Roxi - Chapter One - Amir Eid | روكسي - الفصل الأول أمير عيد

من البوم "ريڤو شو"

مسلسل ريڤو (2022-2023)
ريفو هو مسلسل دراما مصري من إخراج يحيي إسماعيل وبطولة أمير عيد، ملك الحسيني، تامر هاشم، صدقي صخر، سارة عبدالرحمن وركين سعد، صدر المسلسل على منصة واتش إت.

كلمات الأغنية : Lyrics

إتقابلنا مرة واحدة وكل مرة
بستنى صُدفة حلوة تجمعنا
يمكن تقتل الوحدة
مواضيع كتير حضرتها
سيناريوهات من غير عدد
إزاي أقرب منها؟
وتشوفني يوم ضهر وسند

هكونلها طبعًا أمير
راجل خطير في الجدعنة
تهرب في حضني بالساعات
من ذكرياتها المحزنة

هشوفها تاني ولا الوقت فات؟
خايف أحلامي تموت من سُكات
هشوفها تاني ولا الوقت فات؟
خايف أحلامي تموت من سُكات

ولا هكون بتاع بنات عندي حكايات كتير أوي
حبيب لعيب لكن تقيل
وأسيبها لما تستوي
أيام كتير مرت وأنا مستني صدفة إتأخرت
شوفت خيال من بعيد
أحلامي رجعت ونورت

هكونلها طبعًا أمير
راجل خطير في الجدعنة
تهرب في حضني بالساعات
من ذكرياتها المحزنة

هشوفها تاني ولا الوقت فات؟
خايف أحلامي تموت من سُكات
هشوفها تاني ولا الوقت فات؟
خايف أحلامي تموت من سُكات 

Rivo SHOW

El Waet Fat

أمير عيد - الوقت فات | Amir Eid - El Waet Fat

من البوم "ريڤو شو"

مسلسل ريڤو (2022-2023)
ريفو هو مسلسل دراما مصري من إخراج يحيي إسماعيل وبطولة أمير عيد، ملك الحسيني، تامر هاشم، صدقي صخر، سارة عبدالرحمن وركين سعد، صدر المسلسل على منصة واتش إت.

كلمات الأغنية : Lyrics

‏‏في نهاية كل رواية ‏دايرة بتدور
‏جوة الرواية رواية ‏مكتوبة بين السطور
‏عن بطل كان مغمور ‏وما حدش فيه سائل
‏حلمه ما شافش النور ‏لكنه مات بيحاول
‏في كلام جوايا ما تشرحش
كان نفسي أقوله بس الوقت ما سمحش
‏كان نفسي أكون معاكي ‏وأدلك على الطريق
‏في ضهرك أفضل واقف ‏وأكون ليكي صديق

‏ودي حكمة الأيام
أكون في حياتك بس ماليش مكان
‏أشوفك وتشوفيني في الخيال
الفراق قبل ‏اللقا
‏ودي حكمة الأيام
أكون في حياتك بس ماليش مكان
‏أشوفك وتشوفيني في الخيال
الفراق قبل ‏اللقا

‏عيني جت في عينكي مرة ‏ومش هتفتكري
‏كنت في الدنيا تايه ‏وكان لازم أجري
‏أنا لو وقفت أموت، ‏بتطاردني الذكريات
‏عن أقرب ناس ليا إتكتب علينا الفراق
ببعد علشان حبيتك وشفت فيك أمل
‏مافيش في الدنيا نهاية طول ما في الزمن
‏الساعة بتلف ‏والشمس بتشرق كل يوم
‏لو النهاردة مش يومنا ‏يمكن بكرة يكون

‏ودي حكمة الأيام
أكون في حياتك بس ماليش مكان
‏أشوفك وتشوفيني في الخيال
الفراق قبل ‏اللقا
‏ودي حكمة الأيام
أكون في حياتك بس ماليش مكان
‏أشوفك وتشوفيني في الخيال
الفراق قبل ‏اللقا

Hekmet El Ayam

أمير عيد - حكمة الأيام | Amir Eid - Hekmet El Ayam

كايروكي - جيمس دين Cairokee - James Dean

كايروكي - جيمس دين

حكمت الأيام - أمير عيد .

الوقت فات - امير عيد و هبه مأمون).mp3

Esmek Eh إسمك إيه
Roxi - Chapter One - Amir Eid
روكسي - الفصل الأول أمير عيد
2024
....
قلتلها اسمك ايه قالتلي ليه 
قلتلها عادي انا حاسس ان في 
بيني وبينك حاجه 
مش هنخسر حاجه 
ده غير انك جميله
 جمال انا بفهم فيه  

ايه رأيك ياسمك ايه 
نمشي من هنا 
ونعيش انا وانتي يوم
 لنفسنا 
انا ممكن اكون اي حاجه تحبيها 
بكره تنسيها عادي
مفيش عندي مشكله


اعتبريني مانيكان 
لبسيني اي شخصية
بقالي فتره زهقان 
محتاج لحد حواليه 
ونفسي اتشاف ياسمك اية
واتأكد اني موجود 
عايز مشاعر 
حتي لو مش حقيقيه 

مش لازم نعرف اي حاجه او نشوف 
و نعمل حساب لبكره والظروف 
متيجي نعيش العمر كله وكأنه ليله 
وبكره لما يجي نبقي نشوف 

