محمد اسامة

http://www.reverbnation.com/osamarapmusic/song/19210909--
الاقتباس من :
Enya - Only Time

هبدأ انزل الشوارع أدى ورد -واسمع كل كائن يائيس محبط يبتدى بسرد
هارفع يافطة باعتراضى واضطهادى -وانتقادى كل شئ لا إنسانى والانسان معتبره عادى
اشتباك فتاك هتاك لعرض كل روح- بوح بكل سر روح اتكلم بوضوح
سامع صرخة الوجع لكل حى- عارف إنه يوم هاينتهى بأكل لحمه ني
مالوش زى مدمر الطبيعة خصم كل الكائنات- محتكر لكل شر  مبتكر كل الاهات
كوكب البسيطة نفسه رافض انه يستمر فى امتلاكه للوسيله لو فى بحر او فى بر
شره منتشر متيجى بينا نسأل الحجر- عن دماره للطبيعه عن مدابحه للشجر
كائن وجوده حرف جر باب أمل مفيش مفر- كل ذرة الرمال شاهد وكل منحدر

هنزل الشوارع ابتسم بحزن
كل ذرة فى الطبيعة ليها وزن
كوكب البسيطه رافض انه يستمر
فى امتلاكه للوسيلة لو فى بحر او فى بر

شكوى الأسد ورا القفص بترجمة زئيره تكتمل بمشهد الفلاح لما ضرب حميره
والكلاب تبص للبشر بنظرة اندهاش عن حقوقه فى امتلاكه بدون مقابل وببلاش
احتقاره كل جنس غيره قاعدة مبدأية مهما حاول انه يوهم الزمن بانسانية
ذرة الهوا اتأذت بقت مريضة من التجارب الرمال تشبعت بدم جثة المحارب
اية هنزل الشوارع ابتسم لكل حى هالغى كل زرعة فاسده هقطع عنها كل رى
هابتدى المعارك ضد كل دم محتمل ضد غل  ضد كره ضد جرم مكتمل
ضد رغبة البشر بتسريع شريط النهاية احترامى لكل حيوان مالوش سواد نوايا
ماشيه بينا السنين وكل ثانيه ليها وزن فى المجره كوكب ازرق فيه سعادة بس حزن

نحن نسعى لتجنب الألم اكثر من سعينا لان نجد السعاده

محمد اسامة - كائن مضر _ mohamed usama - ka2n moder

محمد أسامه - انا بابا يلا | Mody Rap - Ana baba yala | By: il capitano

محمد أسامة - انا القانون | Mody Rap - ana elqanoon

عقل رخيص-محمد اسامه

القضية حية -Priesto Ft Mohamed Osama

My Acc : www.facebook.com/OnlyForZamalek1

ميجالومانيا - محمد أسامة

كلماتي و مزيكتي كالعادة
و الكورس بيغنيه أحمد كمال
2011
-------------

أنا القانــوُن .. منظومة مــ الجنون
تناسُب التناسُب بالنسبالي إيه يكون
 
أنا بحسبك فاهمني لمّا كُنت بفتكس
معايا مش مُهم تنتصر أو تنتكس
 
هرُصّ حكمة تتقسم لألف حكمة جد
هكسّر أي سد .. لو طموحي يتوجد
 
ينطرد من الوجود ينكتبله نعي
فاكس لأي فن مُختزَل في سعي
 
ماتلومش إلّا نفسك .. لو إتنازلت
وإنت مازلت .. عارف إنك نضيف لكن إبتذلت إختزلت
 
طريق من النقاء الأبدي
سور إتبنى من حواجز الضياع الأزلي
 
عارف طريقي من سنين بشُقّ فيه بإيديّا
مش هتختلف مبادئي مهما كانت القضيّة
 
مُتعة المسيرة هي .. سر الإستمراريّة
مش بلعب دور العاجز ولا بلعب دور الضحيّة
 
.............................
كورس
بايع نفسك للي بيدفع أكتر ويخلّيك متكيّف
ضايع كده ورا وهم مسيطر والإحباط عل طول متسيِّف
بايع نفسك للي بيدفع أكتر ويخلّيك متكيّف
ضايع كده ورا وهم مسيطر والإحباط عل طول متسيِّف
.............................
 
