قبضة الله تجمع الارض جمعا

يا قاتلتي "القدس عروس عروبتكم" - مظفر النواب - بصوت مُحَمَّد تَوْفِيق

إذا كان ذنبي أن حبّك سيّدي.. فكل ليالي العاشقين ذنوب
أتوب إلى ربي وإني لمرة يسامحني ربي.. إليكِ أتوب..
(تأليف منصور الرحباني)
بروحي تلك الأرض ما أطيب الربى.. وما أحسن المصطاف والمتربعا
وأذكر أيام الحمى ثم أنثني على كبدي من خشية أن تصدعا..
 وليست عشيات الحمى برواجع إليك ولكن خلي عينيك تدمعا
 كأنا خلقنا للنوى وكأنما حرام على الأيام أن نتجمعا..
(تأليف الصمة القشيري) 

غدا منادينا محكمأً فينا يقضي علينا الأسى لولا تاسينا
يا جيرة بانت عن مغرم صب لعهده خانت من غيرما ذنب
ما هكذا كانت عوائد الحب
لا تحسبوا البعد يغير العهد إذ طالما غير النأي المحبين
 (تأليف صدرالدين ابن الوكيل - من موشحاته)
ولا قرب نعم إن دنت لك نافع.. ولا نأيها يسلي ولا أنت تصبر
إذا جئت فامنح  طرف عينيك غيرنا.. لكي يحسبوا أن الهوى حيث تنظر
(كلمات عمر بن أبي ربيعة) 

يا شقيق الروح من جسدي أهوى بي منك أم ألم..
أيها الظبي الذي شرد تركتني مقلتاك سدى 
زعموا أني أراك غدا وأظن الموت دون غدي 
أين مني اليوم ما زعموا.. 
ادنُ شيئاً أيها القمر كاد يمحو نورك الخفر 
أدلال ذاك أم حذر يا نسيم الروح من بلدي 
خبر الأحباب كيف هم..
(تأليف ابن سناء الملك) 

حامل الهوى تعب يستخفه الطرب
إن بكى يحق له، ليس ما به لعب..
كلما انقضى سبب منك عاد لي سبب
تعجبين من سقمي.. صحتي هي العجب..
تضحكين لاهية.. والمحب ينتحب..
(تأليف أبو نواس) 
يا غزالاً من كثيب أنت في حسن وطيب
يا قريب الدار ما وصلك مني بقريب..
يا حبيبي بأبي أنسيتني كل حبيب..
لشقائي صاغك الله حبيباً للقلوب..
يا حبيبي.. يا حبيبي.. 
(تأليف أبو نواس) 



موال فيروز ووديع الصافي

قالولي أهل الهوى.

يقال ان عزيز عثمان برغم صوته الرائع كان ميال جدا للنوعيه دي من الاغاني .. وزي ما غني " الغراب يا وقعه سودا " غني برده الاغنيه دي في فيلم اسير العيون عام 1949  
كلمات الاغنيه :  
عيون حبيبي خُضر و خضرضر
و خدود حبيبي حُمر و حمرمر
و شعور حبيبي صُفر و صفرفر
فرفر يا اخويا فرفر
ساعة ما اشوفه فايت عليا
آقول يا ريتني قبقاب في رجله
و لما إيده تلمس إيديا
سكينه حاميه تدبح لي عجله
نهار ما شفته تعبان قرصني رقدني جمعه
و لما بوسته ميل و عاصني من بُقه دمعه
محتار في بختي الاسود يا اختي
بس اعمل ايه
دهنت لي سبرتو
و القلب مورتو 
آحيه عليه

عيون حبيبي - عزيز عثمان

من البومات اسامة

سمير غانم - طناش

يا إسكندرية | الأوله بلدي

لحن : الشيخ إمام 
كلمات : أحمد فؤاد نجم 
مقام : رست 
ـــــــــــــــــــــــــــــــــ 
فرحانين .. فرحانين .. فرحانين 
كل ثورة وإحنا دايما فرحانين 
اللي ماتوا فى المعارك .. فرحانين 
واللي حضر واللي شارك.. فرحانين 
واللي ساكنين الخنادق.. فرحانين 
واللى ماسكين على المبادئ.. فرحانين 
واللي شايلين شوق لفكرة.. فرحانين 
واللي حاملين هَمّ بكرة.. فرحانين 
اللي كلمتهم أمانة.. فرحانين 
واللي معدتهم جعانة فرحانين 
إحنا ملح الأرض وتراب العجين 
كل صناع الورود والمبدعين 
عد موج البحر ونجوم الليالي 
عد رمل الأرض واكتر من السنين 
كل ثورة وإحنا دايما فرحانين 
فرحانين .. فرحانين .. فرحانين

