محمد اسامه

محمد اسامه - انسان بدائي | Mody Rap - ensan beda2y

محمد اسامه - نقط مطر | Mody Rap - no2at matar

نصل حاد _مودى راب .. Nasl 7ad _Mody Rap

ورقه وقلم _ محمد أسامه "مودى راب"

My Acc : www.facebook.com/OnlyForZamalek1

ميجالومانيا - محمد أسامة

إختصارا للرغي ، كل الليلة دي من إنتاج شخص واحد.
http://www.reverbnation.com/osamarapm...
https://www.youtube.com/watch?v=j36U6leuPGw

جداريات


قافل علي نفسه بابه قاعد لوحده حزين 
قاعد في بيته منعزل فاقد الثقه بالبني ادمين
وحده .. ما هو طول حياته كان لوحده
حتي مع الناس كان بيحس انه لوحده
محدش فاهمه ومستوعبه محدش حاسس بيه
اللي مبينه للناس مش اد اللي مخبيه
اللي مقالوش لسانه فضحته وقالته عنيه
كل يوم بيسأل نفسه هو انا عايش ليه؟
كل الناس اتقدمت وانا  وحدي واقف في مكاني
كل صحابي اتجوزوا وانا وحدي وحيد وبعاني
عاطل ، ايماني بالامل كان ايمان باطل
وصلت لمستوي من الاحباط والاكتئاب واليأس القاتل
احلام ، مسئوليات ، فشل ، حب ،اخفاقات ، تعب بدون انجازات
فجأة كمل 30 ، من بعد ما كنا شباب القلب الابيض فجأة اهو شاب
 لو كانت الدنيا عذاب في عذاب يبقي انا من ضمن الميتين


الدنيا حظوظ مش بنبص لحد في ماله
الدنيا فلوس مش موهوب والحظ اداله
الدنيا تدوس علي اللي ماشي غلبان وفي حاله
الدنيا لبوص انا مش عايزها خلهاله
زاهد وبالباقي فيا من قوة بجاهد
ساعات بكون بطل ساعات بكون مشاهد
حبيت البلدي والبلدي محبتنيش
والحاجه اللي بتسيبني بسيبها متلزمنيش


كنت شخص مبتسم لإني جاهل باللي جي 
بدون ما توقع إن القمر ممكن ينطفي له ضي 
كنت بسقي زرعي وردي في البلكونة كل يوم 
كنت بأذاكر و اجتهد و بصحى بدري من النوم 
كان تفاؤل اللي حواليا شيء ايجابي 
كان جرابي ممتليء بكل حلم آتي من كتابي
انا بحكي بدايتي في السذاجة يمكن تتعظ 
تعرف إن أملك في الوطن بقى شيء مستفز 
اليأس مش خيانة اليأس ضعف محترم 
حقيقة مؤلمة إني أشوف تضخم الورم 
استمر في المكان ده يعني أفرط في انسانيتي
 هافتقد صحابي أهلي ناسي كل ركن في بيتي 
مفيش وطن .. مش عايز غير إني اكون إنسان 
يوم ما أحس إني و الجماد سيان هاسيب المكان 
الحقيقة كالكابوس .. السعادة في الفلوس 
الشر منبعه البشر منبعه النفوس 
سايبهالكو مخضرة لإني شخص واقعي 
فقدت كل عاطفة زالت ما بين أصابعي 
حتى الحب طار لانعدام وجود المادة 
و الحرية انتهت بفضل الثورة المضادة
الوطن بيجبرك تدريجيا تبقى فاسد 
ع الأقل لو شريف هتبقى حاقد تبقى  حاسد 
الوطن بدل ما يدي ناسه  طلع حرامي 
سرق عمري و عمر جيلي و مش هزود بعد رامي 
أنا لازم الحق نفسي اشوف وطن بيحترمني 
أي مكان ماليش كرامة فيه يبقى مش لازمني 
مكان خطر على حياتي الخلفة فيه جريمة 
مجتمع خطر على دماغي بافكاره القديمة 
الهروب ضرورة للتخلص من كل الشرور 
كل معاني الانتماء ربطتوهالي بالباسبور 
يا كل دولة حرة أتمنى يكون زعيقي واصل 
لاجيء بلا وطن رافض حدود أو فواصل 


30 سنه بالتمام عيشتهم في البلدي وكل ما اقول تتعدل بالاقي سنه بتعدي
ذل مهانة سنين عذاب مقفول في وشي 1000 باب من الطفول للشباب
بحلم بالبلد اللي تودي ، مش لاقي نفسي هنا غصب عني لازم امشي
كل الاحلام ادفنت وحلمي وقع ما قامشي كل اللي عيشته هنا سنين
عذاب ولما همشي انا هنسي كل حاجه عيشتها هنا قبل ما امشي
فتحت عيوني في بلاد المولود فيها مفقود الدين فيها المصلحه والجنيه 
اله معبود ، الكل فيها شقيان لكن الا المسنود في بلاد العالم التالت
فساد ملوش حدود ، في العالم التالت نبيهم اكل العيش في العالم التالت
يؤمنوا بالله ويسجدوا للجيش في العالم التالت قوة عظمي اسمها حشيش
بلاد العالم التالت بتاخد مبتديش ، انا ماشي قبل ما اموت قبل ما الوقت
يفوت ، ماشي بعيد عن البلدي و عن الحدود ماشي ومعنديش اي
نية اعود ،  ماشي مانا استنيت الحق لكنه مجاشي
ملايين من الدوافع عماله تقولي قعادك هنا مش نافع ضيعت سنينك
مجهودك ضحيت مش شافع عليت الصوت فهتفولك طالبت بحق 
فقتلولك القلب اليافع 

