سنه 1919 فرقة نجيب الريحاني المسرحيه عملت عرض مسرحي اسمه "رن"، ومن خلال العرض ده قدم فنان الشعب سيد درويش اغنيته ( التحفجيه او لحن الحشاشين ) من كلمات بديع خيري والحان سيد درويش،وغناها من بعده مطربين ولكن مصطفي سعيد افضل من غناها بعد سيد درويش.
كلمات الأغنيه : 
ياما شاء الله ع التحفجية اهل اللطافة والمفهومية
اجعلها ليلة مملكة ياكريم
دا الكيف مزاجه إذا تسلطن اخوك ساعتها يحن شو شو شوقا
الى حشيش بيتي نيتي نيشي اسأل مجرب زي حالاتي
حشاش إرا إراري يسفخ يوماتي
خمسين جرايه ستين سبعين
هأ هأ هأ يامرحب
صدق وآمن بالذي خلقها وقال كوني جوزة لكل من يدوقها
مايسلا أنفاسها بملايين
بس الاكادة حبس وظلومة يكفينا شرك يادى الحكو حكو حكومة
حكو حكو حكو حكو حكومه اول مانسمع زنة نموسة
تبص تلقى كل الشخصة اكسبرسات راحم طايرين
ها ها هأ يامرحب
هو احنا يعني علشان غلابة لابتوع قراية ولاكتابه
يهينونا فلتحيا التفانين
كان يبقى شنبي من غير مؤاخذه
على كلب رومي والا على مع مع معزه
معمع معمع معمع معزه
اول ماتنده وتقول ياقرقر
أجيك مش مشمر من غير تؤخر هو ابن مصر حيخاف من مين
ها ها هأ يامرحب
ورينا أجدع بيه والا باشا يقدر يعايب على الحشاشا
فشر يادقدق صلى ع الزين
وأقول لك الحق يوم مانلقى بلادنا طبت فى اى زنقة
يحرم علينا شربك ياجوزة روحي وانت طالقة مالكيشي عوزة
دي مصر عايزه جماعة فايقين يا مرحب

ما رأه مصطفي سعيد في لحن الحشاشين

صدق اللي قال علي العبقري سيد درويش انه " فنان الشعب " 
والتسمية نفسها اطلقت عليه لانه غني لكل فئات الشعب المصري حتي بتوع 
الكوكايين 
والاغنية من كلمات : بديع خيري،  والحان : سيد درويش 
ويتقمصها طربا هنا .. العظيم مصطفي سعيد.
كلام الاغنيه عشان صعب جدا : 
شمعنى يا نخ
الكوكايين كخ
دا أكل المخ
هلكنا اعمله على غيرنا
رايح لي تطخ
وجاي تبخ
شطب
هو أنت شريكنا حتى في مناخيرنا ؟
إيش عرفك انت يا دونكي
المدعوئة دي بخنافتها
بتكلفني كوكايين كام في ليلتها ؟
ياما راح قناطير جواها
من القزايز إياها
صحة ما صحة ... لا إله إلا الله
راحت مورتو
العايز أهبل يا خواجه زنفل
و يروح أبو زعبل
و أبوه علشان تنشيقه
و لا خمسة جرام
و لاعشرة جرام ... بيقضوا أخوك
دا انا اشطب على ميت توريقه
مش غايته الجيب حـَ ينفض
إيه يعني
المخ يأكسد
إيه يعني
نشمه أبيض .. يطلع إسود
ياما حُكما و أجزاجيَّة
ياما حانوتيَّة و ترابيَّة
بقوا أغنيَّا
على حس الكوكايينجيَّه
شوف الدنيا
مابقينا صمٌ بكمٌ عميٌ
شوروروم بوروروم
يا أفندي البيجي بيجي بيجي
من السما إحنا وقعنا لك
و انتي استلقيتينا
يا مصلحة الجمارك
حـَ تلاقينا تفليته ورا تفليته
رايحيين ميَّة ورا ميَّة
و آخرتها تري بتي تيتي
عـَ العباسية
حوشيني يا امه
عـَ العباسية
دي مناخيري 
طولت شويه

مصطفي سعيد - الكوكايينجيه

يقال ان عزيز عثمان برغم صوته الرائع كان ميال جدا للنوعيه دي من الاغاني .. وزي ما غني " الغراب يا وقعه سودا " غني برده الاغنيه دي في فيلم اسير العيون عام 1949  
كلمات الاغنيه :  
عيون حبيبي خُضر و خضرضر
و خدود حبيبي حُمر و حمرمر
و شعور حبيبي صُفر و صفرفر
فرفر يا اخويا فرفر
ساعة ما اشوفه فايت عليا
آقول يا ريتني قبقاب في رجله
و لما إيده تلمس إيديا
سكينه حاميه تدبح لي عجله
نهار ما شفته تعبان قرصني رقدني جمعه
و لما بوسته ميل و عاصني من بُقه دمعه
محتار في بختي الاسود يا اختي
بس اعمل ايه
دهنت لي سبرتو
و القلب مورتو 
آحيه عليه