فرحانين

 اني رايت اليوم "فيلم شعري" من ديوان مانيفستو للشاعر مصطفي ابراهيم

الزمان..
أيام ما كان لسه فى ناس ممكن تموت..
مش لاجل لقمة و لأجل قوت 
يعنى الزمان كان من زمان 
المكان..
جوه العراق..
صحرا على مد البصر ..
رمله بدون نقطة مطر 
و الكوفة على رمية حجر من كربلاء
السيين يبدأ..
صوت نفس ..
مزيكا توحى بالقلق 
دقات قلب بينتفض 
منظر لحبات العرق ..على جبهة من الشمس استوت
الكاميرا تعمل زووم أوت 
السيين بدأ..
أصوات حوافر ع الطريق..
الصوت بيعلى ويقترب 
فى نقطة ع الشوف من بعيد 
الزووم يزيد ..
يظهر بتاع خمسين فرس..
من لبسهم واضح بأن دول حرس..
من جيش "يزيد"
يغمس حصانه فينطلق زى الهوا 
تلمح عينيهم م العفارة جريته 
تلمع عينيهم..كله يجرى ناحيته 
مشهد مطاردة بدون أمل ..
خلفيته.. صوت طبل افريقى اشتغل
و مفيش دقيقة ..بعدها كان سهم لحقه و إتقتل ..
ف يسيب حصانه و يتهبد..
يمسك السهم بإيديه..
و يشوف شريط الفيلم كله قصاد عينيه
الشاشة تبهت لون ضباب
علشان تجيبه بيفتكر 
والذكريات دايماً بتصحى..
لما نيجى نحتضر
كنا قصاد قصر الخليفة ..باالآلاف 
من كل شارع ف المدينة ..حتلاقينا
شئ مهول و مهما أحكى أو أقول ..
اللى سمع طبعاً مش زى اللى ..شاف
كان هوه جوّا بيرتعش و زى منه حاشيته
طوفانّا عمّال يقترب .. والكل جاى ف سكته 
و الكاميرا جايه ع الرؤوس مع صوت ..هتاف
الصورة تعمل فيد أوت..
كل الملامح تختفى..
الصورة ترجع..الإضاءة نور قمر 
و المشاعل اللى باقية نورها قرّب ينطفى
و اللى فاضلين م الآلاف يتعدوا يمكن ع الإيدين 
معرفش لسة الغلطة فين ..
بس الحسين لازم خبرنا يوصله قبل ما يفوت الأوان 
خوفنا خلّانا عبيد مالناش أمان 
إحنا مش قد اللى عاوز يعمله
و صوتنا النهاردة جمب صوته 
وموتنا موته ..
و بكرة قدام الخليفة إحنا اللى ممكن نقتله ..
صمت تام ..بعده يبدأ صوت يبان 
صوت لعزف حزاينى جداً ع الكمان ..
سيين المظاهرة خلاص خِلِص ..
و سيين العقاب واضح إنه فى أوله ..
الكاميرا فجأة تلتفت ..
جايبة شكل القصر كله من بعيد ..
زووم ع الفراندة اللى طلّة ع الجنينة 
من وسط ظباط حاشيته يظهر "يزيد"
زى اللى دبت روحه جواه من جديد..
يكشف سنانه و يبتسم ..
و بسيفه يشاور علينا 
من غير ما ينطق كلمة واحدة ..
فى ظرف لحظة إفترقنا 
كل واحد ودّع الباقيين بنظره 
و هو بيلف بحصانه .. وانطلق
كل واحد فى إتجاه 
كل واحد منا يجرى .. وألف كلب صيد وراه 
معرفش مين فينا اتصلب 
مين انضرب ..
مين فينا بالمدنة احتمى .. مين اللى من فوقها اترمى
أو حتى مين قتله العطش بعد اما تاه ..
كل الشوارع مصيدة وكل البيوت ..
الكوفة نايمة حتى من قبل العِشا..
حَطَّت صُباعها ف ودنها ..
وسابتنا بره الباب نموت ..
الليل يفوت..
و الحظ يلعب لعبته و يسيبنى أعيش .
الكاميرا قدام الحصان 
الحركة ماشة بالبطئ ..
الكاميرا تعلى لفوق اوى ..الصحرا تملا الكادر كله
و الشمس ف نهاية الطريق..
ع الضُهر حسيت بالتعب ..
بطّلت جرى..الشمس حامية وصدرى من كتر العطش 
عمّال يضيق ..
ريقى بحاول أبلعه مش لاقى ريق..
حسيت ساعتها إن النهاية بتقترب
ف نزلت من فوق الحصان ..
طبطبت على كتفه وسندت ..
و بنظرة بصيت للسما زى الغريق
الصورة تتثبت بتاع أربع ثوانى ..
الصورة فجأة تجرى بس بسرعة جداً..
مع صوت كأن حد بيسف الشريط ..
الصورة تثبت مرة تانى 
جثة فوق الرملة نايمة ..
سهم راشق نفسه فيها ..
زى شاهد من فوقيها
الكاميرا تبعد حبة حبة ..
والإضاءة تنطفى..أصوات نايات ملو السمع
و الكادر بيلّم الوجع .. وبعدين يقرر يختفى
صورة سودا للسما من غير نجوم..