أنا لييدر سايق السفينة على كيفي
أهلاً بيك لو كُنت مُقتنع إنك مُجرد ضيفي
 
أنا مش عبد الناس .. أنا اللي بملُك الإحساس
إنت مش دافع أُجرة وأنا سوّاق الميكروباص
 
لو موافق تتساق لازم تبقى المسخ
إسرق أفكار وطوّر واللا خُدها نسخ
 
هدفي الرئيسي في كُل وقت إني مُجرّد أستمِخّ
ماتحاسبنيش حسبة إني هكمِّل واللا أنِخّ
 
أطُخّ . الروتينية والأغاني العاطفية
أطُخّ . المُنتجين اللي إحكِّموا فيك وفيّا
 
وأنا من إمتى ملاك .. دي دماغي هي الشباك
اللي مخلّيني هارش حقايق المنطق الفتّاك
 
صراع هُلامي بين مزاجي وبين المُغريات
وبنتقد وجوب وجودي وسط عالم الغايات
 
لأن خصمي هو إسمي .. نُقَر في كُل جسمي
بحسّ فجأة من كلامي إني لَسَعت رسمي
 
..............................
 
كورس
بايع نفسك للي بيدفع أكتر ويخلّيك متكيّف
ضايع كده ورا وهم مسيطر والإحباط عل طول متسيِّف
بايع نفسك للي بيدفع أكتر ويخلّيك متكيّف
ضايع كده ورا وهم مسيطر والإحباط عل طول متسيِّف
 أنااااا عارف طريقي .. سنيـــن بشُقّ فيه بإيديّا
 

أنا القانون


كماتشو 
مصطفى جنّي
هيما يانكي
ميجا
ماميديو
محمد المايسترو
عثمانوفيتش
عيسى
ليل عصام
كارولو
زيزو
علي بلايد
----------
موسيقى : محمد أسامه
تصميم لوجو : ماميديو
تصميم بوستر: محمد أسامه 
----------
- مشروع كاف هو الإصدار الأول من مجموعة (كزا صوت) المحتواه على ست مشاريع بأسماء حروف العنوان.
- حقوق الملكية غير محفوظة و غير مسجلة بالشهر العقاري و من يتعد عليها يعرّض نفسه للدسات الديرتي و ذلك لعدم وجود نقابة تحمي حقوقنا.


مشروع كاف

Youtube : https://www.youtube.com/watch?v=NKxsobA7KWs

Beat By : Legendator Beats
Mastering & Mixing : Rooney Hoodstar ( Revolution Records )

محمد أسامه وعمر البارودي وليجينديتور بيتس وهيب هوب نايت بروجيكت 

الكلمات :

المصري 

مازال حي مازال القلب ينبض 
جيوش الحق ورا الحق مازالت تركض
مزيكتنا هي بيتنا أكون أو لا أكون
خد العهد من البداية سيف علينا مش هنخوف
فـ شوف كام جندى مقاتل جاهز للمبارزة
8 بارات بندي فيهم عنا نبذة
سجل فى كتاب التاريخ عن صناع الحضارة
إصطادنا عقول الناس بفلوه فـ غمزت الصنارة

لوكا

لما بدأت الحكاية كان أملنا نوصل ليكوا
كل كلمة طالعة منا لما نجحنا كان بإيديكوا
كل بار بيروي قصة وكل كلمة ليها معنى
فالتراك بشكيلكوا همي على صوت البيت إجتمعنا
ده المجال مجالنا إفهمنا والكلام كلامنا 
أصل الراب سلاحنا ياض والهيب هوب ده فن جالنا
أيوة إحنا اللى هوانا هو رابنا .. مش مبالغة صوتنا شق الأرض طلعنا

دولا

مزيكا من تحت الأرض بادئة من سنين 
قبلي ياما بدأوا كتير ولحد دلوقتى مش ظاهرين
اللى يجري يلحق .. وإحنا وجرينا
حاولنا كتير .. لما تهرينا
كتير فى الميديا .. جه علينا 
بس الجمهور .. مش بيعادينا
فجه الوقت إننا نتجمع بينا الفن يوصل
علشان نقدر ليكوا برابنا نوصل فكرة مهما يحصل
فمش .. محتاج منك غير إنك تدي لينا ودنك
ركز فى اللى جاي معانا وإفهم قصدنا بعد إذنك

ماد زيدان

عايش وأنا بينكم مش عارف أكون منكم رغم محاولتي
إني أمشي فى نفس إتجاهكم بس معرفتش أسيب ورقتي
دايماً بتكون معايا جنبي .. محفور على كل سطر همي
أجي أقع يلحقني البيت فبجري .. على سنير ما دي لعبتي
بهرب من مجتمع .. بصرخ ومين سمع
طالع من الشارع وده أقوي سبب إنك تتمنع
يصيبك يأس وندم صوت جاي يطلع فإتكتم
ملقاش مخرج غير عالسطور جمل بسن القلم

