  
الحقيقة واضحه وضوح الشمس
لكن ممنوع الاقتراب او اللمس
كلمة الحق في زمننا إنتحار
لو قولتها تبقي ماشي عكس المسار
عندي بدل الامارة الف اماره
مالكوم إكس و غاندي و تشي جيفارا
ماتوا بالرصاص عشان حسوا بالناس
قال إيه كانوا عايزين العدل يكون اساس
جرب تقول حريه او عداله اجتماعيه
جرب تقول مساواه او كرامه إنسانيه
جرب تقول حقوق إنسان او تعارض النظام
إوعي تفكر .. تفكيرك خط احمر
اخرك هتقدر تاخد عيش
عشان يسكتوك مش عشان تعيش
و لو صممت تمشي عكس الناس
الاجابه هتكون بالرصاص
ناس بترقص و ناس بتموت
و اعلي صوت في الحفله صوت السكوت
الجهل وحش و من صناعة الانظمه
سلاح بينفع في كل الازمنه
إدي الناس سمكه هياكلوا يوم
علم الناس لصيد هياكلوا كل يوم
العلم نور و النور علينا مش بيعدي
عايشين في ضلمه و الضلمه ياما بتخبي
قتل حبس دم فساد و ظلم
إغتصاب لـ اي حلم عايشين في سجن
و مع الوقت كل حاجة بتعدي
اكل العيش صعب بيخلي العقل يصدي
و الخوف ساكن قلوب الناس
و بيقتل جواهم الاحساس
يا اهلينا المستقبل لينا
متبقوش انتوا والزمن علينا
جيلكم ساكت ولا عمرة اتكلم
دلوقتى جاى يحذر ويعلم
آن الاوان الرايه تتسلم
ناس بترقص و ناس بتموت
و اعلي صوت في الحفله صوت السكوت
ناس بترقص و ناس بتموت
و اعلي صوت في الحفله صوت السكوت

Cairokee - Nas - Betr2os - W-nas - Btmoot


حدود الفكر والتفكير في الحقيقة ملكي
بس ملكي مش مساعد إن حدودي تكفي
تسند ضعف عزمي ولأصل حلمي تحمي
ففضلت أعافر في صمتي أبني في حيطان مدينتي
بس يأسي من عالمكم خنجر كان في صدري
جرح بكره المضمون من ساعات اليأس
خلى أملي في الحياة طاقة كانت بالعكس
تكشف كل سلب وتسلب كل حق
تعفي نفسي من النضال والصراخ بلأ
إختياري لإختياركوا وعد وإتفاق
إني أمضي على الضمانة وأحلف بالولاء
آسف مش هساعد، أكون لحلمي باعد
أقتل كل شاهد، كان للثورة واعد
الخروج عن المضمون فكرة مش مألوفة
والمألوف للعقول فكرة كانت موصوفة
تحجم كل جامح، تربط كل حي
تمحي من قاموس حياتك إن بكره جاي
جاي غصب عني لو هتكون معايا
كذبة واضحة من البداية وعايشة للنهاية
إنت عكس فعلي
إنت كل ماضي
إنت راضي الحقوق تضيع وتبقى عادي
فرق العمر والتفكير بين الجيل الحر
زي حبك للحياة وإختيار المر
إحنا جيل يحاول، إحنا جيل يغير
وإنتوا جيل في الحرية عمره كان قصير
سرق الأمل منا واللي بيشكي يموت
كده أو كده ميت فاصرخ بعلو الصوت
كل الشوارع لينا والثورة للثوار
والحر لو يسكت يبقى ملاه العار
طال الفرق بينا إحنا بينا شق
جيل بيرفض السكوت الخلاصة لأ
لأ لكل صمت
لأ لكل خوف
لأ بتلعن إختياركوا وتنكر الظروف
لأ تصبر اللي خايف حتى إن صبره طال
لأ تكسر الحصون حتى لو جبال
ساقط رغم حجمك مهما إنك تكون
إحنا نور الحقيقة في عتمة الظنون

@AxeerStudio | Zap Tharwat | #احنا_جيل_وانتوا_جيل

super sa3d ^^ 
20 ,,
faculty of commerce , ain shams uni


super sa3d

Popular tracks