MARO

8.رابتور 🐊
كلمات: مروان موسى، هشام حسن
توزيع: مروان موسى
artwork: Youssef Sabry (instagram @yousabry)

[ڤيرس 1: مروان]
... دخلت من باب الفضول 
... وطلعت من باب الخروج

بادّي اقلام على الخدود
بس بتعامل ببرود
فيه ذكاء في الاسلوب 
انا رسالتي مسجلة، انا قافل خطوط
لا مش غاوي اتصال، لا مش لازم ردود 
دا رصيدي ١٠٠،٠٠٠ مش شاحن كروت 

فات الغروب ولذالك هاتجه 
على الزمالك اخوض المعركة 
اكتب بارات ولا اروح العزومة مع رنا؟ 
تكون ايدي مدفونة في شعرها...

ياللا عادي 
قرب واتفرج
بمجرد ما احرك دراعي ابداعي بيتذاع على البث الاذاعي
 من برة بيتهرب ازاي هتقنعهم بقناعي؟ 

انا و H على التراك فما تزيطش
بيقولي "مان شيت!" فاديته مانشيت، ما نسيتش 
لو كنت كرواتي كان اسمك هيبقا Magič 

تاجي على الراس انت قاعد بشروطي
تمسك الشيشة انا رفاعي الدسوقي
باقتل الجثة فيش داعي لحانوتي
الراب تصفيات وبنلاعب چيبوتي

والمفاجأة اني في وشك بالشاي دا هاسقيك 
واخليك تسأل نفسك ازاي دا تحقيق 
جاي التدريب؟ 
هعلق جتتك علامة تصويب 
بالرماية هانهيك 

اصل الخطر دا لما باتضايق على البيت 
سايق بسبيد
حابسك في الشنطة 
وبهرج واقول لك ازيك يا شقيق 
وبإديا بأذيك
ايوة بذيء 

خليته ينتحر قلت له: احسنت 
رميته في الترعة وفي رجله اسمنت 
رحت العشا مع رنا وحسين وبسنت 
قالوا لي انت راجع من فين ابتسمت 

وادي النتيجة 
بارقص كأني بالعب في لا ليجا 
سيبك ... كل اللي فات هيشيلوه يا حبيبي، ديه چيبة! 

ايدك... على قلبك بس قلوبنا مش سوا انا سيدك
سايق وباسمع داليدا 
هاركن واركب التاج 

[ڤيرس 2: هشام]
قال لي: ياولد اصل انا باقش 
دماغي دي بلد بباسبور تخش 
بادي له بالقلم، لا باكتب بقلمي
: انا مين ؟

 انا الي فايز ياكوتش 
دا جايز يصد علي اللي جاي، دا زي ماشافه عليا بيرد 
فجينا ف مجاله، فجاله دماره، فبينا يا مارو بإدينا نلطشه

ياللا بينا نبدأ، شاف هشام شعره شاب، حتي لما غاب برضه رابتور يعلى 
سمعنا ف التراك مارو عالانتاج، لو مش مارو مع هشام
"يبقي خارج نطاق الخدمة"

Stop
 طبطب عالامسيز.. طب مين سيس؟
ترميم سين صاد، صدمة بيتشعبط، لا دا ف رابه استعبط
واستعرض، قال لك: مش هعرف

هاها بطلوا فيك يا باشا
"خرا ليه خرا فيه”، بار خرم الشاشة 
هشام يديك في أساسك، مارو ينهيك عالبيت بشياكة

Peace
 واقف، دا متني  من كم القميص
تراكك عجبني مش لازم تشخيص 
ف يوم حد فادني؟ لا آسف مفيش
صاحبي فوق ما تداريش، اصلي فوق ما تناديش 

بادي ضربة في القاضية، والابيض يختفي 
الساحة لو فاضية بأصواتنا تكتفي
حلبته في حلبته، والتور جري
كابوسك دا رابتور فريدي

Ready
 صوتي شهد اما كان غيري شهق، منكو زهق 
في مجاله شافه، علي بيته جرا 
شافه علا، قالو خرا،  رابه خرب ابو شنب، شتم اللي وقع
ماهو فقع، جه و طلع 
بعده جاله قاله صنع 
سرق اللي بدع، شافه غيره قام اتسمع
اما رابه دا مصطنع

بعده تاني جاله بقي، مالو دا؟
فبدأت بادقدق فيكو، فزهقت 
سبقتك ازنق عليك و كسبتك 
هزقتك، باسقف و اهد من سقفك 
اهزر و اكسر و عادي لزقتك 
مسحتك في مساحتك، فساعتك بساعدك 
وَسَعتك ف دماغك بلاعبك لسعتك 
سعادتك مشاعرك .. اكمنك مش اعلي 
باسيبك متشعلق ..تتعلق من شعرك

raptor feat. hesham hassan (prod. m.moussa)🐊رابتور

6.بيروت🇱🇧
كلمات: مروان موسى، عباسكيات
توزيع: مروان موسى
artwork: Youssef Sabry (instagram @yousabry)


[مروان : فيرس 1] 
باجري ورا الكلام وباجيبه يا مان من قفاه 
نام من زمان اللي كان المفروض على الليڤيل
فنراب احنا بلامبالاه 

قام وبردان؟
لأ، طفيت التكيف 
ايوة باحب ابقى نايم في الصهد 
الضغط صاحبي باشوفه في نهاية الشهر 
راب من بداية النهر 

انتيكا مكانك في الكهف
اداءك في الشنطة انت بقف 
مناخيري في السما 
حاطط مرايتي ع السقف

قاعدين يتلككوا، دا نقص
سارق مجالكو، دا خطف 
المان اللي جالكو دا لطخ 
واقف قدامكو، أنا شخص 

واقف قدامكو أنا ضخم 
بعتوا نفسكو، دا خصم 
حتى وانا مبهوق... 
بابهوق بالضبط 

حتى وانا مطبق
حاسك مش مظبط
على السبت هنربط 
بس بطل ترفص 

هاشتاج: #خد_الصدمة
اذكاكو يتبطط
لو جيت لي قدام
باب بيتي، هنخبط 

دموع التمساح بتتبخر قوام
حتي وانت متنكر بتبان

[عباسكيات : فيرس 2] 
باكلم الملك وانا باقزقز فستق
قلت له: لما انا أتكلم يبقى انت تسكت
فريد شوقي لو مصاحب هند رستم
واخد ع البرود كأني عايش في موسكو

ما ما لو سامعاني، سدّي ودانك
بلاش تسمعي الزمن دا عمل ايه في ولادك
قاعد ساكت، بافكر في كل كلمة اتقالت
دايما سالك، آخد اللي انا عايزه من غير ما اتخانق

تحقيق شخصية عايز الإثبات
شباك العربية واخد تان
باصعّب الدنيا، عباس العقاد
انت صفر… يمينك نجمة وشمالك شباك

باعمل مزيكتي بعيد عن الإزعاج
مش حايدخلوك من غير اسمي ع الباب
فريق الإعداد يبقى يشيل في المونتاج
عمري ما حسيت بالذنب اني غشيت ف امتحان

ساقط في النحو بس ناجح في الفهم (انا)
صحيت م النوم لقيت نفسي في الحلم (انا)
يوسف شاهين أنا مخرج الفيلم (انا)
سلسلة أفكار محطوطة حلقة ف الودن

ماسك أعصابي ومش ناوي أسيب
ماشي مفتّح عشان فيه حفر في الطريق
الشارع زحمة رحت داخل في البطيء
لو ما لحقتش معادي يبقى عادي مافيش نصيب

دموع التمساح بتتبخر قوام
حتى وانت متنكر بتبان
[مروان : فيرس 3] 
مش جايلك 
هافضل قاعد 
افريقيا، جايزة 
افضل لاعب 

انا دروجبا
انت مجبر 
تقوم وتقف لما تشوفني 
الحاجات دي مش بتفوتني  
العواطف مش بتسوقني

مبدع في كل الحالات 
فابروي بصوتي النبات 
النهاردة الاتنين، 
باراب من يوم التلات

مارو من الصفحة بيبظ 
تراكك كلامه كان طظ 
رابك فكرني باللبة 
لما بنقسمها بالنص 

القدر ناداني باللقب 
السعر كان غالي وانخفض 
باولع اغاني بالحطب 
حان الاوان المرتقب 

باتحاسب بالشهر
حاسس بالفخر
بديهم وش
وانا راجع بالضهر

وانا راجع من فين؟ 
راجع من قلب المعركة مصفح 
هاخد الامتحانات ديه واصحح 

صحصح معايا 
لو مش هتعرف لوحدك 
رِخِم وهاخد مساحتك 
لو مش موافق هشد السجادة من تحتك

ارتحت؟ 
مازهقتش من الكحت؟ 
مازهقتش من النحت؟ 
مازهقتش من تحت؟

باتغابى على البيت! 
بِتراقب وبعيد 
بِتراقب في صمت 
نتقابل على العيد 

وبكعبي باسنتر 
مارو غضنفر
بيعدوا السطور 
على البيت مش باخنسر 

ودموع التمساح بتتبخر اوام..
حتى وانت متنكر بتبان

beirut feat. abbasquiat (prod. m.moussa)​🇱🇧بيروت

5.خمسة 🖐️
توزيع وكلمات: مروان موسى
artwork: Youssef Sabry (instagram @yousabry)

[ڤيرس ١] 
ممدوح فرج دخلت بهوب سلام 
چاكي شان ام سيز هم كام
قلنا نام 
صلب تام 
ديكتاتور! اردوغان
هارص كلام فوق كلام فوق كلام...

