العبيط شعر |عبدالعال عبد الرحيم إلقاء| صفاء أبوصبيحة

على سبيل المجاملة شعر_ وائل فتحي_القاء|صفاء أبو صبيحة

( اتجمعوا العشاق ( الشيخ امام

كفر الشيخ الحبيبة - السعودية فى الحب

تعرف تعض طيزك وتعمل ساعه؟ - كفر الشيخ الحبيبة

مقدمة حول مفهوم الإنترفيو

عبكويم يقدم حل

الياسين 

السن..  عام ورا عام من الف عام و ل ألف عام قدام

عنواني..  مصر

الديانة.. رزق رباني

.إن كنت مسلم ولا نصراني

و الأسم..  محمود الكيلاني 

في رواية اخرى قالوا اسمي ياسين

المهنة.. شاعر مهندس بس اي كلام

الظرف..  هي البهية بنت عم حنين

مليان بهم يملا عين البحر و الايام

و فقدت نظري من غياب الشمس




خفاش بخبط في الحيطان أسمنت

عايش سنين مَرمي فِ صحاري ربنا 

الكون شِتا و الدنيا برق و رعد

واقف و باصص للسما من غير هدوم عريان

أخرس بـ اشاور من بعيد و البشر عِميان
بـ اجري بِـعِزم ما فيّا على صاحبي

أتاري صاحبي من سنين مانيكان


مُقرِئ  فقد صوته-

رسام و رَعشة غبيّة عايشة معاه

رجلين بيانو إيطالي مَبتورة

ملكة جمال صابها البَرَص
حاكم و بـ يخونه الحَرَس

-و كنيسة مش لاقية الجَرَس


و أنا لسّة بـ استنى الفُرَص

و إيديا جوّه المَصيَدة بـ تشُر دم و حِبر 
و سنين دراسة
و سنين فُراق و مُجلدات
وسنين تعاطي مُخدرات و بنات

و ميدان و كَر و فَر على إفيهات

و عملنا للموت أراجوزات

صَلِّينا في قلوب البارات
مُحرمات على دَروّشة
مُحللات على فرفشة
مُسكنات على مَحشَشَة
و سنين عَرَق على إعدامات
كَسّرت كل الإعلانات

و كتبت "يسقط النظام"

ماسقطش غيري


بعد كل الدَعك دة

و إيديا جوّه المَصيَدة بـ تشُر دم

مِسِكت إيدك قولتلك هانعيش جديد

عندي لسّة ألف إيد

رَميت بِـ نَفْسي جوّه صف عبيد

رايح محاجر شركة في الدقي

و بـدق فيّا و بـصنع الأصنام

نَصَبولي خَيَّه و رَموني عضم لـ ديب


رغم كل الدعك ده 

.إنسان 

بغضب بدون تجريح 

و صريح بعاتب

.بس بالتلميح



إسمي "الياسين" إبن السنين الهَم
و إيديا جوّه المَصيَدة بـ تشُر دم
و إنتي "البهيّة" صاحبة الموقف
إنتي إللي جايّة من بعيد بـ الشال
وراكي عسكر وسط حراميّة
من كل كوم الحرام إنتي الحلال
و إنتوا العيال بـ تخونوا بعض عشان

لُقمة حلوة و علبة الدُخان


مُقرِئ فقد صوته -

قرأ بـ عِنيه


رسام ورعشة غبية عايشة معاه
رَسَم بـ خياله مش بـ إيديه

رَسَم نِيّه


رجلين بيانو إيطالي مَبتورة

جابوله رِجل صناعيّة


ملكة جمال صابها البَرَص

نِزِل عيسى شافها و إتصَلَب تاني


حاكم و بـ يخونه الحَرَس

عادي الشعب بِـ يعاني


كنيسة مش لاقية الجَرَس
رِجِع عيسى و عَلَق الجَرَس بـ إيديه

خانوه وإتصَلَب تالت ...


