Tbayon : Ahmed Wahba ft. Lord | تباين : أحمد وهبه و لورد

Lyrics : Ahmed Wahba
fb.com/A.Wahba
        ---------- 
Mix & Master : Omar Mohammed
fb.com/3ammOmar
        ---------- 
Beat : Free Beat -Dansonn Beats-

---------------------
Lyrics :-

الاستماع بيفرق لما بتتبعه استفادة 
اما كتر الشوف بتجمع منه معلومات زيادة 
الصورة ممكن تبقى عبرة بس غيرها اوضح 
لما بنظرة تكون منها فكرة من اللي فاتت اسرع
طول ف كل نظرة لحاجة عينك جت عليها 
ما هي لو كانت مش مهمة تلقائيا هتعديها 
بريئة او مخيفة باختلاف حكمك عليها
صدقني هتصنع لك كيان غيرك عليه يشيلك 
اسطورة او رواية ، ف كل حادثة آية 
القراية مش هتضيع وقت مادامت ليها غاية 
نصيحة من باليرينا رسمت للنجاة سفينة 
لو وقعت عشان كتر الكلام حاول ترجع لدينك 
مش بالمظاهر ده اللي طاهر بادي من صميمه 
لو اقتنعت بمضمون الايمان فمستحيل تهينه 
من احساسك بالمحتوى لسماعك حكم الهوى
مش مضر 
لما يكون وسيلة ترقى بيها عن عوام هنا
على اختلاف مستوى طيب الكلمة جعلها دوا 
الوردة للي فيها امومة اجمل من شهوة امة
الشيطان اذاك ؟؟ لا كنت عامل اكتفاء 
تموت جواك بعملك و تقوم راجع للحياة 
عتابي على ذنوب قضيتها مش هقلل منها 
لو رجعت بيا زمني تاني هتلاقيني بعيدها 
يعني كانت عن آخرها فعلا لو عوزت تقاومها 
فشوف مدى اقتناعك بيها و انت بترتكبها
على ذكر تباين واضح اغلب بين مواقف سابقة 
فاكرة لما كنتي اقرب .. لما كنت عليا ابقى 
غزالة هادية صبحت واحدة واحدة زي العامة 
و لو بتسمع مني نقدي يعني وارد تبقى فاهمة 
خسارة .. ماكانش شعور كانت جايز اشارة 
عشان اعصر دماغي بقلمي و احاول ابتكارك 
تأثرا بأجنبي اخترع فارس ظلامك 
باختيار لقب مهرج فيلسوف لجعله هالة 
استحالة .. كتابتي تكون لعقم الاستمالة 
لكن تبعا للي وارد نقلا عن تأريخ شواهد
بعد اصابة الحضارة من ضعافهم بالهشاشة 
حبيت اسلط كلامي نحية #تأثير_لفراشة !

انتعاشة ؟؟ انت نفسك مفتقد حس انتعاشك !
موهوب و مرمي راضي مالي وشك البشاشة
اكدب (اكتب) و ماتصدقش علشان لما يجي وقت 
و تظهر للقالوا انك أققل -كيان- ما تتهزمش 
اقتبست و اتكتبت و عدت مرات اتسرقت 
بس السرقة مني دالة ع المهارة ف وصف كبت 
سألت من فهم كلامي .. فهمته باي جنب ؟؟
-بس لغاية وقت حاضر ..
شكل سؤالي ماتسمعش
تعايش المعارف .. عن اختلاف #مكارم .. 
كفرق طوب الارض عن نوادر الجواهر
و كانت بشرى سارة لكونك كنتي جنبي جارة 
برغم ضمك للوسط و بعد منك الغزالة

هدوء يسود خلاف يقوم بجنب حضرة الذنوب 
خلسة عن عنين الكل بعكس منبعي المعلوم
الذنب وصفه كان مرفوض لكونك ابن كان مقبول 
مش لكونك صح بس لكون سلطانك كان غفور !

Ahmed Wahba - Asr Ebreez

Listen to Qarar Aqeem " Live " on : 
https://m.soundcloud.com/3ammomar/qarar-aqeem

----------------

Lyrics : Ahmed Wahba
fb.com/A.Wahba

Beat : Omar Khaled
fb.com/omar.ossman.1

Mix & Master : Omar Mohammed
fb.com/3ammOmar

---------------

Chorus :
القرار عقيم لما قولت انك لقيتها 
لكونك فاكره كان ف محله لسعي عشان ايجاد الفكرة 
ازاي هي ذات الدين مع انها من المنقادين
بعد محاولة فصلك ليها عنهم راجعة تذم فيك 

