على لوكا
ـــــــــــــــــــــــــــــــــ
كام مره سألتك ؟
وكنت بتهرب م الاجابه ؟
لامتي هتفضل عايش ساكت
ارنب صيد وسط الديابه
خوفك وضعفك بذر جوه منك
وبتسقيهم
ديما خير الناس مش ليك 
وخيرك انت رايح ليهم
كام مره جم عليك 
طب ليه مجتش في يوم عليهم ؟!
" لسه سايب نفسك ليهم شايف ان الوضع عادي 
وقت ماكنت لكله شايل كله ليك مكانش فاضي "
ف انت بقيت متقبل فكره 
مين هيبيعك المره دي ؟!
نفسك نفسها يطول نفسك
بعد ما اتقطعت انفاسك كم بني ادم انت ساعدته ؟
رجع من تاني برجله داسك 
بيفسرها منك جوه حاجه اي ضد احساسك 
كل حاجه عكسك حتي غلطك من راسك لساسك 
عامل مش واخد بالك من صوت جواك قالهالك !
انك ع الهامش ديما فين كرامتك بالنسبالك 
يرجع سؤال مين الغلطان ما انت اللي عارفه
صيغة السؤال بتضايقك ؟ 
طب خلاص اللي انت شايفه
ـــــــــــــــــــــــــــــــــــــــــــــــــ
داليا عمر
ــــــــــــــــــــــــــــــــــــــــــــــ
وشك في وش الذكريات
تايه غريب عن كل شئ
فيك نص حب الناس ف مات ..
ونص عايش كله ضيق ..
وكسبت ناس
وخسرت ناس وندمت فجأه عشان لقيت..
انك كتير فكرت فيهم بس
بسهوله اتنسيت
ـــــــــــــــــــــــــــــــــــــــــــــــــ
العفريت 
ــــــــــــــــــــــــــــــــ
بتحاول وبتفشل
تتمني وبتيأس
مش عارف اللي بيحصل ف بتقلد اللي بينجح 
خبراتك ف علاقاتك اعتذرت شافوك ضعيف
قولت ع اللي ف قلبك لجبريل 
قلب ابليس 
انت ضعيف 
يا تري ايه اللي فيك ؟
مختلف
عنهم
زيك زيهم
يمكن غلطك اكبر من غلطهم 
استسلمت !!!
ياريتك استحملت 
كدا مبسوط ؟
مش عارف ترفع عينك في عينهم 
فيك ايه بيفيدهم ؟
عشان يفيدوك ؟
لو كانوا علوك
هتدور الدنيا ويوقعوك
سمعت كلام الناس 
طب ادي كلام الناس اذاك 
طول ما انت محتاج هتفضل عبد للي معاك
انت كداب وانت عارف انك كداب 
اللي فيك دا طبع ومتقوليش غلاب
انت شايف انت في عينك انت 
الاتنين = بيتساوا 
وانت عارف انت طيب وهو اللي تحتاجه 
ــــــــــــــــــــــــــ
مزاجنجى
ــــــــــــــــــــــــــــــــــــــــ
اديت كتير لكتير مخدتش
فا الحياه خدتك ولا يوم كسبتك
خسرتك لهمومك سابتك
وددتك .. جابتك 
حطتك .. شالتك
وفي ازمتك ..
الناس اللي صدقت معاهم وقت الحاجه
كدبتك.. يمكن انت مكنتش فاهم 
او مستوعبتش حقيقة ان خيرأ تعمل .. شرأ تلقي
وتتعامل بطريقه " المعامله بالمثل"
قيمتك بتقل لما تعدي وتقول عادي
والإهانه تتقبل
وفين راح إعتبارك
فـــيــن
" قولي فين " 
بيعاملوك بـ وش تجاهل
علشان انت مش محتاج 
وشين وتسم نفسك بإسم
لآ
 طبعا مش قصدهم
فتغمي عينيك الاتنين 
عن غدر وخيانه في دمهم 
ما انت بتحبهم 
ف بتختار تنسى 
في امل لسه ؟!
ده كمان انساه !
ده كلام مش مفهوم لحد غيرك ايه معناه
ان انت انا 
اللي انا اخترت اهرب من المواجهه معاه.
Official Video : https://www.youtube.com/watch?v=euuzZlCzKaw

