احمد زكي

امنت بالحب........شعر نجيب سرور...........لحن واداء محمود يوسف

"مشهد من فيلم : "عيون لا تنام-

إسماعيل: أنا معرفش ايه هو الحب .. لكن لو الحب هو انى ابقى مش شايف حد غيرك قدامى .. وانى أبقى عايزك ليا لوحدى .. ومفيش حاجه فى الدنيا ليها قيمه غيرك انتى .. يبقى أكيد انا بحبك !

أحمد زكي_أنا معرفش ايه هو الحب

بسافر بسافر
بهاجر بهاجر
إمتى حاتلقى المحطة وترسى يا حاير؟
مر السؤال على مالوش عالسكة اخر
من مصغرى لمكبرى مسافر
بأغوى مشاوير الهوى والدنيا
والقطر واخدك فين؟؟
القطر واخدنى بلا محطة
واه يا ابا اه يا ابا يابا عليا
لا دار ولا مرسى ولا صبية
وادينى ماشى فى رحلة الشقا والرزق والترحال
كأنى سؤال
يا هل ترى يا مطرحى الجديد يد القدر بتخبى إيه من بعيد؟؟
كما طفل وأنت العيد بأحن إليك 
قولى وطمنى
حلاقى رزقى ولقمتى الهنية ولا
نهايتى فيك

[الرحاية]

قاعدة على الرحاية مكفية
صوت الحبوب
مغنى سواقى أناة خريفية
مين أنتى يا شابه .. يا محنيه ؟
أنا بعت عقدى .. وعقدى طوله بلاد
كسيت بجلدى الولاد ..
ايدى على الرحاية
وقلبى حب .. آنا بطحنه بأيدى
لكنه ريم البحر في بياضه ..
وجلابيتى سواد ..
ودورى يا رحاية
وتحت توب الاحزان
دورى مع الدايرين
ولمي في الغربه .. وفي الخلان
وفى الشعور البكر والمطويه
والشومه .. والكرباج .. والعكاز
دورى يا رحايه ..

( نص الكلام ده بتاعى )

والنص مش ليه ..
( أنا جبته بدراعى )
المغربيه عيون
المشربيه مغرب
فى قلبى وزنة كلام
يا ايدين يا وزانه
ينشد فوقها الحزام
وتلعبوا الزانه
والناس عيونهم كلام
وكله كلام .


كلمات عبد الرحيم منصور - اشعار من فيلم الزمار - إلقاء نورالشريف

كلمة انا بحبك عقد 
اللمسة عقد 
النظرة عقد 
الوعد بالجواز ده اكبر عقد 

احمد زكى من فيلم اضحك الصورة تطلع حلوة - كلمة بحبك عقد

كلهم كدابين وعارفين انهم كدابين 
وعارفين ان احنا عارفين انهم كدابين
وبرده مستمرين في الكدب ويلاقوا اللي يصقف لهم

مقطع صوتي من فيلم الحب فوق هضبة الهرم


كلهم كدابين - نجيب محفوظ بلسان أحمد زكي

حديث الصباح والمساء 
خالد النبوى

خالد النبوي اجمل مشاهد مسلسل حديث الصباح والمساء

مسلسل دهشة عن قصة الملك لير
ل السيناريست عبدالرحيم كمال
و المخرج شادي الفخراني
و الموسيقار عمر خيرت
و الممثل الرائع يحيى الفخراني
هذا المشهد يختصر عبقرية الفخراني في دقائق

مسلسل دهشة مشهد القيلة يحيى الفخراني

يارب انا عاوز يشوف زينب يارب..موسيقى اجمل مشهد من مسلسل الخواجة عبد القادر في صفحة الكاتب عبدالرحيم كمال ..#الكاتب_عبدالرحيم_كمال

ماجدة الرومى _ أحمد زكى _ حبيبى

بكيت في الأول بكيت في الثاني

بكيت مسحت دموعي

بامسح دموعي بكيت

املوا علينا البيت

املوا علينا المخيم

املوا علينا الظلام

أنا القتيل المتيم

املوا علينا الشجن

أنا قتيل اتسجن

قتيل في يوم الفطام

املوا علينا الهوا

املوا علينا عنينا

نزفنا دم النور

نزفنا في حبكم

دم الخيال 
خلينا كل البلاد و الشهور

بلد وشهر حرام

قليل ما قلنا يا ريت

بكيت مسحت دموعي

بامسح دموعي بكيت

املوا علينا البيت

املوا علينا الطريق

مبلول كأنه طري

غنيت لقطر الندى

من كتر ما غنيت

شقت جفون اللي نام

رمت صبية و غلام

املوا علينا الصرخة

املوا علينا الكلام

املوا علينا الفرحة

قليلة يوم الانتقام

قليل ما قلنا يا ريت

بكيت مسحت دموعي

بامسح دموعي بكيت

املوا علينا البيت
فؤاد حداد

بكيت في الأول بكيت في الثاني - فؤاد حداد

مواطن ومخبر وحرامي - نقد شريف المرجوشي لرواية سليم

لقاء اذاعى مع صلاح جاهين يغنى فيه البيانولا

 أشكر أستاذي و زميلي الاستاذ عبد النور الذي أتاح لي هذه الفرصه لأعلن كل خطاياي أمامكم و علي الملأ لعلي أتطهر منها . نعم أنا مثال للمحامي الفاسد , بل أكثر فسادا مما يتصوره أستاذي 

انا ابن لهذة المرحلة والمراحل التى سبقتها
تفتح وعى مع التجربة الناصرية امنت بها ودافعت عنها فرحت بانتصارتها وتجرعت مرارة هزائمها وانكسارتها.
هنت عندما هان كل شيء وسقطت كما سقط الجميع فى بئر سحيق من اللامبالاة والاحساس بالعجز وقلة الحيلة.