محمد أسامه

البداية مش مهمة 
احنا فوق و هم همّ
فننا اتفرض بدون سبب 
دماغنا مستجمّة 

بكبورتات استلموا القاضية 
أنا مكنة حط بدون تمييز 
أنا بكتب حرف يقوم بالكل 
أنا فكرة مخ مصاب باسكيز

واضع قانون 
ملّيت أحط ع الغبي 
و طردتهم من كوكبي (معتّقين)
هات الزبون
ولما أحس بالملل
 باجيبهم تاني ملعبي (منورين)

مفيش ضرر من المبالغة 
لما تكون عقولنا بالغة 
اشتري كلمتي من غير ما تجادل 
إوعى تمثل دور النابغة 

انتفاضة المزيكا 
في المنصورة تستمر 
تضبط الوسط في كل مصر
 بدون ما تحتكر

كيمو

من زمان .. كان نفسي بس أوصل ليك كلام
بأسلوبي وطريقتي من غير أوهام
قولت أبني طوبة طوبة فى المجال بسن قلمي
ببدأ بفكري العالي فبعلي بالراب تملي
فـ هدفي الأول والأخير هو مصلحتك
مش هزايد ولا أكابر ولا ههرب هتلاقيني جنبك
كتف فى كتف ويا بعض مهما كانت الصعاب
فسلاحي هو قلمي بشن الحرب بإسم الراب

سلام 

سكووووت المنصوراوية عـ المزيكا
أنا المنتظر لقبي بيحكي عن طموح تجسيد حقيقة
من بدايتى وأنا حاسس بقيمة رسالتي 
غايتى إن الناس تشوف الكون من ناحية عندى
أنا بوصف حالي وحالي بالله فى قلب غيري لامسه
بس مش عشان أعجبكوا أروح أكتب تراك مش حاسه
فى ضيافة المزيكا قعدنا أخدنا الواجب
هرمي السلام وأسيب اللى بعدي يدخل يا مراحب

ويزي

راب شارعنا , من هنا بدعنا , ما إحنا إتجمعنا 
خارجين عن القانون ما إحنا إتجمعنا إتلقبنا بالفراعنة 
قـولـو Hip-Hop , Hip-Hop يمكن صوتنا يوصل
فـ بكدة قدمنا الفن بـأكمل صورة طب مين هيقدر
ماهو لو كنت فكرت تسمع 
هتشوف ناس كتير واقفة تبدع
ما يمكن تفهم من الاول إننا كلنا بدأنا من الزيرو
بدينا بنجدد بنواكب مجالنا مهو اصله لينا وملناش غيره

ليجينديتور

الراب مش شرط يكون commercial متمول من الميديا 
ولا عمر ما كان الراب Biography علي Wikipedia 
فنا بوصل فكري فقط لأصحاب العقول الراقيه 
لأن الراب فكر ف بخطف ذهنك و اطلب منك فديه 
مش عايزين حد يقول لازم نعالج الأسفاف 
محتاجين حد يقول ان الراب مش بالـ Fitted cap 
وصلنا مزيكيتنا و عملنا انجاز 
لو كان عليا كان زماني حرقت كل الميديا بأوسخ جاز

تايكو

من تحت الأرض ده فننا عندنا أصل الفن فشوف
في عز ما كان الهيب هوب ميت صحيناه رغم الظروف
كتير نادينا ما لقينا حد يسمع .. كان السكات حافز إن صوتى يطلع
فالراب ندانا لقانا تحت الإسم ده بنتجمع
هيب هوب نايت بروجيكت .. طالعين نحسن صورة الراب نخليه يليق بالمستمعين
مش فام ده كيان هيب هوب ده كلام
بدام بتسمع نضف ودنك وإرقي بفكرك وإسمع راب


البارودي

أه .. من طنطا للمنصورة .. رب الميكروفون والقلم عالبيت
إسمع ..
جوا مثلث بس صوتنا أقوي من حدود أضلاعه
بالتحديد مـ المكان اللى خرج النيل عن مساره
تشديد حصار كان سبيل لإصراره
تردد صوتنا بإختلاف الأوساط يستحيل إنكساره
سماعك صوتي رغم عوائق جغرافيه
دليل عدم خضوعه لقوانين العلوم الوضعية
إستقلال الأيدولوجية من الصعب الإنجذاب
لتعادل إشارات الفكر وعدم إحتوائه على أقطاب 