اتولدنا في الحلال اتعلمنا ودخلنا جيش قعدنا علي القهاوي لا كسبنا ولا كالنا عيش
اشتغلنا كل حاجه والشهاده منفعتناش تعبنا واتبهدلنا بعنا نفسنا ببلاش 
كل ثانية عيشتها فيكي من حياتي مش محسوبة وسنين امالي واحلامي
كانت اكذوبة ضيعت سنين في اوهامك كنت في غيبوبه والنهايه من البدايه للاسف كانت مكتوبة


عالم تالت

لا مبالاة تستمر الحياة 
جسدي الى زوال بكل محتواه 
كموالاه ببلى أو بلا 
لا مبالاة لاتعنت لا محاباة 

الزمن كبعد خارج عن التحكم 
فرضية للتهكم مصطلحات 
تحتمل الصدق انتجت الكتب المحروقة بتهمة الكفر 
تاثير سكان كوكب أزرق في الكون صفر 
من ضمن العفر 
إني أقول كلام فارغ يبقى فلسفة 
ميبانش من الصياغة إن كان ده عقل أو سفه 
تداخلات أشكال هندسية نص قطر جمجمة 
مش شايف ده جسم بشري أو دمى  

"عقرب الساعة يأمر الجلد بأن يترهل 
ثم يأمر التجاعيد بأن تولد"

اعدادات في نظام تشغيل اللحم 
من غير بنزين أو فحم 
طاقة تحرك عضمي و عضمك 
لما بتخلص مالهاش شحن 
السما فيها ألف سر أصغرهم يعمل لك هزة 
مش لازم تبص بمحن و تتأمل تفتكر المزة 
هتبقى جثه 
هكنسوك لما المقبرة متساعش 
بزيادة نعش 
عضمك اللي عشت بيه سنين طوال 
هيلموا عضمة عضمة يحطوها في شوال 

"كل الأفعال الإنسانية تنبع من واحدة أو أكثر من هذه المسببات: المصادفة، الطبيعة، الإكراه، العادة، المنطق، العاطفة، الرغبة"

شوبنهاور .. جرعة مبداية للتشاؤم تاخد  باور
تواجه الامل بذكريات من الصور 
اللسان باش صمت مستمر خامل 
خطيئة مع الفكر و النتيجة العقل حامل 
أنا بتلفت كمدار القمر الأبيض 
زي كواكب حول الشمس تلف و كل ما تبعد تبرد 
بافكتر الكتابات ع الجدران الحجرية تاكد الف مقولة 
بان تاريخنا اتكتب كلماته بامر مباشره منهم 

افرازات العقل الجمعي تخلي العقل موافق 
ع التوجيه تنبيه معدوم تنفيذ معلوم 
عبد في القطيع يقول امين لسيده 
ينفذ أي شيء يريده مهما زادت تجاعيده
مهما قل مستوى .. ضخ الدم في وريده 
يعيش و يموت مازوخي 
السرعة في التنفيذ شيء صاروخي 
انعزال .. و اداوي في شروخي جوه كوخي 
لإنه موافق ع السياط بتحقق له الانبساط 

"الجاهل يؤكد و العالم يشك و العاقل يتروى
الخوف ألم نابع من توقع الشر"

فاكرين نفسنا اسياد توقيت نسفنا ازداد 
التوافق مع الكون غصب مهما اتطورت علوم وثب 
احتفال بوهم كوم لحم الجو برد بره 
كوكبك مالوش سطوة في المجرة 
نواية حارة بعد ما دمر أرضه 
الشر بيخلق فكرة ضارة 
 احتباس زاد و الحروق في الطريق جت 
كويكبات نيزك ابتدا العد 

"علمتني الفلسفة أن أفعل دون أوامر ما يفعله الآخرون خوفا من القانون
الأمل حلم من أحلام اليقظة
البشر يُحْكَمُون بالخوف أكثر من المهابة
يختلف المتعلم عن الجاهل بقدر اختلاف الحي عن الميت
ليست الشجاعة أن تقول ما تعتقد ، إنما الشجاعة أن تعتقد كل ما تقول"


