شعر

خبِّئْ قصــــــائدَكَ القديمـــــــــةَ كلَّها

واكتبْ لمصـــــــرَ اليومَ شِعــرا مِثلَــــــها

 

لا صمتَ بعدَ اليـــــومِ يفرِضُ خوفَهُ

فاكتبْ ســــلاما نيلَ مصــرَ وأهــــلَهــــــا

 

عينـــاكِ أجمــــلُ طفلتينِ تقـــــــررانِ

بأنّ هذا الخـــــــــوفَ ماضٍ وانتــــهى

 

ويداك فدانان عشقٍ طارحٍ

ما زال وجهُكِ في سَماهُ مُؤَلَّها

 

كانتْ تداعبُنـــا الشـــــــوارعُ بالبرودةِ

والسقيــــــعِ ولـــــم نفسَّـــرْ وقتَهـــــــا

 

كنــا ندفِّــئ بعضَنـــــا في بعضِنــــا

ونراكِ تـبـتـسـمـيـــن ننســـى بَـــــرْدَهـــا

 

وإذا غضِبنـــا كشَّفــتْ عن وجهِهــا

وحيــــاؤُنا يــــأبى يدنِّــــسُ وجهَــهــــــــا

 

لا تتــركيهـــم يخبـــروكِ بأنـنـــــي

متمـــــردٌ خــــــــــــانَ الأمــــانـةَ أو سَها

 

إني أعيذكِ أن تكوني كالتي

نقضتْ على عَجَلٍ وجهلٍ غَزْلَها

 

لا تتبعي زمنَ الرُوَيْبضةِ الذي

فقدتْ على يده الحقائقُ شكلَها

 

لا تتــركيهـــم يخبـــــروك بأننــــي

أصبحـــتُ شيئاً تافهــــاً ومُـــــــوَجَّــــــها

 

فأنا ابنُ بطنِكِ وابنُ بطنِــكِ مَنْ أَرادَ

ومَــــنْ أقـــــالَ ومن أقــــرَّ ومن نَـــهَى

 

صمتَتْ فلــــولُ الخــائفيــنَ بِجُبْنِهِم

وجُمُــــــوعُ مَنْ عَشِقُــــــوكِ قــــالتْ قَوْلَها

هشام الجخ - مشهد رأسي من ميدان التحرير

وقولوا لعين الشمس

الدنيا مسرح

سواد العسل

ايوه اتاكدت حبيبي

أغنية لعـيد الأب

اغنية حسين الجسمى - أمى- تتر مسلسل الوالدة باشا - النسخة الاصلية

ليه كل ما تمشي في سكه ياقلبي تكون نهايتها طريق مسدود والايام علي ورقه حلمك تختم ختم طلب مرفوض ترجع تاني تقف مكسور انتا واحلامك في طبور واما بيجي عليك الدور يقولولك اسمك مش موجود #Angham 💝😍

هشام الجخ ايوة بغير

اغنية حسين الجسمى - امى- تتر مسلسل الوالدة باشا - النسخة الاصلية

التراك ده مش هياخد حقه 
قصه حقيقية 
حاسس اني هندم اني نزلت التراك ده 
شير لو عجبك 
احمد الشعراوي 
----------------------------
كلمات القصه --
--
شخص فاشل في الحياه مكمل بلا اهداف
عايش حياتي وحيد من النور بقيت بخاف
ليلي نهاري نهاري ليل وحياتي مبتكملش
طب انا فاشل ليه هو انا مبفهمش
ضربه وراها ضربه والمفروض مستسلمش 
اشتريت عسل ومن النحس طلع مش
امبارح هو بكره والنهارده ميختلفش 
بعد سنين العمر دراسه وانا لسه متولدتش
باخد ضربه وراها ضربه كأني متعلمتش 
بس ضرب الدنيا بيوجع ليه للحزن قاعد تسمع
لو فإيد الواحد كان يتمني انه يرجع 
كأنه متولدتش وميجيش علشان يشوف 
أسي البني ادمين وعيشه كلها خوف
وكذب الدنيا كمان نرمي العيبه عالظروف
مشاكلنا كترت مبقاش ليها حل 
البلد خربت ومنها الواحد مل 
------------------------
بتجيلنا المشاكل ومش عارفين منين 
بعدنا عن ربنا واصبحنا معميين 
الدنيا بتتكرر وبقينا مملين
وكل ده بسبب بعدنا عن الدين
-------------------------
قاعد حزين بتأمل في وجود الناس 
انواع كتير بتقابلك وفيها الاساس 
ناس حقوده وناس بياعه وناس قلوبها كاس
ناس كارهاك وناس حباك وناس من غير احساس
وانا الفرح مغطي عليا عكس 
الحزن لما سبته جالي في رساله واتس
مكتوبلي فيها ان انا اشكال وسخه
وانت متختلفش ده انت من الزباله نسخه
طيب بص يا صاحبي او ياللي كنت صاحبي
ازاي اقولك صاحبي وانت بتتكلم فى ظهري 
كنت صاحبك وحبيبك ولما اتخانقنا
بقيت بتاع بنات زي واحد من صحابنا
مش ههتم اكتر لانه متستهلش 
خلاص يا ابني نسيتك لاني مبعترفش 
ان اللى زيك صاحب دول كمان نادرين
فالوش قريب وحبيب وفالظهر كوم سكاكين
---------------------------
بتجلينا المصايب ومش عارفين منين
صاحبي غلط فيا وقال اني بتاع حريم
وكل اللى عاشروني باللي قاله مش معترفين
انا كنت صاحب صاحبي ادفن انت راسك في الطين
-------------------------------

