تيودورا

اغاني صوفي - اغاني صوفي 1 (made with Spreaker)

وفجأة 
هبطت على الميدان
من كل جهات المدن الخرسا
الوف شبان
زاحفين يسألوا عن موت الفجر
استنوا الفجر ورا الفجر
ان القتل يكف
ان القبضه تخف
ولذلك خرجوا يطالبوا 
بالقبض على القبضه 
وتقديم الكف
الدم
قلب الميدان وعدل 
وكأنه دن نحاس مصهور
انا عندى فكرة عن المدن 
اللى يكرهها النور
والقبر اللى يبات مش مسرور 
وعندى فكرة عن العار 
وميلاد النار 
والسجن فى قلبى مش على رسمه سور
قلت له لأ يا بيه
انا اسف
بلدى بربيع وصباح 
ولسه فى صوتى هديل الينابيع
لسه فى قلبى صهيل المصباح 
لسه العالم حيى رايح جى
بيفرق بين الدكنه وبين الضى
بلدى مهما تتضيع مش حتضيع
ما ضايع الا ميدان وسيع
يساع خيول الجميع
يقدم المقدام
ويفرسن الفارس
ويترك الشجاعه للشجيع

ولا باعرف ابكى صحابى غير فى الليل
انا اللى واخد على القمر
ومكلمه اطنان من الشهور
وعلى النظر من خلف كوة فى سور
واللى قتلنى ما ظهر له دليل

وفى ليله التشييع 
كان القمر غافل ..مجاش
والنجم كان حافل 
لا بطل الرقصه ولا الارتعاش

لما بلغنى الخبر 
اتزحم الباب 
وجونى الاحباب 
ده يغسل ..ده يكفن ..ده يعجن كف تراب
وانا كنت موصى لا تحملنى الا كتوف اخوان
اكلوا على خوان
وما بينهمش خيانه ولا خوان
والا نعشى ما حينفدش من الباب 
ما اجمل نومه على كتوف اصحابك 
تنظر صادقك من كدابك
تبحث عن صاحب انبل وش 
فى الزمن الغش

والرؤيه قصادى اتسعت
بصيت واحسب نفسى بين خلان 
تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر
ونمنا سنوات مدهشه 
نحلب ليالى حلمنا المنتظر
وامتلات الاسواق بالمواكب 
تبيع صديد الوهم والمراكب 
وفارشه بالوطن على الرصيف
بالفكر والجياع والكواكب ومذله الرغيف 

شويه فات سقراط
مسلسلينه من القدم للباط
ومتهم باليأس والاحباط
وبالعدم وبالزنا وباللواط
وبكل كافه التهم
وهو عابر للجحيم على الصراط
ينظر على الشعب التعيس ويبتسم
الى الجحيم للفلسفه
دنيا لا كانت يوم
ولا حتكون فى يوم كويسه
دنيا فى هيأة خنفسة 
دنيا "فسه"
ما اتعس الانسان 
ما اسعد الحيوان
وعبر
وصف من الزوانى وراه
متلطخين بالبودرة والمعاجين 
حاصرين غطاوى الروس 
بطونهم عريانين
بيغنوا طوبى لضحكه المساجين

وعيال عرايا
تفيض بها الطرقات 
من القرى ومن المقاطعات 
اطفال فى لون الجوع
صوت النفس مسموع
اطفال شبه وضلوع

اما انا 
فاتسعت الرؤيا 
وبصيت للمسا وللحياه المتعسه
وللنسايم المنعسه
وقلت ورا سقراط
دنيا فى هيئه خنفسه
ما اتعس الانسان
ما اسعد الحيوان

قبل مرورى على بعض مكان 
كنت موصى يمه افوت
هجمت من الحارة مجموعه نسوان
رجعوا بالصوت
قالوا يا عبد الرحمن 
وقدرت تموت !!
وتفوت اللحم العارى المتهان
فى المدن اللى معداش منها ريحه انسان !!
انا مت 
ومش منظور لى جواب
متحصن بكتوف الاصحاب 
ولذلك فت

عند التربه 
قعد الشيخ اوصانى
وادانى كتابى بيمانى
قال لى لو جولك ملكان
قول انا عبد الله مش عبد الرحمن

ودعا لى فى لحظه ما يقوم للعدل ميزان
ينوبنى شىء من العفو وبعض الغفران
وفى لحظه ما انا متزحلق 
فى قماشى الابيض 
من جوف القبر
التقدم ضابط واتعرض
قبض على الجثه 
وطلب الاوراق 
مزع الاكفان
عدل الوش 
ووقف وركلنى
وقالى بلؤم شديد 
حتى فى الموت بتغش
شيلوه

