تواشيح

انشوده محمد الكحلاوى بصوت محمد ثروت

محمد الكحلاوى ) محمد ثروت لاجل النبى)

أنا جسمي عليل و دواه النبي .. يا نبي
و قلبي يميل لزيارة النبي .. يا نبي

أنا جسمي عليل و دواه النبي .. يا نبي
و قلبي يميل و بقول يا نبي .. يا نبي

أنا جسمي عليل و دواه النبي .. يا نبي
و قلبي يميل لزيارة النبي .. يا نبي

أنا جسمي عليل و دواه النبي .. يا نبي
و قلبي يميل لزيارة النبي .. يا نبي

بحب النبي و أحباب النبي 
بحب النبي و أحباب النبي

رامي حمولي على الله
رامي حمولي على الله

عليك سلام الله يا رسول الله
عليك سلام الله يا رسول الله
عليك سلاااام الله يا رسول الله

لما دعاني النبي قلت النبي دعيني
خاطري ازورك يا نبي و املي نور عيني
جسمي عليل يا نبي مين غير يداويني

لما دعاني النبي قلت النبي دعيني
خاطري ازورك يا نبي و املي نور عيني
انا جسمي عليل يا نبي و مين غير يداويني

اديت رسالة الله الله عليك الله
اديت رسالة الله الله عليك الله
عليك سلام الله يا رسول الله

عليك سلام الله يا رسول الله
عليك سلام الله يا رسول الله
عليك سلاااام الله يا رسول الله

عليك سلام الله _ محمد الكحلاوي

لاجل النبى - محمد الكحلاوى

وحّد إلهك ..

واترمي كنَفه وجنابه ..

واشكره ..

وامّا تيجي تشكره .. أشكره ..

إنه علّم حد فينا يعلّمك .. إزاي بقلبك تذكره .. وتشكره ..

وحّد إلهك ..

واترمي في كنفه وجنابه ..

ما تفارقش ف يوم عَتابه ..

واسعى سعيك .. احبي حبيك ..

وامشي مشيك .. واجري جريك ..

مهما تقلت المعاصي .. اوعى تيأس ..

ربنا مش زيّه زيّك .. ربنا بس اللي ما بيقفلش بابه ..

فاحتمي ف كنفه وجنابه ..

واحفظ السكة اللي ترجع منها ليه ..

إن عصيت .. وأكيد حتعصى .. استحي وارجع ناديه ..

اللي دخلوا الجنة يا ابني مش ملايكة .. اللي دخلوا الجنة كانوا زي ابوك .. شنقوا من كتر المعاصي .. بس تابوا ..

وانت حظك .. ان ربك رحمته سبقت عذابه ..

فاترمي ف كنفه وجنابه …..
عينك على امك ..

مهما كان حجم انشغالك ..

اوعى تكبر وانت مش واخد بالك ..

اوعى تعرج .. ولا تتقل ودنها ومتاخدش بالك ..

اوعى يلهيك عنها حالك ..

عايز امّا اموت ..

يفضل لي كف وعين وصوت ..

وكتف تتسند عليه متكلفتة ..

ونفس يدفي فرشها ف برد الشتا ..

وقلب مطمن بإني مشيت وسبتها لك ..

فاوعى يلهيك عنها حالك..

طول حياتها .. شيلها في عنيك وف وريدك ..

حج بيتها كل يوم .. بيتها ريدك ..

في المدافن وانتو جايين حابقى في العين اللي جنبك ..

حابقى شايفك ..

عايز اشوفك وانت بتنزلها بيدك ..

وانت صاين لحمها لحد الممات ..

سيبها تتباهى بآخر لمسة منك لما تنزل وسط باقي الأمهات ..

حتقول ده ولدي .. صلب ابوه ..

جبته للشيلة الأخيرة .. وسبته لاخواته البنات ..

أوعى تطلع واد جبان ..

اجري خلف الموت يخافك ..

موت فدا البلد اللي ربت لك كتافك ..

اوعى تنكر خيرها زي الخوانين ..

الطماعين اللحاسين الكدابين ..

اوعى لينسوك يا ولدي انت مين ..

وابن مين ..

اوعى ماتفرقش بين العفيانين والورمانين ..

اقرا من كتب الشمال ..

واقرا من كتب اليمين ..

اقرا لصحاب البلاط ..

واقرا أدب المسجونين ..

شوف حكومات السياط ..

واقرا سيرة الراشدين ..

أوعى لينسوك يا ولدي .. مصر مين ..

أوعى تركن للكلام اللي يوماتي بنسمعه م الرغايين ..

مصر خوفو .. مصر خفرع .. الحضارة .. السنين ..

لا يا ولدي .. مصر انت .. مصر شغل وناس بتعرق ..

مصر جيش من غيره نغرق ..

مصر حواليها العِدا متربصين ..

اوعى تنضم لعشيرة البياعين ..

حتى لو تهموك يا ولدي زي ابوك وقالوا كافر ..

قل لهم أنا ديني ربي .. وبعد منه .. مصر دين ..

آخر وصية ..

لما تكبر حتلاقينا في التاريخ ..

باب صغير .. حيداروه .. مكتوب عليه (شباب ثاير) ..

مش بعيدة يعلموكم في المدارس وقتها إن اسمها نكسة يناير ..

قل لجيلك .. إنها ماكانتش نكسة ..

واننا جيل البداية وانتو دوركم جاي لسة ..

وافرد كتافك واحكي عن جيلي بفتوة ..

عايز الناس لما تسمع نبرتك في الميكروفون يقولوا (هو) ..

اللي خلف لسة عايش ..

لسة صوته ونبرته فيها الوجع ..

لسة واقف ضد ظلم الجبارين .. وقفة جدع ..

آخر وصية ..

سبت لك ورثك براح .. تسقي كرمه يزيد ويكرم ..

سبت لك ستر وجناح .. عقل يفهم .. قلب يرحم ..

سبت لك حب الغلابة .. ناس كتيرة .. جيش عرمرم ..

وان جم يقايضوك بالفلوس .. ويقعدوك وسط الكبار .. ويسكتوك ..

قل لهم أنا زي ابويا ..

لا عمره كَلّ فضلة موايد .. ولا عمره رمرم ..

سبت لك حب الغلابة .. أغلى من كل الدهب .. واكتر .. وأعظم.

جديد : هشام الجخ - حمزة

لـ المنشد .. سلمان الملا

يا نفس إن لم تظفري .. من أروع ما ستسمعه إذنيك

النفس تشكو - الشيخ سيد النقشبندي

أسماء الله الحسنى - الشيخ سيد النقشبندي

أجمل ابتهالات الشيخ سيد النقشبندي

الله الله

سبحانك اللهم

ياربنا - الشيخ سيد النقشبندي.

يا رب توبه - محمد الكحلاوي

إبتهال مولاي - سيد النقشبندي

منوعات من القصائد والمواعظ لشيخنا المفضال الدكتور محمد حسان حفظه الله تعالى ونفعنا بعلمه وبارك لنا في عمره اللهم آمين

تواشيح

Ahmed