Mawke3t El Delta - El Tasgela ( Prod By Legendator )

[Intro]
!...لسة بقطع فحروف كلامهم بحاول أنسّي
!...لسة تايه علي شط جزيرتي وإستنيت الفرصة
!...أفك من حبال انقاذي ومن دخان اوهامهم
!...عمري ما أنزل المياه الحقيقة مش بمرسّي
!...محدش عارف إنك إستحالة تهجريني
!...لسة محدش عارف انك لسة بتغنيلي
!...لسة موجود علي الجزيرة قاعد مستنيكي
!...كلامك ليا ورغم الموت هحبك وتحبيني
ــــــــــــــــــــــــــــــــــــــــــــــــــــــــــــــــــــــــ
[Verse]
...إديني ولو تلتين سبب يخليني اصدقهم
...كلمة الموت مش صح اكيد الناس خانهم تشبيههم
...لسة بشوف خيالك طول عمري هفضل اكدبهم
...يارب..إجبرهم..بالإعتراف بخطأهم
...ضوء القمر عالأرض الناعمة زي خريطة ليا
!...بتنعكس قدامي لمطرح ما انتي مستلقية
...لسة مجنون بحبي ومعني حبي كلمة إنتي 
...مفيش مخلوق عالأرض هيقدر يثبت معني بعدتي
...حبنا بدأ بصدفة وانتي عارفة كدة كويس
...مكانش بإيديك غصب عني لو قدرت اميز
...الشبه الواضح بين البحر وبين مصب النهر
!...فمهما بعدتي كجسد عقلي معاكي لأمد الدهر
                                  ۱ ۳ ٥ ۰ 
                                      يوم
 ...عاددهم يوم بيوم
!...بتحدي قوة نظري شايفك من بين الغيووم
...الناس بتمووت والحب اللي بجد لازم يدووم
!...وهفضل عمري كله بقولها بحبك رغم الموت
ـــــــــــــــــــــــــــــــــــــــــــــــــــــــــــــــــــــــــــ
[Outro]
!كل حاجة ناقصة صوتك
!ناقصة صورتك
!ناقصة سيرتك
!ناقصة تكشيرتك فغيرتك
!ناقصة ريحتك
! ناقصة روحك
!ناقصة حضنك 
!ناقصة خدك لما يتحول لورد
!ناقصة نفسك لما يلمس كف إيدي فوقت برد
!لسة حتّي القهوة مرة فإنتظار شكر شفايفك
!غبتي عني وسبتي قلبي فكل حاجة شايفها شايفك
ـــــــــــــــــــــــــــــــــــــــــــــــــــــــــــــــــــــــــــــــــــــــ
"شكر خاص لأخويا وصاحبي "يوسف جوكر
Lyrics: O-Rumble
Outro:  "الشاعر محمد إبراهيم "شكر خاص
Prod & Mix By: Yousef Joker " Very Special Thx "

O-Rumble - B7awel Ansa | بحاول أنسّي

في حجرة القبو 
يتطاير العشق 
كذرات الهواء 
فتولد السوائل 
تلامس يخلق تجانس 
انفاس تشبك في انفاس 
تجاذب يبني في تهامس 
و الدفا لغى أي التباس 
انقباض انبساط لسه وقت للحصاد 
احتواء التحام فارس راكب الجواد 
المهمة أجرها السعادة وقت الانطلاق 
لا تطاق المشاهدة لما يبدأ الاحتياج 
الأرض ملكي و الماكينة جاهزة للبناء 
وقت بدء فتح مكمن السوايل في الإناء 
اختراق بعنف و الدماء من الانف 
نساعد بعض ع النهاية بدون قطع حذف
راضي بتحريرك من جنود الكسوف 
ده لإن وجودك ساهم في الوقوف 
اضاجع الكلمة فتولد قصيدة
و على فراش الشعر 
سوائل التورية 
---
جملة البيانو مقتبسة من
Massive Attack

