اللي رجع م الحرب (الإرض ياجدعان)
...
رُخي بعلو الصوت
دا جيل جديد بيموت
آدى " إسماعيل " اللي رجع م الحرب
بيطب ساكت ع الترعة بعد الكرب
وإبن "العراقي ياسين" ماسك كفنه بيخيط
وعم "عتريس جبر" جنب القبر بيعيط
مد الإيدين يا "شعيبي" خلصنا
وسد باب القبر ع الميت
إيه يعني واحد مات
ما دمنا كلنا عايشين

قبل " إسماعيل " مايموت
قال:"الأرض يا جدعان"
ضحك اللي ما يفهم حكمة الأموات
وقال: دا كان زمان
الجد قال: الأرض يابني لتلات أجيال
واحد يصلحها ويفلحها
والتاني يستفيد منها ويقلعها
والتالت يضيعها ولاتفرق في لحظة معاه

لا يوم هيحس وجع الأرض في ضلوعه
ولا آهة الأرض تزرع دمعة فى دموعه
يا نومة الخد فوقك يا شقوق الأرض
ما يحسكيش غير صاحب المحرات
يا بنت يا بكر يا أم النهود
زي اللمون الصابح العنقود
يازرع بدري يا قطن يامصري
فستان حرير أبيض من الإصلي
إمتى بقى هنفوق ياعم "فاروق" يانصراني ؟
إمتى بقى هنفوق يا "إبراهيم ياسعد" يامقدس ؟
أنا كنت بفرح لما بعدي على أرضك
زى العروسة الحلاوة قاعد تذوقها
وكنت تسهر كما عاشق سهران بيعشقها
إمتى بقى هنفوق ياعم "فاروق" يانصراني يا نجار
تعالى ركب لنا شباك
خليه يكون شباك على الشارع
ريحة الحاجات الحلوة وحشاني
ودُق لي مسمار أعلق صورة أمى عليه
أمى اللي كانت تصحى الفجر تملى الزلعة وتشيلها
المية دلوقتى جوا البيوت
بس أمي إتقطع حيلها!!
ودُق لى دقتين ع الطبلة يا "مغاوري"
ياريس البحر يا "بركات"
إفرد قلوعك عدي البحرعبي وهات
موز مغربي
مشمش عمار أصفر من الحموي
وهما 30 قرش بس يا أجرة
يادوب يغدو العيال
ويجيبوا الصبح عيش وغموس
وياحاجة "نظلة" هاتي الدست بالرايب
خليني أغمس رغيف
قالت لي صبرك ياولد
لسة بأخض في القربة
كلب الحرامي شاغلها وطيرالرغيفين
يا أم "إسماعيل" إفرحي
إبنك خدوه الجيش
لازم يسلم نفسه قبل الدنيا ماتليل
** يا وقعة سودا والله دا إبنى عليل يارجالة
والبلهارسيا هدت حيله من بدري
تاخدوا الكبير احسن ؟
- قالوا نظره ضعيف
** طب تاخدوا عيل في بطني ؟
بطلى تخريف.. قالوا: الكلام دا جد ياولية
وأحنا عساكر زي ما إنتي شايفة دورية
ساقوا "إسماعيل" عين ع الحرب يا ولداه
حارب و قاوم وإنتصر
وكان كما وحش وزيادة
فرحت بنات البلد فرحة ما كان لها عادة
سنة، سنتين، طب "إسماعيل" ع الترعة يتألم
كما عبدالحليم حافظ ف لندن مات ياعين ولا أتكلم
مد الإيدين يا "شعيبي" خلصنا
وسد باب القبرع الميت
خلينا نرجع بدرى ونهيص
أيه يعنى واحد مات مادمنا كلنا عايشين ؟
وتحت تخت الغوازي هزي البطن يا غزية
لمي النقوط في السدر م الخيبين
هيطولوا منك أيه ياحرامية
ياما سرقتي من البلاد فى جيوب
ياما خطفتي من الشباب في قلوب
هزي يا بنت الأيه يا جنية
نسينا دودة أرض نازلة تحش في البرسيم
نسنيا قطن ودرة، نسينا قمح وطحين
هزى يابنت الأيه يا أم سدر كبير
ما أحنا في غرامك غرقانين
أحنا في غرامك سكرانين
إمتى بقى هنفوق ياعم "فاروق" يانصراني يا نجار
تعالى دُق لى مسمار
بس النوبة دي دُقه في قلبي يمكن أفوق
علق لي فيه صورة حبيبتي اللي طلعت فوق
كانت جميلة واسمها "نعمات"
كانت إلاهة فراعنة واسمها حتحور
كانت تدمع في الخريف يغيب النور
كانت بتضحك في الشتا تصحى الزهور
إمتى بقى هنفوق ياعم "فاروق"
إمتى بقى هنفوق؟