قوانين القدر بتقول

ربع المحاولة بتبطل المفعول 

و بتلهم المبدع قصيدة

بتنجح الفاشل 

و تنصر الصعلوك على المسئول

قوانين القدر بتقول 

نص دعوة بتنقذ المقتول

و بتلعن القاتل 

و بتسخط الحاكم لمسخ


اسمي الياسين 

و الناس من هول الحياة "

"موتى على قيد الحياة


صديق لشابلن

و في كربلاء 

كنت انا سيف الحسين


أسمي الياسين 

فلاح من عصر مصري قديم 

لابس كوفية و جزمة سيفتي و جينس

رغم الظروف انا برضو لسة برنس

على اي قهوة في مصر بشرب شاي

صاحب حقيقة و مراقب التواريخ

ربك خلقني خلط طين بخيال


اسمي الياسين 

لعنة تمرد عايشة في الاجيال .


-محمود الكيلاني -

-الياسين "  -محمود الكيلاني

الحريف 1983
إخراج محمد خان

حدوتة الحريف

سلام الله على المجاريح
و ع الأموات في كل ضريح
سلام الله على الطيرة
اللي بـ تعافر في وش الريح
سلام الله على الأرواح
إذا نملاها بـ التباريح
سلام الله على عيل
كره لعب العيال كله
سلام الله عليه لما
نبت من كرهه ِ شـعر فصيح
سلام الله على هذا و ع التانيين
سلام الله وصلواته..
تحاوطهم لـ يوم الدين
يا أيها الولد الذي
مش لاقي كلمة توصفه\
يا من صيامه عن الحياة
خلاها رافضة تنصفه
بـ تصنفه ضمن البشر
مسخ اتوجد بلا علة واضحة
و لو إن عين الشمس فاضحة
كاشفة سره معرياه / قدام خطاه
يا أيها الولد الذي
فضحه الكلام لما انكتب
و بحثت عن أصل الوجود
ما لقيت سبب
يا من زهدت في أيقونات الفلسفة
و الفكر كان ينساب في ليلك سرمدي
كما شعر بنت من الهنود
مفرود علي الكتفين
واصل لآخر ضهرها
يا أيها الولد الذي
ظلم الهوى و الله و ضاع
و غواه هواه بالاتباع
السامري كان أذكى من كل البشر
صنع الإله
و الناس تحب تعيش عبيد
تسجد و تخلق الاقتناع
يا من وجد في العقل ثقب
حاول بـ كل ما فيه يداويه و يلزقه
لقى ألف سهم في قلب عقله بـ يخزقواو في طين غيطانه بـ يعزقوا
و يزعقوا..
و يقولوا مسه السحر و اتصاب بالجنون
نعتوه بـ كل الموبقات
كداب و ساحر و إنه مش من ضهر أبوه
قالوا دا فعل خبيث و واجب تصلبوه
اوعوا تسيبوه..
يا أيها الولد الذي
رافض لكل الممكنات
تكوينك الحالي بـ يثبت معجزات
نسبية الأشياء طبيعي تشكـك
اللفظ لو معناه مجاز لابد إنه يشتتك
إثبات حقيقة أي شئ شئ مستحيل
و لكل حق و عكسه تلقي  022دليل
يا من تعبت و مش مصدق دنيتك
الله يقين
هو الوجود و الاتجاه
هو المجاز و الاحتمال
الله حياة

سلام الله " مصعب عبد النعيم"

