال عرايا
تفيض بها الطرقات
من القرى ومن المقاطعات
اطفال فى لون الجوع
صوت النفس مسموع
اطفال شبه وضلوع
اما انا
فاتسعت الرؤيا
وبصيت للمسا وللحياه المتعسه
وللنسايم المنعسه
وقلت ورا سقراط
دنيا فى هيئه خنفسه
ما اتعس الانسان
ما اسعد الحيوان
قبل مرورى على بعض مكان
كنت موصى يمه افوت
هجمت من الحارة مجموعه نسوان
رقعوا بالصوت
قالوا يا عبد الرحمن
وقدرت تموت!!
وتفوت اللحم العارى المتهان
فى المدن اللى معداش منها ريحه انسان!!
انا مت
ومش منظور لى جواب
متحصن بكتوف الاصحاب
ولذلك فت
عند التربه
قعد الشيخ اوصانى
وادانى كتابى بيمانى
قال لى لو جولك ملكان
قول انا عبد الله مش عبد الرحمن
ودعا لى فى لحظه ما يقوم للعدل ميزان
ينوبنى شىء من العفو وبعض الغفران
وفى لحظه ما انا متزحلق
فى قماشى الابيض
من جوف القبر
اتقدم ضابط واتعرض
قبض على الجثه
وطلب الاوراق
مزع الاكفان
عدل الوش
ووقف وركلنى
وقالى بلؤم شديد
حتى فى الموت بتغش
شيلوه
ولقيت نفسى والعربيه داخله القلعه
كانت الدنيا ضجيج والشمس نيران والعه
قوم يا انسان
انا قلت
انا عبد الله مش عبد الرحمن
زى ما الشيخ اوصانى
قالى عندى اوراق تثبت انك مش مرتاح
امرك فاح
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان؟
بتدارى ايه؟
ايه باقى تانى علشان تبقى عليه؟
وطنك؟
متباع
سرك؟
متذاع
الدنيا حويطه وانت بتاع
ويهين المعنى الضابط
ويدوس بالجزمه على الحلم
ربنا رازقه بجهل غانيه عن كل العلم
ماذا تعنى بالكون يا يساعك يا يسعنى؟؟
رد يا جربان يا ابن الوسخة ياكلب
اظنك حتقولى تانى الشعب
وصفعنى وتنى على بطنى بالكعب
يا سعادة البيه وانا ايه؟ او ليا فى العمال ايه؟
ما تضيع الدنيا والعمال دى تغور
يا صاحب هذا المبنى الموروث
ضل جدودك فى الجدران مغروس
انت السلطان وانا المملوك
انت السجان وانا المهلوك
انت المنصور وانا المسفوك
انا الصعلوك وامتى الصعلوك
يقدر يتجاسر على السلطان
اللى فى ايده بدل البرهان مليون برهان
رفع الهد
ماهو برضه دول يفهموا فى الكدب
اول ما اتلفت جه غارس الجزمه فى قورتى
وجيت اقعد بركنى على الاسفلت
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان؟
ما لقتش الراحه فى الموت
يمكن تلاقيها ورا القضبان
اطلعت على الشبابيك وعلى القضبان
على الموقف
على السجن وعلى السجان
ولقيتنى طول عمرى كنت كده
كلب.. محاصر.. متهان.. منبوذ.. جربان
وانا يا ابنى الحلم اللى ما لهش اوان
معروف عشى فى قلب البستان
معروف صوتى فى زمن الاحزان
وفى أي زمان
واتذكرت سنه ما اتبنت القلعه
وكنت انا اول مسجون
وكان الضابط ده اول سجان
يوم ما ركلنى نفس الركله
يوم ما صفعنى نفس الصفعه
نفس طريقه الركل
وآخر الليل جانى بدم صحابى فى الاكل
استأذنت ارتب اقوالى
قفل الباب
واتفتح الباب
وخلاص
يا عم الضابط انت كداب
واللى باعتك كداب
مش بالذل حاشوفكم غير
ولا استرجى منكم خير
انتم كلاب الحاكم
واحنا الطير
انتم التوجيه واحنا السيل
انتم لصوص القوت
واحنا بنبنى بيوت
احنا الصوت ساعه ما تحبوا الدنيا سكوت
احنا شعبين.. شعبين.. شعبين
شوف الاول فين؟؟
والتانى فين؟؟
وآدى الخط ما بين الاتنين بيفوت
انتم بعتم الارض بفاسها.. بناسها
فى ميدان الدنيا فكيتوا لباسها
بانت وش وضهر
بطن وصدر
والريحه سبقت طلعه انفاسها
واحنا ولاد الكلب الشعب
احنا بتوع الاجمل وطريقه الصعب
والضرب ببوز الجزمه وبسن الكعب
والموت فى الحرب
لكن انتم خلقكم سيد الملك
جاهزين للملك
ايديكم نعمت من طول ما بتفتل ليالينا الحلك
احنا الهلك وانت الترك
سواها بحكمته صاحب الملك
انا المطحون المسجون
اللى تاريخى مركون
وانت قلاوون وابن طولون ونابليون
الزنزانه دى مبنيه قبل الكون
قبل الظلم ما يكسب جولات اللون
يا عم الضابط
احبسنى
سففنى الحنضل واتعسنى
رأينا خلف خلاف
احبسنى او اطلقنى وادهسنى
رأينا خلف خلاف
واذا كنت لوحدى دلوقت
بكره مع الوقت
حتزور الزنزانه دى اجيال
واكيد فيه جيل
اوصافه غير نفس الاوصاف
ان شاف يوعى
وان وعى ما يخاف
انتم الخونه لو يصدق ظنى
خد مفاتيح سجنك واترك لى وطنى
وطنى غير وطنك
ومشى
قلت لنفسى
ما خدمك الا من سجنك

