"أربع حيطان"
مدفون في قلبك
ييجي أكتر من صدى
والوحده فاكره
كل حاجة مؤكدة
أربع حيطان مرايات
والرسمة من جوة
بيبان في عينها حاجات
بالذكرى تتسلى
حبس الكلام نفسه
بس عشان يوجع
والقلب كان نفسه
يلقى ويتهنى
أربع حيطان مواويل
معزوفة على الحكايات
فاكرة كلام الليل
ما بين دموع وآهات
كان فيه خناقة موت
صوتها سكات في سكات
مدفون في قلبك
ييجي ميت مليون صدى
والوحده فاكرة
والعنين مشردة
حد بقى حاسس بكونه
م الهموم بطل يحس ؟!
شاف كتير قسوة بعيونه
وحلمه كان يتحب بس !
والدقايق ال فاتت
فات حاجات كتير وماتت
جوه منه قلب شاتت
مات وعاش ولسه عايش
عاش حياته بالهداوة
كان معاه م الروح حلاوة
ياما شاف حس بقساوة
عن عيونه الدمع حايش !
كل أمله في الحياة
إنه كان يتحب بس

https://www.facebook.com/hekayat.ahmed.roby?fref=nf

أربع حيطان

أعطوني حُلٌماً يُحييني
لا يأكلُ زمني ليقتات
أعطوني حُلٌماً يتحقق
من قبلِ لقاءِ الأموات
أعطوني حُلٌماً يأسِرُني
يتركني حراً أتدبر
ويلاشي أوجاعَ الدُنيا
يجعلني شباباً اذ أكبُر
ويخوضُ لأجلي في فرحٍ
ما كُتِبَ في الصحفِ الأولى
ويزيدُ الصبرَ بأصرارٍ
يُغريني حتى كي أصبر
يُسمِعُني قولاً أعشقه
من دونِ أن يغدو بعيداً
أعطوني حُلٌماً أعرفهُ
بجوراه لا أغدو وحيداً
ويحيلُ العمرَ الى لحنٍ
لا أشبعُ منه ترديدا
يَذكُرني الناسُ به يوماً
إن متُ أو عشتُ شريدا
ويقالُ فلانٌ قد أثمر
بالحلمِ قد كانَ فريدا


https://www.facebook.com/hekayat.ahmed.roby?fref=nf

أعطوني حلما

"أنا وأخي"
الصوابع هيا هيا
نفس رسمة الخطوط
فينا ضحكة مدارية
وسط أفراحنا تفوت
نفس رسمة القلوب
في هوانا راح تدوب
نفس شكل الحزن لما
بلمحك وسط الشرود
حتى شرياني بيجري
فيه كما شريانك انت
يعني من بره وجوه
احنا واحد في الوجود
ليك مع الخالق تواصل
شايفه في "صليبك" براحتك
بس ليه ممكن أعيش
وأبقى لقطة تقل راحتك
ربي شايفه في كوني "مسلم"
بس مأمرنيش يا جورج
الا إني في وقت ضيقتي
ردي يبقى خلاص سامحتك
يعني عيشها زي ما انت
سيب ايديك تلمس ايديا
أصل يا ابن الناس ما هيا
زي ايدي هيا هيا
فيها ضحكة مدارية
وسط حزن أوام تفوت



إهداء لــــ جورج عياد 


https://www.facebook.com/hekayat.ahmed.roby?ref=bookmarks

أنا وأخي

أجيبيني
وَمَرَ الوقتُ وَفَرِغنا
من المنقوشِ في الماضي
..........
وقلبك لسه محتاجلي
أو انه بغيري بقى مليان
أو حتى صبح فاضي
ندائي يا منى قلبي
........
أجيبيني 
فأنَّ العمرَ قد ولى
ولا أعلم
ما ان كنتي
لا زلتي
تحبيني
.........
فيا عشقي ال انا جارحه
أنا عايز يا دوب كلمة
تفهمني أروح مرجعش
وأشوف حظي مع الدنيا
أو انك لسه ويايا
وتمحي م الفؤاد ظلمة
..........
أجيبني
بحق الحبِ في قلبك
لغيري
بحق العشق للكون الفسيح
وَأُماً
وأباً لأجلك لا يستريح
أجيبني
فأنا رهن الجواب أنا
..........
رهن يا دوب كلمة
أكمل ولا استنى
وأتمنى
أكون جنبك
أو اني أمشي وأدعيلك
تلاقيني في توب تاني
يحبك قد ما بحبك
ويتهنى
........
بما قد زرته يوما
كما الحُلُمِ
بما في عشقهِ دوماً
سأتغنى
أجيبيني
https://www.facebook.com/hekayat.ahmed.roby

أجيبيني

أنا اتوضيت
وصليت
لأجل أقرب لك
ووجهت الدعوة للقبلة
أنا عارف هتوصلك
تكمل ال مانعني أعيش
يكون ليا وإن عشت ال فات و "مليش"
أنا بدعي عشان عارف
بأن الدعوة راح توصل
يا أدرى باللي في الواحد
يا رب يا فرد يا واحد
وأعلم باللي راح يحصل
وخالق عبدك الساجد
وقدرك ال ليه أفضل
أنا تميت
من الأحزان
يجيي عمرين
فوق عمري
أنا مؤمن ومن صغري
بأن الدنيا دار مش دار عشان تتعاش
وراضي  بقسمتي ولو مقسوم لي حتى "بلاش"
لكن بستسمحك ممكن
طالما الروح كده عايشة
ولا حان الأوان تسكن
تحقق لي ال انا طالبه
أو أنسى طلبي من أصله
ولا أرجع وأفكر فيه
ولا أرجع أقول يمكن