مع صوت هوا عمّال يزووم فوق الرمال..
قدام بعيد ..أشباح جِمال..أصوات خفيفة للخيول
ينزل كبيرهم من على جناح الفَرَس .. و يلف كفه ع اللجام 
بعدين يقول ..
الليلادى نبات هنا ..دقّوا الخيام 
ساعتين وكان الكل نام ..
يصحى فى نص الليل لوحده من القلق ..
ابنه الصغير يسأله ..مالك؟
مفيش..
هو إحنا مش ع الحق برضه ؟
يبقى تفرق إيه نعيش..
تلمع عيونه بدمعتين ..
يحضن دراع "الحسين"
و الحضن دايماً يختصر نص الكلام 
يا رب مغلوب ف أنتَصِر 
الظلم عمره فى يوم ما دام ..
و تفوت ساعات الليل قوام 
الفجر يبدأ..يوم جديد 
و ينكتب ع الشاشة بالفونت العريض ..
يوم كربـــلاء
آخر ساعات قبل المصير
و الكاميرا تتسحّب ع السيين الأخير..قبل الختام
الكاميرا جايبة صقر طاير فوق بعيد ..عمّال يلف 
ويرسم دايرة مقفولة ..
كأنه حاسس ب اللى هينقتل تحته..
و إن الحسين على وش مدبحته..
و إن الرمال تحتيه بالدم راح تشبع ..
و إن الهوا حواليه حبة و حيبقى تراب ..
و حيبقى هوّه وصُحبته أغراب 
و إن المدد مش جاى مش هوّه ده عَلَمهُم
إللى قالولك تيجى ..رجعوا ف كلامهم 
يا حسين هتيجى تموت لمين ؟
إرجع..
كل إللى جاى عشانهم تِفدى وتناضل ..
راضيين يعيشوا عبيد ..
و المشهد الفاضل هتموت ف آخره وحيد ..
الشاشة تتفتَّح بالراحة ع المشهد ..
الصورة سودا و تاريخ بينكتب بأبيض ..
الزمان ..20 ديسيمبر 
شهر و نكمل سنة ع الثورة تقريباً
الوقت..قبل الفجر 
المكان.. أسفل إشارة عمر مكرم 
جمب الصينية تحديداً..
و يخش آخر كادر فى القصة على غفلة ..
فيد إن ..على الكريشيندو والقفلة .
أصوات هتاف ..
و بتقطعوا أصوات بعيدة لسراين الإسعاف ..
و ساعات قريبة لضرب نار ..
الكاميرا بتزووم ع الهدوم الكاكى ..
الكادر فجأة فيه بشر ظهروا ..
صفين عساكر جيش مترصصين بالعرض ..
و بلاط رصيف الحى مخلوع و متكسر ..
و الراوى يبدأ حكايته .. وصوته متأثر
أمسِك"محمد مصطفى" ع الأرض ..
و أبكى و أنا بقلبه من كتفه على ضهره ..
و نشيله جرى فأشيله من باطه 
و صوابعى حاسة بقلبه بيدقدق ..
مع كل نبضة تخف نبضاته ..
كان قلبه مش بينقّط ..
قلبه بيدلدق..
قالوا الدكاترة بعدها ..
اللى اتقطع شريان مهم..
المهم .. لفّينا وِسطه بشال 
و عقبال ما جرينا للشارع ..
و لقينا عربية ..
و لحد مستشفى الهلال ..
و لحد ما استلموه طقم النبطشية..
كان هوّه متبرع بنص دمه للطريق ..
و عرفنا بعديها بيومين ..
إنه إتبرع بروحه للقضية ..
و إنه ساب لإصحابه ف هدومه وصية ..
الكاميرا جايبة شاب بيغرّق إيديه بالدم ..
و جايبه صاحبه معدى جمبه بيدمّع ..
بيقول كلام و يعيد كأنه بيسمّع ..
شيّع صحابك من معركة بِالليل..
و الصبح فرَّج دمهم للخلق
و لأتوبيسات الناس الرايحة للأشغال..
زعّق بصوت رايح.. و بحشرجة فى الحلق
و اسكت عشان مبقاش فاضل كلام يتقال
الكاميرا ماشية بالبطئ جمب الصينية ..
الكاميرا ماشية بالبطئ فوق الطريق الأحمر 
يتودّع الواقفين فى الكادر و بتطلع ..
و أصحاب محمد لسة بيحاوطوا الأمل بالطوب..
زى ما يحاوطوا قَدَر الشهيد المحتمل ع الأرض..
أفتح وصيته وأقرا إيه مكتوب 
الكاميرا طايرة ع الميدان من فوق ..
و الصوت يرن لوحده فى سما المنظر ..
إنى رأيت اليوم...الصورة من برة
و قلت الحسين لسة ....حيموت كمان مرة
إنى رأيت اليوم ....فيما يرى الثائر 
ان الحسين ملموم ...فوق جثته عساكر
بيدغدغوه بالشوم
كل أما ييجى يقوم
و ان البشر واقفة 
تبكى بدال ما تحوش
و ان العلم مصفاه
م السونكى و الخرطوش
و ان الطريق مفروش...بالدم للآخر...
إنى رأيت اليوم...
الدم ع الآيش....
و إن الحسين إحنا.... 
و مهما اتقتل عايش.