أنفاس

عزل

  مسكت إيدي في البار طلبت لها ستيلا 
طلبت مني نرقص رقصة و أنا قلت لها يلا 
كنت دايخ لكن عادي هادي راكب الحالة دي 
بس كلامها كان ممل هي في وادي و أنا في وادي 
لعبت في شعرها الطويل أبو السواد فاحم 
ملمس العنق أكيد كان بداية الملاحم 
نظرة العطش في عينها كانت دافع إني احاسب 
اتفقنا في الهدف لكن المكان مش مناسب 
شغل عالي تم بعد ما اتخلق مكان مصون
طرقعة رقاب رحيل الجماجم للأوزون
اروح في نوم بحلم مزدوج ألوانه فاقعة فشخ 
سفن بحر عشق ست بتتحول لمسخ 
صحيت بشكل هادي أبص ع المكان الفاضي 
باقي منها ريحة رمش خصلة مش مهم عادي 
اختفت بشكل هايل بدون سلام أخير 
بدون رقم موبايل للتواصل .. يلا خير 
------------
  مسكت إيدي في البار طلبت لها ستيلا 
طلبت مني نرقص رقصة و أنا قلت لها يلا 
كنت دايخ لكن عادي هادي راكب الحالة دي 
بس كلامها كان ممل هي في وادي و أنا في وادي 
------------
رحت تاني ألف مرة بس فاكس الأمل 
خطير عاملني عبد للجمال رابطني في السرير 
هبتدي بمطارده الجواري في الساحات 
أخش كاس عالم في المرمغة اتقلد ميداليات 
سؤال شائك فارض ذاته فين البت 
كانوا بيلاقوا بعض ازاي زمان بدون انترنت	
سألت ناس عليها قالوا وصف محتمل 
لواحدة مزه اسمها عزه و أحيانا أمل  
فضلت أروح و أأربع جايز تكون خيال بدأت 
اجيب صورتها و أطبع و أعلق ع الجبال 
بقيت أعوم في كتير غيرها و أتخيلها فيهم 
أغرق في العسل  يومين تلاتة و أخلا بيهم
فجأة شفتها بعنيا في حفلة أسامه الهادي 
و رغم كل ذكرياتي كان شكلها عادي 
الانتظار فاكس مفيش رحت أقرب بشويش 
عينها جت في عيني و اللي بعده مايتحكيش 
------------
  مسكت إيدي في البار طلبت لها ستيلا 
طلبت مني نرقص رقصة و أنا قلت لها يلا 
كنت دايخ لكن عادي هادي راكب الحالة دي 
بس كلامها كان ممل هي في وادي و أنا في وادي 
----------------
رجعت تاني موطني الرئيسي أبص 
املا كاس لنفسي و كاس لواحدة نص نص 
التجاوب مستمر بس جسمي مقشعر 
الشتا خالق حالة من الدفا ولاغي أي حر 
ليلى كلمتني تاني بعد كارثة اللؤا الاخير 
واضح ان موقفها عاطفيا خطير 
رغي هري تاني بعد ما انتهت مغامرة 
تعقيدات و أساطير و نظرية المؤامرة 
فقلت السكة فجاه و البلوك كان نهائي 
سمعت بنت جنبي أغنيه انسان بدائي 
استمتاعي بالتفاهة امر حتمي له وجوب 
عايز انام بعمق و اصحى لما تنتهي الحروب 
الحب زي الشيوعية أفكار عظيمة 
لما جم ينفذوها أصبحت عقيمة 
حالة الملل تزيد مفيش مفر من التلاشي
هبات يومين تلاته عند الرفيق غباشي 