احتباس

فارس بجواد

أنا براب بس عشان حنجرتي يبقى ليها لازمة 
لإن كلامي مع جماد مش بيعالج جنون العظمة 
قالت لي أبطل فن عشان حياتنا تستقيم 
قالت نبطل هلس و انحراف و نمشي في السليم 
شافت تحولاتي عيب و لما أرد أقبح 
شافتني من مسالم لناركوس نازل بدبح 
عيزاني شيخ بسبح ؟ كنت أسف بتلقائية 
بيري بيرها بيني و بينها نعيش بتوحيد الخلية 
أنا راجل بدون طموح و متسق مع اللاشيء 
مفيش شجاعة الانتحار مزيكتي عشقي أنا العشيق 
انت مين فيهم ؟ اصلي سمعت الكلام ده كتير 
و النتيجة مفيش تغيير و لا حتى تفة تأثير 
بنزيني مستمر في الهراء و الهرتلة 
بس شاطرة تستفزي فيا لخلق مشكلة 
انت اتخلقتي بس عشان تحسيسيني بالعجز 
و لما عقلي يحب فكرة إنت لازم تحبي العكس 
--
أنا براب بس عشان حنجرتي يبقى ليها لازمة 
لما أسيبكم و انعدم هتفضل الحاني بصمة 
أنا براب بس عشان حنجرتي يبقى ليها لازمة 
لإن كلامي مع جماد مش بيعالج جنون العظمة 
---
إنتو بتيجوا و تمشوا كإنكم زوار و أنا المتحف 
بتتغيروا بسرعه و انا عشان اتغير بزحف 
* يلا لموا صحابكوا و خدوا صورة سلفي 
احكولي عن رحلاتكو لدهب و أنا قاعد منفي 
*أنا براب بس عشان منساش إني عندي صوت 
عمري طاير في الشاشات في الشات في الفويس نوت 
حواليا ناس كتير بيحبوني فشخ 
بيحبوا كائن الكتروني في مقام المسخ 
و يكلموني عن الشهرة و أنا فنان بالسخرة 
أرد عليهم بشخرة و المناقشة تبقى أخرى 
بالنسبة لي عيب أكون مهم و انقلب على العلوء 
و هنتكلم في العلوئية في الحرية في باب اللوق 
صندوق من الذكريات ، لما كنت شخص 
قبل ما أبقى شبه كائن بيتقاللي اخص 
رفضي لمرور الزمن اتحول بروتوكول 
انا بسمع مزيكا ديسكو فلما أراب هؤلد سكول 
--
أنا براب بس عشان حنجرتي يبقى ليها لازمة 
لما أسيبكم و انعدم هتفضل الحاني بصمة 
أنا براب بس عشان حنجرتي يبقى ليها لازمة 
لإن كلامي مع جماد مش بيعالج جنون العظمة

هواجس

طالب في ثانوي شكلك تعالى اشرح لك 
مستقبلك أديك حماس .. زي كل الناس 
منهم ناس عدت بلؤم و ناس تانية ولعت بجاز 
منهم ناس بقت صخور و ناس تانية فضلت إزاز 
ذاكر .. خليك فاكر .. إن الأمل كبير 
تدخل كلية مالكش علاقة بيها يلا خير 
المهم تجيب تقدير والأهالي تحتفل 
و انت تتحرق ميولك أو بالسوري تصطفل 
تبتدي تشوف وظيفة و الشهادة تكسفك 
يبتدي شعور بيأس و الامل مكتفك 
و النتيجة تشتغل بأي أجر و السلام 
أي شغل تافه تبقى الصبح فيه و بالليل تنام 
للأسف ، اصحابك و احبابك يقنعوك تتجوز
قال يعني عشان متبقاش وحدك لما تعجز 
و انت تنفذ ، و تشوف واحدة حلوة 
كله بيبارك و في سره بيضحك ع البلوة 

أنا بحكي لك بس الليلة عشان لامحك مبتسم 
قلت اديك عشان موضوع ابتسامتك يتحسم
الجاي مش اسود، الجاي اغمق من الضلمة
بكرة هتهرب و تشكرني على كل كلمة 

العيل بيجي برزقه تقوم مخلف كزا كائن 
تستلف من طوب الأرض يطاردك ألف دائن 
تضطر تطلق ، تستندل و تسيب العيال 
أو تسرحهم يبيعوا في مانديل و أهو بالحلال 
عال ، مخك راق بتفكر في السفر و الرحيل 
و اديك برضه بتكمل جزء من ثقافة الجيل 
فيزا لأوروبا تروح من بيتك للمطار بتاكس
داعش تضرب أوروبا و يتعمل على وشك إكس
ترجع لذاتك ، ترجع لتدخين غليونك
ترجع لكنبتك و شايك تفتح تلفزيونك 
مصطفى حسني . مبتسم بيقولك تفاءل 
فجاة الجيران يسمعو صريخك و ينادوا بتساؤل 
ياهوو واحد قطع بيضانه و بينزف برعب 
شالوك ودوك ع المستشفى بسرعة و الجرح صعب
أبشر يا برنس ، الدكاترة بيرموك في الشارع 
مريض مفلس ، بيتحلق له بشكل بارع

أنا بحكي لك بس الليلة عشان لامحك مبتسم 
قلت اديك عشان موضوع ابتسامتك يتحسم
الجاي مش اسود، الجاي اغمق من الضلمة
بكرة هتهرب و تشكرني على كل كلمة 

