أوتوستراد - أغنية ألبير لايف

A5rass - Baad Shu  | الأخرس - بعد شو (Official Music Video)

معي - Big Sam (cover)

سلكت طريق الظلام ولبست ذي الخصام

Nefsy Ahebek  - Cairokee VS Drop The Pressure - Claptone & Mylo (Abuelwaffa Mashup)

(١)

علمني الحب
و ماحبنيش
سابني مرمي
قالي:- "هتقوى!"
نفسي أطوله
علشان بس أحكيله
و أقوله:-
"مش من طبعك تضحك عليا.. أنا لسة ضعيف"

(٢)

علمني أضحك
حتى ولو مابحبش ضحكتي
علمني أفارق حزني بشويش بشويش
علمني في أصغر ركن ألملم روحي
علمني في أصغر حضن أطير
علمني أعيش
وخطف مني الأمل
لما حضنته بعيوني و ماحضنيش

(٣)

علمني أنافق بحنية
قالي:- "والله حبيتك"
"من قلبي صدقني كنت رايدك"
قالت عيوني:- "رايدني حبيب؟"
بص قلبه لتحت
و طلبت منه مايكملش
أنا مليت من كوني صديق

(٤)

علمني أكون رفيق
وفي غيابه بحاول أكون رفيق لروحي
لكن روحي رافضة رفيق غيره
كل الجمال اللي كانت عيوني بتشوفه
كان في الأصل تفاصيله!
غلبني الزهايمر.. لكن ملامحه ماتتنسيش

(٥)

علمني أعشق الذكريات
كإنه بيجهز لرحيله
و خايف إني أنساه
أو أروح لغيره!
كان نفسي شىء منه يُذكر
ماقصدش شىء متبقي منه
كان نفسي أقول إنه كان بيتمناني
لكن الظروف كانت معانداه و معانداني
كان نفسي أبقى ليه شىء جواني
كل ما يفتكره يعشق الحياة من تاني
مش مجرد عابر مر على حياته بمثابة ضيف
و يقول لسانه:- "كان مجرد إنسان لطيف"

(٦)

علمني أفرح بالأحزان
علشان جزء مني
علشان كبرتني
بفرح كل ما بفتكره
علشان جميل والله حُبه
بحزن كل ما بفتكره
علشان عُمره ما كان ليا
أدي الظروف و النصيب
إتفقوا كالعادة عليا

(٧)

لقاني خايف.. هازمني الخوف
وقف جنبي.. علمني الوفاء
و في ليلة مش ع البال هَجر
من غير ما يعلمني أهجر إزاي!
كان غمضلي عيني و سألني:- "شايف؟"
قولتله بشوفك بقلبي
لكن دلوقتي حقيقي مابقيتش بشوف

(٨)

علمني أحب نفسي
و لما جريتله بإبتسامة قلبي
أحكيله إني بقيت أحب نفسي
لقيتني واقف قدام مرايتي مهزوز
و لقيته غايب لكنه حاضر جوه مني
أقصد أقول بإختصار.. مالقيتوش!

(٩)

كل ليلة كنت متعود يوحشني
لكني كنت بقدر أغمض عيني
علشان عارف إن ليه وجود
دلوقتي راح من عنيا النوم
ماكنتش متعود أواجه نفسي
إني برا حساباته.. مابوحشهوش

(١٠)

عرفني ع نفسي
ولما قابلني.. ماعرفنيش!
و أنا روحي جريت حضنته
و لما سألوني:- "تعرفه؟"
رديت:- "لأ ماعرفوش"

#شادي_عزت

أوتوستراد - أغنية ألبير لايف

Ahmed Samir Hassan 1

Related tracks