حيبقى إيه؟ برج خليفة... او برج الجدي 
الكلام دا مابياكلش... فسقيته شربة فتي
مالي لا ماليش
هكسر قزاز النيش
تفكير متوازن للاسف ليكو الحقد مازقنيش

كابتن تنزل لي بيت باتل؟ لا ماجيش
عامل عزومة عزيمة على المجال متبقليش
ايه الزحمة دي؟
تعبانين
تبا لك واللعنة ليك
ولّعنا فيك
فوز تاني ليا، فكانت قاعدة شيك

ما وافقتش على كلامه، بيسأل ليه، وبيحزق
الواد حطني في عينه بس طلعت عينه وحشة 
ليه... 
لازم دايما تبالغ؟
جايب الكلام الفارغ؟
بتمثل، عامل بارد؟ 

مش عليّ انا، مش عليّ انا لا 
طبعت شكل جسمك على الكنبة
هتلبخ تتحاصر زي الورقة الحمرا في وسط علم كندا
حسستك بالرصاص لما رجّعت لك قلمك

صعب اتعامل مع واحدة مصرية متأمركة 
نفسي في بت تبقى آسيوية ومدملكة 
تقول لي: مووووهي، بلهجة غرب الصين
ولا اقول لك... عايز واحدة من الارجنتين

[كورس 1] 
 بانزل الملعب احيي الجمهور على راسي 
نمرة عشرة صانع اللعب بوزع واباصي 
لو اتصبت هاغير النمرة واقسمها نصين
بارفع لهم الخمسة في السما عشان تخزي العين

[فيرس 2] 
يوم ١٤ شلت حبيبتي على الباي 
قلت لها: بيبي هابي فاكن فالنتاين
شربت قهوة والكراسي واقفة في زوري 
مش مهم اشربها المهم تكون على الستوري 

باحب فيها العند، مش بتقول: باردون
روحنا نأكل سوشي، طلبت رغيف من الجارسون 
مهما سبنا بعض، عمرنا ما انتهينا
هي الوحيدة ليا زي في فيلم عمر وزينة

الاجابة انا لو سؤالك: مين اصلي؟
مارو في محلّه زي حسنة ياسمين صبري 
مارو في محله، ما يبيعش بالرخيص
في المواجهة تاخد غُرز فما تصيعش في الطريق

..يوم الخميس خروجة جامدة نزلت المكتب
المدير دخل عليّا، لميته على الرجل الثابتة،
فاكر نفسه مسيطر على المارو بس دا وهم
برضو بيرسم نفسه عليا، بس انا وشم 

تنّحت لواحدة حلوة لمدة ثانية
لو شافتني هافضل ثابت، مش هابص الناحية التانية
كل حاجة فيا واطية إلا قيمتي 
بتقول لي: مواه، معناها "انا" بالفرنسي 

ايام ما قلبي كان ابيض دهنته احمر
ولما الوقت سرقني ، عملت محضر
في العنف كتب فهرس 
سوق معايا الهبل تغرز 
تلقى ناس فاشلة في السمع، وفي الجدل تِدرس 

[كورس 2] 
 بانزل الملعب احيي الجمهور على راسي 
نمرة عشرة صانع اللعب باوزع واباصي 
لو اتصبت هاغير النمرة واقسمها نصين
بارفع لهم الخمسة في السما عشان تخزي العين
 
[فيرس 3] 
كلمت الشوّالي، قلت له: جاي لك تونس 
بانفع في أي اطار زي البقدونس
فابقدم راب وهاعمل انقلاب فني
نَزّلِت الاغنية وحصل انفلات امني 

سجلتو رُطب قلتوا انكوا جبتوا جول 
رابكو مش ماشي على المترونوم، وريحته ثوم
حاول يكسبني بس الفرصة مش متاحة 
جاله عقدة الخواجة، طلب شرطة السياحة

محتاج لي حاجة أبرون فيها ممكن ايه الليلة دي؟
قعدت اشك جامد في الآخر ففسيت دماغي
جات لي فكرة عبقرية لتطوير الانسان 
ايه؟ ....عمليات تطويل لسان

بتتأمّر... ارد عليك ولا بلاش؟ 
مالهوش في الخبز فاكلت عيش على قفاه
الحوار المفروض باللسان، مش بالمينشن 
اخبارك بتتنشر على النت، مش هتنشف

الفرق بيني والكسول زي الچيب من اللادا 
 باموت في الشغل، وباعيش في الاجازة 
ربكو راكد... مارو ثلاثي الابعاد
لقيت السين فاضي، قمت حاشي الأمعاء

مومبار عبيته بفنطاز، فتقول لي مومبيه
مافيش سنتي في جسمي قلقان، كلي اوكيه 
عارف انك مش هتندم
عادي عقابك ان انت انت

[كورس 3] 
بانزل الملعب احيي الجمهور على راسي 
نمرة عشرة صانع اللعب بوزع واباصي 
لو اتصبت هاغير النمرة واقسمها نصين
نرفع لهم الخمسة في السما عشان نخزي العين

5amsa (prod. m.moussa)🖐️​ خمسة

4.سينيمائي🎥
توزيع وكلمات: مروان موسى
artwork: Youssef Sabry (instagram @yousabry)

اسمع وشوف 
باشوف الجيران من الروف 
لو منك ماجيش أسابقني، هيجيلك غضروف 
مش محتاج دليل 
مش قليل الأدب، لا 
بس باجيب الأجل 
ماتيجي نكوّن علاقة، قلت لها: ماليش في الهندسة 

هانحوّر في إيه؟ 
الواد دا بينوّر بالليل 
بادوّر في جيبه 
اتصوّر لقيت 
مجوهرتين
سألني: دا ايه؟ 
قمت محوّر عليه

يا مان انا... ماشي في الشارع باسابق خيالي 
مش واخد في بالي 
سبب وفاتي الإيلوميناتي 
سايب التار لبناتي 

اسمع وشوف
كل اللي فات هيشيلوه 
كل الوشوش دي نفسها في مجلة 
وانا واقف... بس إيه

باتسلّى، واقف بس باتسلى
مش فارق معايا، باتسلى 




نازل يا سيدي دا الاصلي 
على البيتات ديه باربّي 
لو اكلته مطبي
استحالة معدته هتقضّي؟

مركّب ارايل وكذا قرن
قيمتك نزلت.. على الأرض 
مسكوا اسمي في ايديهم 
نزلوا في المثل ضرب
 
حُط لي لسانك في بقك 
قفلت قمت شايل قدامك الاكرة 
وراك.. إهانة من بكرة 
انا الإرهاب واللي معانا دي يسرى

انتو الكباب واللي معاكو دا صدفة 
انا اللي جاي في معاده بالفُطرة
قصدي بالفِطرة
حاضر هنقرا 
عندي الحماس بس ناقص الخبرة

مش محتاج أجري ورا البيت 
كل يوم بعمل تمارين 
مش محتاج الرخصة عشان أغلّي تمني 
مش محتاج تفوق خش اتخمد على المرتبة دي
قلمي 
همجي 
علني

باشا مش عايزك تتنرفز 
مش عارف تتنفس
 وبتغرق دا وانت على المركب 
قاعد بتهرتل 

أنا داخل على الپاركن دا بالهليكوبتر وهاركن 
عايز السايس 
عايز ابقى فايز 
حطتكوا في قزايز 
افعصها لو عايز  

طالع سلمك 
ما بامتّش الواقع بصلة 
جاي تقول لي ان الدنيا بدراعك 
هو دراعك مكفي الاسورة؟  

غبي مش باحفظ التواريخ 
بفنن وباخرج الكوابيس 🎥


أنا سينمائي
ع البيت باقلب فدائي
ع المكتب باناديك عشان أسلك بيك سناني
لأ مش السنة دي، مش حاخلي بالي
سايق الطيارة ع الدائري وباعمل أمريكاني


مش حانزل تيندر
أنا مازينجر
بتجرب تتشطف؟
استحالة حتنضف
فعرفت أهاك شخصيتك بالباسوورد بس
أنا حسين فهمي… لورد فشخ


لسه شوية
قمت جايب للبت ميّه
لسفه بالف قالوا لي: سبيت، فباتف فاير
قطة براس بطة، يا اسطى انت اسكينشايزر
أهلا في لقاء العمالقة مع جريندايزر

مش حتعدوا سور مدرستي لو حاولتوا
منشّن على راسك، انت فلافيو أنا جيلبرتو
باكره الزحمة عمى، فبافتح الويندو
ماتريكس زّمر جنبي، قمت حاطط صباعي في ودنه

واقف ع الجبل ولابس snapback
شوّهت وشك، Snapchat

الميزان قال: فاضل تِلت
الأرنب ناقص منه ورك
هربان م السيرك
وبابيع بونبوني بره صالة جيم

اتكتموا… هداف فشخ زي جدو
رحت انجولا، رجعت، لقيت أحفادي بيتسحلوا
فماليش يا ابني في الناس
بص، وزير رسمي في الراب
أو بليغ حمدي للتراب
لسه مافيش حد مقياس

وزن جسمك قمت شايله بالصنارة
جيبي اتملا، ع الجزمة شايل أسرارك
تراكاتك بتسمّع لحيطة الحضانة
تراكاتي بتسمع لآخر الحضارة، وانتو فين؟

cinema2y (prod. m.moussa)🎥​سينمائي

2⚰️زازو🦅/كفن
كلمات وتوزيع: مروان موسى
artwork: Youssef Sabry (instagram @yousabry)

كلامي قليل باوتر 
على خط دفاعكو هاسطر 
الفُجر ببلاش فباكتر 
بس اني اديهلكوا مش هقدر 

بس اني اضحك ع النكتة لو وحشة، دي حاجة استحالة انه تحصل 
بنطلوني مش بيحضر 
صايع اوي لازم تحذر 

