إبتهالات وإنشاد ديني

محمد العجوز ليه يا زمان متديش الاصيل عدلو جزء 2

وداع الشيخ ياسين التهامي لجماهيره في اخر حفلاته وبكاء من الحاضرين

العربى  فرحات البلبيسى
من مواليد محافظة الشرقية 
قدم الأناشيد الدينية فى فترة السبيعينات و الثمانينات  لكن شهرته الاوسع كانت عن  مديح الرسول و الابتهالات الى الله
اشهر اعماله على الاطلاق هو البوم قصدت بابك

* كلمات القصيدة 
يارب
قصدت بابك و غير بابك ماقصدتوش
قايل بابي مفتوح و عمري ماقفلتوش
يا ساتر الستر استرها ماتفضحهاش
ولغيرك انت ابداً ماتـحوجــناش
و الحق يعلي و احنا ع الحق مانعلاش
زي اللي قبلنا ما قالوا .. العين ع الحاجب ماتعلاش
و اذا كنت بتحب ..حِب ..
بس لازم تكون حساس
و فتش ع روحك قبل ما تفتش يا واد ع الناس
و انظر لبيتك ولا تنظرش لبيوت الناس
و اللي ماترضهوش ع روحك .. ماترضهوش يا واد للناس
ياما كان ع الدنيا فتوات .. قبلنا يقولوا احنا احسن ناس
صبحُم رمايم يا خويا و دوسوا عليهم الناس
اسمع كلام ربنا العزيز اللي قاله لجميع الناس
و جنة الخلد هايدخلها .. الكاظمين الغيظ والعافيين عن الناس

قصدت بابك .. العربي فرحان البلبيسي

الشاعر_جابر_ابوحسين_قصة__حرب_بين_ابوزيد_الهلالى_وناصر_العسيلى_الحلقة_43_من_السيرة_الهلالية(128k)

نصر الدين طوبار.. غريبٌ عنكِ يـا دنيا غريب

كيف العمل يا أَحْمَدُ - عبدالنبي الرنان

صلى ياربى دواما-اولاد الرنان.mp3

محمد العجوز من أروع من غنوا جائت معذبتى 
إختارها لكم حمدى شبانة

محمد العجوز جاءت معذبتى


من صغر سني كفاني الدهر مادلني

ولايوم نصفني زماني على الايام وعدلني

من غلب الايام ساعه ابكي ساعه اغني

وده اقرب ماليا بيكلمني كلام المر

وادي اندل الناس بيقولي لاترحل من عندنا لا تمر

كلام العاذول مر كفاني عالضهر ما عدلني 


انا بوحد الي خلق الناس..خلق مسلمين ونصارى

وناس نايمه على فرش ونعاس..وناس على المعايش حيارى

لو شوفت الي جرى في زمننا عملوها ولد الفواتك

كلام العوازل زاملنا سبع الرجال انجر واقف

سكت الهوا والناموس طار شوف السبع طأطأ بعينه

خليها ده النوم استار لما الهلف ياخد يومينه

خشب المراكب يابني من الصنت..في البحر ياخد مهادر

واجب عالحر يتبع الصمت لما الندل ياخد مهاجه



خشب المراكب من الصنت..في البحر ياخد مهادر

واجب عالحر يتبع الصمت لما الندل ياخد مهاجه

يالي بتنادي عايز مين خولي الجنينه عالبتاني

معاي جرح له مده وسنين من لؤم العزول عبى تاني


سكت الهوا والناموس طار والسبع طأطأ بعينه

خليها ده النوم استار لما الندل ياخد يومينه


 زمانك زمان الكلوبات لمض الصفيح بطلوها

شوف الفُرخ الي بلا ابات اليوم بتحلف بابوها

زمانك زمان الكلوبات شوف القطر عالسكه ماشي

اليوم شوفت ولاد العزابات في الضله فارده الشماشي

طبيبي تعالي الحق من البعد عينك نظيره

مفيش حد رزقه على حد لكن المصايخ كتيره

تاريها الدراهم بتنفع تجيب بل ويا غنيمه

الصاحب الي ماينفع تيجي البعد عنه غنيمه 

تاريها الغروره تربت انظر بعينك راعيها

شوف العنزه كبرت تربت اليوم تطحت راعيها


(جزء من السيره الهلاليه - تغريبة تونس )