https://www.youtube.com/watch?v=ymighpBmmWk

البار

صدقت كذبتك و عيشت فيها بالسنين 
كنت ضارب صنف عالي خلاك من المؤسسين 
ليه ؟ الهيذام في حاله قاعد مستكين 
ما كنا مهديين اللعب يا أبو التنانين 
حاشر ...نفسك معانا غصب قلنا زي بعضه 
نزلت كام تراك فيه كذب قلنا اللي بعده 
فاكر إن كله ناسي طب احترم اللي فاكر 
عمال تشحت في فانز لابس كراكتر هاني شاكر 
يا بني .. مش بالشحاتة و إدعاء الأخلاق لأ 
ساجد للمستمع  هو إللي زقك زق 
استمر في الخرا الدماغي اللي انت بيه مفتون 
بس للأسف مضطر أشد السيفون 
فكرت ألف مرة أكربجك و كنت بفكس 
لإن وجودك في الحياة في حد ذاته سفة
برفع في اعلام المنطق و انت داير تنكس 
طب ليه بتترعب لما أمارس عليك الخفة 
----------
أخلاقي فن بحت أعلى من خيالك 
و أنا عارف إن الفن البحت مش مجالك 
رابي طاغي مهما تنادي رجالك 
البلطجة فاكس سيبتهالك 
----------
نقطة ضعفك السركازم دخلت في حارة سد 
على رابي هتؤرجازم بعد ما أمدك مد 
رصيت زبرتلاف تراك بضين عن عظمتك 
اتوحلت في السياسة و اتبعزئت كرامتك 
قاعد . تهري عن الأخلاق و انت بتعمل العكس 
كل ما يتحط عليك بتخش تعيط في الانبوكس 
بتهددني بالعنف لإن لسانك عنده إيدز 
أنا بعمل ألف بيت و أراب و إنت في راسك تهز 
تقييمك للكويس إنه لازم يمدحك 
و أي حد يبص عليك من غير قصد بتعتبر حك 
باني مملكة غباوة بتراكين تلاتة جهل
الناس تقولك و انت تنفذ لإنه الطريق السهل 
نظرية ...المؤامرة فاشخة مخك العكاشي 
حرضت ع التحرش في تراك بيض قلنا ماشي 
ياد كلامك المبتزل اتسرق في مهرجان 
ارجع لتكتكك كفاية بضان يا جدعان 
--------------------
أخلاقي فن بحت أعلى من خيالك 
و أنا عارف إن الفن البحت مش مجالك 
رابي طاغي مهما تنادي رجالك 
البلطجة فاكس سيبتهالك 
------------------
مصر في تخلف و وجودك أكبر دليل 
مبتعرفش تألف خلوك نجم يا  عويل 
خايف عارف اني هقول ان كلامك عك
داير تقول واجهني و رازع الجميع بلوك 
الحط عليك واجب إنساني لكل شخص حر 
رافض غباء عبيد لهم كبير عمال يضر 
بكرة مصر تبقى اد الدنيا و تاكل اناناس 
من أسيادك اللي مسرحينك تبضن على الناس 
برجماتي ذاتي امنجي .. في التطبيل 
جاب ورا عارف إني باشا في التحليل 
جاب ورا لانه عارف ان دساته خرا 
 تفهم ايه في الشعر يا بني كام كتاب كان اتقرا 
الدس ده بالنسبة لك مؤامرة ماسونية 
العالم بيتآمر على واحد بيضة نية 
جمهوره أغلبه عيال هبله 
التنين اثبت ان الانسان اصله طبلة

Melody Source : Bitch Please
Beat By Muhammad Osama

الكمين

هيذام حاد اللسان
الكمين جابك متكتف انت مين يلا 
عيل بدماغ اعدادي بيتكلم عن المرجلة 
نفذ كل اللي اتقال في البوست انا ابرمج 
اخطط هو ينفذ زي الرقاصة الهبلة 
كلامك انتهى من القاموس 
انا عارف ان الكمين كان كابوس 
لساني حاد زي الموس 
انا باني كلماتي باستخدام غباءك بهدوء 
انا مكنة ضرب و حرب لوحدي أمام جيش العلوق 
مبتعرفش تألف كلمة ولا في القافية تولف 
حاسس بالعجز قصادي فبتشتم زي المتخلف 
ساحة القتال مش للرجال دي للبهايم 
الرجال عقول وانت مخك لسه نايم 
انا فكرة  كلامي مستمر للأبد 
و مهما جسمي باش و بعد كل روح ما تتقبض 
مش بالدراع يا فيل و إلا اسرائيل فوق الجميع 
هجائي فن متفهموش انت و القطيع 

