مزج لتراكم اصوات العفن حول مصر

الأصوات :- الافلام-
ثرثرة فوق النيل ، بنتين من مصر ، الكيت كات ، لعبة الست ، هيستيريا

-الاغاني:
احبك حبين ، فرقة ابن عربي ، ريم بنا ، الف ليلة وليلة أم كلثوم
شعر ، على طالباب ، عن مضاجعة الواقع ، أحمد حداد : أوبريت الثورة


ELmazeg EL3ameQ . EL3afan | المزيج العميق عفن

العفن

صحح المنظومة إن فسدت تلد الفاسد وإن صلحت تلد السوي .. اهلا بيك اسمي محمد عبد الهادي العمر 17 سنة زائد سنة سجن عسكر انفرادي وأبويا ميت فحمل اخواتي فوق كتافي ساكنين في أوضة جوه حارة جوه حارة تحت الأرض شوفة العفن بنسبالنا فرض لولا وجود القرآن كنت كل يوم اثبتلك عدم وجود لينا ربكون مكاني كنت كفرت كنت عرضت جسم أختك للبيع عشان تحافظ على أمك تحت سقف واحد الجوع وامتى يضمك بنرحب بيك من وسط اعفن حواري مصر هتلاقينا دايما جنبك احنا الوباء والعفن واكل عقلك سلاح اعلامي وسخ بتهدد بينا امنك ولو في يوم ضليت ياللي ساكن القصور مستنيك في الضلمة وهكلك المسرحية كوميدية والدعوة مجانية وإنت كومبارس سلبي دورك زي ماهو جملتك هي هي الفرق بيني وبينك الفلوس والعجيب إن المادة لسة بتسند في عالم خيالي ومنحوس تاكل تملى بطنك تشرب تسكر عقلك شهوتك موجها وحالك ميئوس اعتبرني منتج عادم منظومة متدهورة إنت فلت وانا خرجت من خط خارج عن السيطرة والمنظومة تولد النظام إنسان ألي كال عادة يلف يدور في ساقية لخمسة جنيه زيادة فاكرينا هم واحنا ابعد مايكون عنهم بس اللي زيك ساكن الغيوم دايما شيفنا منهم ..من حقي أتظاهر وانادي بأعلى صوت للحريةأسترجلت بنت في عز الضلمة بتهتف لا للدولة الصهيونيةفنزلت كتفي في كتفها احمي ضهرها وهي بتهتف والطلق قدام عنينا والغاز يمطر علينا وهي بتهتف رد ظابط مصري قال لي لباسك يقع قبل علم يا صعلوك ممكن نوقع 100 نظام بس الصهاينه لظباطنا ملوك يومها وقع أخ كان حلمه القدس يحرر ومهما شرحت يا خنزير القتل غير مبرر اخويا مات شهيد للحرية يولع كلامك يا وزير تطهير جهازك ملوش معنى الا باعدام الخنازير والقصاص بالقانون هيتم أو بـايديا فنزلت ثائر اتابع المحاكمة استخفاف وهزلية وسخرية القدر اتحاكمت من العسكر ..عسكرية عسكرية دلوقتي مرمي في اعفن السجون كلب خاين أو بلطجي مش ملموموالمنظومة ساكتة على الكنبة قاعدة تتلقي تعليماتها من جهاز التلفزيون الثورة كدبة كبيرة الثورة ملهاش وجود وادي نفر من الغلابة بيلفظ الانفاس
اهلا بيك اسمي السيد اسماعيل علي بيقولوا عمري 45 بس سني 100 سنة في ذل حاكمين وعفن عايش فيه ساخط على حالي وحالك مش فارق عني كتير المهنة عامل مصنع والمصنع ماصص دمي والمرتب نص رغيف تأمين صحي متلاقيش 18 ساعة عمل والعائد مايساويش وفي ال آخر نستهلك نتعدم نتكلم نتكتم مجرد عبء زايد تتمرد تتردم اشتراكي من صلب الشارع ل دوشة نخبة سامع ممكن أكون معدوم بس فاهم فكرة استقالة وكان مزيف فاقع دبلوم صنايع أول دفعة دلوقتي سايق ميكروباص والبلطجي كان خنزير بنجم عالكتاف شفت جهنم قبل ما القيامة تيجي من ضوافري اتعلقت اتسحلت وأغتصبت لمجرد إن الجامع كان ملجأ ليا وقت ضعف اتخطفت يا عبد يا مستهلك عايزني أكون سوي وانا مولود مكبوت ودراعي متلوي لكل فعل ليكم خلقتوا التطرف رد فعل والتطرف طول عمره بيخدم سلطة عايزك دايما خايف ولو في يوم امنت يزود ليك الجرعة السلطة الحاكمة وانت عمركوا ماتكونوا واحد مصلحتك بس تعيش مصلحته إنه يفضل حاكم فيك و ليه تفضل عابد ومستحيل تغير النظام من جوه فارفع راسك للعفن كون معارض افتخر إن أكون خارج عن قانون لو كان بيحمي فاسدوالليلة النار قامت ضربنا وكسرنا والقلعة ولعنا حراسها اعدمنا فخاف ياللي بتحكم أصل غضب الشارع لما يقوم هياكل فيك الظالم والمظلوم وإنت يا مواطن يا شريف قمنا للحرية مش للعادلي وكام رغيف اشتروك بشنط السحور سكتوك لما اكلوك وبال محاكمة الزايفة خدروك
والسيناريو بيتعاد بنخلق الملوك
النظام مصلحته إنك تكون غرقان في استهلاكك الطبقية سلاحه يقوي بيها انعدامك
إيه هي السعادة؟
تشرب فودافون تكلم كوكاكولا وتصاحب بنت حلوة دماغها فاهمة في الكورة
الطبقية سلاحه يقوي بيها انعدامك مصلحته إنك تدوم غرقان في استهلاكك
اسف لو مزاجك كان اتعكر 800 شاب مقتولين في سجن عسكر