سعيده جامت من النوم تبكي واتخبلت في العكيفه

على ولاد مهران تشكي ..صباح الخير يابا خليفه

يابا حلمت حلمي حلم الليل قلق منامي

حلمت القمر ماخالط الليل وده ست مداين وقعوا 

وبحر الهميره اتانا في الصيف

روى بلدنا في بعونه

ويابت كفياكي شهاويل يا بت متقليش مقامي

حلم الليل كله شياطين يابت سمي ونامي

يابا قولتلك القول ياماشي على عرض سيفك

وتاني ماقولك قول تشرق تغرب بكيفك

ياليل يا ليل 

فات العويل يوم على ولاد الكرام ماشي

ومركباه الغروره من فوق جواد ماشي

بقى اكله لحم طان ونسي العيش والمشِ

انا قولت يادنيا انت لا عندك حياء ولا خشا ولا خيش

ملتي على ابن الاصول لبستيه خلق دايب من اردل خيش

وابن الرديه يا دنيا عمل بيت وعمل دوار قدامه

والحر منك طفش عمل لسكنه خيش

انا قولت يا دنيا لازم اوضع بيني وبينك حد

قالت انا الغروره الي مادمتش في يوم لحد

وكل واحد ليه حق ياخدله يومين ويقوم ماشي


وجاني طبيبي بيعالجناه والي معاه عله بيعالجها

لكن المره الي ماتردش الجناح (الباب) خاف وحرص قوي من ولدها

غزال الجبل منزله منين عاجبني محني كفوفه

بينزل في الليل وشمس الضحى لم تشوفه

وجاني طبيبي بيعالجناه والي معاه عله بيعالجها

لكن المره الي ماتردش الجناح خاف وحرص قوي من ولدها

يابت حوشي جملك هبشني وجت هبشته في العبايه

رمان صدرك دهشني خلى فطوري غدايا

جيناكي يا بيضه جيناكي عشانك تعبنا الهجينه

وعاوزين منك غدا بلانار ولا تتعبيش في عجينه

قالت اجيبلك عيش مطبق فوق منه السمن سايح

والغدا الي بلا نار يجيب لآهله الفضايح

بابو ركاب تلمع كما البرق من فوق ضهر الحباش

لها ريح اقوى من الشرق غلت عرشها مرماشي

انا اصلي عالنبي الزين خلقني وفصل لساني

انا بمدح النبي الزين محمد حبيب الحبايب

وفوق قبته رفرف الطير نفسه يزيح مغايب

لولا النبي مكانش القمر بان ولا شمس من الشرق بانت

ولا كانش ليل ولا نهار ولا ازلام صلت وصامت

رباعيات ابن عروس معدلة بصوت صعيدي مجهول

السيرة الهلالية ابو زيد الهلالي و الملك سلمان الجزء الأول

الشيخ أحمد التوني - قلوب العاشقين

شوقى القناوى - مواويل زمان

قصدت باب الرجا والناس قد رقدوا
وبت أشكوا إلى مولاي ما أجد

وقلت يا أملي في كل نائبة
يا من إليه لكشف الضر اعتمد

اشكوا إليك أمورا أنت تعلمها
مالي على حملها صبراً ولاجلد

وقد مددت يدي بالذل مفتقرا
إليك يا خير من مدت إليه يد

فلا تردنها يارب خائبة
فـ بحر جودك يروي كل من يَرِدُ

كلمات أبو بكر الشيرازي .

إبتهال قصدت باب الرجا

من أجزاء تغريبة بنى هلال فى بلاد المغرب العربى _ السيرة الهلالية 
عزيزة قالت : يا يونس عليك فى الغرب دلوني
لما طال غيابك ... أتوا المداليل ، ودلونى  
بيمين ما أملكك يا يونس لأخلي الهوا ينساك
وركبك قصر عالى .. وأخلى الهوا والبيبان تنساك
بيمين ما أنساك ولو ع القبر دلوني !
ـــــــــــ

يوم سار الدلال/ " مَيّ" أبدت تقوله/مين اللى ع البيبان؟/ -سيدك "جعفر" الدلاّل / مَىّ أبدت تقوله: إيش جابك يا دلاّل/ ايش جابك سكن النسوان/عفشة عمرك لما ياخدوه/ أبدى الدلال قال: اسمع يا مى/ بلغ لى السؤال/ روحى لستك " عزيزة " بلغها سؤالى/قوليلها برا الدلاّل/ معاه عُقد غالى الأتمان/مَيّ أبدت تقوله يادلاّل ورينى/ميّ الحزينة ومين يعنينى/ ان كان عقدك طينى بين الحجارة لنكسروه
فتحت الأبواب/ ورينى واه يا أحباب/طلع العُقد من الجيب / تقول شرار طلع فى الغيم/ولا فانوس على عتمة قادوه /شافت العُقد وقالت اه/ بكت مَىّ الحزينة/والدمع نازل خيال/أمانة يا عُقد قولى ايه اللى صار/شربت كأس الندامة؟/عامل كيف حسن السلطان ؟ حال سيدى سلامة؟/ازاي قاضى العرب ؟ ودياب ولد الزغابى؟ وكل العربان؟/أدى العقد بتاع اسيادى/ لكن سلامة فين منه؟
قالت : يا عُقد أمانة ، نهبوك؟/ولا تعذروا صحابك وباعوك؟/ولا قتلوا الأسمر سلامة وتكاتروا على الغالى وهانوك؟
العُقد دا بتاع أسيادى/ بتاع ستى شامة
إلا "عزيزة " طَابّة (نازلة) من فوق/ المبسم( الضحكة) سَبع على ذوق /تلقى مَيّ تبكى وكأن رماها الشوق /قالت لها: أمانة قوليلى يا مَيّ مالك ؟/ خبر الغوالى جالك؟/ قوليلى مالك/ تبكى مشغول بالك/ما عجبنى حالك/بتبكى والدمع نازل خيال !!
قالت(مَيّ) لها :العقد دا بتاع أسيادى ،عرب بنى هلال 
قالت(عزيزة) له (الدلّال): إزي صاحب العُقد؟ زى مين فى بلدنا ، زى طلة أبوي ولا منازع ولا العلاّم ؟
أبدى الدلّال يقول:
قالها: يا عزيزة لو شفتى صاحب العقد/لو شفتى معانيه / تفوتى قصرك بما فيه/لو ريتى عيونه/ عيون غزلان/لو ريتى بطنه/بطنه طيه على طيه/ مثل العجين الخمران 
مَيّ أبدت وقالت: اسمعى ستى عزيزة/غير الصداقة ماقولش/بذاته بن سرحان/هو سيدى يونس 
عزيزة :أمانة يا دلاّل هاته عند البيبان/أعطيله الطرف يبان 
أبدى الدلاّل قال:إسمعى ياست النسوان / هو حالف يمين القصر العالى مايخشوش(لا يدخله)
عزيزة تقوله: إنت يا دلّال/ راجل حُر مش بطال/روح أعطيله جوزين كلام / أبو عقل زاكى ليميّلوه !