يجيي يقلبك بلطجي معاه سنجة و بلطة
يتدخلوا الاهالي و يتصلوا بالشرطة 
الشرطة تشد البلطجي و يشدك الأمين نادر
عادل باشا يكهربك اعترف امضي تقفيل محاضر
خلاص لبست قضية ارهاب باختيارك 
جت ع الجاهز بدل ما تتعب في انتحارك 
بعد اعدامك تندفن و تتسرق الجثة
تتباع لطلبة طب المنصورة و يذاكروا الحصة
كونك ملعون مدفون كل العيال هتسقط
و أما يشتموك في سرهم شبحك نفسه هيسكت
يدعوا عليك بالموت و انت اصلا ميت 
مش عارف تفرح تزعل تضحك او تعيط
بعد وفاتك بفترة إوعى تكون قلقان 
وجودك صار شيء ماضي بدون مستقبل أو الآن
لا هتبقى إنس ولا جان ، هيزول جسمك و شكلك 
مش هيفتكروك بالسوء ، ماحدش أصلاً فاكرك !

أنا بحكي لك بس الليلة عشان لامحك مبتسم 
قلت اديك عشان موضوع ابتسامتك يتحسم
الجاي مش اسود، الجاي اغمق من الضلمة
بكرة هتهرب و تشكرني على كل كلمة 

---
Beat By: Osama

Music Source:
Yassir Abdulrahman
"The Road to Eilat 1993 "

SoundCloud
soundcloud.com/muhamad-osama/tghfeela

YouTube
https://youtu.be/8v3zQprWlN8

Facebook
https://www.facebook.com/modyrapworld

التغفيلة

النجمة اللي سميناها على اسمك اختفت 
 تقريباً اتحرقت لما عرفت انك اختفيتي 
من الحيز المادي المحيط بيا 

بحب اضايقك كعقوبة انك موجودة في زمني 
لو اتاخدت فدية بيكي ماتدفعيش تمني 
عارفك بتحبي شعري و اساليبي السردية 
وحشاني بشكل ميتوصفش باللغات الارضية
كونك مشيتي فجأة بيعرضني لارتجاج
حبستيني جوه قمقم جدرانه من زجاج  
بدونك للأسف هزور البحر وحيداً 
و أما أكلمه عنك   رده لن يكون مفيداً
من فضلك اظهري ساعة أو ساعة و نص
نقص صورة من البوم قديم عقلية لص
راسك مصابة بأورام ذهنية لسه بكر
جاهز نتعرى قدام بعض كعقل و فكر 
ضايقيني كلميني عن أي حد بحتقره 
رغم إنك سارقة مني الاسلوب ده أنا اللي مبتكره 
الأمل في شوفك مات بس بتعلق في أشاية
فاكر زغللة عنيكي لحظة الفرنشاية 

مشيتي ليه ؟ 

انت السما المتدارية فوق سحاب غيوم 
نسيانك حرب صعبة بخسرها كل يوم 
لما كنتي بتغيري كنت ببتسم بضيق 
و أضحك لما تحلفي إني مجرد صديق 
كان عندك نوع من التفنن في تكسيري 
كنت تزقيني في صدري بعنف عشان أحس بتقصيري
استحملت عنفك قاومت خرابيطك 
كنت احضنك بغصب أشغل مزيكتي في عربيتك 
لو تفتكري مغامرتنا في حرب النجوم 
كنا بنحارب الكون باللمبة النيون 
احيانا كنا نطير بدفع ذاتي فوق باريس
و ركبنا آلة زمن اتفرجنا على حكاية إيزيس
سافرنا كل بقعة و احنا في نفس المكان 
حولت جسمك لبيانو و عزفت عليه الحان
تاريخ ميلادك إضافة للزمن و مزية
اصلك حالة فانتازيا و وجودك ضد الفيزيا 

مشيتي ليه ؟ 

كلمتيني كتير عن عيوبي تيك إت إيزي 
بنسى اللي بتقوليه شفايفك ضيعت تركيزي
أحلامي بيكي زحمة ألوان الفن التجريدي 
مبتعرفيش ترقصي لوحدك محتاجة ايدي 
ما بتقوليش يا سيدي بذمة بوظتي الجنة
شوهتي اوهامي الهارونية و رسومات الحنة
محتاجين بنزين فضائي لتموين الهلاوس 
ميزة كل أما تكوني عاوزه .. ببقى عاوز 
تواضع مزيف ابداع  في التمثيل
مارسنا الشيء المستحيل . سيت تري فاسيل
شعرك شلالات نياجرا عنيكي فاجرة 
مملكة أحضانك هبدأ اجراءات الهجرة 
مشهد نهاية العلاقة لحنته ع الأورج 
طيرنا كل الحمام و كسرنا البرج 
غروري ميتكسرش مهما كان جمال ملامحك 
مش مهم تسامحيني المهم أنا مسامحك 