ولقيت نفسى والعربيه داخله القلعه
كانت الدنيا ضجيج والشمس نيران والعه
قوم يا انسان
انا قلت 
انا عبد الله مش عبد الرحمن
زى ما الشيخ اوصانى
قالى عندى اوراق تثبت انك مش مرتاح
امرك فاح
ولقيت نفسى محاصر تانى وتحت الرجلين
قلت لنفسى وبعدين 
راح تفضل كده لامتى يا غلبان ؟
بتدارى ايه ؟
ايه باقى تانى علشان تبقى عليه ؟
وطنك ؟
متباع
سرك ؟
متذاع
الدنيا حويطه وانت بتاع
ويهين المعنى الضابط
ويدوس بالجزمه على الحلم
ربنا رازجه بجهل غانيه عن كل العلم
ماذا تعنى بالكون يا يساعك يا يسعنى ؟؟
رد يا جربان يا ابن "الوسخة" ياكلب 
اظنك حتقولى تانى الشعب 
وصفعنى وتنى على بطنى بالكعب 
يا سعادة البيه وانا ايه؟ او ليا فى العمال ايه ؟
ما تضيع الدنيا والعمال دى تغور
يا صاحب هذا المبنى الموروث 
ضل جدودك فى الجدران مغروس 
انت السلطان وانا المملوك
انت السجان وانا المهلوك
انت المنصور وانا المسفوك
انا الصعلوك وامتى الصعلوك
يقدر يتجاسر على السلطان
اللى فى ايده بدل البرهان مليون برهان
رفع الهد
ماهو برضه دول يفهموا فى الكدب
اول ما اتلفت جه غارس الجزمه فى قورتى
وجيت اقعد بركنى على الاسفلت
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
ما لقتش الراحه فى الموت
يمكن تلاقيها ورا القضبان

اطلعت على الشبابيك وعلى القضبان
على الموقف
على السجن وعلى السجان
ولقيتنى طول عمرى كنت كده 
كلب ..محاصر ..متهان ..منبوذ ..جربان
وانا يا ابنى الحلم اللى ما لهش اوان
معروف عشى فى قلب البستان
معروف صوتى فى زمن الاحزان
وفى اى زمان

واتذكرت سنه ما اتبنت القلعه 
وكنت انا اول مسجون
وكان الضابط ده اول سجان
يوم ما ركلنى نفس الركله
يوم ما صفعنى نفس الصفعه
نفس طريقه الركل 
وآخر الليل جانى بدم صحابى فى الاكل

استأذنت ارتب اقوالى 
قفل الباب 
واتفتح الباب
وخلاص

يا عم الضابط انت كداب 
واللى باعتك كداب
مش بالذل حاشوفكم غير
ولا استرجى منكم خير
انتم كلاب الحاكم 
واحنا الطير
انتم التوجيه واحنا السيل
انتم لصوص القوت
واحنا بنبنى بيوت
احنا الصوت ساعه ما تحبوا الدنيا سكوت

احنا شعبين ..شعبين ..شعبين
شوف الاول فين ؟؟
والتانى فين ؟؟
وآدى الخط ما بين الاتنين بيفوت
انتم بعتم الارض بفاسها ..بناسها
فى ميدان الدنيا فكيتوا لباسها
بانت وش وضهر
بطن وصدر
والريحه سبقت طلعت انفاسها
واحنا ولاد الكلب الشعب
احنا بتوع الاجمل وطريقه الصعب 
والضرب ببوز الجزمه وبسن الكعب 
والموت فى الحرب

لكن انتم خلقكم سيد الملك
جاهزين للملك
ايديكم نعمت من طول ما بتفتل ليالينا الحلك
احنا الهلك وانت الترك
سواها بحكمته صاحب الملك
انا المطحون المسجون 
اللى تاريخى مركون
وانت قلاوون وابن طولون ونابليون 
الزنزانه دى مبنيه قبل الكون
قبل الظلم ما يكسب جولات اللون

يا عم الضابط 
احبسنى
سففنى الحنضل واتعسنى
رأينا خلف خلاف
احبسنى او اطلقنى وادهسنى
رأينا خلف خلاف
واذا كنت لوحدى دلوقت
بكره مع الوقت
حتزور الزنزانه دى اجيال 
واكيد فيه جيل
اوصافه غير نفس الاوصاف 
ان شاف يوعى 
وان وعى ما يخاف
انتم الخونه لو يصدق ظنى
خد مفاتيح سجنك واترك لى وطنى
وطنى غير وطنك
ومشى
قلت لنفسى 
ما خدمك الا من سجنك