عبد الرحمن الابنودى الاحزان العاديه

ليه يا مصرى دمك بقى رخيص ؟ بقى مبيسواش اكتر من ضغطه زناد-او لمعه سلاح
بقى ميسواش اكتر من التراب
لانك يا مصرى ببساطه ملكش تمن
عشان الانسان هوه اللى بيحدد تمنه -و طول مانت بتطاطى متسالش الظالم ليه بيظلمك
ببساطه ... تمنك رخيص اوى

ليه كل اما اقول-اى كلمه حق-يبقى دمى رخيص فى بلادى
دمى يسيل على الارض-عشان احمى العرض-تنهيلى حياتى فى غمضه عين
تقتلنى ليه؟ تاخد عمرى؟؟
دمك لونه ايه؟ زى دمى؟؟
كان نفسى اعيش جوه بلدى .... من غير ما احس انى مسجون فيه

عمرك سالت نفسك انت دمك يسوى ايه؟
كانت الاجابه فى بلدى دمى مبيسواش جنيه
ثمن الرصاصه فى مسدس و صباعه على الزناد
قنبله يدويه يا بتقتل يا تسبب العاهات
ازاى يا بلدى اقدر اضحى بروحى عشانك ؟
ازاى و اللى بيقتلنى هو واحد من عيالك؟
بكل سهوله دمى يجرى فوق ترابك
كل ثوارك
بيموتو .... من غير مايخشوو معارك
كام واحد من اخواتى ركبو فيكى قطر الموت
كام واحد مات الناس صرخت فيكى باعلى صوت؟
لكن الاهمال كان تمنه اطفال تتحط فى تابوت
بعد الوعود الروح ترجع لرب الوجود
اايوه فكرى غيرفكرك بس ليه نبقى اعداء؟
ماسكين سلاح فى ايدينا فى الاخر بنقول شهداء
يارب ارحم موتانا مافيش فى ايدينا غير دعاء
الرب يارب . نجى الاحياء من تحت الارض


ليه كل اما اقول-اى كلمه حق-يبقى دمى رخيص فى بلادى
دمى يسيل على الارض-عشان احمى العرض-تنهيلى حياتى فى غمضه عين
تقتلنى ليه؟ تاخد عمرى؟؟
دمك لونه ايه؟ زى دمى؟؟
كان نفسى اعيش جوه بلدى .... من غير ما احس انى مسجون فيه


ميت - ياشعب مصر انت ميت
طول ما الشر مابينى و بينك فى طار مبيت
بقى اختلافنا مين معارض مين ماييد
بقى كل اللى يعارض - كل اللى يأيد يبقى سيد
ميت
تروح تتعلم تبقى ميت
تركب القطر تروح الماتش تبقى ميت
ترفع الصوت ترفع الراس حتبقى ميت
طب و اللمسؤال عن كل ده فين؟ فى نظرنا ميت
على كل اللى فات اقف يا مصرى دقيقه حداد
اصل اللى فات تمنه يالموت يا اما السكات
اصل اللى مات روحه رجعت لرب العباد
ورب العباد دايما واقف ليهم بالمرصاد
واضح ان المقصود كان بس مجدر نهر الدم
بقى نهر الدم مابينانهردم مايتلم
يرجع يقول دى مؤامره علينا من ولاد العم
ورا الستاره مستخبى بيحضر فى اللغم


ليه كل اما اقول-اى كلمه حق-يبقى دمى رخيص فى بلادى
دمى يسيل على الارض-عشان احمى العرض-تنهيلى حياتى فى غمضه عين
تقتلنى ليه؟ تاخد عمرى؟؟
دمك لونه ايه؟ زى دمى؟؟
كان نفسى اعيش جوه بلدى .... من غير ما احس انى مسجون فيه


طول ما الدم رخيص يسقط اى رئيس
الحريه مش شخص لماتقتله الصوت حيتكتم
الحريه فكره لو قتلت واحد حيطلع بداله مليون واحد
و مهما حاولت تسجن الافكار مش حتقدر على صوت الغضب
مهما حاولت تقتل الاشخاص مهما حاولت تبنى ميليشيات
غضب الشعوب اقوى من اى ديكتاتور
اهداء لاخوتنا المناضلين فى سوريا الابيه
اللى كل شعب مظلوم فى وطنه
الفرج قريب
ارفع ايدك لرب العالمين الجبار
و جاهد فى سبيل حريتك
لان اللى معندوش فكره يموت عشانها
ميستاهلش انه يعيش !!!!


ليه كل اما اقول-اى كلمه حق-يبقى دمى رخيص فى بلادى
دمى يسيل على الارض-عشان احمى العرض-تنهيلى حياتى فى غمضه عين
تقتلنى ليه؟ تاخد عمرى؟؟
دمك لونه ايه؟ زى دمى؟؟
كان نفسى اعيش جوه بلدى .... من غير ما احس انى مسجون فيه

راب دم  رخيص - RaB Dm R5eeS

هتعرف قيمتى انا بعدين وتتندم عليا سنين
هسيبك تمشي بس خلاص حبيبي ان رحنا مش راجعين
هتعرف قيمتى انا بعدين وتتندم عليا سنين
هسيبك تمشي بس خلاص حبيبى ان رحنا مش راجعين

هنتقابل مع الايام ووريني وصلت لفين
عشان مظلوم فهنسى أوام فراق بفراق احن لمين
لقيتك حد اي كلام وحقي هياخده ناس تانيين
هنتقابل مع الايام وورينى وصلت لفين
عشان مظلوم فهنسي أوام فراق بفراق احن لمين
لقيتك حد اى كلام وحقي هياخده ناس تانيين