مشيتي ليه ؟ 

Music By: Ben Maker
Youtube.com/BenMakerProducer

مشيتي ليه

تسع سنين ...ببص لصوري السليمة 
أدوات رسم ، ألوان ، أوراق قديمة 
إنسان شايل شنطة طول الوقت 
كنت فاكرها مرحلة ، لكن اتعودت 
ابقى راكب تاكسي باص أو مترو أو طيارة 
ابقى ماشي ع الرصيف أو مستني الاشارة 
بسمع مزيكا تريب هوب في هدفوني الازرق 
أو بوست روك أو جاز تلاتينات ، مش بزهق 
إنسان هومليس ، جاهز دايما للعزلة 
الوحدة مع الأسف هي الحقيقة الرزلة 
معدتش ببذل مجهود للتأقلم ع الحالة 
كل حاجتي في الدولاب حاجة واحد رحالة 

لما بحس باحتياج بكلم الورق 
مفيش قلق ، الكلام بمرور الوقت  بيتحرق ،
مليون قرار ...لو كانت اتتاخد كان فرق 
احيانا بتخنق  .. لما اعيش في وهم إن الوعي اتسرق

الأرض غير صالحة للتخصيب 
اتعودت اتساب ، و نسيت ازاي اسيب 
الوعي غير جاهز للتصطيب 
اتعودت اتصاب ، و نسيت ازاي اصيب 
كنت بسافر للعشيقة بالخمس ساعات سفر 
كنت بكمل أي رحلة ولو طريق مليان حفر 
سافرت كتير شحنت تلفوناتي معايا كتبي
إسألوا الأسفلت عني  اسألوا عضم ركبي
سكنت في مليون سكن معرفش معنى الاستقرار
احيانا كنت اسكن في اوده فيها فوق خمس انفار 
مقابلات عمل ، بحث عن وظيفة 
نفاق رأسمالي محايلات سخيفة 
رجليا رسمت ع الاسفلت مليون اثر 
بكتب قصة حياتي في ألف صفحة مختصر 
شنطة اشيائي متكدسة باغراض الرحلة 
سلبينج باج كاب زمزمية صحرا قاحلة 
بشحن تلفوني كتير فالمزيكا متقفش 
عديت التلاتين تقلت مش باخدها قفش 
فكرت اسيبلكو الحياة و ادور على قطر
اقف قدامه و انهي الرواية بآخر سطر 

الأرض غير صالحة للتخصيب 
اتعودت اتساب ، و نسيت ازاي اسيب 
الوعي غير جاهز للتصطيب 
اتعودت اتصاب ، و نسيت ازاي اصيب 

ماشي على لاشيء 

Music by:
Peter Gundry
https://www.youtube.com/channel/UCCVPA8UIeyG-UIh-GoOCW-g

Beat By : Osama

المشي ع المية

مفتاح شقتك فاضل ، ذكرى في عقل وافر 
اتعودت ازورك لما كان جوزك مسافر 
كنت بتحكي لي ان وجوده مدمر صحتك 
و إنه عارف إنك بتخونيه مع صحبتك 

لذة مقابلاتك في شعوري إني بسرق 
يمكن الذ من ملمس قميص نومك الازرق 
تحت المطرة في بلكونتك مش ناسي صوت الرعد 
قتلنا الوقت بالسباحة في تكوين بعض

اتعودنا نعيد الكرة و ارسم لك قلوبي 
حتى في رص الراب مش بحب أغير أسلوبي 
كنت السنيدة في كل اكاذيبي و حواراتي 
كنت منورة سريري في عدم وجود مراتي 

انت ملكيش مناعة بتفكريني بالايدز 
سنين و لسه محتفظ بسيشنات النودز 
قلتي لي كتير بثقة " مش هتعرف تنساني"
عدد رجالتك متعادل مع عدد نسواني 

فاكرة أول عشيق سبتيه عشاني فسيبت البنت
بعديها ضعفت خنتك غلطة فخنتيني عند 
سافرت ست سنين رجعت لقيتك زي ما نتي 
فاكرة كل تفاصيلي فاكرة كام سنتي 

في بحر ملذاتي عمرك ما كنتي زبونة 
العاقلة دايما باستثناء طلعة الجونة 
ياما سفيت على خطيبك و انت بتضحكي
تستنيه ينام تجيلي شات نكمل حكي 

علمتي قلبي يكذب علمت قلبك النصب 
قصيتي ديل حصاني خدتيه ذكرى بالغصب 
لما بنكون سناجل بيقل مستوى المتعة 
لازم زبون لطيف مستعد يشرب الخدعة 

رحيقك ماريجوانا اعراضها اني اتوه 
خصرك فيه طائر العنقاء مرسوم تاتو 
الثورة فينا مستمرة  و لسه مكملين 
ضحايا كتير بتقع ، عدينا الأربعين 

ملكيش .. مناعة 

Music By:
Babak Beatz

Beat By: Osama

ملكيش مناعة

متعرفوش عني غير مشاهد عشوائية 
كائن الكتروني بحركة فيزيائية 
ساعات بيبان لي من دخان الشيشة وش باسم  
علاقتي بالمجهول  فيها شك إني آثم

بفكر كتير في الموت بنسى إني عايش برموت
لسه الجيم في أول شوط العبوا في جنازتي عود 
و انتو بتدفنوني اتاكدو إن مفيش هوا 
أو احرقوني و أبقى أنا و العدم سوا 