Verse1 :
كفاية كدب عنها 
انت عارف ، هي عارفة
ان القصة بينكوا مابتديتش
عشان تروح تدعيلها 
لو هي بالنسبة لك شيء فده مجرد بديل 
ف مخيلتك انت بنيته على اطلال لحب قديم 

Verse2 :
ست سنين ف صمت خرجت عنه بعض الوقت 
بس منين ما انا اتعرضت من العوام انا اترفضت 
باستثناء مقدرين بقوا بعدين مقربين 
زي صديق مش هذكر اسمه لكونه عارف هو مين 
لما الرفض يزيد الانطواء معاه يزيد بدوره 
لكن لما بتنتج يطلبوك فيزيد جواك غرورك 
ارجع للمستخار استغفره و استخيره 
جايز الخير مش من نصيبك درب تلاقيك ماشي غيره

Verse3 :
حب الامتلاك ده غلطة 
نقصه ينج جلطة 
اما حب الشيء لذاته حاجة نادرة 
و عكسه مازال مغالطة
أنا بعرض الحقيقة غيري بيزيف حقيقة 
علشان شاف غيبوبة فكر تم تجسيدها ف شريحة
قيمة الدقيقة ف نظرك هتحسها كانت كبيرة 
لما تعدى و انت قاعد مستني حاجة مش هتجيلك
اتساع معرفتك يبقى لفهمك انت احسن وسيلة 
لاستيعاب كلام عموما حتى فكرته لو تقيلة

Verse4 :
الجمرة الخبيثة انت تشبيهي فيها حاجات كتيرة 
ايوة الخبث جمع مابينكو
لكن بعد ما تبقى مصيبة
و تفسد الخلايا ف البداية تكون اعراض حميدة 
لكن تظهر النوايا على المريض اعراض جديدة 
انت بتحبيني و للا سايبة قلبي يحب فيكي 
عقلي يشده يرجع عن كلام قراه ف تفاصيل عينيكي 
لما تيجي يفرح بيكي لو تغيبي يسأل عليكي 
هيبو جلايسيميا غير الجمرة مصاحبة 
لعدوى بيكي

Ahmed Wahba Ft. Omar Mohammed - Qarar Aqeem ( New Beat ) | أحمد وهبه و عمر محمد - قرار عقيم

Lyrics : Ahmed Wahba
Mix & Master : Omar Mohammed
Vocals : Ahmed Wahba
Beat : Free Beat " Cazar Beats " (Edited)
Cover Design : Omar Mohammed
2015 ©
-----------------
Lyrics :
أنا بسمعك ف الغالب -بس- لما يسود توتر 
لما نفس الذنب يحضر؛ لوني يميل للونك اكتر 
ما يتنافاش مع كونك بشري عاش فـ دور معقد
هجمعك بكل مثال لكل رمز زيف مصغر 

دخولك جوا قصة فيلم ما يوقفش الزمن 
استهلاك وقت الأبطال من وقتك كان مجرد تمن 
و تعدي الثانية .. تجر ساعة .. تجر وراها سنة
الدهر لا يسب ف الحديث القدسي، صدق !
هل في شهود ؟ أنا الشهود ! ...
و الصبور رآها 
كبت الشهوة الزايدة يقودك يوم بيوم لغرض شراها 
-النزاهة ؟؟ -أنا بطلت ضحك من عصر التفاهة
عصرين تزامنوا ، "كإبريزيا لم يكن ازدهراها" 
عكس عصر السينيما السافلة لما وسع انتشاره 
إسأل نفسك : هل للحق حق ف تبرير اندثاره ؟؟

الزمن التالت حل أزمة بشكل ما كانش واضح 
لكن أدى لهدنة كافية لإعادة تأهيل صناعة 
أرجوك عمم لفظها على مجالات تحت بندها 
لو مش لتجارة هتقل الإعاقة ف جسم ابنها ! 

صدقني بكذا فعل ارتكبته حفرت بنفسي قبري 
بنوة التبني غير لو كان الإبن شرعي
الخروج عن طاعة الأب شيء يحز ف نفسه جدا
ف حالتي خرجت لكن جبنا مني من ورا ضهره 

علشان بحترمه روحت بذنبي له و بعدين صارحته 
لكن كدائن جايز دوري كأب ده مش ف صالحه

لا تدين كي لا تدان و الأب يطبع نفسه ف ابنه
اما المتجاهل  ف دينه شفيعه مش هيبقى جهله

لما يعمل اليهودي امكانية "لا اعجاب" 
عايزك تستخدمها ضدي لو حسيتها ف الحساب 
الحساب ما بينا نسبي بإختلاف عزم الحصان 
انت حاسبها بموقع و أنا بحاول اخرج للحياة 