_ الدلّال وصل/ يلقى " يونس " واقف كربان / تعال يا مملوك / عُقدك إتفصل فصل عال/ قطع بحسبة مال / من راجل كُبرة( كبير مقام)/أمونش ( لم يأمن لى) على حق العُقد/أنا وإنت بحوش الجمال/حق العقد لنكملوه!
(يونس): إسمع يا دلّال/ أنا قسمت أيمان القصر العالى ولا نخشوه (لا أدخله)!
أبدى الدلّال قاله :انت يا واد ماتخاف/إنت إمشي معاي / انا وإنت بحوش الجمال/حق العقد لنكملوه 

_ خد يونس وسار /الله يجازى الغفلان/فتحوا له تسع بيبان/طلبت البحر تروح له !
آتي ع الأبواب:
 خش( دخل ) أول باب/ توب علينا يا تواب
خش الباب التانى/ كريم ولا تنسانى 
خش الباب التالت/ شوف عزيزة بالملابس بانت 
لما الباب الرابع /طلقت مستكة وطوالع 
أمانة الباب الخامس /هتزوره اللين يابس !
لما خش سادس باب /اتذكر كلام "دياب" 
اللى هناك قال له
يونس ، خش الباب السابع/ ما ميل ضرس السَبع
ما خش الباب التامن /عزيزة قلبها ولا مآمن 
عايزة عسكر بضوابط /حول القصر ليحرسوه !
لما خش الباب التاسع /عزيزة مثل الحية اللاسع !
تعال يا يونس يا كويس/تعال يا يونس يا جميل /يابو عيون مكحلين/البكر اللى جابك انا لأكسيه بغطا الحرير/قالتله سلم عليا/يا حلو يا نور عنيا / أهيه لكن أبيه غيرك تانى مافي أحباب/
ركبته القصر العالى /وبنوا له طوبه مرجانى 
ركبته أول سلم /قال يا سلام سلم 
ركبته سلم تانى/يارب ولا تنسانى 
ركبته سلم قزاز /لايقع عامله له حجاج
ركبته سلم سن الفيل /تعال يا يونس يا جميل 
من زمان صابرين / على الغوالى عشان نشوفوك
ركبته سلم فضة/ما عطاها صدة
قال هاتيلى البركة اتوضأ
قالته هنا إستريح/مالك ومال الصلاة يا مليح/هوا القصر ليضيع 
أنشد يقول ابوسرحان: 
يا عباد الله
ولا ضاحك إلا اللى الزمان ابكاه
ياما ضحكنا وغيرنا حزنان 
لما أتتنا الليالى إحنا حزنا
وغيرنا فرحان !
تفكر قول كلام خاله 
حيال قطب الولاه
يبكى ع اللى جرا له 
ادينا وقعنا بين الولاي
وقعنا مع النسوان 
المولى يعلم بحالى 
وقعنا من غير قانون 
ومين من هنا يطلعنا تانى! 
والجرح رَبّى الحزاين 
أشكى غلبى لمين!
ما أنا ما لاقى حبايب 
اشكى غلبى لمين 
عليك العوض يا زمانى
ما ألقى مركب ترسي على المين(المينا)
ولا أروح ولا اجى لخال تانى!

السيرة الهلالية _ على جرمون _ الجزء العاشر ( التغريبة ~ عزيزة ويونس )

by Hamed Omda
https://www.facebook.com/yassineltohamy1

ياسين التهامى - يا مدد

الشيخ عبدالنبى الرنان | مدح 2

Music lover lives in peace / Almost all Music genres!
محب للموسيقى وأعيش في سلام / ستجد هنا كل أنواع الموسيقى تقريباً

الشيخ عبدالنبى الرنان | مدح 2

Ahmed Shaaban .

Recent comments

Abo Abdelrhman

Abo Abdelrhman

Eslam Ghandour

الاسطورة الاسطورة

Related tracks