الموت في كل يوم يبعت لي رسايل مستترة 
في شكل لحن أو الوان أو روائح عطرة 
او في شكل يأس و انعدام شعور بالحاضر
كسل عجيب في عمل حاجة سهلة مش قادر 

الموت بيشتكيلي كتير اني متاخر بطيء
صديق وفي ، عقل دهب من النوع العتيق 
صراحته معايا بتخليني اشتاق له و اكتب 
فصاحته معايا بتعليني احتاج له فاكدب 

عدي التنازلي زهق
عدي التنازلي زهق
عدي التنازلي زهق
عدي التنازلي زهق

استلمت انا رسايلك 
Les messages de la mort ne S'arrêtent pas
لسه كم سنة و جايلك
Les messages de la mort ne S'arrêtent pas

لو مزيكتي ليها لون هلونها أصفر 
بتعشى كائنات حية في صحبة دكتور لوسيفر 
أسطورة الهيذام الراحل ، بك أسعد 
انا و الموت صحاب بعاد لكن فيه بيننا موعد 

سأتهم بالانانية لو رحت بقناعة
قاعد عشان فيه قلوب هتتكسر ، مش لكاعة 
الموت بيناقشني في أسباب حياتي باسما
و محافظ على سر اللي متبقي من الزمن 

الناس ظالمينك يا موت فاكرينك مرعب
رغم إني شايفك مريح و التنفس أصعب 
 زوالي مش مؤثر لسوء المحتوى
بالنسبة للكتير لا اعدو كوني هوا 

في ورق تبغي ارول  ، اشيل جزء من الكل 
في كل حتة من جسمي فيه نسبة كحول
رسيت للراس تكنولوجيا الخواص 
فرمطوه حطوه مجمد قبر من إزاز


عدي التنازلي زهق
عدي التنازلي زهق
عدي التنازلي زهق
عدي التنازلي زهق

استلمت انا رسايلك 
Les messages de la mort ne S'arrêtent pas
لسه كم سنة و جايلك
Les messages de la mort ne S'arrêtent pas
-----

Arranged By: Muhammad Osama
Melody: Syndrome
Vocals: Sarah & Muhammad Osama

 https://www.facebook.com/modyrapworld
https://soundcloud.com/muhamad-osama
https://www.youtube.com/alydaly
https://www.facebook.com/sarahsamir7217

عد تنازلي

قررت أنام كتير ، أحلامي أمتع من الواقع 
عندي رفض للمسار الزمني و كوني راكع 
بحكم دولة فنون دستورها قائم على اللذة 
كل الافكار متاحة و اللي بيعتبروها شاذة 
مسموح بالمعارضة اللي متكونش قو ة فارضة 
رافض أفكار العنف الخادع اللي باديء بوردة 
من حق الحاكم يرفرف ، و العجوز يخرف 
من حق الراوي يحرف ، و الوزير يتصرف 

جواري لكل مواطن لمحبات المازوخية 
مسموح بكل ديانة بما فيهم السيخية 
الرقص...في جمهوريتي فرض 
عشق المزيكا شيء اجباري لكل فرد 
دس أنفك في شؤون الغير دليل إدانة 
أي عدو للحرية لابس تهمة خيانة 
برش عقول الضلمة بمبيدات و اسبراي 
و التحية العسكرية بهزة راس دري

ميساوا تيروهمج
تذللا انروتسد

ذكور لكل انثى لمحبات التعدد
مفيش مكان لمطبلاتي أو متشدد 
قضاء على الكسل غرامة عن كونك متيس 
سمعتنا بين الكون ، ناس بترزع كويس 
لا للثيوقراطية بنحب الثقوب السودا 
كل واحد يبقى نفسه هامنع الموضة 
في دولتي ستات ماسكين مناصب ، شيء روتيني 
ممنوع مزز تنزل البحر الا بالبكيني 

بعد كل عيد عيد حفلات مجون
نكون بلى نكون بنشوط مبنقفش جون
بلد الهلس و العلم لون البلاك رم 
ساهم معانا في المرح خلي عندك دم 
سجون قليلة قسم خاص للي دمه تقيل
دولة مزاج ترحب بالعالم البديل 
في دولة الانسان مفيش اعدام مفيش تحرش 
تعيش روش أهلابيك هتتعولأ هتتشرج 

Beat By: Muhammad Osama
Melody Source: Syndrome:
Video File by: GREEN SCREEN ANIMATION

https://www.facebook.com/modyrapworld
https://soundcloud.com/muhamad-osama
https://www.youtube.com/alydaly

جمهورية أواسيم

مش هلحق اعرفك بنفسي لانك راحل 
محدش طول في أرضي معتبريني ساحل
الرغبة في الرحيل موجوده كل يوم الصبح
*انت لو ركزت بس في تفاصيلي تلاقي قبح 

بحكم عالم بلا أمل و الاحباط وزيري 
خرم في زمن بديل مكالمات مع نظيري 
محتاج اموت بدون ما أؤذي حد بقدر المستطاع 
نجحت في ترك ارث من سوء الانطباع 