Boring _ ملل | احمد الشعراوي

هشام_الجخ_-_مشهد_وفاة_والدة_هشام_الجخ_-_من_قصيدة_شكلك_مصلتش_العشاء.mp3

أصل الحياه للعلم
مفهاش حاجات ببلاش
وعشان ماتصبح فيلم
وأصلا عشان تتعاش
كادر الحياه المشحون
فرح والم وشجون
لازم يكون بيلف
لازم يكون بيدور
يتقل عليك ويخف
ويعشّمك بالنور
ف نهاية المشوار
ونا قلبي لف و دار
ميت ألف ليل ونهار
نفسه ف فرحه كادوه
وحلاوه من غير نار
ومّا الزمن تعبه
قصقص شريط الفيلم
وخَد كادر كان عاجبه
وقرر يعيش ف الحلم
و الحلم كان كامل
جدا تمام خالص
ولجل الكمال لله
كل الحاجات جواه
لكن في شيء ناقص
فاضي بشكل غريب

‫قصيدة مافهاش حاجات ببلاش - مصطفى إبراهيم‬‎

تفرانيل مصطفى ابراهيم

 -------------(م)-------------- 
ماسبيرو أخطر م الرصاص و القصر
ملّى عنيك بالدم...قبل الطلوع قدام
ما تسيبش جيشك تِقسمه الأعلام
مش كل مين جنبك....جواه بيهتف مصر
 
--------------(ا)---------------
الوقفة جنب النار ..بتقلل الدخان
- إهتف هتاف إبن المكان و الظرف
- إضرب بعزمك ... أو ما تضربشى
إرجع بضهرك ... أو ما تهربشى
إمسك عصاية ثورتك م الطرف
التاريخ ضمن الغنايم ..و بيكتبه الكسبان
 
 
 
--------------(ن)--------------
نقى دايما طوب صغير حدفتك توصل بعيد
نفترق ساعة المطاردات ..أربعات
نشّن الباراشوت ناحية الصف العريض
نجرى فجأة.. نردّ فجأة.. نص قوتنا المفاجأة
ندّم اللى يعورك........و إقطعله إيد
 
--------------(ي)--------------
يؤتَى الحِذر من مكمنُه
يأتِى الغبى باللص ثم يحلّفه
يؤتَى الهتاف... رَّجاً بممن يَهتِفه
- يؤتَى الجدع... قلبا بمما إتجَدعنُه
 
--------------(ف)--------------
فّرق ما بين....الجرأة و القلب الحديد... و الرمى جوا التهلكة
فتش بإيد ع المستفيد ..و بإيد عن الصاحب الجدع
فتح اذا الناس غمضت....غمض إذا نظرك خدع
فرّغ عياطك ع الصحاب... دم و خميرة... مش بكا
 
--------------(س)--------------
 
سمى الحاجات دى بإسمها...الكدب... و الخوف... و الخيانة
سجادة المسامير... تتحط ع الناصية ...غطّيها بالدخان ..ولّع قصادها كاوتش
سد الطريق لورا علشان ما تترددش
سيب باب لجيشهم يهربوا منه
سلّم رايات الحلم لحد من سِنُّه
سلّم قراركوا لأكتر كفّ عرقانة
 
--------------(ت)--------------
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب تبص ف عين.. إصحابك الطايرة....شوف مين من الآخر دفع....لو زيهم... إدفع
تلت الرصاص نحو العدو... .تلتينه للخاين..الطعنة جاية من هنا مش من هناك
تعب النهاردة غير تعب بكرة....الوقت مش دايما معاك.
تحتك فيه ناس عاوزة الأمل...مش عاوزه؟... سيبهولهم
 