بالمليمتر يا حبيبي 
سايق فيراري على مِحور 
قاعد باعاكس في سيري 
داخل على المهندسين

كل اصحابي مهندسين 
كل اصحابي معلمين 
اصحابك صفر على الشمال 
اصحابي مية على اليمين

قول لي بالمرة الاخبار
في عالم المبتدئين
مارو بابلو اسكوبار 
واسماعلية ميديين

انت بس جيت تشيل 
الازرق اللي في جيبي فيل 
شايفك قاعد بتعيط
هات له بس مناديل 

ما انا دي فعلا مشكلتي 
هَرشتِك عشان مثّلتي 
اعدائي في الدرجة التالتة
ولا ييجوا حتى تلتي 

ولا ييجوا عند كعبي 
مش هييجي حد بعدي 
خيالي غطى ع المدينة، عملاق النتيجة ان انت هتوسع لي 

مش محتاج حتى اتكلم 
رابي بيتكلم بدالي 
مش محتاج حتى اسلم
دا شرف ان انت في حضوري 

بِتاجي في دماغي لاقوني 
عملتي لي بلوك، فغوري 
بالنسبة لي انتوا سمكمك 
جوة الزيت كأنه بوري 

جوة الزيت أكنه با-نيه 
نص الماني زي سا-نيه 
الاجابة دايما غامضة 
فعايزين يعرفوا قال ايه

فعايزين يعرفوا اكتر 
زكي مش باحب افكر 
من كتر الثقة اللي عندي 
الشتيمة مش بتأثر 

يا عم الشتيمة دي سهلة 
بس انا هاخترع الذرة 
استنى بس انا هندهلك
خليك انت واقف برة 

لو دخلت هتفضحنا 
هاتوا سيري هتشرح لك
انا تور اسباني 
وانت كدا لابس احمر 

وانت كدا لابس خا-زوق
طاير فوق زي زازو
عملت كرمتك مكسرات  
اسمك على موبايلي كا-چو 

اسمك على موبايلي ايه؟ 
تقصد النمرة اللي هنا دي؟
الكلام اللي باقوله
كبير عليك زي بِدلي

غبي وقلت لكوا اني عِنَدي 
مُشكِلته انه تافه وحِشري 
مشكلته انه خبط دماغه في عمود النور فَوديته عند العزبي 

لابس احمر انا شطّة 
شعرك وحش زي خطّك 
عايزك تبص للكاميرا 
وتقول لهم انا بطّة

هيقولوا لك هم: بطل 
هتقول لهم انت: حاضر 
مش كل أغانيّا بصرة 
اتعلمت وانا صابر 

مافيش مدرس شاف فيا موهبة تستاهل انه يقول لي: شاطر 
الغيرة الاختيار الخاطئ
معايا مزة على الشاطئ

معايا تذاكر لروسيا 
هاعمل لهم انقلاب 
مش طالع غير بموبايل نوكيا 
حاطط لبسي في الجراب

هانتكلم عن التاريخ 
كاتب اسمي في الكتاب 
هانتكلم عن البيف 
انت في الشارع باللباس 
 
كاسر عينك والقزاز 
ليه بتزن على الناس 
cesc انا فابريجاس 
لازم أحصل على كاس 

لازم دايما كدا اتعظم 
إما كدا يا بلاش 
زي ابو على
 البت نفسها تديني مساچ
__________________

بث مباشر من سابع سما 
نازل للمواجع لاسع قلم
دخلتك بيتي وعملترلك بيت، دا شرف ليك 
..غلطتي بس اني ما رضيتش أربيك

الحب الحب البوس البوس القتل القتل
اديك في بقك بونية تاخدها قبل الاكل
جسمه والكفن فيهم شبه من بعض 
بيحب اللعب. خليته اختفى في الصعب 

مش هينقذوك لا اصحابك ولا حبيبتك 
قبل ما تموت هتبان فعلا على حقيقتك
واديك بقيت مجرد جثة على الشاطئ
دا مش تحذير دا مش تهديد دي حقائق 

أول فيلم رعب ناجح في مصر 
ملك مجنون ماسك شاطور وسارح في القصر 
طباخي شافني، قولت له: فاتك كتير 
ماسك، راس الشغالة، قلت له: هات الوزير 

قلت لكوا اني غبي وممكن اموّت جعفر 
يطلع من الفرن على الطبق، وازوّد زعتر 
الاكل استطعام، وانا خالي الاستعطاف 
انك تعمر قدامي الليلة دي دا استعباط 

انا التلميذ، وولي الامر والمدرس
انا المدافع وحارس المرمى والمدرب
انا البوليس والحرامي والمحامي 
اول مرة يشوفوا واد الماني دمه حامي

ضلموا لي المسرح، فاتشووا باشعّة ضوئية
باتسلق للنجاح على الأحبال الصوتية
رابرز قالوا لي: احنا متجوزين السين...
هاسبب لهم مشاكل زوجية

zazu/kafan (prod. m.moussa)⚰️زازو🦅/كفن

1.اللي نسيته 👤🌃
كلمات وتوزيع: مروان موسى
artwork: Youssef Sabry (instagram @yousabry)

[بري ڤيرس]
أيام ما البلاي ستيشن كان بيديني بوسة قبل النوم 
كنت بافرح باللعبة وارميها في نفس اليوم 
كانت حياتي ماسخة وانتي كنتي فص التوم 
قلت لك لو بينا اسرار هقول good afternoon

Good afternoon, goodbye good aftarnoon
لو اتقفشت من الرادار هاقول good aftarnoon
Good aftarnoon, goodbye good aftarnoon
لو اتوقفت في المطار هاقول good aftarnoon

[ڤيرس ١]
قطة بيضة برة بيتي
قطة سودة جنب صورتك
سلبي نازل اسانسيري
وتشيرتي مرمي على الكرسي 

كاسر عين المراية
آه فاكر لسه الحكاية
في الآخر قولتي لي كفاية
حبيبتي لا دية جناية
 
فرجعت كانت سايبة لي خدش في طرف المراية 
فكل ما ابص في خلقتي... باظبط زوايا 
ما تبعتليش على موبايلي رسايل، مبطل قراية 
عفوا، مارو اوفلاين في الفترة اللي جاية 

[كورس]
مش عايز اغش زي دييجو 
فرجعت بعت اللي اشتريته 
عازمكو بس الواجب كان عليكوا 
اصلي مش فاكر اللي نسيته 

معلش اصلي مش فاكر اللي نسيته 
مش فاكر اللي نسيته 
معلش اصلي مش فاكر اللي نسيته 
مش فاكر اللي نسيته! 

[كوبليه] 
لو فات معادي معاكي، ادي القطمية 
لو مش عايزها تخلع خبي الزردية 
موسم الحزن، عبي النقلة دية 
محتاج منديل، قد البطانية 

[بري ڤيرس]
ايام ما كنت بانجح في الصعب وافشل موادي الخايبة
كنت بانقل الواجب منها غير لو كانت غايبة 
اسمك على القايمة رايح الغّ الرز مع ملايكة 
ولما باصحى كل يوم بالاقي الدنيا مايلة

[ڤيرس ٢]
باتخانق مع مخدة
دماغي جزمة، ومش مقاسها 
الماضي اتكنس بالمقشة
يرجع في الاحلام يلزّق

عادي مش متضايق
القلق في دماغي شايب  
سايب نفسي 
دايخ عشان مش طايق ريحة سجاير 

وسعي من فضلك
زي التعلب بتفكر 
فص ملح وداااااب، فالباب هيتسكر...

وهدومي عكس نومي: مش متطبقة 
نضارتك مخبية عينك، شكلك متوترة تاااني 
طب اقفلي الاغااااني وناخد الطريق لآخره 
مقفلة السنة دي بس اصحابك مش بيذاكروا 

شافوا سعرك وشِبطوا
امبارح شافوا صورتك ضحكوا 
ينسوا في ثانية اللي بينكو
فيمتوثانية اللي تحكم 

[كورس]
مش عايز اغش زي دييجو
رجعت بعت اللي اشتريته 
عازمكو بس الواجب كان عليكو 
اصلي مش فاكر اللي نسيته 

معلش اصلي مش فاكر اللي نسيته 
مش فاكر اللي نسيته 
معلش اصلي مش فاكر اللي نسيته 
مش فاكر اللي نسيته 

[كوبليه] 
لو فات معادي معاكي، ادي القطمية 
لو مش عايزها تخلع خبي الزردية 
موسم الحزن، عبي النقلة دية 
محتاج منديل، قد البطانية

elly nseto (prod. m.moussa)👤🌃​اللي نسيته

[المقطع الوحيد]

كل حاجة هتحصلي جتلي امبارح في المنام
اصحاب النهاردة في مطاعم
والطبق فيه رد جارح ع السلام

يا مدام الحق بان
بكرة اشوف الشيلة بتكبر
بكرة اشوف الشة بتصغر

بكرة تبص علي امبارح ليه كنا بنقول اتشعت واحنا بنفطر
مش عارفين مسافة السكة
ده لاعيب مشافش الدكة
يوم ما خسرنا جت في بيتها

يوم ما خسرتوا خدتوا ستة
مسؤليات بتترص
..حاجات زمان بتتمنع
حريات بالاخص

..وصور قديمة عاملة فيها الة زمن
هدايا قديمة..والي جابها ساب التمن

اتقصف جبهة الي حاول و فشل من مان عمره ما ساب الكنب
راجل مش محتاج لشنب
ثابت زي حال البلد

حبي لنفسي الي خلاني مش برضي بحاجة غير الحق
احساسي بغير الي خلاني بتفادي اي حد

من نظرة من حركة فهمت الي بيجري
مش من الذكاء لا من الخبرة
كنا انا وانت صحاب بس اتقرفت من الفكرة