قلبي بيضق بسرعه طيخ طاخ طوخ 
 جوايه حب وانتي جوه منك خوف 
والعمر بيجري بسرعه يا حبيبتي 
ما تسيبي القلب يفكر بدل النفوخ 

اعتبريني مانيكان 
لبسيني اي شخصية
بقالي فتره زهقان 
محتاج لحد حواليه 
ونفسي اتشاف ياسمك اية
واتأكد اني موجود 
عايز مشاعر 
حتي لو مش حقيقيه

قلتلها اسمك ايه قالتلي ليه 
قلتلها عادي انا حاسس ان في 
بيني وبينك حاجه 
مش هنخسر حاجه 
ده غير انك جميله
 جمال انا بفهم فيه
.....

Esmek Eh - Amir Eid | إسمك إيه - أمير عيد

Hagat Gowaya - حاجات جوايا
Roxi - Chapter One - Amir Eid
روكسي - الفصل الأول أمير عيد
2024
...

وشي للبار وضهري للمكان 
مش قادر ناس مش قادر عالكلام
تمام برمي السلام
لكن ده ميمنعش اني زهقان 
عاوز شوشره بدون اي احتكاك 
انا عايز حب كبير مش قادر ارتباط
انا عاوز لمه عشان لما بروح 
دماغي بترقصني وبفكر في حاجات 

حاجات جوايا انا لسه مش عارفها 
حكايات وقصص كتير انا لسه بألفها
حاجات جوايا انا لسه مش عارفها 
حكايات وقصص كتير انا لسه بألفها


سألتني انت مين قلتلها بحاول اكون انا 
بلعب مع نفسي ساعات لعبه الاسئله 
والحقيقه النتيجه كانت مذهله 
شويه مخجله لكن هحكيلك 
بحب الموناليزا عشان الناس بتحبها 
بس الحقيقه عمري في يوم ما فهمتها 
عندي شويه مباديء لكن متجزئه 
عندي مشاعر فاضل تكه وتبقي ملزقه 
بضحك ساعات في السينيما علي ضحك ناس
بس الحقيقه الفيلم غبي مفيهوش احداث 
بعمل حاجات كتير محفوظه مش مفهومه
وحبيت عشان حاجات تانيه غير الاحساس


حاجات جوايا انا لسه مش عارفها 
حكايات وقصص كتير انا لسه بألفها
حاجات جوايا انا لسه مش عارفها 
حكايات وقصص كتير انا لسه بألفها


الطريق قصادي بس السبق مش سباقي
العالم ده متساق مش عايز منه حاجه 
الناس بتجري حافظه ماشيه ورا الباقي 
عالم كله كداب اكتر من الخواجه 
مش مهم مش مهتم 
لسه مش لاقي الحلم اللي يصحيني 
المهم خليني احكيلك 
خليني احكيلك شويه عن 

حاجات جوايا انا لسه مش عارفها 
حكايات وقصص كتير انا لسه بألفها
....

Hagat Gowaya - Amir Eid | حاجات جوايا - أمير عيد

Nasy Kol Haga  | ناسي كل حاجة - أمير عيد
Roxi - Chapter Two - Amir Eid
روكسي - الفصل الثاني أمير عيد
2024
..

وحدي ماشي في الشوارع 
رايح فين انا مش عارف 
يمكن بجري ورا بكره 
 و يمكن بجري من امبارح 

سارح بهرب من الدنيا الحقيقيه 
او خايف  هي الكلمه الاضق 
كان نفسي اعيش جوه فيلم او اغنيه
وحياتي بتقولي خلص مفيش وقت  

بيمد العمر  بسرعه و بيجري بيا 
وانا من جوايه لسه عيل مش مستعد 
مش عارف ليه الناس كلها مثاليه  
متأكدين من كل حاجه مفيش شك 

بقكر فيكي وساعات بحن 
مش لاقي حلم يصحيني 
مش مهم انا مش مهتم 
سادد وداني ومغمض عيني 

انا ناسي كل حاجه بس فاكرك 
بروح نفس الاماكن يمكن اقابلك 
ساعات بخاف تكوني من خيالي
مش قادر ارجع تاني لحياتي قبلك 

عايش انا جوايه مفيش حد معايه 
رغم الناس حواليه كتير انا وحيد 
بكتب حكايه ولسه واقف في البدايه 
الورقه بيضه لكن فيها شخابيط 

فيها رسمه لمكان احلي
وفيها قهوه وقعت مني وانا سارح
وفيها عينيكي مرسومه لكن مش واضحه
بحاول افتكر كل الملامح 

مسامح نفسي علي عمر معشتهوش
علي قلب خاف يدق طول حياته 
علي كل سؤال مسألتهوش 
اكتر شيء مخيف هو الخوف ذاته

انا ناسي كل حاجه بس فاكرك 
بروح نفس الاماكن يمكن اقابلك 
ساعات بخاف تكوني من خيالي
مش قادر ارجع تاني لحياتي قبلك

Esmek Eh - Amir Eid | إسمك إيه - أمير عيد

Ahmed Elsha3er ✪

Recent comments

magdy

Gogo Amir Isaac

Twipi

Gangonaa

Related tracks