قلمى ندهه
بصوت غريب ليه العجب
كراسى جه لبى الطلب
وساله خير ايه السبب
رد وقال الصبر طال ومفيش جديد
مات الامل .... ايه العمل ؟؟؟
كراسى قال احكى وطلع الزهق
عبر وقول تنسى القلق
متقولش دول حبه ورق
سكت القلم اصله اتوجع
قتله الالم
لما فضل مظلوم سنيييييييييييين ولا يوم ظلم
صوته اتكتم
رايه اتمنع
لو كان فى يوم مره نطق
كان شاف ياعالم البدع
كان شاف عذاب لايحتمل
سكت القلم
اصله سال مره كمان
ايه العمل ؟؟؟
ولا شاف امل
كراسى رد
وقاله لاه ..... ده فيه امل
انت الامل
اكتب وسطر فى التاريخ
اوعى فى يوم ايدك تشيخ
اوعى فى يوم تيجى تقول
ده مفيش جديد
لاه فيه جديد
وانت الجديد
اكتب بقبضه من حديد
هدد فى صوتك بالوعيد
قول راح خلاص زمن العبيد
ما بقاش خلاص موجود عبيد
حتى العقول اتحررت
كل القيود اتكسرت
ايوه اتولد ثوره شباب
للدنيا جت فيها نورت
لا فجرت
عصر الظلام
يلا بايدنا نبنى مصر للامام
عرفت انه فيه امل
خلاص فهمت ايه العمل ؟؟
ضحك القلم
من بسمته ..... نسى كسرته
نسى انه يوم جى يشتكى 
عرف الطريق
اقسم بانه ليبقى فيه جديد يتحكى
واهو بيتحكى 
وهيتحكى 

قلمى ندهه

انا مش جبان
انا مش جبان
انا بس حبيت انى افكر حبه كمان
وانا مش جبان
انا بس خفت ليجى يوم واحكى حكايتنا
وابدا كلامى بكان يا مكان
ولد تشوفه تقول ده ايه مجنون تمام
لا عيونه خضرا ولا شعره اصفر ساحر كلام
وبنات كتير بتموت عليه حب وغرام
عايش حياته بطول وعرض 
لا فوقه سما ولا تحته ارض
عايش امير
حوليه كتير
وشافك انتى اصبح اسير
ولا قيته فكر فى حاجات كتيره
احلامه وردى احلام كبيره
وكتم فى قلبه وماجبش سيره
وقال لنفسه
لحقت احبك
ازاى اصارحك
ازاى يا ناس ده انا الامير
بس افتكر ان الامير
محتاج اميره
وانتى الاميره
ايوه اميره
عرفتى ليه انا كنت ساكت
فهمتى ليه الفتره طالت
عشان رفضت تكونى قصه واقول دى فاتت
ولما اجى واحكى عنك
مقولش انه كان فيه زمان 
كان يا مكان
دلوقتى بس اقدر اقولك
لا يا اميرتى انا مش جبان

ahmed mostafa sayed

Popular tracks