هتعرف قيمتى بكره تقول ياريتنى فضلت ليه علي طول
مقصرتش في حاجه معاك ولو غلطان واجهني وقول
هنتقابل مع الايام وورينى وصلت لفين
عشان مظلوم فهنسي أوام فراق بفراق احن لمين
لقيتك حد اى كلام وحقى هياخده ناس تانيين

سامو زين - هتعرف

انت تموت.. الدمّ مابِيمُوتْش
تُسكُت.. لكن الدمّ مابْيُسْكُتْش
دمَّك على ولاد الحرام بيهون
دمَّك على قلب الوطن.. مايْهونْش!!.
■ ■ ■
لُغَةِ الرايات ألغاز.. بِتِتْحاوِر
صورْة اللّى سَـبَّق قبل ما يْشاور
شايلها تحت عيون مَلَكِ الموت
اللى لحدّ الْوقت.. بِيْناور!!.
■ ■ ■
يِعلا الهتاف.. تتِعلا الكراهِيَّة
ومصر هيّه والاّ مش هِيه؟..
ملايْكه فى أسلاك حديد شايكة
ع الدم عُمْت كإنى على مَيَّه!!.
■ ■ ■
للدمّ تار طال الزمن قَصَّـر
الدمّ خلَّى الدنيا تِتْمَصَّـر..
رافعين ميزان الحق فى الساحة
واللى سَرَقْنا.. لسّه بِيخَنْصرْ!!.
■ ■ ■
ياللّى اشتريت بالدم ضحكة مصر
كلُّه فروعَك وانت أصْل الأصل
فَلِيه بنعلا وْنِوْطى وسط الريح
وكإننا خايفين لا ييجى النصر؟..
■ ■ ■
وكل ما يقرّب «أوان الورد»
إحنا بِنِشْبَطْ تانى فى رقاب بعض
وكإننا مالناش صباح واحد
ولاكِنَّنَا نابتين فى نفس الأرض!؟.
■ ■ ■
شارع عيون الثورة لسّه هناك
لسه اللى قاتلينك بيمشوا وراك
واللّى محيَّر رُقْعِة الشَّطرنْج
اللعبة جوْلة معاه وجوْلة معاك!!
■ ■ ■
جاىّ الرصاص من فوق وجاى من تحت
ثابِت قُصادُه لا راح ولا رَوَّحْت
تُقع شهيد وتقف مع الشهدا
عيون بتتدحرج على الأسفلت!!.
■ ■ ■
يومها الرصاص اصطادكوا جُوز مع فَرْد
ومصر دالـْ اليوم خَدِتْها بجدّ
كإنها البحر اللى رايح جاىّ
تعلِّمه من تانى جَزر ومدّ!!
■ ■ ■
عالية الرايات يا مْزَيِّفِين عَلَمِى
يالّلى تاجِرْتُوا فى دمّى وفى ألمى
ياللى طفيتوا الشمس فى عيونى
وِوَاصِلْتُوا سِكِّتْكُم على قدمى!!
■ ■ ■
يادى الحصار.. أعداء فى كل مكان
بِيعُصروا قلبى.. كمان وكمان
بيعصُـروا قلبى وِبِيْصَفُّوا..
آخر نُقَطْ فى محبِّة الأوطان!!
■ ■ ■
طِير مهما تاه.. عارف طريق بيتُه
الثورة مِلْكى.. رُحتوا أو جيتوا
شيلوا العيون إيه العيون والفجر
من غير عيونى زارنى ورأيته!؟
■ ■ ■
الحُرَّة.. برَّه.. رمت غطاوى النوم
والثورة دايرة لحدّ آخر يوم
بُصُّـوا ف قلوب أولادها يا عميان
تلقوا الوطن على القلوب مرسوم!!.
■ ■ ■
النيل يفيض دوْرة ورا دَوْره
وحتنتهى.. يا كارِه الثورة
إن كنت ناوى تعيش ضلام الأمس
إحنا بقى الشهدا.. بتوع بُكره!!
■ ■ ■
ويا مصر مِدّى خُطاكى لا تْهدِّى
ويْكعبِلوكِى.. إنهضى وْمِدِّى
بيخلطُوا الأوراق ولا نِهْتَم
حتى فى ضَعْفِك واقفة تتحدِّى!!
■ ■ ■
يا بكرة نوَّر واحيى أعراسها
لسه الغلابة.. بِتنتِظر ناسها
كاتمة أنينها.. كرامَة للثورة
والعُسْر.. مادِدْ ضلُّه بمقاسها!!
■ ■ ■
والغنوة دايرة والفَرح حافِل
و«شارع الحريّة» مِش قافل
لسه الدِّما مزوَّقَة الأسفلت
يا غفلانين.. الدمّ مِش غافِل!!

عبد الرحمن الأبنودي   قصيدة

وبعدين يا بلد
آخرة ده كله إيه ؟!!

خلاص اليأس اتولد
ومش عارفين بكره فيه ايه !

شايفين العيب والغلط
ومبنسألش حتي ليه
وكل واحد بيقول
هو يعني بإيدي إيه ؟

ودايماً ...
ساكتين ساكتين
ومكملين
بنوطي راسنا
عاملين مش شايفين

ماشيين في حالنا جمب الحيط
أهم حاجه نروح البيت
واليوم يعدي علي خير
وبكره لينا رب كبير

حاجات كتيره بقت عادي
والأمل بطل ينادي
حاجات كتيره مبقتش عادي
خلاص نسينا إحنا مين ...

