قصيدة: في رواية أخري

قصيدة: عمر تاني..
كلمات والقاء : أحمد ترك
شعر بالعامية

لسا فاكرها منسيتهاش
والي كنت مستنيه طول عمري فاتني وانا مستنيه كانه لسا مجاش
لسا فاكر زمان وحضن خالي ولمة العيله 
لسا فاكر قلبي الي مكنش قد الشيله وكان بيموت بس عاش
فاكر الي قالي جرب وفاكر الي قال بلاش
الي جه بالغالي برضه راح بلاش
السعاده بشوفها مبعيشهاش
غلطاتي كل يوم بدفع تمناها كاش وكانه بالتقسيط
مين عبيط... اشتري حاجه مره ودفع تمنها ألف مره وبرضه مجبهاش
ماشي علي رجلي وحبيبتي راكبه تاكس قالوا عني فاشل علشان ملحقتهاش
ومشوا وسابوني وحيد
نفسي ولو مره اشوفني سعيد
كل يوم نفس الملل نفس الخلل نفس العلل 
كل يوم بالحزن..  كان كل شي ساكت.. وكان الحروف ماتت.. وكان دموعي شابت.. يا قلبي ي الصافي  اسف علي سنين فاتت م العمر وانا مكاني.. وكان ليا عمر تاني وليه الفرحه كارهاني! 
والفرقه هيا الي عاشقاني وليه كل ما اتعلق بحاجه واطمن الاقيها سايباني!
يا قلبي يا مغلوب سايبني لي للبحر وللميه شايلاني 
والموجه بالمقلوب ترفع أنيني لفوق وتسيبني أنزل حر
وحبيبي لما طلعت ملقتوش ع البر 
لفيت بلاد العالم علي جواب والسر هوا السر 
تايه وبتبكي لي نجوم سمايا مش عارف
مطفيه هيا ومش لاقي طريق هُدايا
خايف م السعاده وهما مش معايا
طريق طويل الليل سكوت ومحدش ويايا 
شويه اقرب م الطريق
 ومن تاني ابقي بعيد 
نفسي ولو مره اشوفني سعيد
خدتني الدنيا ف دوامه للنور مش لاقي علامه بحلم بحمدالله ع السلامه واصحي علي صوت الملامه انا مش سبب في غياب الابتسامه
الصبر خلاص خلص مني بدور علي حد يكملني ياخد من طيني ويبنيني ويجبلي باب...
                                 ويقفلني

Ahmed Tork