The Upload

E7na - Tamer Badr || احنا - تامر بدر

Bayot - Tamer Badr || بيوت - تامر بدر

الـــكـــلـــمـــات

الموت كان أرحملها ، من لحظة وصول أمها
بتجرى عـلى المستشفى أول مرة تخاف تبقى فى حضنها
الأم للدكتو: طمننى أرجوك ، بنتى فى خطر ؟
رد وعينه فى الأرض "المغتصبة هربت ملهاش أثر"
النور بدأ يغيب ، الأعصاب بتسيب
أم بتنهار ومشاهد حياة بنتها بتغيم بالتدريج
نبض القلب بطيئ ، عرق مغطى الشفتين البيض
ثم سقوط جثة الأم أسرع من رد فعل أى طبيب
وتمر أربع شهور ، باب البنت عليها مقفول
ومابتنامش ومابتاكلش ومبيدخلش أوضتها نور
وده حالها لحد وصول ، مُحضر مـ المحكمة بيقول
جلسة نُطق الحكم على الجناة بعد تمنتاشر يوم
يمكن لو كان عليها ، ماكانتش تشيلها يوم رجليها
للفضيحة وسط القاعة لما ينادوا المجنى عليها
لكن موت أمها ، وصلها ، إن الإنتقام آخر أمل
للأم علشان ترتاح داخل قبرها
__________________________

وتبدأ النيابة فى رثاء الفتاة المنكوبة
وتوجه التهم بـ أدلة وتطلب أقصى عقوبة
فتكسر وحدة صوت النيابة صرخة خوف
متهم ورا القضبان لما حس قرب الموت
قال لأ ، موتى وموته ماسموش عدل
متهمين الجلسة لسه أغلبهم بره الكدر
فى اللى سرق ، نهب ، تهمه ما ليها عدد
أنا جريمتى أذية بنت ، هو جريمته أذية بلد
إحنا مجرمين ، هما خلقوا بيئة مجرمين
قاطع كلامه القاضى بـ: حدد الإتهام لـ مين ؟
أحدد أيه ؟ ولو حددت الإستفادة ايه ؟
أنا يا بيه ، أهلى صرفوا على تعليمى آخر جنية
وبعد بكالريوس تجارة ، فرد أمن فى حوش عمارة
أتهان استحمل إبن كل باشا لـ يشتكينى لـ بابا
اخرتها مُقابل فيزا زور بيعت أمى دهبها
فـ المركب غرقت بينا ، مين يا باشا اللى مغرقها ؟
_____________________________

بعد الإستراحة رجع كل شخص مكانه
وجه القاضى التهمة وسأل التانى ايه أقواله
قاله أنا أتعرفت على المتهم الأول على المركبة
اللى كانت وخدانى لحلم حرام تحلم بـ رُبعه هنا
فجأة على الموج ، كل واحد خد فـ إيده طوق
من كل اللى كانوا على المركب أنجى أنا وهو من الموت
سبحان الله ، كإن الواحد ساب الموت وراه
علشان يرجع يقابله هنا ، اللهم لا إعتراض
القاضى قاطعه "يابنى ركز على صميم الواقعة"
رد "من ساعة ما رجعنا بيتاوينا أى مطرح"
علشان هو قال رجوعه لأهله شيئ محال
سابهم يفتكروه مرتاح ، أصبح هم وعنهم إنزاح
وأنا كده كده ، لا أب ، لا أم ، تربية الأرصفة
أكل عيشى من التسول ، طاقمى ده لابسه صيف وشتا
وفى يوم شاربين ساعة فجرية حصلت الجريمة
مش بقول إنى بريئ ، لكن ظروفى مش بريئة

El Joker - Azmet Mogtama3 l تحميل اغنية الجوكر - أزمة مجتمع

Show Love

Ahmed Kamel - Godzee Yakuza - حبيبتى

كان يا ما كان كنت نفسي اعيش إنسان
(مبسوط )
سارح ف الملكوت جوايا رغبه ف اني اعيش 
(او اموت)
زاهد الحياه .. فاقد الإحساس و الرغبه
شاهد علي ضياع .. خدت الف ضربه قاضيه