ودايماً ...
ساكتين ساكتين
ومكملين
بنوطي راسنا
عاملين مش شايفين

بطلنا نتكلم
بطلنا نتضايق
بطلنا نتألم
وحالنا مش فارق

لكن ساعات بنحس
وبنسي في دقايق
ونرجع تاني ..


ودايماً ...
ساكتين ساكتين
ومكملين
بنوطي راسنا
عاملين مش شايفين

سـاكـتين كـاريوكـي

(داليا)

الضحكة عملة نادرة جرب تشوف نتاجها

نعمة ربك مديهالك فرصة و مدفوع حسابها

زى مافى فى الحزن دمعة فى فى الفرح دمعة

بس الضحكة احلى اضحك يمكن تدوم

اضحك فى وش الناس من غير ماتكش

ده عمر الضحكة احلى عمر الشمس مابتغبش

مشروع اضحك فى وش الناس بكل احساس اكيد يقش

 

(عفريت)

رسمتها عالوشوش تخلى الوش بشوش

مش مغشوش مش مفروش بوش متكون من السوس

دمعتها على الخد زى ندى الورد

تدوى حرق تملى فرق بين زمن بمرور ملموس

تتساوى الروس لما النكتة تتقال قدامهم

مش هاممهم مين اللى قال المهم ضحك يجمعهم

مافيش مابينهم عامل مشترك لا

غير ان النكتة بتضحكهم خالية من المعاناة فده

سر السعادة فى استئصالك للكآبة

تكون فى طبقة هانى و بتدى حق الغلابة

اهلا بكم يا سادة ارجو انتباه الحضور

لقد قدمت من اورانوس عن طريق خرم الاوزون

مش بتنفس اكسجين انا بتنفس اكسيد كربون

و اللى مطلوب تكون فاعل ماتكونش للكون انت المفعول

فانت لما تضحك بتكسب مش بتخسر

اسمع منى و المعلومة ليك يا زبون

 

(داليا)

الضحكة عملة نادرة جرب تشوف نتاجها

نعمة ربك مديهالك فرصة و مدفوع حسابها

زى مافى فى الحزن دمعة فى فى الفرح دمعة

بس الضحكة احلى اضحك يمكن تدوم

اضحك فى وش الناس من غير ماتكش

ده عمر الضحكة احلى عمر الشمس مابتغبش

مشروع اضحك فى وش الناس بكل احساس اكيد يقش

 

(مزاجنجى)

يا عم اضحك والنبى قولى خدت ايه مالزعل

ضحكة بسيطة فى اى وقت ممكن تديك امل

امل ان بكرة احسن طول مالمزاج مظبوط

ارضى ربك ارضى اهلك و انت تنام مبسوط

ده الضحكة بتطلع تلقائية فى السلام تملى

على وش بياع غلبان و هو بيقولك خلى

على وش ست عجوزة متعرفهاش بس بتدعيلك

على وش الحاج الوالد لما تغلط و يعديلك

على وش سواق تاكسى عمال عليك بيقلش

على وش صاحبك اللى ياما زعلته و مش بيقفش

على وش حبيبتك لما تشوفها تشوف سعادة فى عينها

على وشك انت و انت ماشى ماسك ايدها

فاوعى تخاف مالابتسامة اوعى تكون جبان

ماتبصش على نص الكباية الفاضى بص عالمليان

هتلاقى اسباب و نعم من ربك هتخليك سعيد

ماتكونش عنيد هتلاقى كل يوم فى حياتك عيد

 

(داليا)

الضحكة عملة نادرة جرب تشوف نتاجها

نعمة ربك مديهالك فرصة و مدفوع حسابها

زى مافى فى الحزن دمعة فى فى الفرح دمعة

بس الضحكة احلى اضحك يمكن تدوم

اضحك فى وش الناس من غير ماتكش

ده عمر الضحكة احلى عمر الشمس مابتغبش

مشروع اضحك فى وش الناس بكل احساس اكيد يقش

 

(على لوكا)

مابعرفش اكشر فى الناس

و بحب اهزر و لو محتاس

ماهو الضحك يطول عمرى ينور وشى يخليه

نشيط زى الربيع بالورود اللى فيه

هضحك لو نازل كده متأخر لسه ببدأ يومى

و لقيت سواق التاكسى عدى فى مايه جت فى هدومى

و بكل ذوق يقولى لامؤاخذة يبنى ماكنشش قصدى

هبص فى وشه و اضحك جربت تضحك

فى كل وقت تفرح مهما كانت ايه مشكلتك

افرح انك انت لسه عايش فيك الروح عالارض دايس

بكره جاى برضو جايز 

جايب شئ ضئيل صغير اكتر ماللى كنت عايز

مشروع هيب هوب - الضحكة عمله نادره

لمـّـا تكون شغـّــال بزمـّـــــــــة ..... خايف على مصلحة الأمـــــــــــة
شغلك يطلع من غير لازمـــة ..... علشان مابيعـلاش غيـر واطــى
طاطي راسك طاطي طاطي ..... إنت في وطن ديموقراطــــــــــي
--------------------------------------------------------------------
ولمـّـا شقاك يصبح مش ليـــــك ..... فقـرك سـد السكــة عليـــــك
تتلفــــــت تلقــــى حواليــــــك ..... إمــّــا حرامــــــى أو متعاطــى
طاطي راسك طاطي طاطي ..... إنت في وطن ديموقراطــــــــــي
--------------------------------------------------------------------
ولمـّـا الجهلـــة يبقوا أمامـــــــــك .....﻿ أو فوقك ماسكين فى زمامك
ويسوقــــك عالهلكــة إمامـــــــك .... تشـرب مــ السّـم السقراطى
طاطي راسك طاطي طاطي ..... إنت في وطن ديموقراطــــــــــي
--------------------------------------------------------------------
ولمـّـا الكلمــة تكون بتدينـــــك .... لمـّــا تخبـــى فـى قلبــك دينــك
لمـّـا الذل اشوفوا فى عينــــك ..... هـات إحبـاطـك على إحبـاطـــى
طاطي راسك طاطي طاطي ..... إنت في وطن ديموقراطــــــــــي
--------------------------------------------------------------------
ولمـّـا حاميــها يكــون حراميـــها ..... وبــلاده ورا ضهــــــره راميــــها
طالــــع نــــازل واكــــل فيهــــــــا ..... مسنود بالبدلـه الظبـّـاطــــــى
طاطي راسك طاطي طاطي ..... إنت في وطن ديموقراطــــــــــي

