هكذا ارادونا تعيش نمله تاكل سكر

شوفتكم بتضحكوا , ضحكت

مشهد أمن الدوله من فيلم صرخه نمله..تعيش نمله تاكل سكر

ساقية الصاوي ديسمبر 2013

كلمات : أحمد فؤاد نجم
ألحان : الشيخ أمام

إذا الشمس غرقت في بحر الغمام  
ومدت على الدنيا موجة ظلام
ومات البصر في العيون والبصاير 
وغاب الطريق في الخطوط والدواير
يا ساير يا داير يا أبو المفهومية
مفيش لك دليل غير عيون الكلام

محمد محسن و حازم شاهين - إذا الشمس غرقت

كلهم كدابين وعارفين انهم كدابين 
وعارفين ان احنا عارفين انهم كدابين
وبرده مستمرين في الكدب ويلاقوا اللي يصقف لهم

مقطع صوتي من فيلم الحب فوق هضبة الهرم


كلهم كدابين - نجيب محفوظ بلسان أحمد زكي

قطر الصعيد - إسكندريلا

- كلنا ضحايا يا وداد 
- يا سيدي يا كمل عالعقل 
- بتتكتري عليا 
- أيوااا ! أيوا بقا زغت فيا و شخط فيا ماهو انا الملطشة بتاعتك مش تحمد ربنا إني مستحملاك العمر كلو !
-العمر كلو إيه ؟ ده انا بعرفك من 15 يوم بس وبعدين لا هزأتك و لا..
-إبعت هات المأذون وتجوزني يا زين ..
- ليه؟
- عشان بحبك, مش أنا بحبك والنبي ؟ والنبي ما هتلاقي ضفري عشان خاطري ربنا يخليك يا زين إتجوزني والنبي ..
- طب يا وداد مش لازم انا كمان احبك ولا انت عايزاني أضحك عليكي ؟
- هو إنت لسه ماحبتنيش ؟ يا نهارك إسود ! ليييه .. ليه انا ناقصني إيه؟ أنا عيوبي إيه ؟ فيا إيه غلط يعني ولا إنت كده إلي خلقك جنح وجلدك تخين كده ؟؟
- أنا مضروب مدشدش أنا لغاية دلوقتي مش قادر اقف على رجليا حتى حورية مقدرتش اعملها حاجة , حورية ورزقي الي ضاعوا يا وداد ..
- انا إلي حرمت أحبك خلاص ! أهو لو حبيتك تاني ! والمصحف الشريف ما ها حبك تاني خالص.
أنا إلي محقوقة ! أنا إلي محقوقة يا زين .

ده أنا اللي حرّمت أحبك خلاص- عبلة كامل أحمد زكي- من فيلم هيستيريا

وفجأة
هبطت على الميدان
من كل جهات المدن الخرسا
ألوف شبان
زاحفين يسألوا عن موت الفجر
استنوا الفجر ورا الفجر
ان القتل يكف
ان القبضه تخف
ولذلك خرجوا يطالبوا
بالقبض على القبضه
وتقديم الكف
الدم.. الدم
قلب الميدان وعدل
وكأنه دن نحاس مصهور
انا عندى فكرة عن المدن
اللى يكرهها النور
والقبر اللى يبات مش مسرور
وعندى فكرة عن العار
وميلاد النار
والسجن فى قلبى مش على رسمه سور

قلت له لأ يا بيه
انا اسف
بلدى بربيع وصباح
ولسه فى صوتى هديل الينابيع
لسه فى قلبى صهيل المصباح
لسه العالم حى رايح جى
بيفرق بين الدكنه وبين الضى
بلدى مهما تتضيع ..مش حتضيع
ما ضايع الا ميدان وسيع
يسع خيول الجميع
يقدم المقدام
ويفرسن الفارس
ويترك الشجاعه للشجيع
ولا باعرف ابكى صحابى غير فى الليل
انا اللى واخد على القمر
ومكلمه اطنان من الشهور
وعلى النظر من خلف كوة فى سور
واللى قتلنى ما ظهر له دليل
وفى ليله التشييع
كان القمر غافل ..مجاش
والنجم كان حافل
لا بطل الرقصه ولا الإرتعاش
لما بلغنى الخبر
اتزحم الباب
وإتخطفوني الاحباب
ده يغسل ..ده يكفن ..ده يعجن كف تراب
وانا كنت موصى لا تحملنى الا كتوف اخوان
اكلوا على خوان
وما بينهمش خيانه ولا خوان
والا نعشى ما حينفدش من الباب
ما اجمل نومه على كتوف اصحابك
تنظر صادقك من كدابك
تبحث عن صاحب انبل وش
فى الزمن الغش
والرؤيه قصادى اتسعت
بصيت وحاسب نفسى بين خلان

تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر

ونمنا سنوات مدهشه
نحلب ليالى حلمنا المنتظر
وامتلات الاسواق بالمواكب
تبيع صديد الوهم والمراكب
وفارشه بالوطن على الرصيف
بالفكر والجياع والكواكب ومذله الرغيف
شويه فات سقراط....
مسلسلينه من القدم للباط
ومتهم باليأس والاحباط
وبالعدم وبالزنا وباللواط
وبكل كافه التهم
وهو عابر للجحيم على الصراط
ينظر على الشعب التعيس ويبتسم
الى الجحيم للفلسفه
دنيا لا كانت يوم
ولا حتكون فى يوم كويسه
دنيا فى هيأة خنفسة
دنيا فسه
ما اتعس الانسان
ما اسعد الحيوان
وعبر
وصف من الزوانى وراه
متلطخين بالبودرة والمعاجين
حاصرين غطاوى الروس
بطونهم عريانين
بيغنوا طوبى لضحكه المساجين
وعيال عرايا
تفيض بها الطرقات
من القرى ومن المقاطعات
اطفال فى لون الجوع
صوت النفس مسموع
اطفال شبه وضلوع
اما انا
فاتسعت الرؤيا
وبصيت للمسا و
للحياه المتعسه
وللنسايم المنعسه
وقلت ورا سقراط

دنيا فى هيئه خنفسه
ما اتعس الانسان
ما اسعد الحيوان
قبل مرورى على بعض مكان
كنت موصى يمه افوت
هجمت من الحارة مجموعه نسوان
رجعوا بالصوت
قالوا يا عبد الرحمن
وقدرت تموت
وتفوت اللحم العارى المتهان
فى المدن اللى معداش منها ريحه انسان
انا مت
ومش منظور لى جواب
متحصن بكتوف الاصحاب
ولذلك فت
عند التربه.......
قعد الشيخ اوصانى
وادانى كتابى بيمانى
قال لى لو جولك ملكان
قول انا عبد الله مش عبد الرحمن
ودعا لى فى لحظه ما يقوم للعدل ميزان
ينوبنى شىء من العفو وبعض الغفران
وفى لحظه ما انا متزحلق
فى قماشى الابيض
من جوف القبر
التقدم ضابط واتعرض
قبض على الجثه
وطلب الاوراق
نزع الاكفان
عدل الوش
ووقف وركلنى
وقالى بلؤم شديد
حتى فى الموت بتغش
شيلوه
ولقيت نفسى والعربيه داخله القلعه
كانت الدنيا ضجيج والشمس نيران والعه
قوم يا انسان
انا قلت
انا عبد الله مش عبد الرحمن
زى ما الشيخ اوصانى
قالى عندى اوراق تثبت انك مش مرتاح
امرك فاح
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
بتدارى ايه ؟
ايه باقى تانى علشان تبكى عليه ؟
وطنك ؟
متباع
سرك ؟
متذاع
الدنيا حويطه وانت بتاع
ويهين المعنى الضابط
ويدوس بالجزمه على الحلم
ربنا رازجه بجهل غانيه عن كل العلم
ماذا تعنى بالكون يا يساعك يا يسعنى ؟؟
رد يا جربان يا ابن الوسخة ياكلب
اظنك حتقولى تانى الشعب
وصفعنى وتنى على بطنى بالكعب
يا سعادة البيه وانا ايه؟ او ليا فى العمال ايه ؟
ما تغور الدنيا والعمال دى تضيع
يا صاحب هذا المبنى الموروث
ضل جدودك فى الجدران مغروس
انت السلطان وانا المملوك
انت السجان وانا المهلوك
انت المنصور وانا المسفوك
انا الصعلوك وامتى الصعلوك
يقدر يتجاسر على السلطان
اللى فى ايده بدل البرهان مليون برهان
رفع الهد
ماهو برضه دول يفهموا فى الكدب
اول ما اتلفت جه غارس الجزمه فى قورتى
وجيت اقعد بركنى على الاسفلت
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
ما لقتش الراحه فى الموت
يمكن تلاقيها ورا القضبان
اطلعت على الشبابيك وعلى القضبان
على الموقف
على السجن وعلى السجان
ولقيتنى طول عمرى كنت كده
كلب..
محاصر..
متهان..
منبوذ..
جربان..
وانا يا ابنى الحلم اللى مالهش اوان
معروف عشى فى قلب البستان
معروف صوتى فى زمن الاحزان
وفى اى زمان
واتذكرت سنه ما اتبنت القلعه
وكنت انا اول مسجون
وكان الضابط ده اول سجان
يوم ما ركلنى نفس الركله
يوم ما صفعنى نفس الصفعه
نفس طريقه الركل
وآخر الليل جانى بدم صحابى فى الاكل
استأذنت ارتب اقوالى
قفل الباب
واتفتح الباب
وخلاص
....................
يا عم الضابط انت كداب
واللى باعتك كداب
مش بالذل حاشوفكم غير
أو استرجى منكم خير
انتم كلاب الحاكم
واحنا الطير
انتم التوجيه واحنا السيل
انتم لصوص القوت
واحنا بنبنى بيوت
احنا الصوت ساعه ما تحبوا الدنيا سكوت
احنا شعبين ..شعبين ..شعبين
شوف الاول فين ؟؟   
والتانى فين ؟؟
وآدى الخط ما بين الاتنين بيفوت
انتم بعتم الارض بفاسها..
بناسها
فى ميدان الدنيا فكيتوا لباسها
بانت وش وضهر
بطن وصدر
والريحه سبقت طلعه انفاسها
واحنا ولاد الكلب الشعب
احنا بتوع الاجمل وطريقه الصعب
والضرب ببوز الجزمه وبسن الكعب
والموت فى الحرب
لكن انتم خلقكم سيد الملك
جاهزين للملك
ايديكم نعمت من طول ما بتفتل ليالينا الحلك
انتوا الترك واحنا الهلك 
سواها بحكمته صاحب الملك
اناالمطحون المسجون
اللى تاريخى مركون
وانت قلاوون وابن طولون ونابليون

