www.facebook.com/ya.wag3a.mrbrbaa
Page | يا وجعة مربربة

الزوجه الثانية

يا ابو جلابيه
عمه و قفطان بتوع زمان 
في ايام راضيه
عدي الزمان لساك انسان مانتاش اغنيه
تعملي أفندي من البندر
  
 مش استغرب من دا المنظر
  
 لو غلطوا ... انت الإنسان
  
 قلبك مليان خير وأمان
  
 مايهمش ليه مانتاش لابس
  
 نفس العمة والقفطانإنساها القصة الوردية
  
 راجل في الزحمة ولا ميه
  
 السوا عارفين بني آدمين
  
 في الأصل طيب وأمين
  
 ولحد ماتوصل فاكرين
  
 يابو جلابية

ya abo galbya

كرهـتك قد ما ضحكتى على شقايا

كرهــتك قد ما امى تحب رؤيـايـا

و قد رعشة ايدى وانا بكتب

أول قصيده أكتبهالك

 

آخر قصيده أكتبهالك

و آخر قصه فى كتابك

و آخر كلب فى كلابك

و آخر طيف يبات الليل على بابك

 

دا انا اللى كسّرت السهر

و رَقَصْت ويا الليل و رَقَّصت القمر

 

أنا اللى فَضّيت بِكر نجمه فى السما بَكّيت نجوم

و طلقت ايدى فى صدر نسمه اتلخبطت بين الغيوم

أنا الجخ و سامعه عنى و عارفه انى كل يوم

كنت قبلك ويا واحده و يمكن ويا اتنين فى يوم

 

تكسرينى؟! ... لا يا عينى

انتى واحده من ألوف

و ياما وانا عايش هشوف

انتى مجموعة قصايد بالمحبه بتبتدى

وهى دى

آخر قصيده أكتبهالك

و كان بودى اسمعهالك

 

نبرة الحزن فى كلامى مش ندم

ما أنا خدت منك كل حاجه وسبتلك حبة ألم

أنا خدت منك كل شئ

و فضلت قدامك برئ

 

كل ما فى الأمر إنى لسه ماشبعتش خيانه

تعرفى يا نانا الخيانه؟

مش خيانه تحبى غيرى .. يا خى حبى غيرى

همشى مع واحده تشوفيها و زى ما هغير انتى غيرى

مش خيانه

 

بس تبقى خيانه عظمى

يوم ما يبقى الحب كلمه

يوم ما تبقِى م البدايه

حاطه للقصه نهايه

 

يا ترى لساكى فاكره؟

فاكره يوم ما رميتى قلبى بنظرتك

قلبى اتجرح

كان فرح

أنا لسه فاكر.. كان فرح

كانت الرقاصه بتزِفّلِى حُبك

قلت احبك يمكن الحب يداوينى

وادى ادينى

 

بكره اليوم اللى شفتك

بكره الشارع بكره الليل اللى ضمك

بكره القمره اللى بتفكرنى بيكى

و بكره اسمى اكمنه اسمك

 

بكره انى ابتسم.. حتى اترسم

حتى اتدفن

بكره البحر اللى زغزغ صدرك السقعان فى حضنه

جيتى حضنى

حتى حضنى بكرهه لما اتّسعلك

بكره الشعر اللى خللانى ابقى نعلك

بكره القلب اللى سابلك صولجانه و بكرهك

واللى زانك طول سنين جه الليلادى و شوهك

 

لا انتى ناعسه ولا انتى عبله ولا انتى شملوله الخجوله

اتكسر جوايه صوتك واتكسر جواكى عمر

بس عمرك هو عمرى

كان بودى أسيب فى قلبك ميت أتون من طين و جمر

بس قلبك هو شعرى

 

بكرهك ياللى ابتسامتك فرحتنى

و مرجحتنى و زحزحتنى و كبرت الله اكبر

من كلامك من غرامك من عينيكى السودا ليل

قلبك المكسور بيعلن لانتصارى ميت دليل

 

و انتصارى مال على ودانى وهمسلى

قاللى "أوزوَلد" البرئ ما بقاش برئ

قاللى إن "سيزيف" دا زيف

و ان قولة آه بتطلع م الصعايده فين و فين

قاللى أنساكى فى مساكى

و اما اشوف قلبك عساكى تفوقى من وجع البنات

قالى بالرغم انه عارف انى حبيتك.. هجيتك

و انه شافك كاتبه اسمى بخط نونو تحت بيتك

قاللى شافك ع المرايه بتكشفى صدرك لصدرى

قاللى صبرك.. يا دى صبرى

 