مش بكتر الكلام مركز بس ع المفيد
ماسك سنايبر..بقيت القطكوا من بعيد
ايه يا بوب ايه الجديد
بالمواجهة بستفيد 
ليا الواقع حبهان 
غرق جوا كاس نبيد


غير مباشر انا فاول
باجي اختفي فبزاول
خناقة كأنها صفراء
شاور بس وانا اناول

مش متبقي ولا شرطة
علي وضعي فنطرتك
اجري بس وانا اطاردك
علي القمة فهبرشط

بكسب حتي علي ارضك
فبخبط علي بابك
صوتي عالي فبكربج
ده انا جاي علشانك

تيجي في بوق تتشنبر
تموت قبل ما نعمر
بنلعب بلايستيشن..دقيقتين وتتأندر

خبير زيت بدون بانكوس
بقول ايه ؟ بقول انكش
قولنا مارو مرسيدس
رايح فين يا بيكانتو

رايح فين جايب جاز
رايح فين من الناس؟
رايح فين هتتداس

هكتب اربعة 
حاسب ارفعك
جيب بنادول 
فاتح مصدعة

بعمل انجاز
بعجب الناس
تتدفن حي 
هستعمل الفاس

رابك فقير 
اعلن افلاس
شاف الوزير 
فبيملي اللباس

شايف المزة 
بعمل اهداء
من كتر الفوز للخسارة مشتاق

مارو استاذ...
انتوا قلقاس...
خلوني منمل..
مفيش احساس

دعكت المصباح 
طلعلي دخان
طلعلي عفريت 
بيقولي انا فان

قولتله انا شبح 
قالي انا جن
الباب وراه اتفتح والجرس بيرن

صحيت من النوم لقيت نفسي ع الارض
مش مرضي بانجاز لو يكفي ع الهارد
انا اخترت وده الشرط الجزائي
دورت ع الدهب هلاقي

بفشخكوا بالادب
هبدة الالم
لازم الأذي 
ودماغك مكنسة

عامل هندسة 
فاشل فاتنسي 
الفنان المبتذل
...

تعالي كده واتسلطن
..عادي انا كده وصلتك
ماتش اعتزالي كسرتك
يبقي انا كده بطلتك

قصدي اقصكوا كسرتوا نفسكوا
بكرهكوا كلكوا..بكرهكوا كلوا
زمان كنت ساكت كان قصدي اقولكوا
بديكوا انا درس وفي الفصل اخضكوا

احب اقولكوا ان الحبر شلكوا
والواد الاخراني كان عبرة لكلكوا
العدة الي معايا تتصل بتشافي
ننزل نتغدي مع بوش والقذافي

واقف انا ع المنصة
انت فينو وانا مربي
بالنسبالك انا بسهر
شخصيتك ورق وانا مطبق

صبح تاتا اتنين في تلاتة
بخزق ايد في العين بغتاتة
تلعب في المناخير بغبائك
بلعب واحد اتنين تيكي تاكا

متجه للغرب 
راجع الحرب
باكل الطلق 
انت قصرت

الحال عاجبني 
وانا عاجب الحال
طالت رقبتي 
فبلبس الشال

بكتب السونج..
كينج انا كونج
لما بتغابي 
بعمل الرونج

سيبك من الحزن..
سيبك من المحن
نزل التراك 
فهترجع الجحر

fawel🥊فاول

maly☔مالي

مش انا اللي هانفعك ولسه بتصدقي
‎مش باعرف ألعب في الدماغ، لأنه مش مركزي 
‎بياع مشاعري غاب وهيرجع في ساعة كدا
‎الأيتم اللي حضرتك طالباه، مش بيتباع عندنا   

‎نقلنا من عِش اليمام لبيت غراب  
‎كرهت المية.. من كتر ما اتسقيت سراب 
‎مش باعاتب، اسمي الصمت افندي
‎طول عمري متبرمج بالكود، ألاقي الغلطة عندي 

‎نجومي نسيوا النور والضلمة لأن مش نايمين  
‎شمسي تعبانة، ومش هتيجي الكام يوم الجايين 
الكنز كيس مش فاضل فيه غير الوقت
‎مش عارف هاطلع ايه، طولت في أسانسير الشك

بخاف اعبّر، والحوار بيحيرك
بعد الدَرْبكة، الأدوار اتغيرت
بقيتي انتي بتطارديني
فبتتضايقي، بس بتنسي وتصارحيني
باتكلم صيني وتردي في اللاسيلكي بالأرميني

ــــــــــــــــــ
‎كل خطوة بحساب 
‎كل حد له باب 
‎كل حاجة ليها حل 
‎ولكل مايسترو أستاذ

‎لسه شايفك قدامي 
‎عيد اللحظة من تاني
‎كنت لسه هابدأ اجري 
‎الدنيا شدت لجامي

وفي علم النفس كلنا متساويين 
عشان في الواقع كلنا متزاولين
الساعة ساحت، وسخت بدلة الشغل
إبليس بيقول امسحها فيا وبطل بخل
ــــــــــــــــــ
عروقي تشر هوا، اوعى تقولي لماذا 
مع حبايبي حلاق، مقصر في كل حاجة
في المخ غابة، وفي الغابات ضباب
المكالمات إرهاق... بعد إذنك الباب وراك 

باتواصل بإهمال زي ما باسوق بالظبط
يا ريت تسيبوا لي تعليقاتكو في صندوق النقد 
الدم الفاير وقت الشدة يقوم بالشيل 
الأمل موّت ناموسة قربت للنور بليل

غيطان بتبور دايما
نبات بدون مية 
وكتر العطش ممكن يقوي الجذور شوية
بس انتي برضو زرعة
وثباتك بيخدعك
لازم بحكم الطبيعة تتهرسي تحت درسي

لو اقدر اعمل النجوم اللي في السما چاكيت 
هاقول اللي اعرفه النهاردا لنفسي من سنة فاتت
الاهتمام لو قل تطلع اللهفة للسقف 
بارفع يفطة "ممنوع دخول" قدام مدخل الكهف
ــــــــــــــــــ
‎كل خطوة بحساب 
‎كل حد له باب 
‎كل حاجة ليها حل 
‎ولكل مايسترو أستاذ

‎لسه شايفك قدامي 
‎عيد اللحظة من تاني
‎كنت لسه هابدأ اجري 
‎الدنيا شدت لجامي

وفي علم النفس كلنا متساويين 
عشان في الواقع كلنا متزاولين
الساعة ساحت، وسخت بدلة الشغل
إبليس بيقول امسحها فيا، وبطل

sa3a sa7et🕟ساعة ساحت

(جنة (هاتريك👾

بارقص صلصة مع الجبنة على بيتزا 
باعجنها فبتزهق، وبتنده باتيستا 
عامل لي جانجستا؟ اليسطا، حطيته ع الليستة
نطرته من على الكنبة، وديته مانشيستا

البت ريري ع الباب 
بتدندن على ما اشغل السي دي ع اللاب 
بتقولي عايزة اعمل اغنية زي الواد اللي بيقول
ريريريريريريري ع تراك 

في حضوري بتشب شب، وانا دايس في خرا حافي 
هزاري وزنه طن، تتضايق من حركاتي 
في هوليوود سرقت تمثال فرعوني، قلم BIC
ويل سميث طلع هيتيا، بس چوني قلب دب

أنا البوب أنا البوب أنا البوب 
مارو كان شغال زي المكنة، وقلب توب
كتبت الفجر، صحيت لقيت اللي اتكتب فُجر 
تراك نزلته وانا في الاجازة عمل شغل

منور على البيت زي الفوانيس 
يا بيت مش فارقة، طول ما احنا سوا انا بيس 
لأ دا مش مُنتَج، هتبيع لي ازاي هوا في كيس؟ 
دماغك جزمة؟ يبقى القفا دا الورنيش

جنة جنة، آه جنة 
رايح فين في وسط الماتش ياااض استنا😂
ع الأقل خد لك وانت طاااالع ستامبا
خليل: بعمل عليكوا كوميدي ستانداب 

استنضف، مع تايد للغسيل 
شطفتك، مش عارف إيه البديل 
حطيت عليكو من روسيا للبرازيل 
بالاغي قروش وباتصل بالدرافيل 

رنة رنة اه، رنة! 
مخك تخين، بتحشه زيت وزبدة وسمنة
احدفك في راسك ياض بقطعتين دجاج مجمد
اسوح لك دماغك ..من غير ما تروح هولندا

فيش مني اتنين فبدوّر
أتكلم ليه ما انا اعوّر 
شُبيك لُبيك، أتهور
ضلمت البيت فبنوّر

ولا صوت وانا داخل الفصل 
إرفع ايديك انت fake وبتزوّر 
مش سطحي في نفسي، دا مش شخصي
بادخل في الشئ وبغوط 

اغانيك. ليه. مش. في. الراديو
عشان انا حقيقي ومش فالصو 
سخنان؟ طب ليه يا حبيبي لابس بالطو؟ 
جمدان لا إرادي بازعلكوا 

خد شورتي:  برة القميص 
شيك، زرر وقيس 
شيك، لندن باريس 
سينجل، برضو؟ العريس

كلام ورا ضهرنا قلبنالكوا
وكبير المجموعة دا أفشلكوا 
الواد ماقالش عاش فاغتلتوا 
قالتلي واقف برا فدخلتوا

زهقت من القاهرة، ف في اجازتي طالع سينا
نازل مع الهضبة، فكس لي وراح لدينا
بالاباتشي قمت راجع 
فوق مدرستي قمت لاسع 