" أيُّها الواقفون على حافه المشرحهْ
قبل أو بعد أو مع المذبحه
سقط الغدرُ والخيانه والوْلسُ والمطوحة
والسكاكين اتعبتها الجراحْ
القرارات مطوحه
والبلاغات مطوحه
والبيانات مطوحه
والخطابات مطوحه
والمقالات مطوحه
فاخلعوا الأرديه
واتبعونى أنا أهوى العُرى والصَّرمحه
رايتى ان تضحك الملحمه
وشعارى
"النكاحْ "
دقت الساعة المرعبه
خطفته يدٌ أسْـلمتهُ إلى المفْرمَه
دقت السـاعة الحاسمه
نهضت أمُّه لملمت أعْظمه
دقت الساعة المرعبه
شـنقتهُ يدٌ حقنته فا فاق كى تشـنقه
كان فى أيديهمو شرْنقه
مزقوها ونسْـوا خالقه
حقق " العرصُ " فى الجريمةِ
ياللباطل " المتناك " من حققه ؟
دقت الساعة الحاسمه
إسمعينى فقد أخرستنى فى المولد ضجه الدروشـه
حقنتنى .. شنقتنى
حطمتنى .. جوعتنى .. شردتنى
دمرتنى لأنى صرختُ يوم الهزيمة
" الصمودَ .. الصمودْ
يا بلادى العزيمه
أنتِ لن تسـقطى تحت أقدام جيـش الكلابْ
حبّه الرمل قنبله
غير انهم سلمَّوا رملنا لليهود
فاذكرينى كما تذكرين " الطشتَ " الذى يقول " استحمى "
للبغى " اللى ياللى "
أذكرينى كما تذكرين المعَّرصَ والمتناكَ والخائنَ
والجاسوسَ والراقصه
أذكرينى إذا نسـيتنى " فهارس " الأعلامْ
وبائعو الكلامْ
ومدْمنو حبوب منع الحملْ
منع حمل السلاحْ
والوداعَ .. الوداعْ
عندما تصعدين على جثث الخائنين دوسى تمام
فهم الأن يشـنقون صغارك خلف جدار الظلامْ
بعد أن أشـعلوا النار فى البيت والمصنع والمزرعه
بل وفى حرم الجامعه
وغداً سوف يبيعون أهرامك الأربعه
مفروشة لليهود يا مدينة الالف الف عامْ
يا موطنَ الأهرامْ
تصبحين مدينةً " لأى كلامْ "
دقت الساعة الفاصله ..
سقط الغدرُ عندما ظهر الجندُ بالدروعْ
أسقطوا الاقنعه
كلّ قناعٍ كان خلفه وجه قرد
نحن لن نرقص بعد اليوم يا زمان القرودْ
يا ذيول اليهودْ
ستريكمْ عجينها الفلاَّحه
خبزت مصر كعكها الحجرى ..
والسياده منذ الآن " للفرن " و " الكانونْ "
يا حرام
غنجت لبوه تتلوى بسيارة الخول النفطى
وجاوبت الثانية
" همّه مالهم ومال السياسه ما يروحوا هيلتون "
كان مذياعُ مقهى يذيع كوكتيل نصب
من مقال لهيكل
وخطاب لعرص
وفوازير كالبعابيص تُلَبـسْ
بينما نحن فى البلـيَّه نضحك
كل ما نملك فى وجه طوفان خُطَبْ
قهقهاتُ غضبْ
غير أنَّا برغم كل جراحنا الداميه
نتغنى بغنوه ميلاد مصر الجديده
فاهتفى يا حناجر
يا حبيبتى يا مصر
إوعى إوعى الخناجر
" بصراحه " .. بوقاحه
بقباحه .. بفصاحه
قد شـبعنا كَذبْ
وشبعنا خطَبْ
والبيوضُ أصبحت بطيخ
القرارات مطوحه .. والبلاغات مطوحه
والبيانات مطوحه .. والخطابات مطوحه .. والمقالات مطوحه
دقت الساعه الفاصِلْه
فانصبوا المقصله
أنصبوا المقصله

ايها الواقفون_نجيب سرور

خليني احبك في البلاد البعيدة 
والزمان القريب 
 والحياه السهلة
خليني أتمشى ف خيالي
دون رادار العقل والعمر المغاير
وصفارات انذار  بيطلقها الفزع
قبل ما نبوح بالكلام 

خليني أحبك والهوى بيدوم  
خليني احبك في الخريف
 والجو مش مفهوم
_ ‏ وشبهي _

خليني احبك و الحياه
بتصفي  م المواعيد 
صدف
وتقصر المسافات
و تزود الحبكة 
وتهيأ الورطه الجميلة

خليني احبك في الخطر
 والنيل  بتتحاش دمعته
وعيوني م المنبع تفيض

خليني احبك في المطر 
 يكتمل معنى القصيد

عبكويم يقدم حل

Ahmed yousry

Related tracks