اللي رجع من الحرب ( الحرب يا جدعان ) كلمات الشاعر محمود رضوان . اداء احمد رشاد

#بورتفوليو
*مشهد 1
راجل عجوز ماسِك كتاب
نضّارته مـ النوع القديم
معوجه عند الجنب حبّه
و إزازها مكسور مش سليم
الوِحده مرسومه فـ عينيه
و الصبر طارِح فـ الجِبين
جوّاه كلام محتاج لناس
تسمع لصوت قلبُه الحزين
بيبُص للواد اللّي راكب
جنب اللي سايق بـ إشتياق
بيفكّرُه واضح بإبنُه
أو حَد سلِّم للفُراق
فـ يبُص فـ كتابُه بهدوء
و الدمع ينزِل ع السطور
راجل عجوز خانُه الزمن
و الإنعزال عطّاه كسور

*مشهد 2
إتنين كلامهُم دار مابين
وضع البلد و نجيب منين
و التريقه ع الأغنيا
شوف همَّ فين و بقينا فين
و الإختلاف على مين يسوق
و الإتفاق ع الإنحدار
و كلام عن التعليم و جهلُه
و الإقتصاد
و الإنهيار
و الصوت بيعلى و الناس تزوم
أصل الحوار ده ملهوش لزوم
و إن الكلام فـ الصَح عيب
و الهَلس و التنطيت يدوم
و إن البلد مش طالبه قفش
و المُنتخب يكسَب بجون
و إن الأساس فـ الثورة إن
وضع البلد
محتاج قانون
*مشهد 3
بنت البُكا مكياج عينيها
و بتندِب الفقر بـ ألَم
كان نفسها فـ فستان فرح
أو تُحضن الحُب بعشَم
واضِح أوي من لِبسها من شَكلها
و من كلامها لنَفسها
باعت حاجات مابتتشراش
و لو فـ يوم فيه تتشرى
هيكون تمنها أكيد بلاش
قعدتها تشبِه عَبد تاب
أو حَد خايف مـ الذنوب
ما أعظَم الدّمعه اللّي تطلع
من داء بيسكُن فـ القلوب
لمّت زَعلاها و شَعرها
البنت روحها مش هنا
باين أوي من ضعفها
بتحكي حاجه لربنا

*مشهد 4
سواق ماعدّاش رُبع قَرن
و همومُه باينه فـ الملامِح
باين عليه تعبان أوي
ده لأنُه طول السكه سارح
تليفونه رن
رد ببرود
فجأه أرتعش و الصمت ساد
الرد كان :
أنا جي حالا
و هرجع البيت فـ المعاد
خليكي جنبُه أبوس إيديكي
محتاج أوي نفضَل سوى
و هجيب فلوس من أي شئ
و ماتشيليش حِمل الدوا
و قوليلُه إنّي بحبُّه جداً
و قوليلُه إنُه أحَن أب
كل اللّي راكبين زعّقوا
برّاحَه يا أسطى فـ المطب
سرّع أوي
زادت همومُه و سرعتُه
عداد وجع عدّى الـ 200
غمضت عين و فتحت عين
كل اللّي راكبين قلقانين
من سرعة الظلم اللّي زادت
من قلّة البَخت فـ حياتهُم
خايفين يموتوا عـ الوجع
و مايعيشوش كُل اللّي فاتهُم
الموت مايوجعهُمش إلا
لو خد أعز الذكريات
شوف كام غني
شوف كام فقير
شوف كل شاب يأس فـ مات
شوف كام عجوز فارق عيالُه و لمّتُه
شوف كام مريض صاحب ألامُه و علّتُه
شوف كل بنت بتعشق الوهم بأمل
شوف كام عقول من غير عمل

*مشهد 5
أما أنا
.... ............ ..... .....
.... ............ ..... .....