باراتكوا عايزه الشنق زي دونالد
باراتي في الكافيه مع روجينا ومي عمر
اسكت يا اسطوانة، عمك ماريو ديچيتال 
اتعرف ع السنجاب، اصلك عامل زيه تيبيكال

متقولش ماريو حاف هتقول السيد، قشطة؟
تتليف على خير على ما تليل، تصبح
شخص مشوه من افلام الخيال العلمي
لو طلع زكي احتمال اسيبه يقابل حلمي

هاقول لك وَلّع لو بتمل ودفّينا
اصل بصراحة القعدة تشل: بنزينة
٩٥ هي السنة اللي اتولدت فيها
جبت مشّاية وجَرّيت الوقت بيها

لحد ما اتعمل عليا غارة في السيارة
(ليه؟) عشان شربت سجارة في الطيارة؟ 
قنبلة الموسم، اسمي بيضرب فيكو
رميتهم في الزيت قلت لهم: ديسباسيتو

يتكتب عنى عشان باحطم الأرقام
افضل استهبل، اقوم حطك في الجرنان
بلوة... حبيبة القلب اسماها سلوى
اروع حاجة فيها ان جسمها مسلوع

ابعتك تجيب لي طلب ليلة عيد ميلادك 
اديك روسية تقول لي يخرب بيت دماغك
فكرة بنت دوجز
هضرب استروكس
اكلم نفرتيتي اقول يا بت ابعتي نودز 

مش هاتسبني اخش قبلك الحمام
طب كدا ماحدش سابقك... وانا مادّك ع السخان
البوب مقدم لك كاسات فخفخينا 
زي سلوى المستوى رفيع بس الامخاخ تخينة

ganna(hatrick)👾(جنة(هاتريك

12 دقيقة ⬛️

{كورس}
عزيزي الإنسان 
نفسي اموّت الناموسة اللي مش بتخليك تنام    
عزيزي الإنسان
نفسي بجد اسعدك مش عارف اعملها ازاي

{فيرس 1}
كلامهم عنك غلط، مش لأن كذابين 
مش فاهمين، أصل اللي زيك عن جيلهم متقدمين
مش فاهمين اللي زيك من تفكيرهم متعذبين
كنت سايق في الضلمة، لقيتك بتتمشى على اليمين 
 
ركبت جنبي زي أيام زمان، أنا وانت على الطريق 
بالصدفة في اليوم دا كنت قاعد بافكر فيك
كنت في منطقتك وحاسس اني هاشوفك 
الدنيا خلتنا نتقابل وسط جهنم 

جهنم ليك، جنة جديدة ليا 
اللي مخليك تتعذب فيها انها في يوم كانت جنة ليك
بُص لي، ولائي ليك، لازم تتأكد
موبايلي رن تاني، هاقفله، مش عايز اتشتت  

بمناسبة الكلمة اللي قلتها لي أول ما ركبت 
إعرف ان استحالة اني أخونك، انت اخويا
بقى لي فترة عايز اعاتبك، شفتك وافتكرت 
عمري ما هتضايق منك عشان عمرك ما قصرت 

{كورس}
عزيزي الإنسان 
نفسي اموت الناموسة اللي مش بتخليك تنام    
عزيزي الإنسان
نفسي بجد اسعدك، مش عارف اعملها ازاي

{فيرس 2}
سألتك إيه الأخبار؟ قلت لي: مش تمام خالص 
فترة الاكتئاب طوّلت، راحت راحة البال، طارت
في آخر فترة قلّ الكلام بيننا
ولأسباب تافهة كنت زعلان منك

كلام سريع قبل ما توصل مكان ما انت رايح
بتوصف لي الطريق، في نفس الوقت بتديني في نصايح
كإنك بتقول اتعود على وجودي قليل
كأنك بتقول فيه شيء هيتغير قريب 

مدخل دماغك فين؟
دايما بتخلي الكلام عليّا، مش عليك 
صاحبنا التالت خايف عليك اكتر مني 
ولو حصل لك حاجة هايتجنن
حاجة حسيتها من غير ما يتكلم

يمكن قليل الناس اللي بيفهموك بجد
وبالأغنية دي مش باحاول اقول لك اني منهم
كل اللي حصل اني شفتك وافتكرت 
اني مش متضايق منك، عشان عمرك ما قصرت 

{كورس}
عزيزي الإنسان 
نفسي اموت الناموسة اللي مش بتخليك تنام    
عزيزي الإنسان
نفسي بجد اسعدك مش عارف اعملها ازاي

{فيرس 3}
ليلة غريبة.. حبينا نقف وما لقيتش الركنة
عربيات يمين وشمال مدية انطباع الزحمة
في نص الجملة لاقيتك نزلت فجأة
اتفرجت عليك وانت داخل المبنى 

وقولت لنفسي يا رب تلاقي اللي انت محتاجه عشان تكمل
من كام شهر سألتك ليه دماغي ساعات بتنمل 
فاكر ردك: واثق في الإجابة
قلت دماغك لو منملة حاليا دا احتياجك 
 
كانوا حوالي 12 دقيقة 
لما صادفتك في جهنم
ماعرفتش اعبر لك عن اللي داير في دماغي 
يمكن أفكاري توصل لو اتقالت في أغاني 

جمايلك عليا استحالة الدنيا تنسّيها لي
إحساسي عنك كان صح ودي الخبرة بتأكدها لي
كنت ناسي ولما شفتك وافتكرت 
إنت عمرك ما قصرت

◼️12 دقيقة

تنين 🐉

هكتب ستين 
بقلب تنين 
قلك اتعلم
اتعلم من مين؟

مين اللي مان؟
تيجي تتهان 
جيب الميزان 
مزيكة ادمان 
 
خش في ساونا 
بقش في طولة 
لابس فينديتا 
المزيكا ديه ثورة 

المنهج اتشرح
سألني ف اتطرح
هغني في الفرح
هسبب المرح

ماحسش بالذنب 
مارو دا الشامب
بتسمع اكتر 
من كلمة اند 

نمرتها عندي
حاسب من جنبي
شبه الفُقش 
وانا بغني 

شبه الفوكس 
وانا بفكر 
عايز فلاتر 
دمي دا اتعكر 

فبعد لحداشر
او تلت التلاتة 
الغباء بيتكاثر
وبتزيد بتفاهة 

هكسب الدورة
غبائه مستورد
ادائكوا دا عيب 
فبغطي على العورة 

متشعلق على الشجر
في البيتات انا هكر
اللابتوب انفجر
تراكي منطظر 

عايز سباكة 
قارص في وراكك
مهاجم فشيخ 
مارو اوتاكا 

مارو ابو جريشة 
على البليستيشن 
بعمل هات وخد 
بس انا اللي اديتك 

في شوال اعبيك
اغاني على ريق
دا حتى اصالة
نفسها في الفيت 
 
بسبب شرار
قتلت الاشرار
مش متردد 
امير القرار

مش هترتاح 
انا التمساح 
بس بجناح 
جورچ قرداح

ايوة بستسهل 
ايوة بستهبل 
انا بوزع 
انت بتستقبل 

انا الكبير 
انت الصغنن 
بلبس التاج 
البس الصنضل 
 
على البيت دا بتفضل 
على البيت دا بتقصر 
على البيتت دا تمامك 
ذاكر واتشطر  
 
والدنيا بتمطر
ف انا هطمطع 
نفسك تتعبر
بس انا مصضع

دبيحة هفترس
عنيف انا شرس 
وفي ايدي زمبلك 
سهل اني اندمج 
 
سهل ترتبك 
صعب ترطبت 
سهل تتشتم 
صعب تتظبت 
 
منتاش زملنا
لا احنا كبرنا 
ف بقل منك
في وجود الشلة 

اخرس يا شيئ
بضحك عليك 
ف بضحك عليك  
بالقفا وجريت 
 
بليل وفي الضلمة
ببني في الكرنك
من كتر وحاشتك
مش هاعرف اقرنك

🐉تنين

مُتفائل 

[عفروتو]
فكرت ان كاريرى ساذج
لقيتهم قلدوني جامد
حاولوا يهزونى، وانا ثابت
انت نسكافيه وباضربك، لازم 

[مروان]
عديت من غير ما اكون مذاكر
بكشف الفيك، يقول: يا ساتر 
فات سنين ولسه فاكر
سِك ودغري، لا مش كاسر 

[عفروتو]
مارو وانا، وادى وليمة 
بنلعب كوره بيكو، فيفا 
آخركوا انتو تلعبوا سيجا
لالالا، ما شفتش فيكو لعّيبة

[مروان]
حتى لو تعمل اللي انا باعمله 
انا ساكن للأبد وانت كدا زائر
هاعمل حفلة في الجزائر
فلو ابن وسخة تحسه كافر

[عفروتو]
حظك وحش، بس سرك فى بير
اصطادكم من تحت قعر بحر كبير
عَفرَت دا خارق خالص، انت ليه يالا لمض قمط؟ احنا نبيعكم رخيص

[مروان]
مقلعهم الهدوم
حامي زي الحلبسة
البقشيش مالوش لزوم 
قمت حاطط 5 على وشك
يفتكروك غيرت لون خدك
شخصك حاكك لي وملزق
اتلم واحترم نفسك
الفار لو صغر يكون قدك

[عفروتو]
مافيش مقارنة آسفين 
لا دا كدا ظلم، أسامينا فوق يا زميل
زى..زى..زى سينا كولا دول فاشلين
قول يا ترا كدا انا كسرت فى مين؟

[مروان]
طول ما انا على وضعي مش هاتتنفس 
بدي الأمر وانت بتنفذ 
بافرز وباحلل وباهندس
رافع الهاند، وبراسي بخمّس 