Ramy Essam - Taty Taty | رامى عصام - طاطى طاطى

عالم نفسى فيه نفسى الناس تفكر فيه عايز اشوف فخر ف عينيك لما تقول دى بلدى

نفسى ف عالم فى حلول مش عالم فى رأى مفروض عالم فى عداله مبينا أخوات مفيش مبينهم فروق

حقيقه مش خيال نفسى ف عالم فى سلام انا مش عايز الكمال انا عايز عالم اكيد موجود

 

انا شايف ناس من السعاده حابه حياتها شايف جرنال صفحة الحوادث فاضيه

شايف امل شايف اخوة شايف من بره بس نفسى ادخل جوه

شايف اطفال بتضحك مش اطفال بتموت

شايف الشرف و الاصول اغلى من البنكنوت

شايف السلام و مش شايف الحرب شايف الميدان بيهتف و مش شايف الضرب

انا شايف احلامى بتتحقق واحد ورا واحد

انا كبشرى مش مصدق كده ف الاصل

شايف الدين لله و الوطن للجميع

شايف الحياه من غير الكذب و من غير تلميع

شايف الفن فن شايف العلم علم شايف تلاميذ ف المدرسه تدرس مش محتاجه درس

انا شايف عالم موازى عالم ف خيالى بس

 لو اتحقق مش هتلاقى بينو وبينك فرق

 

عالم نفسى فيه نفسى الناس تفكر فيه عايز اشوف فخر ف عينيك لما تقول دى بلدى

نفسى ف عالم فى حلول مش عالم فى رأى مفروض عالم فى عداله مبينا أخوات مفيش مبينهم فروق

حقيقه مش خيال نفسى ف عالم فى سلام انا مش عايز الكمال انا عايز عالم اكيد موجود

 

إتولدت إتربيت إتعلمت دخلت الجامعه و منها بسرعه أنا إتخرجت

فشتغلت و قرش على القرش بيهم نفسى أنا كونت

فتقدمت لحب عمرى إللى ياما بيها حلمت

إتجوزت و خلفت يا رب بشكر فضلك أجمل ولد وبنت

أحلى دنيا فيها عشت ولا مطب أنا قابلت

إوعى تكون صدقت سرحت أنا إتخيلت

إتخيلت عالم عشت عمرى نفسى فيه

إتخيلت نفسى الشخص إللى ياما حلمت بيه

إتخيلت الدنيا وردى تخيل إن انا مبسوط فى بلدى

بلد الأمن و الأمان لأ كمان بره بلدى مش بتهان

جوه بلدى مش بنفرق بين إنسان و إنسان

عالم الطيبه فى مش عيبه فى إحساس

فيه الناس زى ما هما لسه ناس

 

عالم نفسى فيه نفسى الناس تفكر فيه عايز اشوف فخر ف عينيك لما تقول دى بلدى

نفسى ف عالم فى حلول مش عالم فى رأى مفروض عالم فى عداله مبينا أخوات مفيش مبينهم فروق

حقيقه مش خيال نفسى ف عالم فى سلام انا مش عايز الكمال انا عايز عالم اكيد موجود

 