اني رايت اليوم .. الحسين - مصطفي ابراهيم

احمد سعد - قبضة الله

«لما أنت بتدي صلاحية لأمين الشرطة أو ضابط إن هو يوقف ناس كدة بشكل عشوائي، يوقفهم طابور ويفتش تليفوناتهم، زي ما كنا بنشوف يعني، بتديله كمان صلاحية، يعني إن أنت مش عارف هو بيدور على إيه، ما يمكن مزاجه الشخصي يفتح يشوف صور، يشوف صور مع أصحابك، فالموضوع مؤذي جدًا، لأنك مش قادرة تفهمي هو إيه اللي مضايقه، أو إيه اللي ممكن يضايقه، فبمجرد إن ده في دماغك، ده بيبقى مؤذي كدة نفسيًا، لأنه أنا بعدين بقى بابتدي أبرون، اللي هو أقعد أبص في المكان بتاعي، اللي هو إيه ده، هم لو شافوا حاجة زي كدة ممكن يضايقوا؟ في اللحظة دي اللي فكرت فيها بالطريقة دي قلت كدة الموضوع هيتقلب بهلاوس وأمراض، فأي شيء كمان حسيت إنه related لـ2011، أو related لثورة في 2011، ابتديت أتخلص منه، مش بقى ذكريات، بقى كوابيس. كنت حزين جدًا وزعلان آه، بس حسيت كدة إن أنا عايز أعيش في أمان»، واحد من سكان وسط القاهرة يحكي لـ«مدى مصر».

منذ عشر سنوات، شهدت منطقة وسط القاهرة حدثًا جللًا. كانت منطقة وسط البلد، وفي القلب منها ميدان التحرير، وجهة لملايين الثائرين، وتحول مركز العاصمة الإداري والتجاري والثقافي والسياسي إلى رمز للحرية حول العالم. ولكن حين ضاقت الحرية مع هزيمة الثورة، ضاقت المنطقة أيضًا بزوارها وسكانها، فتحولت لتمركز أمني مستمر يهدف لمنع تكرار ما حدث في 2011.

في هذا البودكاست الذي أنتجه «مدى مصر»، يحكي عدد من سكان وسط القاهرة عن هذا «التضييق الأمني» ومواسمه، والقبضة الأمنية العشوائية التي تطالهم في بيوتهم وفي شوارع منطقتهم السكنية.

«اتفضل كلم الباشا» من إنتاج «مدى مصر»
إعداد وتقديم ومونتاج: هدير المهدوي

احمد سعد - قبضة الله

Sar7han1

Recent comments

Ahmed Seif

Abir Kamel

hazem elborgy

Related tracks