[عفروتو]
بنيجي تانى فى يوم و ليلة 
أنا جاني جنى وجاب لى عيلة
فابعد عني لو فى الشر انت جاى
مش هتكون حي، حاجة على كيفك

[مروان]
اشيل  الطبق من قدامك وانت بتاكل
هو انت فاهم التفاهة في التفاؤل؟ 
ركز شوية في البارات مش في التفاعل
رقصت كل المدافعين والمدربين معاهم

[عفروتو]
فانت اسند لي طولك كدا وامسك نفسك حبة
انت مقامك عندى نملة عادى لما اديك بالجزمة
فكك مش هتفرق سادي هقتلك ومالكش دية
قولوا لشيرين باحبني وباكره شعوري فى حبي فيا

[مروان]
حطيت في البعيدة
قطّعت النجيلة
دي حتى لو صعبة
لا مش مستحيلة 
مالكش انت دعوة
المزرعة السعيدة 
عفروتو قال لي مافيش منهم لعيبة

[عفروتو]
يا مِرّررو فكك دولا كسر 
احنا أعداء الكسل
عمرك ما هتبقى بتراب 
زى ما عمر الدودة تيجى تنزل لك عسل
الشباب الجديدة دى واك
فين صولجاني والتاج
صوت عفرت فهد المجرة زلزال بيهد الراب الشمال

[مروان]
فكك دول هبل 
احنا bull dogs
مروان وعفروتو ... كدا full stop

مروان موسى-عفروتو 🌠 أنا متفائل

سيريتها جات بظروفها تاني
عايز ارجع اشوفها تاني
اعمل نفس الغلطة تاني 
تلم هدومها في شنطة تاني 

تاني… 
تاني تاني تاني تاني 
تاني… 
تاني تاني…

مكالمة لحد الصبح تاني 
معاملة القطب الشمالي 
مبعزقلها في اهتمامي 
لو ماردتش ارن تاني 

تاني…
تاني تاني تاني
تاني… 
تاني تاني… 

قولت إفكسي الحصة وإطلعيلي
حسيت ان في حاجة في مودك
يومها كان شكلك مش طبيعي
ماعرفتش إني مش هاشوفك

تاني
تاني تاني تاني تاني
تاني… 
تاني تاني… 

جات على جرح وبتدوس
بنلخبط بعض وبندوخ
العيب تحت قلوبنا متداري
بنتخانق وبنتصالح تاني 

وبنرجع نكره بعض تاني 
وبسرعة نشد الشعر تاني
بنخلي سهل صعب تاني 
شرار وبرق ورعد تاني 

تاني
تاني تاني تاني تاني
تاني… 
تاني تاني… 
 
سيريتها جات بظروفها تاني
عايز ارجع اشوفها تاني
اعمل نفس الغلطة تاني 
تلم هدومها في شنطة تاني

فيرس 2
إنتي الاساس
الباقيين مش نفس المقاس
كل السنين اللي فاتت
ماحدش اخد مكانك 

ولا يمينك ولا شمالك
ماعرفتش ابينهالك
سمحت لمشاعري تتصدر
بس لسه في الجمارك

دلوقتي بردان ماباقيتش متدفي من الحضن
صعب اسيب نفسي للحب
صباح ومسى انا لميت الاسى حطيته في نفسيتي اللي اتهرت من الحزن

لازم احاول انساكي
في بشر جوايا وجواكي
بنغرقهم على هواكي
صعب اني ارجع استناكي 

تاني
تاني تاني تاني تاني
تاني… 
تاني تاني

في الوحدة بتوحشيني بس نشوف بعض بنتوتر
لما بافتكرك ساعات بسرح وأقعد افكر
 كنت اعمى وماكنتش بعرف اقدر
نفسي اقول لك بس معاكي صعب اعبر

🌙تاني

📡 مازبيرو

[Verse 1]
داخل على البيت 
داخل أأذيك 
داخل على الزيرو 

انا فظيع
انا مذيع
أنا ماسبيرو 

انا اللي بالعب، الباقي يتفرج م المدرجات 
طالب مشاغب، في الحصة بانط ع الترابيزات 

باكتب بالموس 
إنت بلبوص 
إنت بردان 

إنت محظوظ 
إنت محفوظ
إنت كسلان

ورقي استحمل، تعبته انا كتير لما قلمي زاط 
في نفس المجال، بس لاحظ ان انتو مش شبهي خاااالص 

قافش حرامي 
بيقولوا يا مامي 
تتعملوا عصير 
أسميكو راني

تحس انه...
تحس انه فاضي 
طاردهم بره
أحمد عرابي

باعمل أداء
قوة إنتاج 
مارو بولدوزر 

هز الشباك
هو المزاج
كدا جيم اوفر

انا وكيل النيابة، بيتحاسبوا، كلهم فاسدين 
انا بانساش، فهاخلي اللي قفلوا السكة آسفين 

ايدي في الجيب
لأه، في العين
رجلي في سنانك

دم ع السيف
بيبي في البيت 
سيرتي في لسانك 

رميت المجال م الطيارة ودلوقتي بيطالبوا بالتار 
انا اللي واقف، والباقي من جيلي حصل له انهيار 

فوّت الطيارة 
بس انا طيارة 
رابك مُضرّ 
رابك سيجارة 

باعبي كلام 
عبّي في شكارة
باكتب في البيت 
بيت الدعارة 

[chorus]
داخل على البيت 
داخل أأذيك 
داخل ع الزيرو 

أنا فظيع
أنا مذيع
أنا ماسبيرو 

انا اللي بلعب الباقي يتفرج م المدرجات 
طالب مشاغب في الحصة بانط على الترابيزات 

بكتب بالموس 
انت بلبوص 
انت بردان 

انت محظوظ 
انت محفوظ
انت كسلان

ورقي استحمل تعبته انا كتير لما قلمي زاط 
في نفس المجال، بس لاحظ ان انتو مش شبهي خاااالص

[Verse 2]
ينفع الفن يكون فن، لو هو تجاري؟ 
ازاي اكون راكب الموجة لو انا تسونامي؟

قاااري 
امتياز في الحصة وفي الملعب بالبّس كباااري 
شااري 
دماغي نضيفة، انا مشغل في راسي  جواري 

بس بس زهقنا 
بس بس طهقنا 
سايح ع المزيكا 
حاسب بس الجبنة

حاسب بس يجي لك تعويرة يا سوسو
يا كوكو يا لولو مش هارحم، هاشوطه
الشرح للوضع: باديك بالبلوتوث 
مهمل مش باخلي بالي من زوزو 

حاطط الزبدة ع البيت
حاطط البيضة ع الديك
حاطط السعر ع الشيك
حاطط الويب ع الضيب

حاطط ال...
حاطط بشمالي، دا شيكا 
حاطط تلاتة في بينفيكا
شاهد يا علي يا ويكا

شغل كل يوم بالسنتي سنتي
بادوس عليك كإني بالعب مالتي
مش هتاكل ولا تشرب مع فخامتي
تطول تنافس مين يا هانتي دانتي

من زفارتك فكرتني بالسمكة
ما انت جوا ايدي بتفلفص 
ضربة حرة ديفيد الابا
قاتلهم انا كدا بالسامبا

كل الامسيز دي في الشنطة
تحية لمدينة طنطا
شادد المدة اللي فاتت، مش التاني والتالت
فقافش اللي عملولي عنتر

[chorus]
داخل على البيت 
داخل أأذيك 
داخل ع الزيرو 

أنا فظيع
أنا مذيع
أنا ماسبيرو 

انا اللي بلعب الباقي يتفرج م المدرجات 
طالب مشاغب في الحصة بانط على الترابيزات 

بكتب بالموس 
انت بلبوص 
انت بردان 

انت محظوظ 
انت محفوظ
انت كسلان

ورقي استحمل تعبته انا كتير لما قلمي زاط 
في نفس المجال، بس لاحظ ان انتو مش شبهي خاااالص

[Verse 3]
 نزّل عليهم ستارة المسرح
وو وو
كل ما تقول لي: باكرهك، بفرح 
وو 

كلامي بيتقال مرة واحدة تفهمي ما باحبش اشرح 
وو 
بلاها جمايل من حد، الشباب دي كلها بتتمصلح
ووووو

 باشا م الآخر... لو بتكاكوا تتّبلوا ... كدا بص
لو انتو سنافر... سهل انكوا تتشربلوا... كدا بص 
يا مان هتتاخر... وراسك هتقابل القنو... كدا بص 
اصل انتوا فلاتر... وسخين، عايزين تتبدلوا.. ايه دا ايه دا بص!