شايفك نفسك فين بعد خمس سنين من دلوقت
ايه عملت ايه بنيت ايه حصدت ايه حققت
.. في العشرينات غالبا؟ بتحب الكوره شكلك
علاقتك ايه بقرايبك او علاقتك ايه ب اهلك

شغال؟ يمكن .. بتدخن ولا لآا؟
بتحب الاكل طبعا ولا اكتر بتحب القهوه
بتعمل ايه لربنا .. مش قصدي صوم و صلا
مثلا بتدعي او بتناجي او بترضي بقضا

اصلي شبهك .. ماليش انجاز اتحقق الي الان
.. بشغل الاغاني و بطفي دايما عل اذان
ماليش ف قصة اني اقوم اصلي الفرض بفرضه
اروح برجلي لموتي و ارجع اندب تاني برضه

.. تعالي نحسب .. خسرنا اد ايه
العمر عمال يجري واحنا زي المسمار ليه
مجاش عليك ساعات وقولت اشطه منا تمام
بلبس حلو باكل حلو شغال حلو بخسر ليه؟

.. خربنا الدنيا جدا .. عملنا كل حاجه
عايشين الحرب دايره واحنا دماغنا ف التلاجه
اقولك حاجه .. انا مش عاوز اي مسؤوليه
عاوز كاس واخد صاحبتي نعيش ف جزيره انا و هي

بس صعب .. الحياه مش ممكن تبقي
انبساط و بس لازم فيها الصعب ياخد حته
.. بالذات اننا اوغاد و اترمينا ف دوله وسخه
ولا قادرين علي الحرام ولا قادرين نسرح بسبحه

يوم ما نتحاكم بالعدل مش هنلقي حد يشيلنا ..
... فا لحد الان الستر رحمه تنجي وتثبتنا ..
 كم المواقف اللي كان الموت محتوم  وعيشنا ..
الحقيقه انه مش شطاره وفكر وفطنه و حكمه

الحقيقه كان ده الستر ... الحقيقه كان اجر
قطه يوم سقيتها وانت ماشي ف ايدك جوب الفجر
ليك رصيد يشيل بلاء .. ليك دماغ وفيك ذكاء
بص فوق وانت تعرف مين خالقنا احرار سواء..
________________________
كان يا ما كان كنت نفسي اعيش إنسان
(مبسوط )
سارح ف الملكوت جوايا رغبه ف اني اعيش 
(او اموت)
زاهد الحياه .. فاقد الإحساس و الرغبه
شاهد علي ضياع .. خدت الف ضربه قاضيه

مش هنبقي احسن لما نعيش بصوت دماغنا ..
ادينا الحزن فينا و حالف انهة لايدغدغنا..
عادي مش هتفرق لو حزنا ف يوم ما احنا ..
لما نزعل لازم ييجي يوم ونقول فرحنا..
شااااهد يا طريقي اني عايش كالجماد ..
ربي لو سامعني زيح الحزن من الفؤاد ..
شاااهد اني برجع لما دايما ابقي وحدي ..
دايما بلقي نورك بلقي ايدك لامسه قلبي .
__________________________



 .... مش هتغلب لما تفكر ليه ده حالك
ليه مستحمل المعلش وليه بتكتم رد مالك
اسرق ازني اضرب اعمل ما بدالك..
بس خلي بالك .. استعد لما الفقر والخرا يدقو بابك

.. هتعيش مبسوط ؟ .. بنين ومال و قوت؟
هتاخد ايه من كل الوهم دوت لما تموت؟
فكر ف الدنيا و ايه سبب وجودها عادي 
مش هتلحد لو وجهت فكرك يسرح ف النحيادي

فكرك يعني هنفضل كده?  .. عايشين ككبش فدا؟
لشيطان ونفس اماره ودماغ مش متركبه ..
...تعالي نجرب نبدا الطريق انا وانت و هنا 
يمكن كل شئ يتحل لما نقرب من ربنا..

