التالتة غربتى فى عالم الاندااال

قصيدة ملاعينك / الشاعر مصطفى فهمي

على سبيل المجاملة شعر_ وائل فتحي_القاء|صفاء أبو صبيحة

شريف المصري.flvمشهد من فيلم احنا بتوع الاتوبيس

غناء مريم صالح وألحان سيد درويش

يا عزيز عيني - مريم صالح (تتر فيلم عين شمس)

جيبتلي صاحب وحبيته
زقنى فى المترو زقيته 
واما مات فيا ومت انا فيه 
روحتله بيته وعزيته

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز

حبنى الشارع وحبيته 
عض قلبى الليل وعضيته 
خضنى الأنسان وخضيته 
لما بان من وشه عفاريته

عدى فيا القمح سمرنى 
عدى فيا الفجر صبرنى 
عدى فيا الحزن غيرنى 
عدى فيا العمر كبرنى

خدنى م اللفة لمريلتى 
خدنى م التسنين لحصالتى 
خدنى من مدرستى ع الجامعه 
خدنى م الترعة على الاسفلت

خدت م الاتوبيس مراياته 
خدت م السواق حكاياته 
خدت م الركاب تذاكر موت

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز

ياللى وحشانى متوحشنيش 
ضحكك السكر محلانيش 
خوفت م المطرة قفلت الشيش 
ليه فضل اسمك على الشباك

كنت جايب دبلة وغويشه
كنت شارب حاجه مغشوشه 
شفت شبهك قاعده فى الكوشه 
قلت هى لا مش هى 
فتشتنى الدمعه عن الميه
كنت أنشف من حطب محروق

حزن يا محول خطوط سيرى 
حزن يا عطار فى باب اللوق 
شوفلى تحويجه لتفسيرى 
حط ريحه بُن لضميرى 
شوفلى عود أصلب من المغشوش

ردنى عالباب عطب روحى 
جابلى ناى وزتون مطروحى

مُر انا يا صاحبى لو دوقتنى 
جيت اقول الآه ما صدقتنى 
يطرح ايه الملح غير مالح 
يطلع ايه م الجرح غير مجروح

ليه ما تصفاشى لغير صافى 
ليه فى عز الحوجه بتجافى 
شوفتنى غاطس ولا طافى 
كنت بندهلك حلاوة روح

حزن يا بقال ورا الجامع
هات بنص ريال عسل فى الكوز 
خد سنين الجرى وسنينى 
هاتلى سن غزال دهب عينى 
قطع الاسفلت شرايينى 
هات بياض القطن شاش اللوز

كلمات : خالد عبد القادر
الحان: يحى نديم
غناء: فرقة عمدان النور

Gazaga _ سيرة الأراجوز _ فرقة عمدان النور

تركيز فريق ميكروفون من خلال فكرته بيكون على المواهب الحقيقية.. التمثيل، الشعر، الغناء، الحكي، العزف، وممكن تشاركنا فكرتك أو قصة نجاح حقيقية ليك.

زمان كان دايما الناس بتحبطك وبتخوفك وبتخليك تفكر أكتر من مرة قبل ما تطلع قدام جمهور.. في ميكروفون خلينا الجمهور هم أنت.. وأصحابك... وبنشجعك ونقولك ياللا تعالى قدم نفسك.

You are not alone share your talent with Microphone

https://www.facebook.com/Micegypt
https://twitter.com/microphone_egy
Microfonegypt@gmail.com
soundcloud.com/micegypt

أحمد النجار - في سبيل الله

TOKA TARIQ تقى طارق بعت روحي لروحي

الصوت الذي يُحب بدون داعي :)

تقى طارق حبيتك حبا جما

لقاء جماهيرى لاحمد فؤاد نجم فى ليبيا

احمد فؤاد نجم - باستنظرك - ورق ورق

- م -
 
ماسبيرو أخطر م الرصاص والقصر
 ملّى عنيك بالدم.. قبل الطلوع قدام
 ما تسيبش جيشك تِقسمه الأعلام
 مش كل مين جنبك.. جواه بيهتف مصر
 
- ا -
 
الوقفة جنب النار.. بتقلل الدخان
 إهتف هتاف إبن المكان والظرف
 إضرب بعزمك.. أو ما تضربشي
 إرجع بضهرك.. أو ما تهربشي
 إمسك عصاية ثورتك م الطرف
 التاريخ ضمن الغنايم.. وبيكتبه الكسبان
 
ـ ن ـ
 
نقى دايماً طوب صغير حدفتك توصل بعيد
 نفترق ساعة المطاردات.. أربعات
 نشّن الباراشوت ناحية الصف العريض
 نجرى فجأة.. نردّ فجأة.. نص قوتنا المفاجأة
 ندّم اللى يعورك.. وإقطعله إيد
 
ـ ي ـ
 
يؤتَى الحِذر من مكمنُه
 يأتي الغبي باللص ثم يحلّفه
 يؤتَى الهتاف.. رَّجاً بمن يَهتِفه
 يؤتَى الجدع.. قلبا بما إتجَدعنُه
 
ـ ف ـ
 
فّرق ما بين الجرأة والقلب الحديد... والرمي جوا التهلكة
 فتش بإيد ع المستفيد.. وبإيد عن الصاحب الجدع
 فتّح إذا الناس غمضت.. غمّض إذا نظرك خدع
 فرّغ عياطك ع الصحاب.. دم وخميرة.. مش بكا
 
ـ س ـ
 
سمّي الحاجات دى باسمها.. الكدب.. والخوف... والخيانة
 سجادة المسامير.. تتحط ع الناصية.. غطّيها بالدخان.. ولّع قصادها كاوتش
 سدّ الطريق لورا علشان ما تترددش
 سيب باب لجيشهم يهربوا منه
 سلّم رايات الحلم لحد من سِنُّه
 سلّم قراركو لأكتر كفّ عرقانة
 
ـ ت ـ
 
تبّت يدا من ساب رفاق المعركة بطولهم
 تمن القضية اللي اندفع مبقاش يجوز يرجع
 تتعب تبص ف عين.. اصحابك الطايرة.. شوف مين من الآخر دفع.. لو زيهم.. إدفع
 تلت الرصاص نحو العدو.. تلتينه للخاين.. الطعنة جاية من هنا مش من هناك
 تعب النهار دة غير تعب بكرة.. الوقت مش دايما معاك
 تحتك فيه ناس عاوزة الأمل.. مش عاوزه؟.. سيبهولهم
 
ـ و ـ
 
وسّع الجبهة لو انتوا كتير.. وضّيقها لو إنتوا أقل
 ولع شماريخ وسطكوا أول ما تلقى الرتم قل
 وقّع لمض كل العواميد اللي كاشفة ناحيتك
 وّدي الإعاشة قبل ما تدوق لقمتك
 وجّب مع السكان وأهل المنطقة..
 حتى لو فاهمين غلط.. فيه ناس كتير متلخبطة..
 إكسب عدد.. وإكسب غطا
 وزع عيونك فوق وتحت.. وخاف من اللي يصوّرك
 وطّى وعينك باصّة فوق ع الطوب وإلا يعوّرك
 وقّف إذا سحبوك على شارع طويل
 وفّر بديل
 وافق على الهدنة إذا سحبوا الكلاب
 لو سابوا خليك انتا آخر حد ساب
 واحد بيفرق ف العدد جدا
 وعشان كده..
 أول ما تلقى إن الصفوف ناقصاك..
 وسّع مكانك... للي جاى وراك
 


أحمد فؤاد نجم-العنبرة

Ahmed

Recent comments

Mahmoud Elkomy

Related tracks