Track " Mafia l مافيا "
V1 : Ali Ghattass
V2 : Ahmed Sadek
Mix & Master : Momen Saad
Beat : Free beat

Ty

Mafia l مافيا - Ali Ghattass FT. Ahmed Sadek

تراك " مكعب " بيتكلم عن افكارالناس بدأت تأثر بشكل كبير على الناس خصوصاً في الفترة ، فتشبيه المُكعب في التراك بيتكلم عن كده ، حاول تفهم كويس
Vocal : Ahmed Sadek
Beat by : Anas Gamil
Poster by : Ahmed Khaled
Mix & Master : Momen Saad


Ahmed Sadek - مُكعب | Mok3b ( Prod by : Anas Gamil )

تراك جديد بإسم " إنسان الغابة " Attack
Vocals : Ahmed Sadek
Poster : Ahmed Yasser
Beat : Anas Gamil
Mix & Master : Momen Saad
تابعوني على الفيس بوك : https://www.facebook.com/ahmed.sadek.5264382
شُكرًا جدًا :))

Ahmed Sadek - إنسان الغابة l Jungle Man ( Prod by : Anas Gamil )

بعيدًا عن إني مش لابس نضارة بس مُشكلة الناس اللي بتلبس نضارة بقت مُنتشرة جدًا فـ التراك ده بيتكلم عن كده ، فـ إسمع وإضحك

الكلمات :

ملامحه كبيرة، عادي، عايز أي بنت تعجب بيه
يمر يوم والتاني و نفس الروتين موجود
نفسه يحب و يتحب زي أي شاب عادي
ينام على كلمة "بحبك" والدباديب حواليه بتنادي
النضارة واكلة ملامحه، النضارة ضاربة وشه
يجي يبص لأي واحدة، تيجي عينها في عينه ترجع
نفسه يحب أي واحدة إن شاالله فيفي عبده
كل ما يجي يبص لنفسه يحس إنه عجوز
تعب من المحاولة وكل يوم يجيب في لبس
إتعرض لضرب كتير وكل يوم ينام في جبس
عمره ما نام فرحان، غيره ينام مبسوط مرتبط
عرف إنه كئيب، والبؤس عنده مرض
قرر يبقى زي أبوه، يعكنن على نفسه بلبسه
يلبس جلاليبه ويلبس في رجله شراب مقلوب
عايز يبقى إنطوائي بس لون البنات في عنيه
عايز يكلم بنات بس شكله كده مكسوف
لا أنا عادي جدا بس هما مأفورين شوية
مش ذنبي إني بنضارة، من غيرها بشوف الواحد ١٠٠
النضارة أمر واقع، النضارة عنيا التانية
أنا زيي زيك عادي بل أنا أحسن لكن بشوية
أي نعم أنا شكلي كبير بس في الحقيقة أنا أنور وجدي
مش بشم على ضهر إيدي عشان البنات تبوسني في بوقي
أنا بنضارة بس أحسن، أنا بنضارة بس محترم
أنا مش بتاع بنات لكن أنا بالنضارة متظلم

شكرا جزيلا
إسمع بهاند فري .

Ahmed Sadek - نضارة | Glasses

Vocal : Ahmed Sadek
Mix & Master : Momen Saad
Record : 99 Creative
تقدروا تتبعوني من الفيس بوك: https://www.facebook.com/ahmed.sadek.5264382

Ahmed Sadek - بطل من ورق

Ahmed Sadek - العفيجي (Prod by : Click Clack)

Track's Lyrics : Ahmed Sadek
Vocal : Ahmed Sadek
V1 : Ahmed Sadek
V2 : Ahmed Sadek
C : Ali Ghatass
Poster : Ahmed Sadek
Beat : Free Beat
Mix&Master : Ali Ghatass

V1 :
كفاية بتوقع بين صحابك، عارف نفسك ؟
هتلاقي ناس كتير بتحط المدفع قدام وشك
بتمسك ودان الناس وهاتك يا هري في كله
بعد ما تخلص المصلحة، الإبتسامة تبان في وشه

و ده بيتسحب من ورا أبوه عشان يشرب سجارة فرط
طبعًا قلبه واقع في رجله والموضوع ملئ بالرعب
الأب حس بإبنه، إتسحب كمان وراه
قام فتح الباب بسرعة *إنت بتعمل ايه يا حمار*

و دي بتتجوز من ورا أبوها *زوجتك نفسي يا حبيبي*
الأستاذ إتسلى بيها و بعد كده رماها في جيبه
بقت حليتها حالة وتِصعب كمان عالكافر
هو بيشرب الدخان و هي حامل في تامر

و ده واقف قدام السيما بيعاكس مدام مديحة
إيه يا مطرقع، إيه يا جميل *ما تلم نفسك يا تيت*
هي بتفرش الملاية والناس إتلمت عليه
جه جوزها اللي إسمه بيومي، طبعًا عارفين حصل ايه

