تروحى بعيد-نوران وليد

خلى بالك من قلبك

وردة سودة - كشكول باند

عن الوحده - محمد عبدالفتاح

لو مت هموت و أنا مصدق

سابني_وراح_"راب"_أحمد_ناجح_sabny_wer3h__

مزيج من تجارب حية

" كفاية مراقبه ع الفاضي “

كفايه مراقبه ع الفاضي وليه تمسك في ناس سايبه 
حكايه قديمه في الماضي تِحَضَّر ليه ف حاجات غايبه
 بلاش دايما تكون قاضي وتعدم روحك الدايبه  

كفايه عشان هتتعذب
هتفضل كل يوم ذكري  
وتلقي القصه متذاكره
واوجاعك بتتكذب
ف هتقاسي
وتفضل عايش الفكره
تلاقي الحزن بترتب
وفجاه القلب يتعجب
وتتمني تفوق بكرا

  فتتألم من التفكير
 وتتعذب عشانها كتير 
 وتفضل كل لحظه تغير علي حاجه خلاص ماتت
كفايه عذاب وقله حيله واستغراب 
خلاص انساها وابدأ سيب
عشان هي خلاص سابت

كفاية قتل في مشاعرك 
مفيش حاجه بتبعد يوم 
وممكن تاني ترجعلك

قانون الدنيا لو سابك ف يوم انسان 
اكيد معناه انه كان بايعك

فخلاص انساها وسيبها وعيش
بتقضي حياتك ليه ف مفيش
بتعيش تتمني تشوف فيها 
احلام تكمل تصبح شواكيش

بتسيبك دايما تتالم
 لو مهما بتحكي وتتكلم 
ولا فارقه معاها انك تبكي
ولا فارقه انك حتي متبكيش

ملعون الشخص اللي بيقتل احلام انسان 
يوعد بحاجات والاخر دايما مبيوفيش

الحان بتعزف ذكريات ماتت 
وحاجات كتير وقت الزعل فاتت
والحزن جوه القلب  صار بايت 
وتمر مهما تمر سنين مبتنَسْيِشْ

اوعاك تفكر ف الوجع 
انسي اللي فات حاول تعيش
علشان تقوم لازم تقع
كل اللي عدي ده اصلا طيش 

والدنيا  دي دايما مبتديش
وتجمع تاني ما بين قلبين
ف خلاصه القول انا هنهي كلامي بجمله هتيجي يدوب سطرين
الظالم مهما بيتمادي عارف اخرته جايه امتي وفين 
لو مهما يدينك بزياده ربك حتما هيرد الدين ..


كفاية مراقبة ع الفاضي

"الحافة"
لسوء الحظ ..
مبقاش فيه شئ يستحق الذكر ..
الزمن ، فسد المحبة البكر ..
بقي كل مرة تحب فيها ..
بتشبه برده اللي قبليها...
في كل شئ ..
في البداية و في النهاية ..
حتي في سيناريو الطريق...
بس بمرور الزمن 
بتحس انه بيقل الألم...
و الرحيل بيتحول من مصير محتمل ..
لحالة حتمية لابد تحصل ..
الزمن انجب لنا علاقات خالية من الامل ..
الألم بقي يشبه جرعات النيكوتين اليومية
عارفين انه اكيد مؤذي
 بس بنتعاطاه ..
بنشوف مين ممكن يوجعنا
 و نفضل نسعي وراه
بغباء ، بنخش في علاقات 
و بنستغني عن الضمانات ..
و نسلم روحنا بكل سذاجة ..
للوعد و للكلمة الكدابة ..
مغلوب دايما علي امرك
علشان كلمة "محتاج"
و مفكر انه في وسط الهوجة ..
فيه شخص هينشل قلبك م الامواج...
و يأخر نفسه علي البر عشانك ..
او مثلا واحد شايفك غرقان ..
هيفكر انه يعافر لسة عشان ..
هيحب يشوفك مرتاح فرحان ..
بس الواقع ، في الواقع ، غير ..
مفيش حد هيستناك ..
و مفيش حد هيتمناك
و هيتمني وجودك بعيوبك
ولا حد هيتحمل
ولا حد هيوعد و يكمل
ولا فرح بيستناك
انت لوحدك ع الشط
بدون اي مساعدة
داخلها و بكرة هتخرج
و انت لوحدك في القعدة
ماشي مصاحبك اتبك
باصص في الارض و يائس
سيبت رسالة علي الباب
فيها دوافعك و الاسباب ..
فيها الحزن اللي عانيته ..
شكر لكل الناس اللي ماهيش عارفاك
شكر لمزيكتك اللي برغم رحيل الكل
فضلت للآخر وياك 
شكر لكل حروب "الدنيا الفانية"
و سواد الايام الباقية 
شكر لكل الاشياء اللي انا حبيتها ..
و ان كنت اطول اديها روحي كنت اديتها
الشكر لتلك الاشياء اللي اديتها اهمية ..
و بالنسبة لها انا عمري ما كنت مهم ..
وقفت علي الحافة بودع في العالم ..
و مكانش العالم كالعادة ...... مهتم .. 

الحافة - أحمد كمال

متختلفيش اسلام قباني -Mat5tlfish    Eslam Qabbany

إني وحيد _ هاجر حسن

وانا قاعد سرحان و حزين
بالصدفة الباحتة لمحت اتنين
ماشيين ف شارعنا الفاضى
فندهت الاقرب ليا
بقولك يا فلان ...
محتاج افضفض حبة معاك
وقتك يسمح انى أتكلم ؟!
- أتفضل قول .. و انا وياك
انا ليا كتير عايش وحدى
ساكت سارح .. دايما مشتاق
انا كل حياتى .. فراق ف فراق
انا خايف أقرب من بيتنا
ليكون حايش جواه ذكرى
فتزيد شوقى .. و انا مش حمل زيادة بجد
انا دايما باصص فى الارض
انا اول مرة ارفع عينى
و دى اول مرة انا بحكى لحد
عارف يا فلان
انا ليا زمان مسجون فى الحزن
و ان حتى ان عوزة احضن نفسى
ممنوع م الحضن
انا ياما حاولت اهرب لكن
برجع تانى
انا نفسى الشوق يوم ينسانى
بقولك يا فلان ...
الاقيش وياك حبة أفراح
الاقيش وياك ..
أستيكة بتمسح اى جراح
الاقيش عندك وحياتك
ماحى لعقلى و لكل ما راح
الاقيش نسيان ..
طب اى مُنبه للسرحان ؟!
- والله ما فيه
يا خسارة خلاص .. شكلك مليت
عموما شكرا على ذوقك
تقدر تمشى ..
- شكلك تعبان
انا هخطف عينى لتحت و انام
و ان شاء الله انا هبقى تمام
شكرا يا فلان ..

Facebook : https://www.facebook.com/Brado11/

سابني_وراح_"راب"_أحمد_ناجح_sabny_wer3h__

Ahmed Najeh Seid

Recent comments

souad

MAIGAMAL.✪

Nour_Sedik_Official_

ايمن جمال

Related tracks