
ولا ليا سلطان ولا جاه
ولا ليا فى التوهه دليل
انا تايه يا ولاد النيل
متغرب وبلادى سبيل
فاتحه لكل بناات الليل
قافله فى وشى يا حول الله

انا تايه ـ على باب الله ــ احمد النجار

حرف وحيد ــ هانى عادل ــ فيلم لا مؤاخذه



نص الكلام وزنه .. نص البكا حزنه
نص البيوت عمدان .. نص الطريق رملة
ملّونا فى الإملا .. الدنيا مش كاملة
الدنيا دى بوشين .. وكأنها عملة
الضحكة مش هى .. والدمعة أغنية
والحلم ليه بيموت .. مغرب وصبحية
مقسومة نص ونص .. وبتبكى وبترقص
بتحط إيد على عين .. وبتانى عين بتبص
نص الفرح سقفة .. نص الصحاب واقفة
نص الكلام حواديت .. نص الحياه إنتى
وانا وانتى حدوتة .. جدتنا ستوتة
تحكينا للأطفال .. كان ياما كان كنتى
أمى وساعات بنتى .. جرسى ومأذنتى
وريف وملو خضار .. وعمار يا مدينتى
مقسومة نص ونص .. وبتبكى وبترقص
بتحط إيد على عين .. وبتانى عين بتبص

كل الكلام سيرتك .. كل الحاجات صورتك
وان كنت اقدر اكون .. انا من زمان كونتك
نص البنات مساكين .. نص الهوى قضبان
كل البنات مساجين .. وانا مش هاكون سجان
والعشق حرية .. والبنت ثورية
والحضن صوته هتاف .. ولكل صوت غية
مقسومة نص ونص .. وبتبكى وبترقص
بتحط إيد على عين .. وبتانى عين بتبص

عمدان النور ـ نص ونص

غناء :أمير صلاح الدين
كلمات :ميدو زهير
.
م المصرى بجلابيته السمنى
لفؤاده المقترنه بـ شر
وانا جايلك مسكونى ف السكه
والسكه لا خضره ولا تسر
ومراكبى بتغرق فى دموعك
والبحر بيفتح ع البر
وسجونى اتخلقت ف ضلوعك
كان نفسى احبك وانا حر
م الحى الميت بعذابك
م الصابر مصاص المر
م الإبن اللى اتيتم بدرى
للحضن اللى عليه حراس
م المصرى بجلابيته السمنى
لفؤاده المغصوبه الجواز
لو مكتوبى وصلك أمنى
ان انتى خلاصة الاجناس
بس كلاب السكه ما خلت 
ولدك ينعم بالإحساس
وان هدوم العيد اتبلت 
لما العيد افترا ع الناس
م المصرى بجلابيته السمنى 
لفؤاده المقترنه بـ شر

Ahmed Mohsen

Popular tracks