Name: Fu-munchyy - Adham Tokez [Skit] by Ahmed R-Elmahdy
Duration: 1 min 28 s
Description: Fu-munchyy - Adham Tokez [Skit]

Fu-munchyy - Adham Tokez [Skit]

خايف نام ما فيق
بنفس الوقت خايف فيق
بنفس المطرح القديم..
يلي امبارح فقت فيه
خايف اوثق بابن عمي يطلع مع عدوي شريك
خايف ضل بمطرحي و خايف من حالي الجديد
و حالة ورا حالة و عم نط بحبل مغيط
ف كل ما فكر حالي وصلت برجع من جديد
هو الدرس ذاتو لشي مليار تلميذ
ف برجع من ذات الطريق و بغلط
مو لأني حمار
بس لأن التكرار انوجد بس ليربي عبيد
و لسا بدن ياني أحزن!
طيب احزن ع مين؟
ع أمي اللي عشت بحلما و هيي ماتت بكابوسي؟
ع بلد اخد راسي ف قررت بلحظة خلص اني شيلو من قاموسي؟
ع مين؟.. عاللي نسيت؟!!
اللي بيحزنو بس أكفر و بينبسطو لما صلي؟
بغض النظر عم صلي ع مين!
بغض النظر عال يحصلّي.. اسمو جرح شو ما كان و قد ما كان عميق
طب ع مين؟
بكرا الولاد بيكبرو بخبرن عن حيطاني
حيطان السجن ال اكلت من عيوني شقفة
صار شعري اطول من بالي و خلقي أديق من الغرفة
كل شي قريباً برغم بعدي عن كل شي
متخلف عالدني سنة و كل يوم عم يزيدو نتفة
انا و الوقت اتفقنا ان اتنيناتنا ما نمشي
ف ضلت ذاكرتي تهتري لحتى نسيت شكلي
بربي السجن بيربي.. الوجع بضلوعك
ساعتا بتكتشف أن الفكرة ما بتخلص بطلوعك
لما ال ما فهم لي عشتو يطلب تغير اسلوبك
الفيلم بيبدا بطلوعك
كنا فيكي و مو شايفينك يا حبلة بجنين أعمى
ما طرحتي خشية إملاقٍ بل أمل ببلكي رجعنا
كانّة ع جرحك..و العترة عالقادر
متل ال ما عرف قيمتك الا لصار لاجئ
مستور بتيابي اي بس بعدو دماغي مزلط
متل اللي زعل بعرسك و اجا لما متي و زلغط
ما عرفت اعتذر منك الا لما صرت شاعر؟
ياما وسوس فيكي و لما كفرتي اهتدى و صلّى
بعدو اللي ناطر ناطر ع زاوية شي بلد
تجلي تجسدي بجسد
مهرك بحر حاضن بلم
اطلعي منك غصب عنن تعي بقا حاجة دلع
صعب ارجع صعب تجي و بنص الشارع فتحو جبهة
شوك و مسد على الجيد و مي و كل الشتي أحمر
و من نص العجقة فجأة طلعتي
وجك ولا ضو القمر!
قولي الف كلمة راح بس بلاها كلمة نزح
خفيفة عال بيقولا بس تقيلة عالسمع
رجفت ايدي عالوتر
عزفت ما بقي حدا شاطر اكتر منك بالزعل
ساذج حكيي بالغزل
رجفت ايدو للبطل ف جرب غير العلم
عجز مافي لون لبق لخدودك غير الزعل
خانك لي ارتحل
وانا اول لي ارتحل
فجأة لاقا حالو فيكي ما عرف يكذب ارتجل
و اختصر فأثبت خلق الانسان من عجل

Fu-munchyy - Adham Tokez [Skit]

Ahmed R-Elmahdy

Recent comments

Zezo Hosin

Ahmed R-Elmahdy

Related tracks