مايليقش غير بيكي_احمد ناجي

مصطفى عبدالرحمن ربنا يكفيك

لسه حلوة ؟ هاني خليفة

اسكندرية الفراق ل محمد الجوايدي

هندسة صوتية: أحمد سعيد بُكير
https://www.facebook.com/ahmedsaid14

الكلمات:
https://www.facebook.com/M7mdess16/posts/551620201986072

تصدقي!
من يوم غيابنا ..
والدنيا زي الميَّة..
مالهاش لون وطعم
الورد مالهوش أي ريحَة
والأماكن مش مريحَة
والصُداع النصفي مَدِّد
فوق كنَب مركون في راسي
الوَقت.. وبقيت بـ اكرهُه
مابَعَتش ليه توقيت رجوعِك
ولَّا حَدِّد
كل يوم بكتب جواب مبعوت لـ نفسي
فيه كلام نِفسي تقوليه
أقراه واَقول " يجبر بخاطرِك "
والتاريخ باشطُب .. واَجَدِّد
هاعمِل اِيه؟..
غير الكتابَة
والسؤال بقى زيي من غيرِك تمام
مالهوش إجابَة
عندي فوبيا من أشياء كتير
ماكانِتش عندي ..
حتى مِنِّك!
فوق كراسي الإنتظار
من مُدَّة رخمَة
أو كراسي الإنتحار
من مدَّة أرخَم
الشوارِع زحمَة بـ بنات صُدفَة شبَهِك
بس قلبي لسَّة أزحَم
والحقيقَة مخَوِّفاني
إقطَعي رحلِة غيابِك
هوَّ حل .. يجوز أناني
ثانيَة واحدَة .. قوليلي فيها
أعمل ايه ؟.. من بعد مِنِّك
واِمشي تاني!

رحلِة غيابِك - محمد عصام

لاسكندريه بشكل خاص ولكل عشاق اسكندريه علي وجه العموم ولاشخاص بعينهم بدون ذكر اسماء. 

قصيدة " اخر زيارة لاسكندريه "
 من حفل ساقية عبدالمنعم الصاوي يونيه 2018 
للشاعر مصطفي عبدالرحمن

ناي..  مودي الشافعي 
بيانو..  مارتن 
كمانجا..  محمد وصفي 
ايقاع..  منصف 
عود..  محمود جرشه 

البروفايل الشخصي ..  https://www.facebook.com/mostafaaboelaala

آخر زيارة لاسكندريه - مصطفي عبدالرحمن من حفل ساقية الصاوي

الساعة ماشية بسرعة بتخمك
و اليوم بيخلص بعد كام ثانية
العمر أسوأ فترة من عمرك
و الدنيا أسوا حاجة في الدنيا 
و اليأس أرحم من امل وسواس
روحك جواري و الزمن نخاس
ولا عدت قادر تتسند وحدك

ولا عدت قادر تتسند ع الناس 
و احتاجت ايد ممدودة بتطبطب
و عبنبن تشوف اللي في عينيك جوة
و احتاجت ودن بتسمع الشكوى
فلقيت لسان بيسمعك هو 
وحدك لوحدك غير وحيد بينهم
الم عَرض اهون كتير م الداء
فرّق ما بين الاكتئاب و الحزن 
الحزن شيء و الاكتئاب أشياء
و انا مش حزين انا مكتئب دايما
انا نص عمري ف السرير نايم 
نظرا لان مفيش لقا دايم
نظرا لان الفرقة في الاخر
مابقتش عايز حد يشتقالي
ببعد مسافة كبيرة و أتأخر 
و الهم صمم بردو يلزقلي
الدنيا عاملة عقلها بعقلي
و الزحمة موت و الانعزال قاتل
و الحق باطل لسه بيكابر 
انا قلبي عابر و المساكن هو
مع اني طيب بس ليا عدو
نظراً لإني بصدّق الاشكال
و ماعادش عندي قدرة ع التمييز
نظراً لأني ماعادش عندي عزيز
فبقيت لوحدي أغلب الاوقات
و بقيت حمامة و مستكين ف العش
مؤمن بعجزي فبكتفي بمعلش
تايه مشوّش منتظر فرقان
نضارة تلحق نظري ليسافر 
انا كل املي اني اعيش في سلام
او اموت ولكن مايقولوش كافر
انا كفّي اضعف من حديد سجّان
فبقيت مسالم ملتزم خاضع
و السِلم رادع للي شاف الحرب 
انا جسمي ازرق من آثار الضرب
و الدرب أضيَق من محيط صدري
فبكُح ناس علشان افوت و اجري
و اوصل في اسرع وقت للاخر
انا كنت سكر و الجميع داقني
و الدنيا خضة و شيبت دقني
و شافتني بجري عليها زقتني
و انا كنت جاي احضنها صدّقني 
العمر سلّم لمبته بترعش
و انا نظري اصلا في الطبيعي ضعيف
الحبكة سكّا و السيناريو سخيف
و القفلة واحدة و البقاء لله
انا بس شايل هم حزن امي
و الدمع يخرج برا باب عيلتي
انا ضيف خفيف ع الدنيا يا دنيا
فرجاء اخير ماتقّليش شيلتي

#هاني_خليفة

اخر ما قاله عن الحياة _ احمد ناجي

Ahmed Nagy

Recent comments

Mido Sam

H A R P Y

laila mored

Mahmoud Metwally

Related tracks