https://www.facebook.com/hekayat.ahmed.roby?ref=bookmarks

أنا اتوضيت

يا ليل داعب خدها الخمري
ودع النسيم يعانق العينين
ماذا اقول لكي ايا عمري
اني اسير الرمش والشفتين
فيكي الكلام ان يطل دهرا
من فوق شعر الرأس والقدمين
ظلم الكلام حسنك الطاغي
يا من سحرتي بالهوى الثقلين
اني صريع الاااه والنظرة
اني اسير العشق من عامين
اني احبك قدر تعذيبي
انتي ملاكا في كلا الدارين
يا قلب فأهدأ كدت تقتلني
ردد معي تلكما القولين
رباه قرب وقت زيجتنا
وأدم وفاق العيش بالقلبين

https://www.facebook.com/hekayat.ahmed.roby

يا ليلُ

لك يا اللي مخبي جوه قلبه كتير
تَلاقَينا
سواء بالفرح أو بالحزن
كان بالشر أو بالخير
طبيعة اننا مخاليق
ولينا نفس شكل القلب
ساعات يفرح ساعات بيضيق
يعيش يكره أو انه يحب
مفيش ولا فرق في التركيب
وان كان الطراز يفرق
وكله بعد عمر يشيب
تغيب م الدنيا دي شمسه
ولا مكتوب جديد تشرق
تَلاقَينا
تَلاقَينا وصدقني
أنا عارفك وحاسس بيك
ولو حتى هعيش وأموت
ومش مكتوب أكون حواليك
يا ساكن جنبي في الشارع
وياللي ما بين بيوتنا محيط
تملي النبض بيسارع
خلقنا ال بينا محيط
فلا تحمل لدنيا هموم
ولا تقصر في قوت نَفَسَك
مكاني في اللزوم معلوم
بيسكن جزء من نَفْسك
يا ساكن جنبي في الشارع
وحابب جيرتي متعايش
وياللي قابلته في خناقة
وياللي بترتدي القايش
تَلاقَينا
تَلاقَينا بدرب الله في الملكوت
وإن كان اللقاءُ مُحال
بداخلنا اللقاء موجود

https://www.facebook.com/hekayat.ahmed.roby/timeline

تلاقينا

ثانوية


أنا والماضي دائرةٌ تدور
وتقلب بر عمري للبحور
ونمط المشهدِ المسجون فيها
كوحشٍ حُبِسَ قد نالَ العبور
وتكرار المشاهدِ بالتمامِ
يواجهك بنفس قد تثور
وثورتها على ما كان منك
وتكمل صوب حلمك بالفتور
فلا ما مات مات ولا استراح
ولا طرحٌ مخالفُ للبذور
وتصديقٌ بأنكَ أنتَ انتَ
لك حتى الممات نفس الظهور


https://www.facebook.com/hekayat.ahmed.roby?ref=bookmarks

الدوامة 2

وفيما الوصفُ يا عُمري ؟
أفي قلبك !
فذاكَ القلبُ أعشقهُ
وأعلمُ أنني فيهِ
وذاك البعدُ مزقني
وأحيا من تلاشيه
تحيطي اليومَ بالدفئِ
وإن هاجت أعاصيرِ
فأول رحلتي منكي
وكي أُرضيكِ أجتهدُ
وأتقنُ في تدابيري
وفيما الوصفُ يا عُمري ؟
أفي عقلك !
رآني من خيوطِ النسجِ مختلفاً
وذاق الصبحَ من نسماتِ فنجاني
وأعلمُ أنني مُذنب
وأعلمُ أنني الجاني
فكيف يضيعٌ مني العمر
ولستي بينَ أحضاني
وفيما الوصفُ يا عُمري ؟
أفي حسنك !
تغارُ الشمسُ من نور الجبين
وامشي في رحابِ العينِ دهراً
ولا أدري المكانَ ولا الزمانَ
ولا أجدُ الملاذَ لأستبين
سوادُ الشعرِ يشبه كُلَ ليلٍ
يمرُ عليا يصحبني الأنين
فلا للبعدِ بل ظلي بكنفي
على الدنيا بروحكِ أستعين

https://www.facebook.com/hekayat.ahmed.roby?fref=nf

فيما الوصف

تُدَكُ حبات الترابِ بالخطى
عتبةُ الدارِ توارت تحتَ منسوبِ الزمن
وفلانٌ ماتَ قهراً
لم تفارقهُ المحن
وأخيهِ عاشَ دهراً
قلبَ ميزانِ التواتر
قُوتَهُ كان الخواطر
خلف لحنٍ من شجن
تُزالُ لمحات الطريقِ باﻷسى
قبةُ القصرِ هناك
خلفها بضع مَحَاااااال
والوريثُ ضاقَ حاله
هذا ما كان يُقال
فاختفى خلف السياجِ
يرتدي ذُلَ السؤال
...
البيوت جابت عيال
والعيال كبرت أوام
كان زمان البيت ده حي
وسط جو من سلام
الكبير سافر ومات
وال بعده عاش يعافر
منتهى صوته السكات
حتى لمتهم في عيد
يشتكي منهم زحام
مش باقي لها اي حس
ال باقي اختهم
ال خالفها النصيب
عايشة تحت اﻷرض فيه
عم أحمد م الجيران
بيساعدها الله يجازيه
ده ال باقي م البيوت
نقطة سابت السطور
واستقرت في النهاية
قفلة صامتة للكلام
ما البيوت جابت عيال
والعيال كبرت أوام

#ahmed_roby

Ahmed Mohammed Roby

Popular tracks