قصيدة الأحزان العادية لعبد الرحمن الأبنودي موسيقى راجح داود

تصاعد أنفاسي إليك عِتَابُ - High Quality

نوستاليجا--ميجامكس الزمن الجميل __طرب Nostalega Eltrab

Add Me on Facebook : فيسوك بتاعي
https://www.facebook.com/diab.live



. بيدج مزيكاتي  .. شرفونا هتنبسطوا

www.facebook.com/Mazzikaty2


Mixed By : Me

Enjoy ..

apparition _  تجَلِّي _ مزج صوفي

القصيدة كاملة :

نفيسة في الملكوت ..
تتوه الروح قصاد روحك ك توه الموت ..
ريحة بخورك و ضرب الُدف بالعِمَّة ..
تراب النفس م العصيان يزيد هِمَّة ..
لكل الخلق !!
و في الاعجاز و ما فِيَّا ..
انا و نتي يا بنتي طباعنا صوفية .. 
فيا تنورة الغوري ..
و يا صُحبة الدرويش ..
و يا دُفي اللي كان لولي  ..
انا منها و كُلي ماليش ..
انا فيها و منها بعيش ..
و لو حبايبنا صلولي .. 
فانا رايد صلاتها الزين ..
و واشم حلمي عالكفين ..
و ضارب دُفنا ب ايدين ..
و كاتب ليها دول سطرين ..
انا بيكي كما العاشق ..
و شارب سُكري من ريقك ..
و في ريقك انا غارق ..
كاس الوله ياما صبولي فيه أيام ..
نفسي في ابريقك ..
و انا 
سكران انا فايق ..
لصوت المدح في الحضرةً..
انا تلفيحتي كات خضرة ..
و بيكي لونها بقي دخان ..
انا في الوله عدمان  ..
و راسم في البخور صورتك ..
و سامع في المديح سيرتك..
في عشق الصحبة و العدنان..
انا ولهان و سائل في الرضا سؤله ..
سؤال حيوي وسؤال ممعون ..
لو نفذت كل قواعد العشق ،
أهناك بعد الأربعون ..
لانا عربي ولا رومي ..
انا هيولي ..
و بتشكل كما ناي 
و في الكولة يغنولي ..
و نول الصوف بقي نولي ..
و منوالي 
و لونه هو من لوني ..
و غازل ليكي موالي ..
و ريحة ذكره من صوفي ..
فانا صوفي وانا زاهد..
مانيش حاكم ولا والي ..
انا صوفي ..
و خوفي من هجرهم .. 
ملي فيا الحشا و ملي جوفي ..
يا سبحة العهد اللي كات بينا ..
و احساسي ببيتها كلمنا ..
و قالي ضروري هتطوفي ..
هما الاربعة ف جوفي ..
بلجأ و أتمني أتوه فيهم ..
الحسن و الحسين ..
و السيدة و الامام علي أبيهم ..
فانا لو ضلمة و العتمة موارياني ..
ف ان الذي خلق الظلام يراني..
ف آخر كلمتين فيهم ..
يكونوا مورد بيسقيهم ..
و بالتسبيح تداويهم ..
و في الإعجاز و ما فيا ..
انا و انتي يا بنتي طباعنا صوفية ..


#ْعُمَرْ_عَبْدُالرَحمَنْ

/www.facebook.com/OmarAbdulrahman.officialfanpage


كلمات : عمر عبدالرحمن

غناء : معاذ ياسين

طِباعْنا صُوفِيَّة - مُعاذ ياسينْ

The Phantom Opera's Symphonic Serenade & A Theatrical Duet Classical Music DR 0004  

Composer & Music by Ali OKUR 05 09 2025 

The Phantom Opera's Symphonic Serenade & A Theatrical Duet Classical Music DR 0004