والمنظومة ساكتة على الكنبة قاعدة تتلقي تعليماتها من جهاز التلفزيون ..

اوامر عسكرية عسكرية ..دولة عسكرية عسكرية ..الة عسكرية عسكرية


Ali Talibab - EL3afan | على طالباب العفن

أفهم
انا السكر اللى مهما تزود فيه ميحليش
انا الحجر اللى مهما تبنى بيه ميكفيش
...انا البحر اللى مهما تشرب منه ميرويش
...انا هدوء الدوشه انا سكون الزحمه
انا ازدواج غير عقلانى انا كائن تافهه الشهوه اللي سيقانى
انا اول نقطه مطر واخر بوء شاى
انا جاهل نائب البرلمان قولى ازاي
انانعل الجزمه اللى اتهرى من غباوه النظام
انا الديك اللى باض وانا الطور اللى اتحلب
القانون اللى اتركن والدستور اللى اتكتب
انا القاضى والمحامى المتهم والقتيل
انا الراجل اللى بشنب بالل نفسه على السرير يا رئيس الجمهوريه سلطتك منتهيه
انا كارتك اللى اتحرق وانا ريحتك اللى فاحت
انا اللى كنت زيك فاسد لما كنت ساكت
انا الشحات العدمان الفقران الشمتان انا الزاهد الكادح العالم السارح
انا اللامبالاه ماده الدنيا والحياه انا الاستبداد حب التملك والهوى
هانا ماضيك المريض مستقبلك اللى اتهان انا المصطلح الجديد اللى اتعلمته عشان تبان
انا اللى قتلت عشان اعيش يوم ميتقالك مفيش
انا العامل اللى جاع انا الوقت اقوى سلاح
انا العبد اللي استحل واستغل بالتالي فل
انا الضمير انا العيون انا المقيد المغلول
انا الشعب
انا حوارى النظام انا الرأسماليه انا الشيوعى اللى جيوبه مدفيه
انا الاستقرار... يسقط الاستقرار انا الحوار والسلام
انا وهم الرأى الامثل انا منظومه الكبت والاعدام
انا الواو فى امن الدوله حرف الجيم فى التعتيم وانا الدال على النور بالرغم من جهلى بيه
انا العدم انا الفضاء
انا اهم واصغر فصل فى الروايه انا بدايه النهايه
انا الشباك اللى اتقفل انا نكته بايخه بيضحك عليها بملل
انا قانون الطوارىء وثوانى حظر التجوال انا واقع عالم انفتاح الانحلال
انا السياسه الشرعيه انا تقى الدين احمد بن تيميه انا الفراغ وتعدد الهويه
انا .. كلب من كلاب الحزب الحاكم المغلوب
افهم
انا مش فرن العيش انا الدقيق المضروب انا ساعه التسليه انا الالهاء
انا القبر اللى بيتحرق لما يعلن اكتفاء انا العالم الجديد انا الدهب الارخص من الحديد
انا اللى بيقولك الفقير فقير بضعفه وانا اللى مفهمك إن القوي يستحيل تستغنه عنه
انا ابتسامتك ابتسامه خوف بدون صوت انا احساسك بالامان لحظه قبل الموت
انا السر انا العاده انا مش فنجان القهوه الساده
انا السكر اللى مهما تزود فيه ميحليش انا الحجر اللى مهما تبنى بيه ميكفيش
انا الثوب اللى مهما تشدي وتنزلى فيه ميغطيش
انا صفحات العاصى فى كتابه اللى مخبيه انا ابن الشيطان اللى مقويه
انا الحبر اللى خلص وانا الريق اللى نشف
انا الصبر اللى زال وانا البدن اللى ضعف
انا اضواء شوارع القاهره جذابه ساهره ساحره كاذبه
افهم
أصل انا الليل اللى مفنجل مش عيون الناس اللى بتنام زى ضميرك
انا مش موجود بس وجودى ليه مكان انا العدم ..
انا الفضاء
انا العزل والاحتواء
انا مش فكره حلوه انا الكابوس
انا الابتلاء انا الابتلاء انا الابتلاء انا الابتلاء انا الابتلاء
بكره بكدب بظلم بعبد باخد بعدم بندم واسجد
انا الموت