لا اكتراثي لا مبالي مش مهتم بحد 
اسف امارس السخف و لو في عز الجد 
عدد لا بأس به من البني آدمين طاروا 
بزهق من الطريق ففجأة بغير مساره 

دماغي في حالة احتقار لكل شيء و صامدة
*اللي بيستمر معايا لمدة سنة بعتبره عمده 
ميزان العدل عندك اكيد مختلف عن عدلي 
اهلا بيك في قايمة المحرضين على قتلي 

بكلم القبور و احفر رسوم 
على جلدي بين اثار الحرق .. داقق وشوم

وشك رافض كلامي شايف انطباع تذمر 
اعتبره يأس أو سواد تراكمات تنمر 
كم صفحة بقلمي هتعيش في جيب الحكواتي 
يمكن عدد سنين حياتك من تاريخ وفاتي 

متنبسطش مع مزتك قدامي ، بغير 
ممكن تزيد معايا اتمنى حدوث السوء للغير 
كل ما اتكره اكتر كل ما يزيد الاتساق 
مع ذاتي فيه تآلف فيه تحالف باتفاق

خد شتيمة و انت ماشي كنوع من المقاومة 
الحقيقة ست لدغة ، للوفض خاومة 
الوحدة جوع زمان ، دلوقت شيء اجباري 
برلمان عقلي مانع الفكر اليساري 

بنحت تماثيل وشوش غاضبة من الطين 
بيسألوني .. ليه بتقعد مع ناس مبسوطين 
ليه تقعد وسط ناس أساسا و تسيب الجماد
تأكيد المعنى من كلامك مش محتاج تضاد 

بكلم القبور و احفر رسوم 
على جلدي بين اثار الحرق .. داقق وشوم



Prod By:Klaxy Beats

آثار حرق

سفر طويل موعد الوصول لنفس الشط
طيفك بيجري ع الرمال بفستان ازرق كت 
النسيان قرب يقرب ، و الذكرى بتبعد 
زيارتي السنوية الخامسة لنيران المعبد 

نفس عميق انعش خيالي بشيء منتهي 
ريقي مخاصم لساني ناسي طعم شهي
فبراير برد شاهد ع الحكاية طول الشهر 
بفرك ايديا الساقعة و اتخيل صور ع البحر 

بتحاول تغني و اضحك على صوتها النشاز
ملامح سريالية حالمة و شعرها البرواز
ايام سلام قبل بداية عصر الشروخ
الوان زيت مهزوزة بريشة فان خوخ

كام مره عرفت عني سر كام مرة خفت
بوضح اني راغب و اديها نشوة الرفض
Dans quelle direction
طريقنا واضح 
مستقبل زي ستونهينش، بلا ملامح 

---
شط بارد 
برق وارد
كهل سارد 
مات مطارد
---

كنت عارف ان وجودي بالنسبة لك عدم 
عادي كوني بالنسبة لك ريس الخدم
اسلوبك في الحسم ، لما اغلط في الاسم 
دورت عليكي في علم النفس و في كل قسم

حلمنا بكل عواصم العالم و احنا بنرقص 
لمسنا بعض و كنا في رسمنا بنقصقص 
اعمى بيحسس ، عايش بمنطق متناقض 
من عصر بائد ، بين نهود اللذة راقد 

كانت جسد سارح في غيم بارد و انا وراه 
و في احتوائي بايد واحدة بفك البرا
رسايلك خامة ، بكتب منها قصص عظيمة
بعد التقديمة بقاوم ذكراكي بالشتيمة 

انصاف اهداف أطراف تتشاف علاقة سرقة
بحترم الحظ بحتقر الظرف اللي حطنا في ملقى 
معرفتك علقة ، معرفتي بالنسبة لك حارقة 
حتى ارتياحنا سوا كان مجرد حالة طارئة 

Prod By: illthought

https://www.facebook.com/modyrapworld
https://soundcloud.com/muhamad-osama
https://www.youtube.com/alydaly

شط بارد

كالعادة وصلت هي الأول و ادته رنة 
متعودة انه بيطوّل ، هي تستنى 
كل مرة نفس الموقف يتكرر الوضع 
قربت تزهق منه و تفكر في ردع 
بدات تنفخ في ضيق ، و تبص ع الطريق 
فين احترام المواعيد بداية حريق 
دايماً بتيجي في المعاد و تبص في الساعة 
ملتزمة في العلاقة دايما بالخضوع و الطاعة 
بدات تتساءل ليه القواعد انها ترضيه 
يتطاول هي تطبطب يزعق تقول مرسيه 
واديه ، اتعود ع التمادي و هي تتحمل 
ساعة الغضب يقولها امشي لو مش عايزه تكمل
ساعات تصدق انه صادق و احيانا منافق 
في وقت عنفه و تهديداته تكون مضطرة توافق
تسمع كلام صحابها انت لازم تهاندليه 
تسمع كلام امها انت لازم تدلليه 