C :

قضايا وحواديت
مرمية في كل بيت
قاعد بكسر في القوانين
أيوة أنا محدش قدي

قضايا و حواديت
مرمية في كل بيت
في اللي بيجري ع أكل العيش
و في اللي بيلبس الطرابيش

V2 :
متخرج من تجارة معنديش أي طموحات
مطلوب أخش جيش عشان أطلع أرمي البياض
مطلوب أكمل نص ديني عشان البت فيفي
مطلوب أخش دنيا .. إزاي و أنا فيها عاطل

قولت أقرا الجرايد .. إعلان عن كمسرية
نفسي عزت عليا فقولت أرمي القضية
فكرت في كل حاجة .. فكرت في سنترال
الدقيقة بنص جندي Yes كده هرمي البياض

و ده قلب ع مراته لما جبتله بت
البت مش زي الراجل .. ولا الراجل هيبقى بت
طب مين هيبقى سندي و مين هيبقى ضهره في ضهره
و مين اللي هقوله على شغلي اللي عايزه يمشي

البت مش هتسد و مش هتنفع تبقى جانبي
أنا أسف مش هينفع .. هتضطر أقتلها وقتي
أنا مش الأول و الأخير اللي هيبقى أب قاسي
أنا أسف ع طريقتي أنا أسف إني عشوائي
 

Thanks To : Ali Ghatass And Ahmed Khaled

Ahmed Sadek - قضايا FT. Ali Ghatass

مع الليل | With The Night
Lyrics : Ahmed Sadek
Vocal : Ahmed Sadek
Beat : Ahmed Sadek
Cover : Ahmed Sadek
Mix Master : Ahmed Sadek

To follow me : https://www.facebook.com/ahmed.sadek.5264382

Lyrics:
يا ليل لفّ على العشاق وليلنا لسه ماجاش
بيقولولنا ليلنا أحلى مع القهوة و الدخان 
طب قولولنا ليلكوا إيه لسه بتحكوا مع القمر
طب أخبار العشق ايه ؟ لسه بتحبوا مع معنى السهر

ليلنا هوَّ هوَّ بنحكيله و بنشوفه
عشقنا بيحلى أكتر مع سهرنا و مع ضيوفه
ليلنا بالقمر يطلع ليلنا يحلى بحوا طبعًا
ليلنا بيفرد نجومه .. الليل بتاعنا أحلى و أحلى

كان نفسي ليلي يبقى زيكوا .. أغني فيه
العب بالنجمة دي و أشوف القمر بيناديلي
لكن مكتوب على الليل بتاعنا تبقى نجومه سودا
مفيش قمر بيضحك .. مفيش حوا .. فنكتم في همومنا

صابر بقول الليل هيخلص و برضو مابيخلص
دايمًا بشوف الضلمة مع إني نفسي أشوف الشمس
دايمًا بشوف آدم مع إني نفسي أشوف حوا
كان نفسي أعيش بالعشق لكن عشقي مات في ليلنا

طب فهمونا العيب فينا و لا في الليل؟
طب عشمتونا بإن الليل هيخلص بس ليه؟
كان نفسي أعيش في ليل العشق فيه يغلب الضلمة
كان نفسي القمر يبقى جانبي و أنا بكتب لحوا

Thanks : Ahmed Khaled

Ahmed Sadek - مع الليل (Prod by: Ahmed Sadek)

Title : مع نفسي
V : Ahmed Sadek
Lyrics : Ahmed Sadek
Classic : Ahmed El Sakran
Mix&Master : Ali Ghatass
Poster : Ahmed Sadek
To Follow Me : https://www.facebook.com/ahmed.sadek.5264382

V1 : Ahmed Sadek
ساكت ؟ مستحمل الإهانة ؟ فين كرامتك ؟
لسه متمسك بيهم عشان مش عارف تعيش لوحدك
ياما جابوا في سيرتك و إنت بتزكرهم بالحُسن
ياما إديتهم إهتمام و هُمَّ مادولكش

حتى الموهبة اللي فيك هُمَّ إستقلوا بيها
حتى لما بتيجي تفرح مابتقولش "سعدنا بيها"
ولسه برضو قاعد بتفكر مين الغطان 
همََ ولا إنت .. هُمََ .. إخرس لا كداب

و لسه بتقنع نفسك إن صُحابك دول معاك
جاي تدخل بِبان قلوبهم، قفلوا في وشك الباب
ماشي وإنت مُستاء، ماشي وإنت مُكتئب
عارف إنك الغلطان عشان إنت اللي إخترتهم

ملامحك بدأت تموت، حوَليك حسوا بيك
بيقولوا ماله ده، مايعرفوش إنك قتيل
مطلوب تبقى بتضحك و إنت جواك ألف وجع
مطلوب تِلم اللي مات منك واللي وقع 

