بسبوسة....شادية

حلو الحلو فـ كل خصاله الا دلاله ميعجبنيش
قالوا بيهجر قلت وماله يهجر يهجر بس يعيش
حلو حلو حلو الحلو

حلو الحلو مفهش وحاشة غير بيوعد ولا يوفيش
ده اللى فتح قلبى بطفاشة ثم قابلنى مكلمنيش

قلتله رد يا باشا يا باشا قالي لغوها متفلقنيش
وبيعجبني اكمن جماله وقة سكر سنترافيش
قالوا بيهجر قلت وماله يهجر يهجر بس يعيش

كل ما افوت من قدام داره و يشوف وشي يسد الشيش
قلبى و عيني عليه احتاروا وبيتخانقوا الحق يا شويش

يحيى الحب وتسقط ناره اللي بتولع ولا تطفيش
طب ده انا احسن من عزاله  لو يعرفني مايقلعنيش

اللى غايظني بشوفه يوماتي يعمل انه مايعرفنيش 
لسه ماشوفتش كده في حياتي واسأله ماله يقول مماليش
طيفه تملي يجيني ليلاتي ويسهرني مانيمنيش
وهيجي يوم وامسك في خياله افقعه  علقه عشان مايجيش

حلو الحلو - محمود شكوكو



الورد له في روايحه لغات تجمع بين النار والجنة
حكم الزهور زي الستات لكل لون معني ومغني
دا لكل لون معني ولكل لون مغني

احب زهر البنفسج رمز الجمال الحزين
عبيره يفرح و يبهج و يسعد المحرومين
احب ريحته ولونه واجعل هدوته وسكونه هدية لليصونه
ما تهادي بيه غير الجملات اللي العيون بيها تتهنا

حكم الزهور زي الستات لكل لون معني ومغني
دا لكل لون معني ولكل لون مغني

اة من القرنفل دا ريحته تشغل ساحر و يسحر قاتل ويقتل
يجعل حبيبك هواه مشعلل ويكيد عزولك ويبات مفلفل
شقي وشاقوته سبب غلاوته وادي حلاوته
ياللي تحب الحلويات شوف القرنفل واتمني
حكم الزهور زي الستات لكل لون معني ومغني
دا لكل لون معني ولكل لون مغني

اجمل هدية اقدمها لبنات بلدي
اقطفها من جنتك يا ورد يا بلدي
احمر فى يوم حرقتى ابيض فى يوم سعدي اصفر من الغيرة عللي سبب وعدي
قبل الميلاد بيسقوا الشربات يقدموك ليلة الحنة

حكم الزهور زي الستات لكل لون معني ومغني
دا لكل لون معني ولكل لون مغني


محمد فوزي - الزهور

لطفى بوشناق لامونى اللى غارو منى

مقطوعة رائعة للموسيقار محمد عبد الوهاب

"محمد عبد الوهاب - موسيقى عزيزة "رائعة

ليلى ويا ليلى - علي الحجّار - من مسلسل أبو العلا البشري‬

كلمات سيد حجاب
ألحان عمار الشريعي
غناء حنان,منى عبد الغني,علاء عبد الخالق

عمار الشريعى- مع الأيام  فريق الاصدقاء

عبد المطلب - يا أهل المحبة

عدّى النهار..
و المغربية جايّة
تتخفّى ورا ضهر الشجر..
و عشان نتوه في السكة..
شالِت من ليالينا القمر!..
و بلدنا ع الترعة.. بتغسل شعرها
جانا نهار مقدرش يدفع مهرها..
يا هل ترى الليل الحزين
أبو النجوم الدبلانين
أبو الغناوي المجروحين
يقدر ينسّيها
الصباح..
أبو شمس بترش الحنين؟
أبداً..
بلدنا للنهار
بتحب موّال النهار..
لما يعدّي في الدروب
و يغنّي قدّام كل دار..
و الليل يلف ورا السواقي
زي ما يلف الزمان
و على النغم..
تحلم بلدنا
بالسنابل والكيزان
تحلم ببكرة
و اللي حيجيبه معاه
تنده عليه في الضلمة
و بتسمع نداه..
تصحى له من قبل الأدان
تروح تقابله في الغيطان..

عدى النهار - عبدالـحــليم حـــافــظ (not the complete version )

من فيلم ’’قصر الشوق‘‘ غناء سناء الباروني  - تأليف حسيب غباشي، لحن نجيب السلحدار

لطفى بوشناق لامونى اللى غارو منى

Ahmed Mansour

Recent comments

Hashem Reda

رانيا ابراهيم

Related tracks