الحزن مسيره رايح .. و الفرح مسيره رايح 
....انازيي زيك برضه بكره النصايح
بس انا مش واعظ ولا ملاك ولا حتي نبي
انا حد بعد سنين بهدله اكتشف انه غبي

Nagy Mousa _ عشريناتي

ايدي ف ايدك .. نعدي كل شئ مر ف تعافينا
مش شرط احنا منين ولا ولاد مين ولا من جينا
مش فارقه ايه الديانه ولا فارقه احنا ايه اسامينا
اهم شئ ايماننا ان احنا قوتنا ف بعضينا

كنا مهما كنا المهم ان احنا قولنا
ان الرابطنا اللي بتربطنا مش هتفكك لو كنا
ايد ف ايد ولينا قوه اعظم مننا بتحكمنا
و ان وجودنا جمب بعض كان اكبر عامل لصمودنا

اللي مجمعنا  هدف .. تبطيلنا بيه مربوط
ان احنا كل يوم ف معجزات مالهاش حدود
عن نفسي .. معجزتي .. ف اني مبطل موجود
وانا موجود عشان لقيت مابينكو حب غير مشروط

...ايا كانت تجاربك ايا كنت مين
ايا كات حياتك كانت ص او كانت سين
كنت شيخ او قس او لو كان مالكش دين
ف اهلا دايما بيك ف المدمنين المجهولين

____________________

احنا انهارده جينا ... بنساند بعضينا 
مرحب بيك وسطينا .. انت احلي مافينا

عاوزين نشوفك تاني ... وجودك ليه معاني
عشانك او عشاني ... مش كلام اغاني ... 
____________________

فاكر  ... لما ضاقت بينا ف وقت الحرب
ملقناش غير الدعوه بعلو صوت نقول يارب
مالناش غير رحمتك ف بترجاك تفك الكرب
قالو فيه تبطيل ف الشرق مرضي حدفني لأقصي الغرب

 .. عشان دعينا من قلوبنا ربنا استجاب
  فتح ف وشوشنا الف سكه و الف طريق و باب
علمنا ازاي نقدر نعيش ونفهم الحياه
علمنا ازاي نكون ليس لدينا ما نخشاه

..... احنا المعجزات الحيه 
احنا المعجزات الفايته المعجزات الجايه
احنا المنتجين المسؤولين عن واي حياتنا
احنا القصه الحلوه اللي تتحكي لولادنا

 ... احنا الامانه و احنا النيه 
احنا اللي قدرنا نعيش و نحب غيرنا بمسؤوليه
احنا اللي عرفنا نعيش ونلغي اسلوب الانانيه
احنا بالنسبالنه ان التعافي ف يومنا كان هديه

___________________

احنا انهارده جينا ... بنساند بعضينا 
مرحب بيك وسطينا .. انت احلي مافينا

عاوزين نشوفك تاني ... وجودك ليه معاني
عشانك او عشاني ... مش كلام اغاني ... 
____________________

اهلا بيك وسطينا اي وقت 
سواء كنت عضو جديد او منتكس و ربنا جابك وسطينا تاني
لازم تبقي عارف ان احنا ضُعاف جدا لوحدنا
احنا قوتنا ف لمتنا و ف وجودنا جمب بعض
المدمنين المجهولين دايما فاتحه بابها ليك وليا
ولكل حد شايف ان فعلا عنده مشكله محتاجه تتحل
اهلا بيك وسطينا
احنا عيلتك 
اهلا بيك ف المدمنين المجهولين

___________________

احنا انهارده جينا ... بنساند بعضينا 
مرحب بيك وسطينا .. انت احلي مافينا

عاوزين نشوفك تاني ... وجودك ليه معاني
عشانك او عشاني ... مش كلام اغاني ... 
____________________