C : Ahmed El Sakran

عايش لسه لوحدي ... ماحدش جانبي، ماحدش جانبي
أسعد أوقات حياتي لما بقضيها مع نفسي
رَميتهم من حياتي ولسه برضو أنا الموجود
جسدت كل أوقاتي في شخص واحد مش موجود

V2 : Ahmed Sadek 

حبيت الوحدة، الأسود لايق عليا
حسيت كتير إنك كتير عليهم... مافتركش
حابب تكون لوحدك، بتعمل إيه ؟ بكلم نفسي.
بحس بفرحة كبيرة لما أستنى رد مني

قهوة سادة، كلام كتير بيطلع ليه
مابزهقش من كلامه، عمري ما أعتبرته روتين
ساعات كتير يخفف عني و أقوم معاه مبسوط
نفس الملامح هي نفس الصوت نفس الحروف

لكن القاعدة بقت مملة كلامي بس اللي بسمعه
ليه مش سامع الا هو، ليه مش شايف حد يسمعلي ؟
فأنا مش هبقى إنسان منفي جوا دايرته
هيشجع نفسه بنفسه، عشان يخرج من محنته

هرجع للموهبة اللي ماتت و إدفنت تحت التراب
مش هسمح لأي حد يحببني معنى الإستسلام
هبقى إنسان بجد مش هبُص للي وقع
هرجع أيــام ما كنـت بعمــل بالورقة نغـم

Big Thank To : Ahmed Khaled & Eslam Sadek

Ahmed Sadek - مع نفسي Ft. Ahmed ElSakran

قيس | Qys
V : Ahmed Sadek
Mix & Master : Momen saad
Lyrics : Ahmed Sadek
Beat : Momen Saad
Idea : Ahmed Sadek
Poster : Khalil Elkwety
Thanks for : Ahmed Khaled
To Follow Me : https://www.facebook.com/ahmed.sadek.5264382

الفيرس الأول : 
كان لازم كل واحد يبقى عارف إنه موهوم
كان لازم كل قيس يبقى عارف إنه مجنون
عشان حَب الشمس فقرب ليلى ليها انطفت
فمشفش غير عيوبها فعرف إنه حَب غلط

إنه كان بينظم شِعر عشان تحبه و هو غبي
إنه كَفر حتى بربه لما حس إنه سوي
إنه كل ما يرسم قيس صغير فيها تبقى رافضة
إنه عرف إن ليلى الصغيرة هتبقى شاطرة

إنها تضحك على شاعر كل القبائل تحلف بشعره
إنها ترسم ليلى فيه إنها تبعده عن ربه
لما اتجاهلت حروفه و هو بيتغزل في جمالها 
لما قالها حبيبتي في كل قصيدة كانت باردة

كل اللي كان عايزه قبل ما ينتحر إنه يشوفها
ملهوفة جاية عليه وتقوله قيس أنا جاية أحبك
نَظم آخر قصيدة على باب قصرها و مشى
بكى كتير على الأطلال فحب ينتحر بالشفا

الكورَس :
أنا نخل طال مطاله طول الحزن عاش في قصري
أنا كل قافية ماتت و كل بحر مالوش غريق
أنا بيكي مش هكمل و لسه بعافر في الموج بطولي
أنا كل بيت ماكملش و كل صوت من غير زعيق

أنا واحة وكل شجرة .. أنا المسافة اللي بينهم
أنا اللي حبري مات ده لإني عارف إني عايش
أنا جندي على حرفي وقلمي لإني قائد عليهم
أنا اللي معمي إني أشوف ليلى مع إني شايف

الفيرس التاني :
ودعت كاس الخمرا .. ودعت كل جارية عندي
ودعت كل حبر كتب حرف فوق ورقتي
مؤمن بحياة البَعث إني هرجع ليكي تاني
إن نابي الأزرق يلمع .. إني أبيعك و أبقى غالي

إن هرجع تاني اقولك إني مش هبقى مجنونك
إني هبقى عاقل جدًا إني نسخة من كربونك
لما كنت جانبك كل دقيقة كنت متأكده
إنه كان بيموت في ثنايا جسمك و إنتي نايمة هنا

لما الفجر كان يجمعنا في ساعة لما كنا سوا
إحتلالك للمشاعر كان باين جدًا في كلامي
لما ضوء الشمس فرح لما كنتي بتضحكيلي
هرجع خلاص أقولك إن قيس مابقاش في إيدك

Ahmed Sadek - قيس (Prod by : Momen Saad)

أغنية لـ أحمد صادق بعنوان ليلى أتمنى تعجبكوا
للمتابعة ع الفيس بوك : https://www.facebook.com/ahmed.sadek.5264382