ادركت قانون السبيعنات ولعبت عليه وتفوقت
تاجرت فى كل شيء فى القانون والاخلاق والشرف
انا لا انكر شيئا ومستعد للحساب وتحمل المسئولية
بل اكثر من ذلك اعترف امامكم اننى دخلت هذه القضية طامعا فى مبلغ تعويض ضخم لكنى اصطدمت بحالة خاصة شديدة الخصوصية
جعلتنى اراجع نفسي اراجع موقفى كله اراجع حياتى وحياتنا
اصطدمت بالمستقبل.
نعم صبي من الذين حكم عليهم ان يكونوا ضمن ركاب اتوبيس الموت
رايت فيه المستقبل الذى يحمل لنا طوق نجاة حقيقى
رايتنا نسحقه دون ان يهتز لنا جفن نقتله ونحن متصورون ان هذه هى طبائع الامور.

كان لابد لى ان اقف..
ان هذه جريمة جريمة كبرى لابد ان يحاسب من تسبب فيها
انى لا اطلب سوى محاسبة المسؤلين الحقيقين
عن قتل عشرين تلميذا لم يجنوا شيئا سوى انهم ابناؤنا 

ابناء العجز والاهمال والتردى كلنا فاسدون .. كلنا فاسدون
لا استثنى احدا .. حتى بالصمت العاجز الموافق قليل الحيلة

سيدى الرئيس
كل ما اطالب به ان نصلى جميعا صلاة واحدة لله الواحد اله العدل الواحد الاحد القهار
لست صاحب مصلحة خاصة
وليست لى سابق معرفة بالشخوص الذين اطلب مسائلتهم
ولكن لدى علاقة ومصلحة فى هذا البلد

لدى مستقبل هنا اريد ان احميه انا لا ادين احد بشكل مسبق
ولكنى اطالب المسئولين عن هذه الكارثة بالمثول امامكم فهل هذا كثير ؟ اليسوا بشرا خطائين مثلنا اليسوا قابلين للحساب والعقاب مثل باقى البشر!!
سيدى الرئيس
انا ومعى المستقبل كله نلوذ بكم ونلجأ اليكم
فاغيثونا .. اغيثونا
والله الموفق..

أحمد زكي - كلنا فاسدون - فيلم ضد الحكومه

و عايزني أكسبها للعبقرى أحمد زكى و محمود المليجي

و عايزني أكسبها -أحمد زكى- محمود المليجي

فرضنا يعني إن امبارح كان السبت -
يبقى النهارده إيه؟

يبقى النهارده السبت بردو يا دكتور -
ده رأي أنا
ثم ده الرأي العلمي حتى .. الأصل ف الزمن مش إنه مقياس للتغير
طول مافيش تغيير مافيش في زمن
تقدر حضرتك تقولي إيه اللي اتغير ف الدنيا من امبارح لغاية النهارده؟

على الأقل إنت .. امبارح كنت عاقل النهارده .. محدش يفهم -

عظيم .. يبقى زمني أنا اللي اتغير .. لكن زمن الناس كلها ماتغيرش .. يبقى النهارده السبت بردو -

امبارح كان السبت -
والنهارده السبت
وبكرة السبت
أومال الحد يجي امتى ؟

قلتلي الحد يجي امتى يا دكتور -
الحد يجي لما نحس إن النهارده اختلف عن امبارح
لما نحس إن الدنيا اتقدمت بينا خطوة
لما نحس إن عدالة النهارده أكتر من عدالة امبارح
لما نحس إن ظلم النهارده أقل بكتير من ظلم امبارح
لما نحس إن إحنا لاقيين مكان في أوتوبيس
لما نلاقي سجارة وفرخة من غير صابون
لما ما نقبضشي على بياع البطيخ ونسيب بياع البلد
لما نحاكم الوزير وهو لسه وزير
لما نحس إن إحنا اتقدمنا خطوة .. أو اترقينا سنتي
يجي الحد يا دكتور !!

من مسرحية المهزلة - محمد عوض - سعيد عبد الغني

انا بعد اللى حصل النهارده كنت محتاج حد اتكلم معاه 
اتكلم معاه ويسمعنى ... يطيب خاطري لما اكون متضايق 
يسمعنى كلمة حلوة لما اعمل حاجه صح ...
سنين طويله واانا مش لاقي حد اتكلم معاه
 يستريحلى واستريحله !!

كلهم كدابين - نجيب محفوظ بلسان أحمد زكي

Ahmed Saba

Related tracks