علي الهلباوي  في ارابيسكان مع كايرو ستيبس
  الحان و عود  باسم درويش
 اشعارابن الفارض زدني بفرطِ الحبِّ
https://youtu.be/2z2u0i1dC2c
Cairo Steps featuring  Ali ElHelbawi in Arabiskan vocal version 
 at the Cairo Opera House Main Hall in El Moled Wal Milad Celebration on December 20th, 2015
 دار أوبرا القاهرة المسرح الكبير في احتفالية المولد والميلاد, 20 ديسمبر , 2015
Basem Darwisch (oud, band leader)
Matthias Frey : Piano Solo
Wolfgang Wittemann (saxophone)
Rageed William (nay)
Stefan Hergenröder (bass guitar, Chapman-stick)
Max Klaas (percussion)
Ragy Kamal (kanoun)
Hany Alsawaf (req, tabla)
Jan Boshra Strings Ensemble: Jan Boshra (cello), Emad Azmy (violin), Shereen Azmy (violin), Amir Akhnoukh (violin), 
sound: 
Mafdy Thabet 
Ahmed Abdelkader
Andrew Dawood
زدني بفرطِ الحبِّ فيكَ تحيُّراً	وارحمْ حشى ً بلظي هواكَ تسعَّراً
وإذا سألتكَ أنْ أراكَ حقيقة ً	فاسمَحْ، ولا تجعلْ جوابي:لن تَرَى

Cairo Steps Arabiskan LIVE علي الهلباوي  في ارابيسكان - زدني بفرطِ الحبِّ مع كايرو ستيبس

عمرو حسن - جوابي الأخير

شوف الاغنية عـ اليوتيوب: https://www.youtube.com/watch?v=zhpMhzm1MbM
اشعار : ابن الفارض 
الحان و عود : باسم درويش
صولو بيانو : ماتياس فراياوي 

يا محرق بالنار وجه محبه مهلاً فإن مدامعي تطفيه
احرق بها جسدي وكل جوارحي واحرص على قلبي فإنك فيه

ــــــــــــــــــــــــــــــــــــــــــــ

زدني بفرطِ الحبِّ فيكَ تحيراً	وارحمْ حشى ً بلظي هواكَ تسعراً
وإذا سألتكَ أنْ أراكَ حقيقة ً	فاسمَحْ، ولا تجعلْ جوابي لن تَرى

cairo steps & زدني بفرط الحب - علي الهلباوي

عمرو حسن - لو كنتي استنيتي

Amr Hassan  Law Konty Estanity - عمرو حسن  لو كنتي استنيتي

والله وشبت يا عبد الرُّحمان ..

عجّزت يا واد ؟

مُسْرَعْ؟

ميتى وكيف؟

عاد اللي يعجّز في بلاده

غير اللي يعجز ضيف !!

هلكوك النسوان؟

شفتك مرة في التلفزيون

ومرة .. وروني صورتك في الجورنان

قلت : كبر عبد الرحمان!!

أمال انا على كده مت بقى لي ميت حول!!

والله خايفة يا وليدي القعدة لتطول

مات الشيخ محمود

وماتت فاطنة ابْ قنديل

واتباع كرم ابْ غبّان

وانا لسة حية..

وباين حاحيا كمان وكمان

عشت كتير

عشت لحد ماشفتك عجّزت يا عبد الرحمان

وقالولي قال خَلَّفت

وانت عجوز خلَّفت يا اخوي؟

وبنات..!!؟

أمال كنت بتعمل إيه

طيلة العمر اللي فات؟

دلوقت مافقت؟

وجايبهم دِلْوكْ تعمل بيهم إيه؟

على كلٍّ..

أهي ريحة من ريحتك ع الأرض

يونسُّوا بعض

ماشي يا عبد الرحمان

أهو عشنا وطلنا منك بصة وشمة

دلوك بس ما فكرت ف يامنة وقلت: يا عمة؟

حبيبي انت يا عبد الرحمان

والله حبيبي .. وتتحب

على قد ماسارقاك الغربة

لكن ليك قلب

مش زي ولاد الكلب

اللي نسيونا زمان

حلوة مرتك وعويْلاتك

والاّ شبهنا..؟

سميتهم إيه؟

قالولي : آية ونور

ماعارفشي تجيب لك حتة واد؟

والاّ أقولك :

يعني اللي جبناهم..

نفعونا في الدنيا بإيه؟

غيرشي الانسان مغرور !!

ولسه يامنة حاتعيش وحاتلبس

لمّا جايب لي قطيفة وكستور؟

كنت اديتهمني فلوس

اشتري للركبه دهان

آ..با..ي ما مجلّع قوي يا عبد الرحمان..

طب ده انا ليّا ستّ سنين

مزروعة في ظهر الباب

لم طلّوا علينا أحبة ولا أغراب..

خليهم..

ينفعوا

أعملهم أكفان..!!

كرمش وشي

فاكر يامنة وفاكر الوش؟

إوعى تصدقها الدنيا..

غش ف غش..!!

إذا جاك الموت يا وليدي

موت على طول..

اللي اتخطفوا فضلوا أحباب

صاحيين في القلب

كإن ماحدش غاب..