من ست سنين في اسكندرية فيه حاجات اهم 
ماكنتش عايز احكي بس انت معندكش دم 
كنت فاكرك ديلر ملك حشيش 
اصلك شكلك هجام و علاقتك بالفن مفيش 
و فضلت تبرطم عن جمدانك و انتشارك البضين 
و النص التاني من كلامك سبة ملة لأمين 
كل اللي فهمته من دسك إنك حمدي الوزير في نفسك 
مخك زي جسمك ضيق مبيخرجش من ملابسك 
مش بالجعير يا فيل ده بالكلام التقيل 
شتايم ضد بعض في المعاني يا عويل ؟
حبي للبنات ده مش شتيمة يا أبو  ساطور 
ابعتوله جاي بورن لو هايج ع الذكور
لما أشرح تفاصيل دساتك يا أهبل إبقى إعمل العكس 
أو فكك من الراب من أصله و ابقي شير فيلم سكس 
أشوف أرائك في السياسة أشد شخرة مع احيه 
و أحلق شنبي لو انت عارف ثورة يناير قامت ليه ؟ 
لو بصمجي و في حالك ماشي قشطة هسيبك تروش 
لكن بضان الناس مش لعبة ياد بلاش تكوش 
لو تلاحظ كل توصيفاتي ليك حقايق 
لو تلاحظ برضه الحرب كلها أنا سايق  
ده الكمين اسمه الكمين جابك زبون يا خرق 
يوسف جوكر كربجك و أنا التأمين يا علق 
كل ما تيجي تشتم راجل تشبهه بالستات 
لو كنت شاذ مبتعرفش دي مش قضية البنات 
أمي و أمك دول هما اللي جابونا يا ابو مخ بقف 
تربية نسوان مش شتيمة انت إبقى غير الصنف 
كنت بعارض يا اهطل  انت لسه قاعد ع الكنب 
 بتظاهر ضد القمع و انت بتقضي في غيط العنب 
بعارض الحكومة جوه مصر طول سبع سنين 
بدس في أنظمة و انت كنت بتدس في أمين 
وجودك أكبر دليل يلا نسمع الفنان 
دكتور ابراهيم محمود برنامج العرص و الإيمان 
انت مالك و مال الدين يا شمام الكلة 
اعرف شيخ جليل سمع تراكك سب ملة 
دمك تقيل بتجري فيه بيضان صغيرة 
مخك مليان صديد فراغ سوائل محيرة 
انت نتيجه مجتمع ذكوري الميول 
انت شخة انسانية بدايتها كانت بول 
انا مش مثقف انت اللي بصمجي في العلام 
اتعلم التأليف قبل ما تتكربج من الهيذام 
الخلاف اللي بيننا مش شخصي ولا درب من الجنون  
ده انا عندي مواهب في الفشخ ماكنتش لسه لاقي لها زبون 
كفاية فشخ فيك هنام و اعيش لي جوه الحلم 
و لا اقولك انا هاسمع تراك الفيلم 
---------
2 Beats, the 1st Prod by Osama, The 2nd re-prod adapted from Anthony Grandinetti
https://www.youtube.com/watch?v=WungxDZ7N5Y

إعدام

الدخول في علاقة شيء مريع 
قيد عنيف خالق شعور اني بضيع
انا عبد للحرية بس احيانا للرص 
يوم ما اوقف الكلام تعرف ان لساني اتقص 
انا مالي باستغرابك انت اللي اخترتيني بكلامك 
إني أنسب حد لعقلك حس ولا على عيبك كان بيبص 
خدتك بغباءك باستهبالك أنا ولا مرة حاولت اشجب حالك 
بالنسبة لك روقان بالك لما اتشقلب و أسال مالك 
بحترم اللي بيحترم اني ابقى لوحدي ايام بليالي 
انا من حقي اني اختلي بدماغي مهما اترجمت اني متعالي 
مش هجاملك خدي من اللي قبلك 
اديني كلمة حلوة و انا في الكلام الحلو اكتب لك 
كل العلاقات مؤقتة و فاشلة للأسف 
محتاجة بس شكة ابرة جاهزة تتنسف 
عيش وحيد اقضي على نسلك البليد 
و ابقى مارس المضاجعة مع الواقع الجديد 
-------------
عيش وحيد .. اقضي على نسلك البليد 
عيش وحيد .. ارضى بصدق الواقع الجديد 
-------------
قلت من البداية انا مش بتغير علشان حد 
اندهاشك الغبي دلوقت مينفعش رد 
مانت عارفه فاهمة كل تفاصيلي 
برضه قارفة اللي جابوني  النكد حرفة 
استعدي اتق شر الحليم 
لو شغلتك الكلام أنا هديكي في الصميم 
ماكفاكي استجوابات أسئلة بدون نهاية 
المسألة ابسط من دهاليزك من فضلك كفاية 
انتي متاهات حللي عن حياتي بالتزام 
بدون ضغينة او حروب او ضرب من تحت الحزام 
مش لازم الانفصال يكون قالب عداوة 
ناس كتير بتنفصل من غير ما تحصل الغباوة
 لما تحاولي تغيريني كانك بتغيري مدار الارض 
انا ماشي في درب مسفلت لكن انتي الحاجز بالعرض 
المشكلة فيكي لانك مش بتوافقي تعدي 
حولتي كل شيء لنوع من التحدي 

مزيكا | DYATHON
https://soundcloud.com/dyathon/farewell
--------------------------------
https://youtu.be/uYjbROHbwfo