Nagy Mousa Ft. Aya Attya _ Quetna Fe Lammetna

... سيبنا كل اللي بيإلمنا ياخد راحته...
..  عاتبنا صاحب الحق ولومنا فيه صراحته
.. مشينا ف كل سكه اتحذرنا منها
واحنا سيبنا الناس تهيننا و روحنا لناس تانيين نهينها

علي قد ايدنا كل من ضمنا وجوده
زودنا و اتمادينا ف كل من ضمنا سكوته
.. وسيبنا ناس تانيين علي قد أيديهم احنا
يهمشو ف صورتنا و ف النهايه نقول عادي سامحنا

سامحنا ايه وسامحنا مين و وليه اتنازلنا
.. لما اتوجعنا ليه قعدنا وليه سكتنا
و ليه بنزعل لما بيركبونا و يدلدلو 
و ليه بنشوط ف غيرهم واستنينا يتحملو

.. من الاخر احنا اوسخ حد عشنا معاه
.. بنشوط بالرجل ف اي حد نضيف نلقاه
اخرنا نبكي عللي راحو عشان هما اللي سابه
ولما نلقي حد شارينا احنا اللي بنختار ننساه


احنا اللي بنختار
شكل طريق المشوار
احنا اللي ادينا الناس 
روحنا بروحنا 

كنت فاكر ان عملك مش هيصيبك
وانك هترضي ب اللي ف ايدك لو مش من نصيبك
كنت فاكر ان البنت اللي انت ضحكت عليها
ب اسم الحب عشان تستنزف منها مش هتيجي غيرها تهينك

.. لا هتشوف ده قطر وداير ف اتجاهنا
مش عشان هنركب فيه لا ده هيفرم اللي جابنا
تعالي نطلع من دور الضحيه شويه عشان
افعالنا مسيرها تشوفها رده فينا بتلف و جايه جايه

فكك من شكل ياعيني عليا وعلي اللي جابني
اهلي قسيو قريبي نسيو حبيبتي مشيت صاحبي سابني
... ما احنا و عهد الله نستاهل كل شر 
... مافيش رجوع مافيش ملف مافيش مفر

امتهنا كسر النفس واحترفنا حرق القلب
احنا كلنا ف قصة حياتهم عالم اولاد كلب
.. كسرنا قلبه او استنزفناه بجد
حقيقي كل اللي احنا فيه ده ذنب حد



احنا اللي بنختار
شكل طريق المشوار
احنا اللي ادينا الناس 
روحنا بروحنا

Nagy Mousa _ قطر

مهرجان انا الشبعان غناء عادل تامر كلمات عبالله بيكو توزيع كريم المهدى

اعرااض انسحاب /   Ahmed Teme A3rad ens7ab

Sia - Out There ft. Hans Zimmer

/-

Lyrics & Rapper : Taha Mo3gzaaa
Beat : Free Beats DB
__

Verse 1 :

كان دخان ف أوضة ضلمة ، و قلب مليان بحكايات
من صغر سنّى ، يزورنى همى و مكنش بينا مَعاد
الدنيا بتدمر بيوتى و لسه بعافر لسه ببنى
أبويا قالى بلاش تسألنى ، عايزك أحسن منى يا بنى ! 

طفل برئ يمكن كئيب و ميزته ف " همه " مصدر دخله 
كانت دموعه ساكنه خده و حكمة الله تاه فى خلقه :) 
زيك زيهم ، مش منهم ؟ قول أنا قدهم !
صرخ و هو بيقلهم : أنا مستحيل أكون إبنكم ! 
-
كنت بنهُج طول الوقت بجرى و انا مستعجل
مع أول مره ركبنا عّجل بصينا لقدام نتتكعبل
كانت شبه كتير علاقتى ، فاتح بابى من غبائى
مع إن الحب بجد مصدفنيش غير فى إبتدائى

كل محاولاتى فاشلة بحاول أعوم ألقينى بغرق
مشنق - خربت لما بنتى سابتنى ف أول مفرق :)
عايش بجناح مكسور ، قلبِ وُرد فى أرض بور
و لما نصيبى يدوُر ، مش نفس الجبهة يبقى غور
__

