واتكلم ليه بصراحة لما انتوا مبتفهموهاش؟
ما احلى عيشة المنافق وسط مَنْ جهله ببلاش
العيب مش فيا فيكي ياللي عشقتي حيرتي  ليكي
زي ما اكون ثواب و عليكي
زي ما اكون عشقتي ءأذيكي
ملعون ابوه ده نور ذليل اللي هيدخل عينيكي
خليكي.. زي ما انتي عامية
كل ما أجرب سكة جديدة تطلع فكرة كل ثانية
والحيرة من حيرة لـ حيرة لـ حيرة اكتر تحير
نقطة جديدة وسطر كمان مكتوب عليه ممنوع تغيّر

وقف كلامي.. واطلب مني اعيده تاني
هتلاقي معنى غير اللي انت فهمته من ثواني
المعنى مش في كلامي المعنى في طريقة تفسيرك
ممكن جوة سطر تلاقي انك وافقت اكون آميرك

بسهولة حرف حرف
اترص جنب التاني رص
معنى يخرجلك موافقة
ومعنى لتاني يخرج رفض
حياتي  زي ماهي و ماهي زي حياتي
تهت مني ليه؟؟ ارجع وعيد السطر تاني

طب فهمت؟ لسه بدري صدقيني
فـ على قد ما تقدري زي كله يللا اكرهيني
احسن ما تدوقي زي ما داقوا الكل مني مر
وحياة ضعفي اللي فيكي لـ هدفنك ومش هإن

إبعد عنهم.. طول ليلهم زي ما ليلنا عليهم طال
إحلف وحياة مماتهم جوة ليلنا ما يلقوا نهار
إكره نَفْسَكْ اكتر.. واعشق نَفَسَكْ كل دقيقة
إضحك من جوة قلبك عـ اللي مستني تقوله الحقيقة

حقيقة إنك خاين
وكدبة انك طيب
حقيقة إنه هاين
كل ما كان منك قُرَيب

الله يرحمها.. لأ ميرحمهاش
يعني إيه تموت مبسوطة تشوفني وانا يعني مشوفهاش
هو يعني عذابي ببلاش؟
وعلى فكرة مش حرام.. عشان كدة بدعي عليها في كل ما أنام
ربي ما يرجعها ولا تعود ولا تلقى لقلبي سلام
على مهلكم انا بس بدعي على إبتسامتي زمان

فاكريني بتكلم عنك يا آية
ياللي فعلاً كنتي آيه
ياللي كل نظرة وكلمة سابت معايا اجمل حكاية
أجمل ما فيكي انك ذكريات
إنك ماضي عدى وفات
إنك سر جوة في قلبي ميتفهمش ليوم الممات

نفسك تعيط ! فـ تفتح عنيك في وش الهوا
تنزل دموعك وعذابك لسه واصل ما انتهى
اصلك عياطك مش بالدموع
لو عـ الدموع.. شوية تراب في عينيك يخلصوا الموضوع
عياطك في ابتسامة جوة سطر.. مخبي عقل موجوع
فـ ممنوع
انك تعبر
مسموح بس انك تكون
زي ما اتعودوا دايماً انهم يشوفوك
زي الحجر ويمكن أكتر

تسمع متحكيش
تدي حل لكل حد وحد لحلك متلاقيش
قول واصرخ.. انك من جواك بتعشقها
وانك خايف تكون لغيرك فـ مجهز نفسك عشان تكرهها

اصلها عمرها ما هتكون ليك
آه هي عايشة بيك
بس برضة ما هتكون ليك
خليك.. أنت دلوقتي اللي اعمى
حِب اللعنة
اللي بتروي كل عروقك
إنحني للي هياخدها منك للي هياخد منك مخلوقك

هم مش فاهمينك
ولا انت اصلاً عايزهم يفهموك
عايزهم دايماً يستغربوك ويبقوا نفسهم أنهم يسألوك
مالك؟
عشان تبتسم :) وتقول انا كويس ومبسوط فـ يصدقوك
وتوتة توتة.. مكانتش حدودة

طُلْسُمَةْ(مفرد طلاسم



فانتي اول اختيار

رغم كونك مش اكيدة

رغم سوء الإنهيار

واصفك دايماً بالقريبة


للوحيدة اللي هتفهم

بين سطور المعنى إيه

للوحيدة المستمرة

في الرهان دايماً عليه


للي نورها طاغي بينهم

لو مر بيه ازمان

لسه نفس الضحكة هي 

زي اول يوم ما كان


للي عارفة ترتبك

وتهندمك 

و تخليك دايماً سواء

مهما ضاق.. وللا جار بيك الزمن

ماسكة رغم الإبتلاء


يا ام نظرة مشتتاني

ويا قلب كبير مكاني

ياللي شخصك زي بحرك

جوة عمقة مغرقاني


كل ركن من اركاني

بتلمسيه وبتوصليله

في كل حاجة مكملاني

واي حمل هناك تشيله


كل حاجة بالمقاس

لمسة الإيد بالمقاس

الجمال ده روحك انتي

يا احلى كل الناس


يعلمك ربي في دعايا

تفضلي دايماً معايا

انتي ذكري لما بحكي

انتي نجمي اللي في منايا


في كل لحظة انتي في بالي حتى لو بينا البعاد

في اي حالة بتقبليني حتى لو ناسي المعاد

من سكات.. انتي أغلى كل آتي انتي أغلى كل فات


لو فهمتوا طمنوني

احساسي واصل وللا أيه؟ 

واصل اللي عايز اقوله واللي بحكيلكم عليه؟ 

قلبي رحال بين حياتك

وانتي وحدك بس عارفة انتي بالنسبه له ايه



ديانة عشق النون - Dyanet Eshk El Noun

أنا لا أحزن.. ولا آبه ولا اهتز ولكن الحِملَ قد فاق الجبالِ
الن أبالي؟؟ زاد الهم؟
صدقًا أني لا أهتم..

Ahmed Adel