Hip Hop Project - B Sohola Etnaset | مشروع هيب هوب - بسهوله اتنسيت

داليا عمر
على لوكا
مزاجنجى
عفريت
ـــــــــــــــــــ
كالعادة تبدا الحكايه 2 وعرفوا بعض احساس جديد في لمسة
ايد واول دقة قلب كل يوم بتزيد ما بينا كل حاجه سنه .. سنه
فجأه الحب بينا اتكون إحنا لينا ومش لغيرنا .. انتي اللي قويتيني
انتي اللي كملتيني وفي كل لحظه كنتي جنبي .. عمرك ما سيبتيني
انتي اللي نستيني اللي فاتوا من سنيني نفسي اكمل عمري جنبك
بحبك تتجوزيني ؟!!!!
وافقتي بيا ليكي فرحانه دموع عينيكي قررت اخد اول خطوه
وهي اطلب ايديكي .. طلبات الاهل زادت اكبر مني ايوه كانت
عايزين عايزين .. بكام بكام
كأني بشتريكي .. اخر القعده 	كان كلامنا كله نصيب 
وانا مش نصيبك ظروفي غصب عني قررت اني اسيبك
سيبت بس عمري ما انسي انسي ازاي والذكري فاكرة
عمري ما انسي اني كنت في يوم من الايام حبيبك
ــــــــــــــــــــــــــــــــــــــــــــــــــــــــــــــــــــــــــــ
كان في حاجات حلوه ما بينا غصب عني نسيتها 
مش بإيدي وايدك
كان في حاجات حلوه ما بيناااا غصب عني نسيتهااااا 
غصب عني نسيتك
ــــــــــــــــــــــــــــــــــــــــــــــــــــــــــــــــــــــــــــ
كل واحد فينا جواه جرح بيحاول ينساه
وانا احلي " قصة حب " في حياتي اتحولت مأساه
مانا اول ما شوفتك وعارف ان دي النهايه من قبل البدايه
دي قصة مش هتكمل زي اي حكايه كان نفسك ابقي ليكي
كان نفسي تبقي ليا مكنتش قد المسئوليه العيب مش فيكي فيا
حبك من قلبي متشالش قولتيلي كلام متقالش حسيت معاكي 
بفرحة بس الفرحة مبتكملش كان المحتوم ان الحب بينا مش هيدوم
بس احنا غلطنا وكملنا وقربنا اكتر من اللزوم ..طبعا ظلمتك .. 
مش بقول اني مظلوم عقابي أكون محروم منك لحد ما جه اليوم
حصل اللي كنت فاكره مش مسموح لفين هنروح فتح في الجروح
باللي في قلبك يا قلبي بوح انطق لو كنت مدبوح دور علي جرح مقفول..
طول عمر الجرح مفتوح.
ــــــــــــــــــــــــــــــــــــــــــــــــــــــــــــــــــــــــــــ
كان في حاجات حلوه ما بينا غصب عني نسيتها 
مش بإيدي وايدك
كان في حاجات حلوه ما بيناااا غصب عني نسيتهااااا 
غصب عني نسيتك
ــــــــــــــــــــــــــــــــــــــــــــــــــــــــــــــــــــــــــــ
حاولت أكون مناسب .. اناسب اللي انتي بتحتاجيه
ياريت تكوني موافقه ابقي الانسان اللي انتي بتحبيه
حاسبها غلط ماشيه عرض وطلب ياريت تكوني مرتاحة
للي انتي وصلتي ليه.. يمكن اول مره احب اول مره اتخان
اكيد انتي مرتاحه وانا خارج كسبان سبت اللي يستاهل بالساهل
ع شان اللي مايستهلش بندم واتحسر علي واحده بالدهب متتاقلش 
زمان قارنت .. كنت صغير بعدك كل فكري اتغير 
كان كل اللي بتمناه اعيش حياتي ده حتي العمر قصير 
ماكنتش عايز اصدق كنت مغيب بسيط كنت باصص تحت رجلي
كان لازم ابص لبعيد ف ياريت يرجع تاني بيا الزمن والوقت
كنت احذر نفسي ارضي باللي ليا اتكتب يمكن كنت انا السبب 
والعلاقه مستحيله طول ما تفكيرك تفكير مين يستاهل فينا
ــــــــــــــــــــــــــــــــــــــــــــــــــــــــــــــــــــــــــــ
كان في حاجات حلوه ما بينا غصب عني نسيتها 
مش بإيدي وايدك
كان في حاجات حلوه ما بيناااا غصب عني نسيتهااااا 
غصب عني نسيتك
ــــــــــــــــــــــــــــــــــــــــــــــــــــــــــــــــــــــــــــ
جيتارات : محمود جلال

توزيع و تسجيل و هندسة صوتية و Digital mastering: احمد ايهاب (Live Studio)
تصميم
محمد امين مانو
Media manager
ميا المهدى
Official Video :
https://www.youtube.com/watch?v=u-UOr8olRg4

Hip Hop Project - Kan Fy Hagat  مشروع هيب هوب - كان فى حاجات

XX(2020

Abyusif - WADDI 


Produced by Lil Baba

https://www.instagram.com/lilbaba_/?h

Mixed By Abyusif
Mastered By Aria


instagram.com/abyusif_
facebook.com/abyusifofficial

Subscribe 
youtube.com/channel/UC11DKpZ9mdjdb5fbdb7ulRw
Contact: Y.mahlab@r-productions.com

Ahmed

Popular tracks