اسلبي ذكراكي مني انت و كل شبيهة عندي 
و انا هستمر ف التباهي بخاتم كان مصدي
خاتم زي العملة النادرة له وجهين "كحد أدنى"
حكم بكلامه مرة .. و حكم مختلف قصادها
نفسي هي نفس نفسي بغير محاولة للتقصي
فصعب اكون فاروق ف عدل او تغيير ف  نمط شخصي
انا بعمل مني اسم تاني بنفس نطق اسمي 
أتمنى من اني ابقى عند حسن ظني

الوحش و الجميلة حتى لو من نفس الطينة 
اختلفوا من الملامح و لغاية وصف السريرة 
الفكرة فـ كونه طفل مابيكبرش ضعيف صميمه  
فالبنت رحلت عن ارض الأحلام ... بقت كبيرة !

النظام الفاشي يفضل ماشي على نفس الوتيرة 
طول ما التغيير الفعلي ماطالش غير فنون رخصية 
السياسة مش لعبتي لكن الكورة من ملعبي 
انا نقد لفرد اتركب من مركوب روتينه غبي 
فوضى النظام ع العموم لو انكرتها هتبقى ..
متناسي او متغاضي عن فراغ .. و مش هتملا

إزاي استنى فيها لما بشوف حقيقتها منها ؟؟؟
! كان جايز معاكي حق لما قولتي ف يوم هسيبها



Ahmed Wahba - Cinema'ey

Lyrics,Vocals and Chorus : Ahmed Wahba
fb.com/A.Wahba
Mix & Master : Omar Hamaki
fb.com/OmarLHamaki
Beat : Free Beat " Shuka4Beats "
https://youtu.be/8cJGfV8iF60
Cover Design : Omar Hamaki
2016 ©

أنا بره الحسبة فـ المقارنة 
انا مش مادة عرض و للا
مجرد فيديو للتعاطف 
يبني وجوده صرح 
لا انا أكبر من ضعف 
ممكن يبقى واضح 
على الصبر 
كل ما ف الامر 
صمتي عشان مافيش 
ما يناسب رد 

أنا آسف يا ابني عشان 
ماكنش عندي نية ردع 
كل الافعال المحيطة 
كانت قلة اصل 
أنا عاجز! ... مقتص 
بحاول أعبر بالكتابة 
و عارف ان نقدي فيا 
مش هيغير أي حاجة 

لو جواك حاجة للظهور 
دي عقدة نقص باينة 
بتخالف لجل ما تعرف 
على لسانك المعايرة 
بدل الاسلوب المايع 
اللي انت اتبعته جازف 
جايز تلفت نظر فعلا 
فتنازع علشان مش خايف

أنا تكرار لكل صوت اختار يجادل التحريف 
أنا انعكاس لصورة طفل فاقد التعبير 
نداء لـ مجلس "اللاشيء" الأعلى المتحدين 
الإدانة مش هتحيي الانسانية من جديد!

دي مش بداية و لا نهاية 
ده منتصف منعطف 
كل العرب واقفين ف حيزه
و غاضين الطرف
ف العالم انتوا اخترتوا 
يبقى دوركوا دور البقر  
سرب الضباع يتكاتر
ع الضعيف فتقولوا القدر 

متعاطف مع موقفه و حالته 
و موقفي بيتضاعف 
مهزوم و نظرة غضبي شملت 
كل من تحالف...
لضرب اعور على عين سليمة 
عشان يصيبه العمى
و كأن بفقد بصره باقي حواسه هتنعدم!


أنا تكرار لكل صوت اختار يجادل التحريف 
أنا انعكاس لصورة طفل فاقد التعبير 
نداء لـ مجلس "اللاشيء" الأعلى المتحدين 
الإدانة مش هتحيي الانسانية من جديد!

ملعون أبوك ككافر باسم الله عمال تنافق 
ملعونة الجنة اللي جاية بتسبقها البنادق
لو انت كنت الدين و مش مجرد فكر سافل 
ماكنتش العنصرية صبحت عندك امر ساهل 
فرق الخلاف و الاختلاف كلفظ ماكنش واضح 
ف نظر ناس بتدور على الطاعة لآمر كاذب 
ف حالة ان العقل واعي مش هيعيد ورا 
مش هيكرر امر بالنسبة حاسم متنهاه!

انا تكرار لكل صوت اختار..
!يجادل ف كلام متحرفو معاكس للتيار
لو ده قرار.. فاتكلم اكرم ما تشارك بسكوت 
من غير اعذار!


أنا تكرار لكل صوت اختار يجادل التحريف 
أنا انعكاس لصورة طفل فاقد التعبير 

الإدانة مش هتحيي الإنسانية من جديد !

Ahmed Wahba

Popular tracks