ايه دا العيال دولا كبروا
لو انت بابا انا جدو
بس انت مش بابا انت ابنه 
مخدة على الوش تتكتموا

سلسلة من مطر
عقلها راح واتصل
قلبها اتكيف فاتسطل 
عيطت مش من البصل

بتبكي لاصحابها تشتكي تكي م اللي حصل
كنتي تاخدي مني حذر

بس انا حنين 
طولت بالي اتشعلقتي، آه
والايام هتبيّن
اني اتصالحت مع نفسي، آه 

واديني متنيّل 
ناس مشاهير على شاشتي، آه 
بس كنجم هاتعين
يا ترى مين هيفضل من كاستي

آه، انت بتستهبل
فيرسك بلاستيك
فيرس مفشكل
مش بافهم
لسه بتتعلم
كلمة حق
بتكدب، باقلب
مش هاكتم 
لسه مش كابتن

باسأل نفسي ليه الشباب لسه بتمثل
وليه الرجولة بتعزّل
نايم كويس برضو مكسّل 

قلت: انا برضو برضو أسطوري
لحد ما اليقظة تقابل الشمس 
أملا العين بعرضي وبطولي
تقيل خفيف، أنا حابس الدم

المنهج دا بدون مدارس اتلم 
بص للقهر
شاهد الغم
مارو الصقر
مش شايف النمل
مش شايف النمل

لحد ما في جزء من الثانية في الأولى والتانية
فتحت الكلام ضربات متتالية
بنزل كلامي بالختم الإداري
ما تقولش حبيبي، هات وشك التاني

ترسانة ترسانة ترسانة ترسانة ترسانة 
وو وو
مارو علامة علامة علامة علامة علامة 
وو وو

📡 مازبيرو

أعوز اذاكر... افتح الدراسات واسيب الجبر
أعوز أريّح، فأتمدد على قضيب القطر
على السوشال، يا إما تعمل سندباد
يا إما تعلن إكتئاب
 
أبتدي بالإسم، ولا الحرف ولا الفعل 
كلم السمسار، صاحب البيت، غلّى السعر 
وهنا كل حاجة بتغلى إلا كلمة الشرف 
ولما الحاجة بتبقى دوغري نحب نيجيلها من ورا 

بس الانجاز قد كدا، لازم نقيس بالمسطرة 
ولازم الميستر أجبرك 
لازم الميس تكدرك 
طب وانا؟ رحت للمصير وقلت له: ها بقى
قال لي: هو انت لسه شفت حاجة؟

يا عم فهمنا،
خلاص بقى اتنيلنا 
هنقعد نتكتم اشرح لنا، انت كبيرنا
مش فاهم انت عايز مني إيه 
مش مهم اني اتأخرت، المهم اني جيت 

وانا في ابتدائي كنت بسأل نفسي: ازاي؟ 
وانا في اعدادي كنت بسأل نفسي: امتي؟
وانا في الجامعة بدأت اسأل نفسي: ليه؟ 
دلوقتي بسأل جوجل فين الأجزخانة

ومش باعرف اخد أوامر وابقى ماشي بخط سير
قصدك ايه؟ نفسية طالعة نازلة في اسانسير
فبتغابى وببقى الشخص اللي يقفلها ليلة الافتتاح
مش عايز الاقي عقدي بتبعدني ع النجاح

باكره ان انا طيب، 
باكره إني باكره ان انا طيب
مزاجي زفت ومش عارف إفادة حب الناس
نفسي انسى 2016 من غير ما اصب كاس

بادخل جحر الحزن اشوف بس مين اللي هيسأل
وبتخيل لو اختفيت، ايه اللي هيحصل  
"طب لما ارجع هايتبسطوا ان انا جيت؟"
بنسى إن الاهتمام عمره ما اشترى بيت

في حوار مع واحد ما بيسمعش، فمليت 
من المسؤلية استخبيت
بس ان حد يعاتبني، لا دا عيب
مش مهم اني اتأخرت، المهم اني خفيت

وانا في ابتدائي كنت بسأل نفسي: ازاي؟ 
وانا في اعدادي كنت بسأل نفسي: امتي؟
وانا في الجامعة بدأت اسأل نفسي: ليه؟ 
دلوقتي بسأل جوجل فين الأجزخانة

دا... طريق اللانهاية
مسك الخريطة هيخليك شغال قراية
موتوري عطل، تانك الديزل قال كفاية 
وسط جبال لو جابت ليل حتى الجريء محتاج حماية

بس النقطة السودة بارزة 
ولا نقطة بتبُقى شاربة 
جت بالصُدفة التوبة خارجة من بقها..
الكلمة سلعة.. في السموات تتباع
باهاجم الحياة ...بألوان الدفاع

قلقان جت حوادث
شعبان لعند مارس 
تعبان ماعادش حاسس
زهقت وصوتي قافش 
وطلعت الدور الهامش

نومي عسل... وانا بتاع معاكسة 
شبعت منه جاب احلام بطعم النكسة
مغمض عيني... جت أفاعي 
برضو رافض... ابقى واعي

في العصر الفضي نتاجر في الحروف ونغش بعض
بقيت ب-كاش... طلع دفع القسط صعب
اكل العيش امر من المر
والنسيان أضر من الشرب 

الخبث مزة، فباحب الاحترام
أمل مشيت لسه في حتة الخصام
ماشي سالانسيه.. برعاية قشر البيض
رجعت في يوم لاقيت حاجتها مش في البيت 

في الفصل كنت غاااااايب... مستقبلي في رقبتي 
افتكروني خااااايب، بس علمت نفسي 

وداني القطر، لمحافظة التعالي 
رجعني الزمن، لمحطة المعادي  
مغمّي عيني، بادور على القرار
أفكار ممنوعة، صوّرها الرادار

قلت لأعصابي: هابدلك لو تعبتي في الخمسة وستين
القدر ما بينهز شباكه حتى لو كان مين
الشفقة مصابة بالشيخوخة
متجهة بالراحة للغيبوبة

- يا اسطى ليه بتفتكر لنفسك وتنسى ليا؟
- عشان جدار الاحتياج حايش الانسانية
واكتشفت ... بعد تفتيش ماضيا
- اني زي محامي في الفاكانس ماعنديش قضية

وانا في ابتدائي كنت بسأل نفسي: ازاي؟ 
وانا في عدادي كنت بسأل نفسي: امتي؟
وانا في الجامعة بدأت اسأل نفسي: ليه؟ 
دلوقتي بسأل جوجل فين الأجزخانة
+
خوفي الوحيد  هو خوفي مني
الصبر مر بس اليأس موتي وسمي
قولت لها: في عز ما انتي همجية بتترددي
حلاوة العالم انه مش منطقي
مثلاً...
اتشال الطبق من قدامي ولسه باكل 
مش فاهم التفاهة في التفاؤل
مش عايز ضلمة، فتحت اللمبة
اخرتنا اتنين متر ونص تحت الرملة

طموحي بيتسرع ويتوه
فقلت أمنياتي لنجمة بتطلع في الروح
عايز اشوف العيلة كل سنة أعلى
عايز اعيش ومش هادوّر على معنى  

وانا في ابتدائي كنت بسأل نفسي: ازاي؟ 
وانا في اعدادي كنت بسأل نفسي: امتي؟
وانا في الجامعة بدأت اسأل نفسي: ليه؟

🌡أجزخانة

مصر الجديدة

بحر عالي موجه شديد
شايف الشط من بعيد
مية مالحة في صدري
الفرصة بتهرب مني

بس مافيش يستاهل
4 ميسدات صحيت عليهم ولسه فاكر
لما الشبكة في موبايلي كانت م العناكب 
مش باغرق انا باعوم

لو وقعت بارجع اقوم
مش هسكت انا هاقول 
لا بالف ولا بادور

في عيد ميلادي جالي هدية
()بس اللي جابها مجهول
كلميني بكرا لو عايزة
بس احتمال أكون مشغول

فين فين فين؟

في الشوارع المخيفة
قمت معدي م التفتيش عشان الشنطة كانت خفيفة
ويييييي… 

ماشي بالليل في مصر الجديدة
مش ساكن في مصر الجديدة
نتقابل في مصر الجديدة
شكلي هبات في مصر الجديدة

نقطنا بسكاتك
الثانية بتفوت وبتروح في الزبالة
ف انا هاسيبها لك
الشُهرة قلابة
والضحكة كذابة
انا باهرب واتدارى

من غير ما أبقى خايف
السرعة بتقل طول ما انا مش سايق
 مش حِمل كماين
جيت م المستقبل وفي إيدي جوايز
وجايز ما ارجعش لو ما فضلتش فايق

انا مصحصح
ليه كل الناس دلوقتي جاية تصاحبك
على راحتك
الحمل اللي انت شايله دا لمصلحتك

ـــــــــــــــــــــــــ
مفيش حد يستاهل الاتنين ميسد كول
اسرار في موبايل اتفتح من غير بين كود

العيب اللي فيّا
مش باجيب غير مية المية

ورجعنا نفس الشارع
كنا فيه من نص ساعة
لسه بيننا نص حالة
مستني الإعادة

العيب اللي فيّا
مش بغيب م المسؤلية

بالاقي نفسي في انفراد
ثواني قبل ما بتتشاط
قوام بيتفك الرباط
واكون ع الأرض

لسه فاكرين ولا نسيتوا؟ 
ما هو دا العيب اللي فيكوا

ماشي بالليل في مصر الجديدة
مش ساكن في مصر الجديدة
نتقابل في مصر الجديدة
شكلي هبات في مصر الجديدة
ـــــــــــــــــــــــــــــــــــــــ

معلش ما ردتش
كنت بادي درس الفيزيا
ساوند كلاود ستيشن روبابيكيا
جايزة أفضل رابر في افريقيا
مش هتفيدني في بيتس ولا فيتشر

انا متكااااامل… بوجبة
ثانية… في الدفاتر اشوف لك
اوبا!
طلعت جاية معاكو صدفة

سيني سيني سيني سينيمائي… سينيمائي
محتاج اركب عدساتي… على الهادي
دماغي نضيفة في الاغاني… دا اساسييي 
حراق فعلا دا مش كنتاكي … دا وسابي
لسه بتقول لي كاني ماني… وبتهاتي
هبيتك في دواساتي… دي اخلاقي
شايفكوا دايما على شمالي… عبد الشافي
حاسّ اني سايق كواساكي …كواساكي
شوف البلاوي جوة شاتي… دي حياتي
الأغنية دي لولادي… وأجدادي
رجعتي تتدلعي تاني… بتتشاقي
خليكي عندك انا هاجي… في ثواني  

لو مش عارف تسمع الاغنية جرب تشمها
لو مش عارف تبدع جرب تشفها
ايوة رجعنا نتكلم تاني بس دا من الزهق
بنت تافهة بس بتجنني لما بتهزها