Ahmed Sadek - ليلى

Title : مرايه 
V: Ahmed Sadek
Mix&Master: Ahmed Sadek
Beat: Free Beat

Ahmed Sadek - مراية

Tittle: Mo'men Saad - مُسرطن Ft. Ahmed Sadek
Beat : Mo'Men Saad
Mix & Master : Mo'Men Saad
V1/ Ahmed Sadek :

أيام كتير بتعدي وأنا ثابت .. أرسم وألون
جوايا فنان بيحب ورقة وريشة ده اللي طالبه
برسم وردة وقلب فيه سهم يشاور لحبيبة
بلاقي نفسي جدًا وإيديا بتحضن الريشة

خطت لكل حاجة .. بموهبتي رَسمْت خيال
سبحت فيه .. وريشتي علمتني طولة البال
إني أصبر لو وقعت.. ولو وقفت أبقى قوي
إني ماقعش لو وقفت.. إني أبقى ناضج وسوي

أحلامي طاير بيها في أعلى نقطة في أعلى سما
راسم حياتي بريشة وجوا الرسمة أنا الملك
لكن التاج تحتيه ورم خلاني شخص تاني
سرطان المُخ؟ وعروقي اللي في دماغي بانت

هالات كتير في عيني حواليها دمعة رافضة تنزل
مفعول الدوا جوا عروقي بارد جوا جسمي
شعر بيقع .. جسم تلّم .. جسم رافض للعلاج
ريشة وقفت .. ورقة ماتت .. إنسان اتردم بالتراب

Course/ Mo'Men Saad :

كان يوم اتنين ممل مكنش المفروض يحصل شيء
عايشين سوا 10 سنين شوف عدي كام اتنين
كان برضو البحر بيحتفل بأنجازه الوحيد
عاكس الشمس تاني ووافقت انها تموت فيه

V2/ Mo'Men Saad :

ندهت المره الاولي الي دايما ملهاش رد
مكنتش ابدا عارف ان المره دي بالاخص
ولا مكنتش سامع ولا نايم ولا طنشت
الا لما الباب اتفتح ساعتها بس فهمت
صوت باب المستشفي قال لنورها في ضيف جديد
واللمض البايظه فضلت ترعش كالعاده مش مهتمين
ساعتها بدأت المعركه بين الارض وعجل السرير
يا تري الارض كانت قاسيه ولا الي فوقها ضعيف
ابره المحلول اتغرست في قلب ودراع
ونقطه كانت   كما العساكر ماشيين حافظين الطريق
وكأنهم غزاه جايين يحتلوا المكان
مع كل نقطه يهرب دم لأبره ف الوريد
اتفتحت العيون كما ابواب الحصن المكسور
حزينه علي الي حاصل وبتجاهد ف صد النور
دخل رسول الموت بعدها بخطوه ثابته
وبحزن مصطنع  : لوكيميا مرحله تالته
ساعتها ف عقلي اتفتح الباب الي كان مقفول
وفهمت الي مكنتش فاهمه ف اخر 10 شهور
وجع الجسم النوم والخسسان الي مش مفهوم
والبقع والي فوق الجلد والتعب الي طول اليوم
ودي تاني مره اشوفك فيها ميت وانت حي
وكأنك عن خبره عارف ان الجاي جاي جاي
وشايف الامل بيتسربلك من باب مواري 
وانت الي سايبه يدخل كداب وانت عارف
العرق يمد لسابع جد والي سابنا مكنش سابع
متبصش للسما وتدعي هو اكيد سامع
ولا الحاصل هيتغير ولا الراح هيعود
بطل طيبه وافهم ان المكتوب مكتوب
كل المشاهد بعدها كانت حشو مش اكتر
كيماوي بيحارب سرطان والمريض بيخسر
شوفتك  من ورا القزاز بتبصلي وتضحك
وساعتها ندمت اني عمري ما قولتلك  بحبك
واني ولا سبتك تفهمني ولا حتي انا فهمتك
كنت فاكرك  بتكرهني  فبالتالي انا كرهتك
لما سابتنا صدقني انا فعلا احتاجتك
كنت اناني فاكرني لوحدي وناسي ان انت بقي
 لوحدك
فشلت كل محاوله والامل صار مفيش
ونفس المشاهد القديمه بتتعاد من جديد
طول عمرك بتخاف عليا وجه دوري اخاف عليك
يا بابا لو موت النهارده قولي اموت واسيبك لمين

To follow Ahmed Sadek :
https://m.facebook.com/ahmed.sadek.5264382

To follow Mo'Men Saad:
https://m.facebook.com/profile.php?id=100006872205528&ref=content_filter

Ahmed Sadek - مسرطن (feat. Mo'Men Saad)

فنان يفعل ما يخطر في ذهنه .

Ahmed Sadek

Popular tracks