--------------( و )--------------
وسّع الجبهة لو إنتوا كتير... و .ضّيقها لو إنتوا أقل
ولع شماريخ وسطكوا اول ما تلقى الرتم قل
وقّع لمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة...حتى لو فاهمين غلط...فيه ناس كتير متلخبطة ...إكسب عدد ....و إكسب غطا
وزع عيونك فوق و تحت....و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل
وفّر بديل
وافق على الهدنة إذا سحبوا الكلاب...لو سابوا خليك انتا آخر حد ساب
واحد بيفرق ف العدد جدا
- و عشان كده.... أول ما تلقى إن الصفوف ناقصاك -
 وسع مكانك... للى جاى وراك


https://www.facebook.com/Mostfa.Ibrahim


موسيقى و هندسة صوتية : رفيق عدلى
تم التسجيل بأستوديو بداية 
شكر خاص لأحمد العايدى 



المانيفستو - مصطفى إبراهيم



أنا لزق اتشال خمسين مرة
من فوق خمسين نوتة وكشكول
وإتساب في الهوا عريان برة
ف نشف .. مبقاش يلزق على طول
- هو انت تطول ؟
قاللي الدرويش
مش عايز أطول .. أنا عايز أعيش
-إنتا اللي فهمت الزهد بلاء
إزاي هزهد في حاجات معييش ؟
-ياحمار دي فضيلة الاستغناء
وانا كنت استغنيت بمزاجي ؟
أنا اسمي يئست ومستغنتش
إيه الزهد ف إني أمّا آجي
أشتري مابَجبيبش عشان ملقتش ؟
فيه فرق مابين صبر العاجز
علشان مبقاش حاجة في إيده
وبين واحد أصلاً مش عايز
غير زي ما بس يعوز سيده
صدّقني أنا زاهد بالصدفة .. أو من غير قصد
أنا طاير آه .. لكن علشان مش لاقي الأرض
صدقني أنا كان نفسي أتعلّق .. في حاجات ياما
وأعيش إحساس إن أنا فعلاً من غيرها هموت
أنا عارف اعيش
من غير ما احتاج إني أقرا الوقت
من غير ولا واحد .. م اللي أنا أعرفهم دلوقت
أنا أعرف اعيش من غير اسمي
أو سنتوف برّة حدود جسمي
ومن غير السلسلة والمفاتيح
ومن غير ولا واحد من أهلي
ومن غير سارة
ومن غير البنت اللي أنا نفسي أجيب منها ولاد
ومن غير فيزا البنك الأهلي
وهشوف من غير النضّارة
عايز هَوا بس .. وميّة .. وزاد
كل يومين .. بَكْبَر وارمي حاجات
واكتشف إن أنا كان ممكن أعيش
من غيرهم أصلاً م الأول
معرفش بقى اليأس اتحوّل
وقلب على زُهد ..
ولا ده جين صوفي من الأول مش محتاج جهد ؟

علّيت صوتي وقلتله ماترد
الدرويش أصلاً مش موجود
الجامع فاضي ومِتغيّر
فيه عيل شبهي ونا صغير
شايل بلطة وبيهد عمود
مش عارف احرّك رجليّا
ةمش عارف أصرّخله يبطل
صوت دف بيعلى وبيقرب
دقات ورا بعض
وعمود الجامع بيشقق
وبيعمل أصوات زي الرعد
العيل بيسرّع أكتر
زي المسعور
أكتر أكتر أكتر أكتر
في نور ضارب في عنيّا
وألوان بتدور
كل اللي أعرفهم حواليّا
السقف خلاص كله بيتهد
فجأة مفيش في الجامع ولا حد
وبحسس على وشي كويس
وبشوف الدم
وببص لفوق
السما باينة منورة جداً
ومفيش عصافير
فيه ناس واقفين
شايلين في حاجات
ناس غيرهم شايلين بني آدمين
فيه ناس منهم شبه العِيلة
ومفيش غيري من غير شيلة
ف محدش عارف غيري يطير
أنا عمّال أترقّى وأطلع
السبورة عمالة تضيع
على مد الشوف .. أنا شايف بيت
و بتمتم بكلام مش واضح
فيه صوت بيقول (على فين رايح ؟)
ف بشاور .. ف يقوللي (لوحدك ؟)
ف أضحك وأشاور حواليّا
لولا إني لوحدي ..
ماكنتش جيت


هشام الجخ ايوة بغير

Ahmed mohammed

Related tracks