Ahmed Mohamed

اسبوع تمام - هاشم ميرغني

قصيدة مسامات الانامل 
للشاعر يحي فضل الله 

لو بتعرفي يامسامات الانامل---- بصوت يحي فضل الله

اسمعني نشيدك
معالجة موسيقية - غناء  - كمال الشادي 


الأمى وبابكر حمد او عوض الكريم عبدالله




أسمعنى نشيدك 
ورينى كمان فى الفن تجديدك 
يا حمام الدوح 
أسالنى أفيدك 
عن حالى البى وأحسبنى شهيدك 
ولهى ما بفيدك 
أبقالى رسول أو خذنى فى أيدك 
أترك تهديدك 
أسمعنى درر وواظب ترديدك 
وين القى نديدك 
يا جالى الهم زيد شجوى وأزيدك 
عقب تغريدك 
يا ساجع الدوح خلينى أريدك 
وأًل ليه بريدك 
وألأبس روحى يا حمام فى وريدك 
لا تخش هجيرك 

سافر يا حمام مولاك يجيرك 
سارع فى سيرك 
لو لى جناح أنا كنت وزيرك 
رحماك فى صعيدك 
أندب حظى وأدنى لى بعيدك 
يوم عيدى وعيدك 
يوم الأيام لديارى تعيدك 


كمال الشادي --- اسمعني نشيدك

فنان افرقيا  الأستاذ_محمد وردى

صفــوة عاشقيــكــ
قلت ليها 
وإيدى فى أيديها 
دمعة حزن سالت .. 
جاى منك ... وماشى ليك 
يا مداين غربة طالت 
لو مدارات نجمى ضلت .. 
وسكة السفر استحالت .. 
كونى فى دربى الحقيقة 
الديمة ليها مشاعرى مالت.. 
قلت ليها .. 
وكنت راجع لى عينيها 
من أسى الزمن المسافر فى المشاوير .. العصيبة 
من متاهات الأمانى 
فى مدار الحسن ضماها وحبيبه .. 
بينى لا بينك مزار .. 
لا محطات إنتظار .. 
لا مواعيدك قريبة 
إنتى يا الفرح .. الحقيقة المستحيل .. 
هدهدي الصبر الجميل 
وأمسحى الألم المخيم .. 
فى المدارات الرحيبة 
قلت ليها 
الحقيقة الضايعة 
بين .. قلبى وعيونك 
أنى لا قادر أفوتك لا أجيك 
وأنى ما عارف بدونك .. 
أبقى كلمة حب 
تزف البشرى فى ساعة مجيك 
وأنتى عارفة .. وقلت ليك 
يانى أكثر زول بريدك ... 
يانى صفوة عاشقيك .. 
يانى راكز الخيل عليك 
ولسه بى حبك متيم ومبتلى 
ألا ريدك زادنى حيرة .. على العلى 
لا مراكب البشرى ختن .. قلبى عندك
وإنتى لاقلبك 
نسانى 
ولا عليـــــــك