Verse2 :

مع كل طريق سلكته " طفل" بعدى و قلبي ع إيديا
قابلت حروب كتير ، لكنى هربت بأخر نفس فيا 
الحب بالمقاسات ، في سوق العشق ملقتش قدى
سألونى عنك ، قولت : " مسيرها تيجي لحد عندى "

قالو الحب قوىّ ، الدنيا طريق محتاج رفيق
قولت الطيبه ضعف مكنش حبيب و لا بات صديق
إنت معقّد ، و متقولش ليه العيب كان فإختيارك
بكره تأمن إن العيب ف عينك لما الموت يصبح قرارك
--
لسه العدد مكملش ، ناقصلى وجع ع المليون
ده سِن الهم قصيدة عُمرى ، محقنش كبت ، كان هرمون 
الغُلب كان تاريخ و الحُزن كان أسلوب حياة
و ال وعدنى اكون معه و كان لى نجم بكون سماه

بظهر فى الصور ألوان ، زوم ع قلبى أبيض و أسود
العلاقات كلها أفلام مش نافع نسلك نبقى نحود
ضحك لما أتاكد إن الدنيا سودا كأنه إنتصر
قال بصراحه " أنا مرمط قلبى وسط عالم غجر D: "
_

Verse 3 :

و اهو ضحك لما إتاكد إن الدنيا سودا كأنه إنتصر
قال بصراحه " أنا مرمط قلبى وسط عالم غجر"
و أخرها إتكسر - وشى الازاز و بانت خيبتى
كبرت حية فى حضنى و لما توهت قولت بنتى

يا بنت الناس أنا قلبى مصنوع من الفولاز
لما صومت سنين عن حبك ، كان سباق فا البعد فاز 
معجزتى ف عقلى دهب لكن قلبي صدي كأنه صاج
كأن قُرب الوحدة صاحب من تُقل الهموم طفاك
--
و أنا مش باقيلى ، غير حضن الوحدة يستوعبنى
فا بلاش ندور ع بعض ، أنا لو بحبك إبقي إقتلنى
ما قانون الحب مكنش عدل ، الملك كان محاصر
فا " انا مش هصدق وعد حد إتقالى بعد ١٢ " 

انا همى فيل، حمل شايلُ فوق ظهرى و بجرى بيه
ضحك الغريب ، قوى جسمى بذمة و قلبى كان عنيد
ميهمنيش ، أنا الأرض متشلنيش
شايفهم كلهم من الشيش ، و جوا أوضتى مش بعيش

__


و مسيرها تيجى لحد عندى !!

فاشل - Taha Mo3gzaaa - Loser

كل مره ببقي لوحدي ببقي حاسس اني ف نعمه
 وشوشي لما بتظهر عادي بفرح احنا رجعنا 
بنحكي لينا لحالنا اه و مافيش مخلوق سامعنا
انا والميت شخصيه والاوضه اكيد هتسعنا


 مبنستحيش من اي حاجه ومرتاحين
بننام سايبين الدنيا مش من الدنيا متسابين 
ولما نحب نشوف الحلو فينا بننادي الشخصيه 
 العاقله فينا و ننقعد نسمع منها كلمتين

 احسن ما يبقو مستخبيين جوايا
والبسهم فوقهم وشوش عشان مايظهوش معايا
الدنيا بره ويا الناس بيجبروني إني أكون حد أصلا مختلف عن إللي ف المرايا

 .. وده مجهود بايخ لأبعد الحدود
إني اخبي حته فيا يعتبر طريق مسدود
. ياما أكون متكرر.. وسط الباقيين معدود.
. ياما أكون زيهم أو أكون ما ليش وجود

حتي لو هعيش وحيد فالوحده اجدع من عشرتهم
الزيف مالوش رجلين فالبعد اريح من حقيقتهم
فالاوضه لو هتلم الميت شخصيه انا حاببهم 
حتي لو بالف وش علي الاقل مش بنكرهم