Ali Talibab - AlKamal | على طالباب الكمال

احجل بعيد ياموت
بعيد عن الناس .. والبيوت  لسه الحياه
يادوبها بتدب فى عروق مولودى
كبلتى بالقيد فى ليلة عرسى قصفتنى ودريتنى
فأخضر النوار على عودى
لا العرس ماردته ولا المكان حبيته بس الحليب هتطق بى نهودى
 وان يسألوكم مين ابوه قولوا ده خدها غصب
ده ابنى انا وحدى شكلته فى حشاى ايده الصغيره﻿ دى غازلت
وغازلتنى وحاربت الموت معاى 

Dina ELWadady & Maryam Saleh - EL3ors | دينا الوديدي ومريم صالح - العرس

Dina El Wedidi - El Seera | دينا الوديدى - السيره

دنيا يا دنيا ما كفايه اللى جرى
راجل وملو هدومه وفى البيت حاكماه مراه يادنيا
لما يقابلك ياسلام
زى بتوع الافلام
واخد الرجوله كلام
وشياكه ومنظره
دنيا يا دنيا ما كفايه اللى جرى
روح عنده بص وشوف 
تلاقيه خايف مكسوف
هى تقابل الضيوف 
وهو يرش المندره
دنيا يا دنيا ما كفايه اللى جرى
لا يسترجل ولا بيفوق
سايب لها الزمام مطلوق
وتاخده معاها السوق
تعمله يا ولدى قنطره
دنيا يا دنيا ما كفايه اللى جرى
راجل وملو هدومه وفى البيت حاكماه مراه


Donia Massuod - Donia Ya Donia | دنيا مسعود - دنيا يا دنيا

بتنادينى تانى ليه انتى عايزه منى ايه 
ما انتى خلاص حبيتى غيرى 
روحى للـ حبتيه شيخه
اه يا نارى منك يا نارى خلتينى اعيش بافكارى 
شربت البحر ولا طفى نارى

عينك فى عينه وبتلاغيه شوفوا البت 
روحى للـ حبتيه 
بتنادينى تانى ليه انتى عايزه منى ايه 

عاوزك تكونى منتسمه بوقت اللحظه الحاسمه
وان سالوكى قولى نصيب وقسمه
نبهدل فى بعضينا ليه
يالا روحى روحى للـ حبتيه 
انتى خلاص حبيتى غيرى 

ياسلام منك ياسلام خلتينى ما اعرفش انام 
دورتينى ورا الايام ايدك فى ايده وماشيه بيه شوفوا البت

Donia Masaoud - Btnadeny Tany Leh | دنيا مسعود - بتنادينى تانى ليه

Karim Naguib - Amina Khairat | كريم نجيب وأمينة - كان يا مكان

Zain M7mod - Yabki W Yad7ak | زين محمود - يبكي ويضحك

Magda ELRomy - 7abibi  | ماجده الرومى - حبيبى

An3'am - Shantet Safa | أنغام - شنطة سفر

رسيني يا ساقية عذاب فين اللي راح فين اللي غاب 
قوليلي راحوا فين واشكي الفراق لمين
واروح لمين ايه اللي باقي من بعد اللي راح غير الجراح
انده عليك يا حبيبي ولا انت داري بي في بعدك

-

مسجونة في العمر اللي فات من بعد ما روح قلبي مات 
خد كل العمر معاه مفاتش غير الآه 
وعذاب الآه ليه يا موت تحرمني من الأحلام مش حرام
دبلتني في ربيعي…وشوفت خضوعي في ردك

-
ليه يابني تسيب حضني ليه ؟
في ادفى من حضني ايه ؟
روحت وسبت وحده مره وليل طويل
روحت وخدت قلب كنت بعيش عليه
وفردت بعادك شراع من غير ولا كلمة وداع
آه يا ريتني أعرف بس روحت فين
كنت أمشيلك كل خطوه برمش عين


Ahmed Elshamy

Popular tracks