اياك فاكرنى من حجر

اللى قاسَى فى حب نانا لو حجر...كان انفجر

 

كنا زى اتنين فى صحرا

ما فى ناس ما فى عيب مافى خوف ما فى بكره

كنا خيل وليل و مهره

كنا سكر و كنا فجر و كنا سهره

كنا نتواعد بكلمه و كنا نتصالح بنظره

 

كنا لما تسافرى أو اسافر يصير الليل مالوش آخر

أكن عيونك النعسانه مجافيينك

و أكلم نفسى طول الليل و أقول فينك

و كان قلبى بوسع البحر..لملم موجُه فى سفينك

و نفس البحر دلوقتى لعنلك ميت سلسفينك

لا عاد موجه بيهواكى و حتى نجومه فى سماكى

رموكى بعد ما رماكى و كانوا فى ليلة زفّينك

 

و كانو يناموا فوق مريلتك الكحلى

ينقولك هدومك يوم ما نكون هنتقابل

أنا و نانا فى طول أيامنا ما كنا بنتقابل

ما كل الناس عتتقابل

احنا كنا..

احنا كنا..

والله ناسى كيف ما كنا ..بس كنا

 

يمكن الحلم اتقتل بس الجبل

لو هده ريح أو حتى مال برضك جبل

و انا مش جبل من طين وقش

ولا عضمى هش

إن كان على القلب اللى حبك آخره نعش

و انصِبله بدل الخمسه ألف و يبقى مات ولا اتخدعش

 

كنتي كيف السّبيه بيّه

و كنت ليكى عبد طايع

صرت ورقه و حبر ضايع

وقت فات ولا جابش عايد

مش بقولك.. انتى مجموعة قصايد

 

لمى ورقاتك خلاص الحبر جف

و احكى للجيل اللى طالع بكره يضحك

قولى لابنك فيه زمان واد عقله خف

اوعَى لتصيدك بِنَيّه و زى فرحه يولّى فرحَك

 

شيلى عمرك باللى فيه

خدت منك كام قصيده سامحى فيهم

حق كُرسيين معسل مش حكايه

خدت من عمرك بُكايه

و ابتسامتى سيبتهالك

يكفى إنى لسه مالك نفسى و بخبى البُكا

شوفى شاعر غيرى يوصفلك جمالك

 

أما ع القلم اللى فى ايدى

شاريه من دكان صعيدى

راسه ألفين دومه نَيّه لانسى حبك من أساسه

عشتى طبعا فى الصعيد و عرفتى ناسه

 

يبقى أسهل شى عليا

أنسى حبك و انسى حالك

وانى اقول ع القصيده ديا

آخر قصيده أكتبهالك

هشام الجخ - آخر قصيدة أكتبهالك

أغنية يابا انت الياقوت - Yaba enta alyaqoot track
مقتبس ورد علي "اغلي من الياقوت" لأحمد مكي
(رد الابن علي الاب) - (official music)