الناس علي العموم ماليش عمار مابيني وبينهم
بحس اني في امان لو قبل اما اتساب اسيبهم
من الاخر مش حاببهم .. و برضه مش كارههم
انا و الميت شخصيه فاهميني عشان فاهمهم


 حقيقي انا معرفش انا بتكلم عن مين 
انا كل الناس ف عيني هما هما متساويين
اعزائي المستمعين .. انتو اصلا ميتين
ادعاءكو ده مخليكو جثث ماشيه مش عايشين


 علي الاقل أنا متصالح مع حالي
عارف وشوشي وعارف أمتي كل وش جالي
عارف عيوبي وعارف إني اكيد إنسان  غلاط
عارف دماغي وعارف أمتي بتضرب ف الخلاط

 علي الاقل عارف إني مش لحد قدوه
علي الاقل عارف إني إنسان محدود القدره
علي الاقل فاهم إني مش احسنكو يعني
علي الاقل فاهم إني برقد للي وجعني



 أسف يا ملايكه... أنا الشيطان
بس ف مركبكو الغارقه مش أنا القبطان
حتي المؤذي إللي فيا بيصون إللي صان
أسف يا ارض... أسف يا حيطان

أنا المزيكا بتداويني آكتر من الدكاتره
فا لما بكتب بنسي.. عالم عايشين وفاكره
إن الوشوش دي هتخليهم قابلين بعض
 ممكن ده يبقي الظاهر بس من جواهم صعب


...فالوحده للاسف اوقات بتكون الحل 
حب الناس لما تعاشرهم تلقاه يوم عن يوم ده قل
فاخد نفسي - وارجع تآني لوحدي ف نعمه
انا و الميت شخصيه و الاوضه اكيد هتسعنا

حتي لو هعيش وحيد فالوحده اجدع من عشرتهم
الزيف مالوش رجلين فالبعد اريح من حقيقتهم
فالاوضه لو هتلم الميت شخصيه انا حاببهم 
حتي لو بالف وش علي الاقل مش بنكرهم

الناس علي العموم ماليش عمار مابيني وبينهم
بحس اني في امان لو قبل اما اتساب اسيبهم
من الاخر مش حاببهم .. و برضه مش كارههم
انا و الميت شخصيه فاهميني عشان فاهمهم

100 شخصيه - Nagy Mousa

امى عايشه || تامر بدر

اختلافي دايما هو هدفي  
و ده مش فالمزيكا بس و يشرفني ان في عدد قليل من الناس بتسمعني بس كل اللي سمعني او عرفني على المستوى الشخصي و متازاش مني عارفو اتاكد اني غير اي شخص اخر بس الغرور مش صفه فيا بس الثقه حاجه مزروعه جوايا 
و اوعدكم اني هتعب بجد اوي و هركو فاللي جي اكتر و اكتر عشان اطلع مزيكا بشكل مبهر يفرح اللي متابعني انو كان من العدد القليل اللي بيسمعني و كل شخص شاف الكلام ده اكيد مشفهوش بالصدفه هوا شافو عشان هوا جزء من دايرة مستعيني او ديرة حياتي و ده شرف و فخر ليا حتى لو انتو كا عدد قليل بس كا مقام كبير جدا عندي انا مش زي الاخرين 
اسبكو تسمعو و اكيد هتلاقي تراك او اتنين تندمجو معاه و تلاقي قريب لقلبك او لشخصيتك و اللي يلاقي ده فعلا يحاول يفدني بطريقته لو حابب ان تيمي يكونفي مكان تاني او شايف ان تيمي يستاهل مكانه افضل من هنا 
طولت عليكو بس انا اول مره اتكلم كده 
<3 #TeMe_Ya_FaGr <3

اعرااض انسحاب / Ahmed Teme A3rad ens7ab

Ahmed Teme

Recent comments

Hassan Ali

Nadia Youssef

Mohamed Elmor

Nader El Kardawy

Related tracks