قيد عنيف

فتاك هتاك صائد أي حكاك هتبناك 
لو كانت أواسيمي هي اللي بانياك 
اسف ، أنا اللي فوق دلوقت لاسباب عديده 
انا شخص واحد و انتو محتاجين سنيدة 
تسميني مغرور عايش الدور حقك تبقى حاقد 
زي حقدي ع المريشين و كوني ناقد 
ملك الكلام الأزلي 
تمن الصراحة اتدفع و من ثم عاد لي 
أنا اللي مش بتفزع جدع مش بتوجع    
غصبا عن كل وغد رابي لسه بيتسمع 
زي الكلاب ورا الظهور 
أنا مستأنس متجنس متأسس على اللاحضور 
لإن عالمي مش برجماتي ذات مميزات 
بين المعاني مسافات تراكات بيتات 
شوف كام حرف اترص ، للراب اتبص 
كام انسان اتاثر مخه بايدلوجيتي ع الاخص 

فتاك هتاك صائد أي حكاك هتبناك 
هاتبناك فتاك هتاك فاشخ أي اشتباك
فتاك هتاك صائد أي حكاك هتبناك 
هاتبناك فتاك هتاك فاشخ أي اشتباك

بتتهدوني بالعنف ، غيرو الصنف 
او إعترفوا اني الوحيد إللي دايما ألعب في البلف 
شايف ضعف شايف علوئية تملا براميل 
انا حتى في عز ضعفي حروف كلماتي بتطلع مستحيل 
انا بالنسبة لكم ياني ، معلومة عني 
انا بتوقع اني ممكن اموت بسبب فني 
غباءكو واضح لونه فاتح الف اسم عدا 
و اسمي لسه وحش متاثرش بأي عضة 
رعب ، التعامل معايا صعب  باعترافي 
كل ماجي اقابل اي فان لازم يسالني عن احترافي 
أنا مش متعمد إني اكون ماشي بالعكس 
عقلي بيتطور و انتو عقولكو لسه في التكنيكس 
انا حر، في وسط مجتمع عبيد المادة 
ارائي حادة اراء على عقولكم تتعدى
احترامي للقلائل اللي قدمولنا 
شغل عالي فشخ في المسائل 
انا عارف اني ممكن ابني ملايين متابعين 
زي ما قال لودفيج . انا براب للناس الجايين 

فتاك هتاك صائد أي حكاك هتبناك 
هاتبناك فتاك هتاك فاشخ أي اشتباك
فتاك هتاك صائد أي حكاك هتبناك 
هاتبناك فتاك هتاك فاشخ أي اشتباك

السماجة ، أفكار مش لابسة حاجة 
تكرار في اللت بنفس القصد نوع من السذاجة 
لو كنا في مملكة الراب كنت أتهمكو بالخيانة 
يتقبض عليكو تلبس جناية دماغ عيانة 
أوغادي الأعزاء و جمهوري اللعين 
لما تنتهي حياتي انتو اللي هيبقى عليكو العين 
مسيرة الأواسيم عقيدة بحتة لا تموت 
جسمي بكره ينتهي و تفضل كلماتي بنبرة صوت
خطوط .. مشيت عليها و اختلفت 
قمت راسم خط سير أسامي تاني و انحرفت 
احيانا بتحسد لما اتفرج 
على الوعي الجمعي و هو بيلبس في حارة سد 
غيرت ناس كتير بنيت عقول بدون مقابل 
لو الراب المصري بيتزا .. أكيد انا التوابل 
رصاص قنابل ، بقت لغة التعامل 
التكامل إنك تبقى وقح فشخ مش مجامل 

فتاك هتاك صائد أي حكاك هتبناك 
هاتبناك فتاك هتاك فاشخ أي اشتباك
فتاك هتاك صائد أي حكاك هتبناك 
هاتبناك فتاك هتاك فاشخ أي اشتباك

----------
مفيش بيانات
https://www.youtube.com/watch?v=Ls1uoNwcR7k

فتاك

محمد أسامه - كافر

زارع الأحلام - محمد أسامه

عمة وجلابية | محمد أسامة

مشروع ليلي
جدل
المربع
عزيز مرقة
ابيوسف 
يوسف جوكر
مسلم هديب
كايروكي 
دينا الوديدي
مريم صالح
الشيخ امام
علي طاليباب
غاليه بن علي
ام كلثوم

محمد اسامة

ahmed mahmmed 404