لأ مش خيال علمى يمكن ده حلمك و حلمى  يمكن ده عالم ف زهنى

عالم موازى مظبوط ب الملى على مقاسى

مليش هناك اعداء كل اللى فيه حبايبى و ناسى

عالم ايجابى مفيش حاجه سلبيه

مفيش متأسلمين مفيش متحرشين ولا بلطجيه

مفيش ولا ظابط واحد فاسد ف الداخليه

فى عيش حريه عداله اجتماعيه

وفى اى حلم تلاقيه قبل لما تفكر فيه

كلمه فقر ملهاش معنى كل واحد عنده اللى يكفيه

والضحكه موجوده ف كل مكان مش عمله نادره

 على وش كل الناس أكتر حاجه منتشره

قد ايه عالم جميل لو مكنش خيال

طب مين إللى قال أنه بعيد أو صعب المنال

بأيدينا يكون عالمنا لو غيرنا ف أعمالنا

وبدأنا بنفسنا هيكون عالم موجود قدامنا

Hip Hop Project - 3alam Mowazy  مشروع هيب هوب - عالم موازى

الدمعه صعبه بس بردو الضحكه اصعب وانا لما بضحك صدقوني بجد بتعب ويدوب ثواني وترجع الأحزان تاخدني طبع الحياه دة ولا انا اللي شربت مقلب
انا كل ما اتقدم لخطوه ارجعها ميهو الحزن زي قميص بيتفصل عليه وان يوم وقفت قصاد مرايه ابص فيها بلقي واحد فيها بيعيط عليه متعلقين بخيوط كثير في الدنيا ديه والدنيا بتحركنا في كل اتجاه عايشين في فيلم كبير ومن تألفها هيا وهو ده دورها مش أكثر في الحياه
سهله الحياه وبجد ده اصعب ما فيها وانا من غبائي كنت انا مفكرها لعبه واللي مخدتش بالي ولا فكرت فيها ان السهوله في حد ذاتها بجد صعبه
مليوالدمعه صعبه بس بردو الضحكه اصعب وانا لما بضحك صدقوني بجد بتعب ويدوب ثواني وترجع الأحزان تاخدني طبع الحياه دة ولا انا اللي شربت مقلب
انا كل ما اتقدم لخطوه ارجعها ميهو الحزن زي قميص بيتفصل عليه وان يوم وقفت قصاد مرايه ابص فيها بلقي واحد فيها بيعيط عليه متعلقين بخيوط كثير في الدنيا ديه والدنيا بتحركنا في كل اتجاه عايشين في فيلم كبير ومن تألفها هيا وهو ده دورها مش أكثر في الحياه
سهله الحياه وبجد ده اصعب ما فيها وانا من غبائي كنت انا مفكرها لعبه واللي مخدتش بالي ولا فكرت فيها ان الالدمعه صعبه بس بردو الضحكه اصعب وانا لما بضحك صدقوني بجد بتعب ويدوب ثواني وترجع الأحزان تاخدني طبع الحياه دة ولا انا اللي شربت مقلب
انا كل ما اتقدم لخطوه ارجعها ميهو الحزن زي قميص بيتفصل عليه وان يوم وقفت قصاد مرايه ابص فيها بلقي واحد فيها بيعيط عليه متعلقين بخيوط كثير في الدنيا ديه والدنيا بتحركنا في كل اتجاه عايشين في فيلم كبير ومن تألفها هيا وهو ده دورها مش أكثر في الحياه
سهله الحياه وبجد ده اصعب ما فيها وانا من غبائي كنت انا مفكرها لعبه واللي مخدتش بالي ولا فكرت فيها ان السهوله في حد ذاتها بجد صعبه
مليون طريق قدامي وانا واقف مكاني مش عارف انا فين سكيتي ولا عارف ارسي بس اللي عارفه مراكب الأحزان يوماتي هي اللي دايما تيجي وسط جراحي ترسي
انا قلبي شجره دمعتي تطرح كل ثانيه ولا يوم بتدبل حتي في عز الخريف اسف صحيح المسأله مش عايزه كيميا من امتي يا دنيا بتقفي مع الضعيف عايم علي مركب والموجه عاليه واليل طويل حتي ولا باين نهار وكأني انا في الدنيا ديه حيطه مايله مكتوب عليها هو ده معني المرار
انا ايه عملتو في دنيتي علشان ده كلو ذنبي هفضل فيه يا دنيا لأمتي ادفع وأن يوم وشوفتك تضحكي بيكون عليا والاقيكي حطاني يا دنيا في وش مدفع

الدمعه صعبه

معاك فلوس احلم وعيش متخفش ممعكش لم الدور واداره و متحلمش و هيه دي الفيده علشان بقا متتعبش

موال معاك فلوس

ان انت اكرمت اللئيم تمردا وربيت الخسيس حتى تجبرت
وعاشرت الندل وانت لا تعرفه انه سيأتي يوماً يبيعك فيه مقدماً
خلى بالك من اللى عمال تعلى فيه اصل اتقى شر من احسنت اليه
لو الديب قرب وملى متفكرش انة بيضحكلك طبعه الرضي غالب علية

اغنية احمد شيبه خلى عينك وسط راسك

معلق روحه عـ الشماعه جنب الباب ..
وسايب باب ماضيه المُر متوارب
كعبه اللى دار فـ الدنيا لف وداب ..
ساب للحياه الحبل عـ الغارب !
ساند على حيطة أمل مايله
ماسك فـ إيدى من زمان كلمة " ياريت "
معجون بمية صبّها العفاريت
مجنون انا عايش بلا ليلى
عقرب فـ ساعة حيطه لدغ الوقت
لا عرفت انا إمتى وفين ..
وإزاى انا إتعلقت
بس المهم الحبل كان دايب
بلعب فـ دور الكل فيه عواجيز
الدنيا كازينو كبير ملوهش عزيز
كوتشينه كل ورقها كان " شايب "

زهرة محمد حيطة امل

أيوا بقدر أبتسم للقهر لما يكش
و أقف في وش الدنيا بالفكرة
و بزق الضحكة بعيون بكرا
و ضعفي قادر يهزم الجبروت
و ايديا حالفين يرفعوا راية حياه قصاد الموت

أنا مش صدى صوت
ولا شيء مرفوض
ولا رسمة فـ وسط حدود بايشه
أنا روح حرة و صابره و عايشه
مش سايبه مكاني لحد ما اموت

أنا الضلع اللي حاضن قلب مش قابل يعيش مأسور
و انا الصوت اللي ساعة الحق يعلى و يكسر المحظور
أنا البسمة ورا القضبان
و عفة ترد عـ البُهتان
و شارة بإيد فـ قلب كلابش تقلق نومة السّجان