مش هستنى تاني ملخص اللي دار في راسها 
اعذاره وكل  تلكيكاته مش من اختصاصها 
قرار نهائي تم بزوال القلب المتراقب
مادام مجاش في معاده يتحمل العواقب 
ثورة جديدة ع الخضوع و الملك الاستعبادي 
مابين عناد و بين متلازمة انت اللي بادي 
الدم بيجري في العروق بتسيب الكافيه 
رحيل مفاجيء موقف حدسية بوانكاريه
مش عارفة قامت عن قناعة ام حادث عرضي
مش عارفة ان كانت صح بس جزء منها مرضي
جزء تاني لسه بيتساءل في الخفاء
طب رد فعله عنف و لا هيكون احتواء
عقل غاضب قلب مرتجف اعصاب ورق
تفكير في الجي و المشاكل وايام الارق 
قفلت تلفونها بسرعة تمهيدا للمعترك
مع كل كلاش بيزيد فقدان كل شيء مشترك 

خطوة للامام رحيل مادي بدون تردد 
وضع حد نهائي لكل مراحل التودد 
هتعدي الشارع تاخد تاكسي و تنطلق ع المنزل
خطتها واضحة في التجاهل يتصل هتكانسل
جو حر نار اغسطس عاصمة الصيف 
الكاميرا فوكس على رجليها نازلة من الرصيف 
حالة من التشويش الذهني بتحاول تركز
رغم ان العقل داير حيرة ع العناد تتعكز 
فقدان شعور بالعالم الرؤية فيها خلط 
صرير  كاوتش شيفروليه بيحارب الاسفلت 
اصوات صراخ و وشوش المارة بتتابع العرض
جسم طار ثواني قبل ما يتدحرج ع الارض 
الروح بتفارق الجسد ثريا سابت الحياة 
كل الخلايا بتستكين العقل يفقد محتواه 
اتجمدت ملامح وشها بغضب مطول 
حتى في رحيلها كانت قبله ، مشت الأول 

قلب صافي لا ينفي دماغ غشيمة 
عقل مزدحم مدي لكل تفصيلة قيمة 
مخلصة بقناعة للفكرة القديمة 
اتولدت في القفص فاكرة الطيران جريمة


Prod By: VINTAGEMAN PRODUKCJA
Story Author: Dr.Nabil Farouk

● Facebook : https://www.facebook.com/modyrapworld
● SoundCloud : https://soundcloud.com/muhamad-osama

ثريا

حجزت تذكرتين سينما و اعتبرتك جاية 
صاحبت واحدة بشعر كيرلي و اعتبرتك هي 
بفتكر الحلو منك و بنسى الجزء الشرير
وسط التفكير شغلت اغاني محمد منير
حاولت افتكر كل تفاصيل القصة لكن 
معادش فاضل منك شيء غير ماضي و اماكن 
عشان اوصل لك كنت باخد يوم كعب داير 
تبتل هدومي في الطريق من مطر يناير 
رحيلك حلا شجن مزيكتي في الكآبة 
رحيلك علا مستوى قلمي في الكتابة 
كان اعجابك بمزيكتي يعتبر شهادة 
رغم اني شايف مستوايا مش محتاج اشادة
رسايل خط ايدي عومتها مراكب 
بشوفك ماضي مختفي ما بين خيوط عناكب
راكب . زمن مواكب . شاكك في صدق حالي 
ساعات يجيني هاجس انك تجربة في خيالي 

لا توجد إمكانية لمسح ذاكرة الهموم
رحيلك حلا شجن مزيكتي في الكآبة 
رحيلك علا مستوى قلمي في الكتابة 
باقي منك ليا خط الكلام عطر الهدوم
عشان اوصل لك كنت باخد يوم كعب داير 
تبتل هدومي في الطريق من مطر يناير 

عدلت مفاهيمي في فهم الكون غير المفهوم 
لا توجد امكانية لمسح ذاكرة الهموم
بدون تعمد ودني بدأت تنسى نبرة صوتك
بشوش ع البواقي بقراءة قصص ايروتيك 
كان تراكك المفضل ليا الوحدة جوع 
شغلتيه يوم فراقنا قبل جوازك بأسبوع
عقل خاضع راضع ذكرى بلا حد رادع 
واضع صيغة قانون بحكم بيحارب الواقع 
تمن ماضيكي عندي اوكازيون معمول له خصم 
صورتك في اودتي بتساعد وصولي للأورجازم
في لحظة حسم ، مسحت من موبايلي نودزك
باخد منك مشاهد مع مشاهد غيرك بمزج 
شكراً لوجودك اللي خدم المزيكا بلركس 
علاقتي بيكي كانت ضد قوانين الفزيكيس 
فترة وجودي في حياتك تصنف انتداب 
خنتك مع المزيكا خنتك مع بارات الراب 

لا توجد إمكانية لمسح ذاكرة الهموم
رحيلك حلا شجن مزيكتي في الكآبة 
رحيلك علا مستوى قلمي في الكتابة 
باقي منك ليا خط الكلام عطر الهدوم
عشان اوصل لك كنت باخد يوم كعب داير 
تبتل هدومي في الطريق من مطر يناير 

Prod. Beatowski
English subtitles By: Mona Ghoneim

● Facebook : https://www.facebook.com/modyrapworld
● SoundCloud : https://soundcloud.com/muhamad-osama

محمد اسامه

ahmed alam