* ملاحظاتي
لاقيت نُقَط من غير كلام
و السطر ما كملش لسبب
و اضح أوي إن السرعه زادت
و الميكروباص بيهُم قَلَب
زاد إرتباكي و القلق
لما قريت كُل الورق
العُمر كلُّه بيتسرق
و الناس خلاص مـ الحُب خليو
اللي كَتَب حاسس بشئ
دوِّن كلامُه فـ الطريق
كان القَلَم هو الصديق
واللّي سمع كان بورتفوليو

بورتفليو كلمات الشاعرمحمد هشام اداء احمد رشاد

دَعِ الأَيَّامَ تَفْعَل مَا تَشَاءُ وطب نفساً إذا حكمَ القضاءُ
وَلا تَجْزَعْ لنازلة الليالي فما لحوادثِ الدنيا بقاءُ
وكنْ رجلاً على الأهوالِ جلداً وشيمتكَ السماحة ُ والوفاءُ
وإنْ كثرتْ عيوبكَ في البرايا وسَركَ أَنْ يَكُونَ لَها غِطَاءُ
تَسَتَّرْ بِالسَّخَاء فَكُلُّ عَيْب يغطيه كما قيلَ السَّخاءُ
ولا تر للأعادي قط ذلا فإن شماتة الأعدا بلاء
ولا ترجُ السماحة ََ من بخيلٍ فَما فِي النَّارِ لِلظْمآنِ مَاءُ
وَرِزْقُكَ لَيْسَ يُنْقِصُهُ التَأَنِّي وليسَ يزيدُ في الرزقِ العناءُ
وَلا حُزْنٌ يَدُومُ وَلا سُرورٌ ولا بؤسٌ عليكَ ولا رخاءُ
وَمَنْ نَزَلَتْ بِسَاحَتِهِ الْمَنَايَا فلا أرضٌ تقيهِ ولا سماءُ
وأرضُ الله واسعة ً ولكن إذا نزلَ القضا ضاقَ الفضاءُ
دَعِ الأَيَّامَ تَغْدِرُ كُلَّ حِينٍ فما يغني عن الموت الدواءُ
كلمات : الامام الشافعي

دع الأيام تفعل ما تشاء | روائع الإمام الشافعي القاء : احمد رشاد مجاهد

يا من هواه أعزه وأذلني
كيف السبيل إلى وصالك دلني
وتركتني حيران صباً هائماً
أرعى النجوم وأنت في نوم هني
عاهدتني أن لا تميل عن الهوى
وحلفت لي يا غصن أن لا تنثني
هب النسيم ومال غصن مثله
أين الزمان وأين ما عاهدتني
جاد الزمان وأنت ما واصلتني
يا باخلاً بالوصل أنت قتلتني
واصلتني حتى ملكت حشاشتي
ورجعت من بعد الوصال هجرتني
لما ملكت قياد سري بالهوى
وعلمت أني عاشق لك خنتني
ولأقعدن على الطريق فاشتكي
في زي مظلوم وأنت ظلمتني
ولأشكينك عند سلطان الهوى
ليعذبنك مثل ما عذبتني
ولأدعين عليك في جنح الدجى
فعساك تبلى مثل ما أبليتني
شعر : سعيد بن أحمد البوسعيدي

يا من هواه اعزني

يا نائمَ الطَّرفِ عن سُهدي وعَن أرَقي
وفارغَ القَلب مِن وجدي ومِن حُرَقي
إلامَ أُتلِفُها نَفساً مُعَذَّبةً
على نَقيضينِ للإحراقِ والغَرَقِ
وإنَّ أغربَ شَيءٍ أنتَ سامِعُهُ
دَمعٌ يُكفكِفُهُ أجفانُ مُحتَرِقِ
فتارَةً أنا مِن وَصلٍ عَلى طَمَعٍ
وتارَةً أنا مِن يأسٍ عَلى فَرَقِ
كَم رُمتُ إرسَالَ أَنفاسِي مُؤَدِّيةً
عَنِّي إليكَ فقالَ القَلبُ لا تَثِقِ
كأنَّما زَفَراتِي في جَوانِحِها
سَماِئمُ القَيظِ في ذاوٍ من الوَرقِ
ليتَ المحبَّةَ للعُشاق ما خُلِقَت
أو لَيتَني حينَ ذَاقُوا الحُبَّ لم أذُقِ
هذا الفُراقُ وهذا الهَجرُ يَتبَعُهُ
يا قَلبُ صَبراً على مَوتينِ في نَسَقِ
أقولُ للنَّفسِ والأشواقُ تَغلِبُها
كيفَ التَّخَلُّصُ بينَ الوَعرِ والزَّلَقِ
يا عينُ أنتِ سَرحتِ الطّرف فانهَمِلي
يا قلبُ أنتَ أجَلتَ الفِكرَ فاحتَرِقِ

Ahmed Rashad

Popular tracks