الحمد لله خبطنا
تحت بطاطنا
يا محلا رجعه ظباطنا
من خط النار
يا اهل مصر المحميه
بالحراميه
الفول كتير والطعميه
والبر عمار
والعيشه معدن واهي ماشيه
اخر اشيا
مادام جنابه والحاشيه
بكروش وكتار

ح تقول لى سينا وما سينا شي
ما تدوشناشي
ما ستميت اوتوبيس ماشى
شاحنين انفار
ايه يعني لما يموت مليون
او كل الكون
العمر اصلا مش مضمون
والناس اعمار
الحمدلله وأهي
ظاطت
والبيه حاطط
في كل حته
مدير ظابط
وإن شالله
حمار
ايه يعني فى العقبه جرينا
ولا ف سينا
هى الهزيمه تنسينا
اننا احرار
ايه يعني شعب ف ليل ذلة
ضايع كله
دا كفاية بس اما تقول له
احنا الثوار
الحمد الله ولا حولا
مصر الدوله
غرقانة فى الكدب علاوله
والشعب احتار
وكفايه اسيادنا البعدا
عايشين سعدا
بفضل ناس تملا المعده
وتقول اشعار
اشعار تمجد وتماين
حتى الخاين
وان شا الله يخربها مداين
عبد الجبار
لـِ أحمد فؤاد نجم

الشيخ امام -الحمدلله خبطنا


الفلاحين بيغيروا الكتاني بالكاكي
ويغيروا الكاكي بتوب الدم
وبيزرعوك يا قطن ويا السناكي
وبيزرعوك يا قمح سارية علم
وبيدخلوكي يا حرب فحم الحريقة
وبيزروعكي يا مصر شمس الحقيقة
***
وانتي ميدان الحرب.. سينا البداية
وانتي جنينة الصلب.. والنصر غاية
وانتي البكا والغلب.. انتي الرحاية
وانتي البارود والحب.. والحرب جاية
***
غنوا التلامذة الصبح للحرية
الفلاحين ضموا غيطان القمح
رفعوا الرايات في الفجر متندية
رفعوا السنابل بنادق
عبوا البنادق بارود
الرمل قادت حرايق
والنار في دم الجنود
***
والحرب زي جناين الحرية
مهرة ومالهاش حدود
والحرب لسة ف أول السكة
اتفجري يا مصر
اتفجري بالحرب ينطلق النهار
اتفجري بالحرب ضد الجوع ضد القهر ضد التتار
اتسلحي للحرب بالحرية
واتفتحي وردة بدم ونار
واتجمعي من ألف صرخة وضحكة
والحرب لسة ف أول السكة

الشيخ امام - الفلاحين

هعيشك اغنية جديدة لعمدان النور

عبدالرحمن الأبنودي ورساله من مسجون هارب

صندوق الدنيا - الشيخ امام

Ramy Essam - EL 'Erbah  رامى عصام - القربة

منير - مدد يا رسول الله

منير - قول للغريب

منير - يوم الرحيل

عبدالرحمن الابنودى - خايف اموت

الشيخ امام - انا الأديب

سينا معناها ايه | حميد الشاعرى - فريق واما

علمونى - طرزان

عـالمــين نفس الحياة | طرزان

منير - مين ياخد قلبى المليان

منير - يارب صلى

منير - مدى ايدك

El Joker - Sokan El leel l الجوكر - سكان الليل

El Joker - Ebn soo2 l الجوكر - ابن سوق

الجوكر- السلمة الأخيرة _ El Joker -  El Selema El

احزن اغنى | محمد منير

اسمع لما اقولك - فريد الاطرش

وهاعيشلك 🎶

Popular tracks by منّاع ☭