افتح قلبى واقولها كل الكلااام🖤🖤

افتح قلبي وأقولها كل الكلام

Lyrics:

مسكت إيديها عشان نعدى الشارع.. بعنيها قالت لى ما فيش مانع

عملت عبيط أكيد وفضلت ماسك.. بصّت لى بصة حادة وقالت لى حاسب

قلبت الموضوع فى ثانية هزار.. خدتها السينما عزمتها على فشار

والفيلم كان أكشن جبار.. والبطل فيه كالعادة بيكسب الأشرار

ياما نفسى الفيلم يخلص والنور ينوّر.. خايف أقرّب أكتر خايف أتهوّر

مش عارف أصدق.. ولا عارف منين أبدأ

مش عارف أفكر.. متوتر مش عارف أعبّر

مستنّى اليوم ده أنا من زمان.. أفتح قلبى وأقول لها كل الكلام

مستنّى اليوم ده أنا من زمان.. أفتح قلبى وأقول لها كل الكلام

وأمسك إيديها .. ونعدّى الشارع سوا

عدينا الشارع ودخلنا فى تانى شارع.. تُهنا فى الزحمة وشوفنا الدنيا أحلى

الشارع لينا وأول مرة لوحدينا.. فجأة طلع علينا عيال ولاد لذينه

عملت معاهم السليمة ونمرة عليها القيمة.. بصّت لى بصة خطيرة معانيها كتيرة

زى الواد بتاع الفيلم الأكشن الجبار.. روحت هزمت كل الأشرار

عملت عبيط تانى وحاولت أتمادى.. بصّت لى بصّة حادة والمره دى بزيادة

قلبت الموضوع بهزار كالعادة.. قالت لى لمّ الدور وروح يا حمادة

مستنّى اليوم ده أنا من زمان.. أفتح قلبى وأقول لها كل الكلام

مستنّى اليوم ده أنا من زمان.. أفتح قلبى وأقول لها كل الكلام

وأمسك إيديها .. ونعدّى الشارع سوا

قولت لها كل حاجة وقولت لها الحقيقة.. وزى الفيلم النهاية كانت سعيدة

ردّت وقالت وأنا كمان.. نتقابل بكره فى نفس المكان

مستنّى اليوم ده أنا من زمان.. أفتح قلبى وأقول لها كل الكلام

مستنّى اليوم ده أنا من زمان.. أفتح قلبى وأقول لها كل الكلام

وأمسك إيديها ونعدّى الشارع سوا.



Comments

Alla Rashwan

aseel_707

Mohamed Fouad

Mohamed Elgharip

abdlrhman adel

ورد حسن

.

Marwa Mahmoud

roka