زهره مش سايبه مكاني

صباح نضيف يا معلمين ,صباح شريف .. سؤال خفيف الثورة فين ؟
الثورة فى جيوب العساكر ولا عزاء للكتيانين
الثورة قامت امتى طيب حد فاكر
يوم الثلاث !! طب حد فاكر اسم حد اتصاب ولسه عايش او حتى مات
طب حد عارف اد ايه اللى اتعموا .. طب حد فاكر اسم وحده من اللى ماتو من البنات
طب حد فاكر الغاز والعياط ؟ حد فاكر نومنا قدام المجمع على البلاط
حد فاكر اللى ماتو فى اللجان واللى ماتو فى الانفلات
حد فاكر اى حاجه من اللى فات .. حد عارف هما ودو الثورة فين الثورة فين ؟
لو سمحت الثورة فين .. الثورة وياك يابن عمى عندك يابويا عندك يامى معاك يا كابتن
كانت هنا مشفتهاش .. شبهنا ولابسه زينا ملمحتهاش
الثورة اهى ايوا صح الثورة اهى بس لابسه الميرى ليه
هى لابسه الميرى ليه قطعولها لبسها ولابسه الميرى ليه
هما العسكر خطفو الثورة ولا يكنش الثورة دى عورة ومخبيها الشيخ قبارى
ولا يكنش كمان الثورة تبع التجنيد الاجبارى
فى حد يأتمن العساكر طب يابنى ذاكر ما قلولنا ثورة وبرضو ركبوها العساكر
والعساكر لما مات العسكرى برضو ركبوها العساكر
والعساكر لما قتلو العسكرى وسط العساكر برضو ركبوها العساكر
واللى فاكر ثورة مصر قامت فانتهى حكم العساكر مش مذاكر
والعيب لآ على العساكر والا العيب على اللى يعبدوهم ولا العيب على اللى مغيبين
العيب عليكى ياثورة المؤدبين فمتساليش الثورة فين
الثورة فى إيدين اللى بيبيحو الدياثه وبيقولو دين
الثورة ناسها متمرمغين فى الطين الثورة
قاطفين وردها الثورة هاتكين عرضها
الثورة احنا معاها والعساكر ضددها
الثورة لو بتحبها رجعها من ايد الغجر والسفاحين
الثورة قام بيها الشباب الطيبين وحصد كراسيها اللى كانو منفضين ومانتخين
واللى ماشين بالجزم جوة روسنا من سنين اغبياء والغبا عند الناس هوايه وموهبه
حطو راسهم بين سنان العقربه وبالامانى بيحلمو وبالامل مستنين
متغييبن مش طيبين اه يابلد تدى الفرص لحورتجى
اه يابلد فيكى الشهيد بقى بلطجى
والسفيه عامل مناضل ثورجى والثورجى بيقولو عنه مستفيد واونطجى
وبيحكمك حبه عجايز عيانين جوبينى قولى الثورة فين
اه يابلد عاشقه اللى داسك ناسيه اللى كان بيموت ووطى على ارضك وباسك بتبعينا ؟
بتبعينا وتحضنى فى كلاب ياطيبه بيقتلونا ياطيبه دول اخرهم يبقو دواسه لمداسك
احنا حراسك ياطيبه احنا ناسك
ناسيه خالد ناسيه مينا ناسيه بسيونى وبنونه وسالى وحسين
اخييييه ياطيبه طب فاكرة مين يا طيبه قولى فاكرة مين
يعالم هوة ذنب انى بالحريه بحلم هوة ذنب لما ادافع عن كرامتى
ذنب انى اقول للى حاكم ارضنا مش هنقبل فينا تظلم
ذنب اقول للى هاتك عرضنا انت مجرمهى ناس بتموت وناس تحكم
هى ناس تتعمى وناس بالعمى تتحكم
وناس بالدم تتغطى وناس بالدم تتوضى
وناس للقبله بتصلى وناس للمجلسين تحرم
وناس بتموت عشان غيرها وناس كسلانه تترحم
يارب ياللى من العباد احكم .. احكم
يارب اخويا مات واخويا التانى بيقولى يكاافر ياللى مش مسلم
واختى عراها اليهود قصدى الجنود واخويا فى عرضها اتكلم
واخويا بيتعمى وبيشوف واخونا بيرتعش من الخوف
شايفنا وشايف الظالم لاكنه كفيف
اخويا اعمى اخويا ابكم اه يابلد فيكى الشهيد مجرم .
نزور مسكين اناديلك نجيب احلامنا ونجيلك
بسيطه هثور تانى وهتعلم وهربط جرحى واتالم
هثوور تانى وموت تانى وهفرد روحى ليكى طريق وعضمى مرتبه وسلم
بسيطـه .. هلم فى جوفى احباطى هقطع كل ابياتى
وهكتب ليكى شعر جديد بدمى ياطيبه على الحيطه
بسيطه .. هكمل ولو ايدى فى رجليا بالف كلبش مربوطه هكمل
ولو اعمى ولو محبوس ولو هتدوسنى كل مدرعات ابليس تدووس
ولو فوق راسى الف سلاح ولو كل اللى فيكى رخيص
ولو مفضلش غير انتى وسجانك وكل خسيس وانا لوحدى هكمل
ولو وحدى هكمل
اتعمى اتصاب اموت وتفضلى على راسى محطوطه
بسيطه وبعد ما اموت امانه يامصر تتعافى
وشوفى النور على كتافى وفوقى ياطيبه الطيبه بلاش طيبه
وقولى للعبيد تخرص ولولادك تقوم تحرس
وطول ما فيكى المخلصين هتبقى عارفه الثورة فين محب ابن القي

الثورة فين ؟ - شعر محمد سعيد


وبيقولك حموا الثورة .. ياخونا حد يقولهم .. نفخونا كدب وألش .
بيقولنا .. قال موتوهم مرضناش .. ولما راح المحكمة قالك مقالش ..
ياعصابة طلعت ع المعاش .. الشعب فاهم الشعب لسه متهطلش ! 
دبحونا في الميدان قدام عنيهم .. وبيقولك حموا الثورة !
 شهيد ماسبيرو يتحاكم .. والسفاحين بيفسحوهم  .. وبيقولك حموا الثورة !
يلعن أبوهم .. هو ابوهم يعني احسن م اللي بيقتلوهم. ؟!
احنا اللي متنا في الميدان وهم ابوهم متقتقلش  ..
احنا اللي منا الألف ماتوا والالأف المتصابين والالاف المسجونين وبيسألونا فيكم إيه بنقول مفيش ..
احنا اللي بنموت فرحانين متبسمين وأملنا مصر وشعب مصر فوق جثثنا ملك ... يعيش ..
احنا شعب النوبه والصعيد والقاهره والسويس واسكندرية والعريش .. اسمعي ياحكومة طرش