كلمات وغناء: "المهندس - Almohandes"
لحن وتوزيع موسيقي اغلي من الياقوت: شادي السعيد 
إعداد موسيقي اغلي من الياقوت: Modiviç 
لينك الفيديوكليب علي اليوتيوب: https://youtu.be/XNWF_HoAaA4
مونتاج: مازن محسن
إخراج: معتز الشرقاوي 
lyrics - الكلمات
Lyrics :
يوم ميلادي
  يوم ما للدنيا انا جيت
اول علاقتي بيك روحك مابيني وبينك حيط
حسيت بوجودك استغربت اتلخبطت اتشديت
قلبي نبض اول نبضه وبعلو الصوت بكيت
اول ما شيلتني الدنيا ضحكت ليا
ربي حبني ورزقني منه بأغلي هدية
سرحت فيك ساعات
فيا ليك كتير حاجات
مش شايف فيا حلو غير جميلك في الصفات
ولما رجولي شالتني فجأة اتمليت شتات
مخلوط هموم ظهر في عيني من اللي جاي و م اللي فات
يمكن عشان حسيت بأني راجل ولازم اثور
عيل صغير كبر بلغ هيقوم يعدي بحور
مش شايف شط يرشدني لآخر البصر مفيش امل
لقيتك انت بتنصحني وترشدني وتبقالي المثل
ربي حماني واتولاني برحمته مفيش جدل
بعد ما تأكدت سككي اتقفلت واتسدت والباب قفل
يارب يا كريم
اهديني وقويني ووفقني افضل طوعه علي الشيء السليم
عارف اني مش مثالي بس طمعان
ف كرمه يخليني في احسن احوالي
و وعد يا جبار هحاول اكونله ابن بار
واطيع كل اوامره حتي لو هبات ف النار 
كل يوم بيعدي اشوفني فيه بكبر
بتفاجيء ان صفاتك تظهر فيا اكتر واكتر
ابتسامتك ضحكتك المشيه وحتي تكشيرتك
حتي نومتي وانا ساند دراعي دي نسخه من نومتك 
صدقني بس في وجودك الدنيا فارقه معايا
قلبي كان هيكون حجر من غيرك دي مش كنايه
جلدي تخن من قسوة الدنيا ومر الحكاية
بقيت بزعل علي الشخص اللي شايفه ف المرايا 
لحد ما اترمي ف حضنك و الاقي فيك الهدايه
فتحت بطيبة قلبك كل ابواب الرحمه جوايا
لما بحضنك واحس دقة قلبي جمب قلبك
مية ف المية محبتش يا ابويا قدك 
لما بتحضر اول مرة ليا ف اي حاجه 
قلبي بيرفرف واحس بألف حاجه وحاجه 
احساس غريب لما بشوفك يا اجمل انسان
فرحان او زعلان ما هو انت مركز الحنان
خايف اعيش ف الدنيا لوحدي ملهاش امان
وبدعي ربنا يحميك ويصونك هو الرحمن 
بكتب رسالتي ليك عشان لو قدري وقته حان
ما اكيد مش ضامن عمري كل من عليها فان 
يمكن مش كل رأي ليا هو الرأي السديد
بس بحاول اعافر واواجه يمكن تصيب
متحسش ابدا اني بخالفك او بسعي اكون عنيد
طب ده انا نقطة دم واحده بس انت الوريد 
عايزك في لحظة غضبك مني ليا تقول و تعبر
وكل اللي يضايقك بسببي تفضفض ليا وتفسر
اكيد عيوبي زايده عارف بس ربي اللي ستر
مانت قولتلي بنفسك محناش ضامنين القدر 
لو نجحت انا ف يوم و شفت ده في عينيك
ف اكيد ده من تربيتك يا غالي تسلم ايديك 
بيقولو من شبه اباه فما ظلم
طب كوني بس شبهك من ربنا ده اكبر كرم
بدعيها دايما ف سجودي ما منك اتحرم
ويجعل عمري قبل عمرك يا ابو الكرم 
ساعات بسرح و بسأل نفسى و الدماغ تفكر
ياترى هفضل طوعه لحد لما أكبر 
لما الحياة تضغطني وتزود هموم عليا
فى عز هواني وضعفي هيرضي قلبك عليا 
لما المشاغل تكتر والحياه تشدني لبعيد
وتحس اني مشغول بردو انت اول حبيب 
ياما انشغلت عني وغيبت عني كتير
بس لما تعود تحضني قلبى كان بيطير 
لما تلاقينى شارد طمني وقولي بدعيلك
متقولش مش محتاجها لا عايش بكرمه وبيها 
ده انت نور عنيا في بدايتي ومنتهاها
مش بس اول معلم لا يابويا انت الحياه 
لما تلاقي رجلي ارتبطت بأسرة وبيت
لما تحس ليا حياة تانيه وكأبن انتهيت
صدقني سنة حياة مش اكتر بس ليك انتميت
ده لولا وجودك جمبي ما لكل ده بنيت 
ف الآخر اسمي مربوط بأسمك  ليوم ما اموت
بيعرّف اسمي النكره ماهو يابا انت الياقوت

اغنية يابا انت الياقوت -  yaba enta alyaqoot track رد علي "اغلي من الياقوت" احمد مكي (officialMusic)

الست دي امي

اغنية سلم على الشهدا - شيرين

زي البدل مبادئنا بنبدلها

الشاعر هشام الجخ - قصيدة وفاة امي

تذكرتى رايح جاى

خالد سليم - وحشني يا طيب

كل الحاجات الضايعه ليه اتعلقنا بيها
مش كل حاجه نفسنا فيها نلقيها
بنهوي ليه نعذب روحنا
والله فرق كبير مابين بنحب حاجه
وبين حبة وجع بندمنو بسذاجه
موقفو فى مطرحنا
يظهر عذاب الحب الله استحلناه
ومفرقين روحنا في مليون اتجاه
والي بيبكي علينا قصدنا
ومش شيفينه بعنينا
وبنبكي علي الي راح
محدش مرتاح

تذكرتى رايح جاى

Ahmed sorour

Recent comments

AL khawaga

MahMøud EL Sheko

Related tracks