واللي ماتوا حتة حتة

ونشفوا وهم حيين..

حتى سلامو عليكم مش بتعدي

من بره الأعتاب

أول مايجيك الموت .. افتح..

أو ماينادي عليك .. إجلح..

إنت الكسبان..

إوعى تحسبها حساب..!!

بلا واد .. بلا بت..

ده زمن يوم مايصدق .. كداب..!!

سيبها لهم بالحال والمال وانفد

إوعى تبص وراك..

الورث تراب

وحيطان الأيام طين

وعيالك بيك مش بيك عايشين..!!

يو.....ه يا رمان..

مشوار طولان

واللي يطوِّله يوم عن يومه يا حبيبي .. حمار

الدوا عاوزاه لوجيعة الركبة

مش لطوالة العمر.

إوعى تصدق ألوانها صفر وحمر.

مش كنت جميلة يا واد؟

مش كنت وكنت

وجَدَعَة تخاف مني الرجال ..؟

لكن فين شفتوني ..؟

كنتوا عيال.!!

بناتي رضية ونجية ماتوا وراحوا

وأنا اللي قعدت..

طيِّب يا زمان..!!

إ

إوعى تعيش يوم واحد بعد عيالك

إوعى يا عبد الرحمان..

في الدنيا أوجاع وهموم أشكال والوان..

الناس مابتعرفهاش..

أوعرهم لو حتعيش

بعد عيالك ماتموت..

ساعتها بس ..

حاتعرف إيه هوّه الموت..!!

أول مايجي لك .. نط

لسه بتحكي لهم بحرى حكاية

فاطنة وحراجي القط..؟

آ.. باي ماكنت شقي وعفريت

من دون كل الولدات..

كنت مخالف..

برّاوي..

وكنت مخبي في عينيك السحراوي

تمللي حاجات..

زي الحداية ..

تخوي ع الحاجة .. وتطير ..

من صغرك بضوافر واعرة .. ومناقير..

بس ماكنتش كداب..

وآديني استنيت في الدنيا

لما شعرك شاب..!!

قِدِم البيت..

اتهدت قبله بيوت وبيوت..

وأصيل هوه..

مستنيني لما أموت..!!

حاتيجي العيد الجاي؟

واذا جيت

حاتجيني لجاي؟

وحتشرب مع يامنة الشاي ..؟

حاجي ياعمة وجيت..

لالقيت يامنة ولا البيت

"يامنه - عبدالرحمن الأبنودي "موسيقي راجح داود

الغزالة - عمرو حسن

عمرو حسن - الشتا

يبكي و يضحك لا حزنا و لا فرحا كعاشق خط سطرا في الهوى و محا


يبكى ويضحك -  زين محمود


قل لمن ...

قل لمن يفهم ما اقول . فَسّر القولَ فسر القول فذا شرحُ يَطول 

انت لا تعرفُ اياكَ ولا تدري من انتَ ولا كيفَ الوصول

كيفَ تدري من علىَ العرشِ استوى لا تقل كيف استوى كيف النضول

كيفَ تجلَ الله ام كيفَ يُري ؟ فلَعَمّري ليسَ ذا إلّا فَضول
 
هو لا اينَ ولا كيفَ لهُ وهوَ في كلِ النواحي لا يزول
 
جلّ ذاتاً وصفاتٍ وسما وتعالى قدرهُ عما نقول 

***************************
 
سُبحانَه 
سبحانةُ كُلُ ما في الكونِ صنعُتهُ فإن ارادَ فلا تسأل عن السببِ 

بَل سلمِ الامر .. بَل سلمِ الامرَ تِظفر بالُمراد وما فوقَ المُرادِ فبابُ الخيرِ في الادبِ

إلىَ الملكْ .. إلىَ الملكِ القَويّ شًكوتُ ضًعفي 

إلى المُحصي لما اُبدي واُخفي .. إلى التواّبِ قد يمّمتُ وجهي وفي ندمٍ رفعتُ لهُ اكُفّي 

إلهي قوي بالايمانِ قلبي .. إلهي وامّحوا بالغفرانِ ذَنبي 

إلهي قد دعوتُكَ يا كريما لتًهديَني صراطاَ مستقيماَ 

وتنزلني فسيح جِنانِ عدنِ وتجَعلًني وتجَعلًني بروضَتِها مُقيماُ

تصاعد أنفاسي إليك عِتَابُ - High Quality

وَذَكِّرْ (A.Y)

Recent comments

Omar Nassar

طير الصاف

وإنا رغم المعاصي صالحون🦋

Yara Sayed

Related tracks