   
الزنزانه دى مبنيه قبل الكون
قبل الظلم ما يكسب جولات اللون
يا عم الضابط
احبسنى
سففنى الحنضل واتعسنى
رأينا خلف خلاف
احبسنى او اطلقنى وادهسنى
رأينا خلف خلاف
واذا كنت لوحدى دلوقت
بكره مع الوقت
حتزور الزنزانه دى اجيال
واكيد فيه جيل
اوصافه غير نفس الاوصاف
ان شاف يوعى
وان وعى ما يخاف
انتم الخونه لو يصدق ظنى
خد مفاتيح سجنك واترك لى وطنى
وطنى غير وطنك
ومشى
قلت لنفسى
ما خدمك الا من سجنك

الأحزان العادية

الحان وتوزيع شادي مؤنس
غناء هدي السنباطي
صياغة شعرية دعاء عبد الوهاب

موت حنوئة( soundtrack )

mazg sofi

و عايزني أكسبها للعبقرى أحمد زكى و محمود المليجي

و عايزني أكسبها -أحمد زكى- محمود المليجي

انا ابن لهذة المرحلة والمراحل التى سبقتها
تفتح وعى مع التجربة الناصرية امنت بها ودافعت عنها فرحت بانتصارتها وتجرعت مرارة هزائمها وانكسارتها.
هنت عندما هان كل شيء وسقطت كما سقط الجميع فى بئر سحيق من اللامبالاة والاحساس بالعجز وقلة الحيلة.

ادركت قانون السبيعنات ولعبت عليه وتفوقت
تاجرت فى كل شيء فى القانون والاخلاق والشرف
انا لا انكر شيئا ومستعد للحساب وتحمل المسئولية
بل اكثر من ذلك اعترف امامكم اننى دخلت هذه القضية طامعا فى مبلغ تعويض ضخم لكنى اصطدمت بحالة خاصة شديدة الخصوصية
جعلتنى اراجع نفسي اراجع موقفى كله اراجع حياتى وحياتنا
اصطدمت بالمستقبل.
نعم صبي من الذين حكم عليهم ان يكونوا ضمن ركاب اتوبيس الموت
رايت فيه المستقبل الذى يحمل لنا طوق نجاة حقيقى
رايتنا نسحقه دون ان يهتز لنا جفن نقتله ونحن متصورون ان هذه هى طبائع الامور.

كان لابد لى ان اقف..
ان هذه جريمة جريمة كبرى لابد ان يحاسب من تسبب فيها
انى لا اطلب سوى محاسبة المسؤلين الحقيقين
عن قتل عشرين تلميذا لم يجنوا شيئا سوى انهم ابناؤنا 

ابناء العجز والاهمال والتردى كلنا فاسدون .. كلنا فاسدون
لا استثنى احدا .. حتى بالصمت العاجز الموافق قليل الحيلة

سيدى الرئيس
كل ما اطالب به ان نصلى جميعا صلاة واحدة لله الواحد اله العدل الواحد الاحد القهار
لست صاحب مصلحة خاصة
وليست لى سابق معرفة بالشخوص الذين اطلب مسائلتهم
ولكن لدى علاقة ومصلحة فى هذا البلد

لدى مستقبل هنا اريد ان احميه انا لا ادين احد بشكل مسبق
ولكنى اطالب المسئولين عن هذه الكارثة بالمثول امامكم فهل هذا كثير ؟ اليسوا بشرا خطائين مثلنا اليسوا قابلين للحساب والعقاب مثل باقى البشر!!
سيدى الرئيس
انا ومعى المستقبل كله نلوذ بكم ونلجأ اليكم
فاغيثونا .. اغيثونا
والله الموفق..

أحمد ذكى ..ضد الحكومة


مشهد أمن الدوله من فيلم صرخه نمله..تعيش نمله تاكل سكر

Ahmed Usama🎵🎶

Recent comments

afuunaa

Related tracks