دمنا بيروح بلاش وبيقولك حموا الثورة 
شهادة زور لأمشير الغبي الغشاش قال عاش مبارك فيها عاش ! وبيقولك حموا الثورة !
ياعم حليش .... منش درويش .. ولا حشاش  .. كلامك كله لامؤاخذه  ..    .. يكيف بس ميحبلش ..
سعادة الخط والأوباش  .. دي ثورتنا وثورتنا بدون ثوارها مبتحبلش ..
مصر بسببكو فغرفة الإنعاش .. بتموت بموت .. وانت البعيد أضبش ومبتفهمش

ما تسيب ياعم .. وخلي عندك دين ودم .. بقالنا شهور والنور مجاش ! ..سايء عليك ربنا ترحل ومتوحلش 
ياعم حليش .. حذاري يغرك الالاضيش ..وخد بالك قلوب الثورة مبتنساش .. ووقت  التار أيادي الثورة مبترحمش
هترحل ............................... بكيفك أو بدون كيفك هترحل .. سعادتك احنا مبنرحلش

وبعض الناس تقولك إيه ؟ بشويش عليه
ده حائط الصد الأخير .. ياجماعة خير اتفاءلوا خير !
عالم حمير .. طول عمرهم وهيفضلوا طول عمرهم حبة حمير ..
يابن الحلال .. يابن الحلال هي الديابة عمرها حرست غنم ؟
هو اللي بيدوس عـ الغلابه عشان يعيش اسرائيل ينفع غفير ؟!
الثورجي يبقى عميل ويلزقوله في التهم !
والعميل والمأجورين والبلطجية والرعاع والنصابين والشمامين ويا الفلول المجرمين ويا .. اللي فوق عرفات بيدن كلهم بيسبحوا بحمد المشير
وجاي تقولي اتفاءلوا خير ..

دول اللي سارقين حلمنا ..
دول اللي حابسينك وانا ..
متخافش واصرخ ضدهم دول مـ البشر مش ربنا

طب ليه عايزهم يحكمونا ؟
مكفاية من ستين سنه ومطلعين ميتين أبونا !

هيسيبوا مين ؟
لو انت صديق الصحابه وانا شاعر الناس الغلابه يبقي دول هم أمير المؤمنين !
لكن منين ؟
دنا وانت طين .. وانا وانت م الطين اتخلقنا ..  اتخيل انت هيبقوا مين .. اللي م النار مخلوقين ؟
إزاي عايزهم يحكمونا ؟!
هي العقارب تتقني ؟ ولا عمرك شفت فوق المية حاجه بتتبني ؟ ولا عمرك مرة شفت في أمل في الميتين ؟

يامن تركتنا يوم موقعة الجمل .. قد اشتركت بقتلنا ببجاحة لا تحتمل  
والعباسية لما حميت البلطجية  ..
ولا الفلول اللي طالقهم في البلد
واللي تاني بشكل تاني وبين ايديكو بتتولد
مبقاش ولد ..
لو ما جا اليوم اللي نكسر فيه التماثيل اللي من دون ربنا فيكي ياطيبة بتتعبد

ولا بنات مصر اللي أشرف م الشرف
نجستهم باديك عذرية ايه جتك الأرف
ماهو الوسخ أصل الوسخ هو اللي ببشوف كل اللي حواليه  منحرف .. يامنحرف

هتحمي مين ؟
عشرين سنه وانت الوزير انت الكبير .. عشرين سنه بتعبد مبارك عشرين سنة دراعه اليمين
عشرين سنه اخرس واعمي ودن طين وودن مليانة عجين
هتحمي مين ؟
عشرين سنه واقف حرس ع الفاسدين .. عشرين سنه بيقول شمال بيقول يمين بتقول أمين
هتحمي مين ؟

إسمع يامجلسنا العنيد
هيموت شهيد هيقوملكم مليون شهيد
إنتهى زمن الخرس
إنتهى زمن العبيد


وبيقولك حموا الثورة - محمد سعيد المصري

أصالة & رامي صبري - مش فاكر 1

Ramy.Gamal.Kotr.ElGera7

أغنيه موبنيل - هنعض فى بعض Mobinil

وعد البحري تجربه

مش لاقى حاجه جوايا انا مظبوطه
وعايش وعارف سكتى اخرتها موته
مبقاش فى حد مالى عنيا ولا حد مديتلو اديا
واخد الحياه كدا لوى دراع
عايشها انا بسوء نيه
نفسى ومفيش حاجه قبليها
مصلحتى بس اجرى عليها
وليا مبدأ فى الدنيا
ياما فيها لخفيها
كل اللى على كيفى على كيفى انا عملتو
وحالى وحالى ولا مره انا عدلته
وقبل مالكلام يتقال
علطول بايعها وماشى شمال
انا اللى عايش فيها بغش
وكل يوم تلاقينى بوش
وعارف ان هيجى نهايتى
وبرضه عندى وباخدها قفش
لكن فى ناس باجى قدامهم
بتهد واسكت عشلانهم
وهما دول نقطه ضعفى
بستقوى بيهم وانا بينهم
كل اللى على كيفى على كيفى انا عملتو
وحالى وحالى ولا مره انا عدلته
وقبل مالكلام يتقال
علطول بايعها وماشى شمال 

Ahmed Jamal 6

Popular tracks