اتنين في الدرج وواحدة على اللاب
انا مش انسان انا حيوان  
دوّب المجال في طبق الشوفان
واخد المدام وطالع اليونان

…صعبة
ماشي مع واحدة شاقطها من المعرض
ثانية ثواني مالك مش على بعضك؟
فين المنافسة والله ماعرف

اوكيه! دي لقطة
سوري ماينفعش تشوف المطبخ
اوكيه! دا مقطف
 هانتكلم بعد ما تتثقف

معايا العدة
معايا العدة
مش بنعدك
مش بالكترة
ولا بالشدة
هات الفكرة
وانا هدرسها 

مش هتاكلوا معايا عيش
بتقاوحوا معايا ليه
بلسع زي الزيت
نازل زي السيف

عادي لما زهقت وقمت جايب من الاخر
لما سخنت إتمدت إيدي ع المشاكل
عايزك تبعتي لي الصور بالفلاتر 
واللوكيشن عشان لو عُزنا نتقابل

GPS
فكريني نسيت الاسم
بديكي الاذن
لما توصلي سيبيلي ميزد

آه بانوّع بس عمري ما باتغير
رشيت المية كنت عامل فاير

marwan moussa - masr el gedida - مروان موسى - مصر الجديدة

اغنية "ميم ميم"
توزيع مروان موسى/produced by marwan moussa


انا مش مسؤل
متجيش بعدين تقول مغرور

شوف الكاريزمة قدام الكاميرا
في البحر الميت اصطدت سكمة

صاحبة صاحبتي بتلاغيني 
وانا عامل صيني 
ممكن في اي لاحظة لو عوزتها تجيلي easy

ومش لازم في السكرتة
ع الطبلة وع السكسكة 
نازل من السما بعمل كذا وكذا كذا كذا كذا

اصلي اصلي اصلي
ماتادور
ماتادور

ساكت ليه ماتقول….ساكت ليه ماتقول
هاجي نص ساعة وهامشي على طول
والمضيفة عايزة تضيفني ع الانستا
لابس قميص عامل زي الفريسكا

دا مقلم
سعد قال لي يا المعلم 
عملت شقلباظ لقيته مبلم

كباية القهوة باصة ع السحاب
ولقيت دموعكو نازلة بتمسي ع المسحات

مفيش مني اتنين ولا حتى واحد
طلعتها من دماغي لقيتها ساحت
انا لوحدي مش محتاج لحد يساعد
لو بتحبيني اكتبي م.م. على دراعك

لو بتحبيني حطي ايموجي البتنجانة جنب اسمي
ماينفعش تكون قطتي غير لو خربشتني
ماينفعش تزعل مني غير لو خدت اذني
ياسطى انت اتهزيت زي كان البيبسي

لو هتعملها بمساعدة الكل
هاعملها انا لوحدي واكولها
باقولك يا كوتش انت منين؟
لسه هاتشوف في الكرنيه؟

بعمل عليهم كماشة بلاش الكلام لو مش: تحت امر معاليك 
واللي بيستهبل باصطاده بسهولة مستنيله غلطة شغل تلاكيك
اهلا بيهم وبيك انا قاسي
للدرجادي انا فاضي؟ 
هافضب راقد لكو حتى بعد ما شعري يبيض زي وائل ابراشي

العاشرة مساء
حاسب… هنا مسافة
انا عامل جو
فتحس ان هنا سفاجة

لاقت اسمك على الشاشة وقالت فاكس
لو عجباني هتقل مش بحب اعاكس
سايق.. على فايد  
مش عايز حد يتضايق

فقولتلكوا من الاول

اني مش مسؤل
متجيش ذلوقتي تقول مغرور

شوف الكاريزما قدام الكاميرا
في البحر الميت اصطدت سكمة

صاحبة صاحبتي بتلاغيني 
وانا عامل صيني 
ممكن في اي لاحظة لو عوزتها تجيلي easy

ومش لازم في السكرتة
ع الطبلة وع السكسكة 
نازل من السما بعمل كذا وكذا وكذا 

اصلي اصلي اصلي
متادور
متادور

marwan moussa - meem meem مروان موسى - ميم ميم

شبابيك 🏜

(verse1)
اتكعبلت ووقعت
تعبت من اللعب
هربت ورجعت
اكتب لي سعر

للوقت اللي انا مش لاقيه
الوقت اللي انا مش لاقيه

قلوب وبتنط
بتقولي انه حب
ببرودي باصد
أسلوبي بيخض

انتي فاكرة اني هاقدر اسيب
وجودي بدونك مستحيل

سكتك كلها مطبات
باغير رأيي في اللحظات
مش عايز أكمل خلاص

ما تستاهلينيش
ما بتسمعيش
بنقفل وبنفتح وبرضو حنعيش
هنلتّ وهنعيد
خلاص ع الحديد
مين مستفيد؟
محتاج شبابيك

إفتح! مخنوق
بافتح واشوط
لأ، مش مخضوض
كله مردود
كله مردود
ماكانش المفروض
أديكي فرصة كمان
مع الوقت كله هيبان

(المقطع الثاني)
أزرق ع الجلد
حب إلا تلت
عزّلت عزّلت
في الآخر زعلت

ع الوقت اللي انا مش لاقيه
الوقت اللي انا مش لاقيه

من قلبي باصُب، طوّلت في الغُطس
بامنتج واقص، طب ليه ما بتظبطش؟
مالِك م الصبح؟
مش حابب أشك واتعامل بخُبث

هو انتي فعلا فاكراني هاسيب؟
ما استوعبتيش الموقف أكيد
وان انا عنيد
دا مش جديد
غلطانة انك ما ركزتيش ع الطريق، وما لا حظتيش

سكتي كلها مطبات
غيّرتي رأيِك خلال لحظات
مش عايزة تكملي خلاص

ما استاهلكيش
ما باسمعكيش
بنقفل وبنفتح، ولأ مش حنعيش
بنلتّ وبنعيد
مين مستفيد؟ 
محتاجين شبابيك
افتح! مخنوق
نفتح ونشوط
لأ، مش مخضوض
كله مردود
ما كانش المفروض تديني فرصة كمان
مع الوقت كل دا بان

marwan moussa - shababeek مروان موسى - شبابيك

شهر اتنين
[كوبليه ١]
نفسي بس في حاجة جديدة 
تصحّيني من النوم بضحكة
عقلي ضايع في غابة بعيدة 
ما تطلعي معايا رحلة! 

كل الأفلام اللي في السينما
والمعاني اللي في المزيكا
بيقولوا لي: فيه حاجة ناقصة
بيقولوا لي: لاقي حبيبك

كان المفروض تكوني إنتي
والمفروض الصور دي احنا 
لما تيجي قدامي سيرتك   
من جوايا في حاجة بتحزن

تاني بافِرّ في سيناريوهات 
وانا قاعد لوحدي في أوضة
عمري ما زعلت على اللي فات 
عمر نيتي ما كانت سودة

[ڤيرس 1]
عيني مزغللة ومش شايف الساعة كام
خايف أطَلّع الشوكة من الجرح بتاع زمان
لاست أوردر، مخي هيقفلوه 
صوتي رايح مني وهيمسكوه

تزعل وتخبّي وشها في تعبيرات 
رشق السهم بس معاده فات
بمشي في الضلمة ومش عايز اتوه
ذكرياتنا في شبكة عنكبوت

وسط الزحمة اشوف عينك واعرف سرحانة فين 
ماحدش كان فاهم دماغي قدِك 
لو اللي بينا كان عادي، ما كان زماني نسيت
ماحدش إداني الإحساس دا قبلك

رسايل قديمة منورة ليلتي 
أزود عليهم ولا بلاش؟
مافيش إجابة على أسئلتي
مستني بكرا، لسه مجاش

نفسي بس في حاجة جديدة
يمكن الاقي في السوق الحرة
عادي اني لسه مش ناسيها
المشكلة اني فاكر الحلوة مش المرة

واضح ان انا بس اللي مطبق
باين إرهاق وحزن في النبرة
صور قديمة عملالي صدمة
شيطان على كتفي الشمال مستغرب

عودوني، عودوني …
اه لو الكلام يقضي
طالع سليم لحُسن حظي
بس في حاجة تشبه المغص في بطني

مسجلها على الموبايل "ن"
والصورة سرحت فيها وعملت زوم
معاها بغرق مش بعوم
شوية شهور حسيتهم قرون

نفسي بس في حاجة جديدة
باصص ع السما من النجيلة
كانت في “عمري ما هسيبك”
بقت في “ليه مش بتحب غير المزيكا؟”

صور قديمة… 
زي لُوَح بيكاسو
فيه ناس جواية بيعزوا
نفسية طالعة نازلة مع الاسهم

شهر اتنين اتقابلنا
حكاية انتهت بكلمة
صورتها ورا جفني بتلزق
م الاوضة الغامقة لسه صوت كلامها بينده

هناك في لوح مرمية
هزة الموبايل ع الفجرية
رقم غريب، ما طلعتش هي
نفسي أسأل لو في حد جه بعديا

[كوبليه ١]
نفسي برضه في حاجة جديدة 
تصحيني من النوم بضحكة
عقلي ضايع في غابة بعيدة 
ما تطلعي معايا رحلة! 

كل الافلام اللي في السينما
والمعاني اللي في المزيكا
بيقولوا لي: فيه حاجة ناقصة
بيقولوا لي: لاقي حبيبك

كان المفروض تكوني إنتي
والمفروض الصور دي احنا 
لما تيجي قدامي سيرتك   
من جوايا في حاجة بتحزن

تاني بافِرّ في سيناريوهات 
وانا قاعد لوحدي في أوضة
عمري ما زعلت على اللي فات 
عمر نيتي ما كانت سودة

MARO

Mohsen Jr