عيون حبيبي - عزيز عثمان

المفروض ان من أوبريت : العشرة الطيبة
من تأليف : محمود تيمور وأشعار : بديع خيري وألحان : سيد درويش
يقال برده ان الاوبريت ده مطربين كتير غنوها،لكن مش كامله لان كلامها عيب شويه ولازم أنوه انها + 18
لكن سيد درويش وحياة صبري غنوها بكلماتها الاصليه الكامله 
وده كلام الاغنيه :
سيف الدين : على قد الليل ما يطول
مسترضي بسهرى و نوحي
في حبك ياللي أول ما اشوفك تترد روحي
سنين و ايام دايب فيكي بزمارتي أصحيكي
طول ما انا وانتِ فـ الدنيا دي طظ فـ أهلي و فـ اجدادي
أروح على فين وانتي قصادي
نزهة : آه ياترى ياربي ده هوه واللا لئّه .. حبوبي ؟
سيف الدين : ياعين الحبوب من جوه 
يا سبب وعدي و مكتوبي .. يا كتاكيتها
نزهة : يا ننوسه
سيف الدين : ياقطاقيطها
نزهة : يا حنتوسه
سيف الدين : أنا م النجمة في اِستنظارك
نزهة : آديني نازلة
سيف الدين : أما نهارك أبيض من طبق القشطة
نزهة : أوعَ يكون حد شايف طيفي
سيف الدين : حُطي فـ قلبك بطيخة صيفي
شِفـِّتي بتاكـُلني أنا فـ عرضك
خليها تسلم على خدك
نزهة : يوه يا دين النبي دنك سايح
ما شبعتش من ليلة امبارح
سيف الدين : ما تفكرنيش
أما دي حقه كانت ليلة في غاية الرقه
نزهة : فاكر وانا حاطه ايديه في بطاطك قبلي الترعه
على غفله و ملت عليَّا ما اقدرتش اقول لك اوعَ
سيف الدين : قمت انا بصيت يمين و شمال 
ساعة ما لقيت مافيش عزال
طـُبل طبلي كده وزُمر زمري هنا و شقلي بقلي
وعنها و دغري خدت لي بوسه لكن صنعه
نزهة : من يومها عرفت فـ الآخر إنك مستعبط ساهي
ايش قـُلت المثل الساير ياما تحت الساهي دواهي
سيف الدين : آه عليها عيون ما تلتقهاش
على بنا آدمين يا كده يا بلاش
نزهة : عليه مناخير فشر النبقه
سيف الدين : أما نُهودها فوق عن وقـّه
دَ انا متبرجل يا حَدوئه يا كتاكيتها
يا حلاوتها يا خفافتها يا قطاقِطها 
إديني بوسه كمان بوسه 
شِفـِّتي بتاكـُلني أنا فـ عرضك
خليها تسلم على خدك
نزهة : يوه يا دين النبي دنك سايح
ما شبعتش من ليلة امبارح
سيف الدين : ما تفكرنيش
سيف الدين و نزهة : أما دي حقه كانت ليلة
في غاية الرقه
----------------------------
واخيرا .. اتمني تسمتعوا بالحكايه دي :)

جزء من اوبريت العشرة الطيبه - سيد درويش وحياة صبري

يقال ان الثنائي الذي لا ولن يتكرر " الشيخ امام عيسي والفاجومي احمد فؤاد نجم " ذاع صيتهم وخصوصا بعد اغنية ( اتوب عن حبك انا )وفي التراك ده خصوصا صوت امام كان ممتلئ بالشجن والطرب وكذلك الكورال
طبعا من الحان الشيخ امام وكلمات احمد فؤدا نجم وذلك عام 1962 
كلمات الاغنية :
أنا اتوب عن حبك أنا ؟ أنا لي ف بعدك هنا 
دنا بترجاك الله يجازيك
يا شاغلني معاك وشاغلني عليك
وان غبت سنه أنا برضه أنا ل
ا اقدر أنساك ولا لي غنا ولا اتوب عن حبك أنا
زي ما يحلالك زي هواك
سهرني عليك سهرني معاك
دنا عمري ما اخاف من هجرك يوم
ولا قلبي بيفرح غير ونا وياك
وان كان أمل العشاق القرب أنا أملي ف حبك هو الحب
وان غبت سنه أنا برضه أنا
لا اقدر أنساك ولا لي غنا ولا اتوب عن حبك انا
أنا لا اتمنيت ولا قلت يا ريت
ولا بعدك عني جعلني سليت
دنا كل منايا أدوق اللوم ويقولوا علي الناس حبيت
وان كان أمل العشاق القرب وأنا أملي ف حبك هو الحب
وان غبت سنه أنا برضه أنا
لا أقدر أنساك ولا لي غنا ولا اتوب عن حبك أنا
تخاصمني كتير تصالحني كتير
كل دا يا حبيبي ما لوش تأثير
توصلني سنين تهجرني سنين ما تغيرنيش دنا حبي كبير
وان كان أمل العشاق القرب أنا أملي في حبك هو الحب
وان غبت سنه أنا برضه أنا
لا اقدر انساك ولا لي غنا ولا اتوب عن حبك أنا

النسخه الطربية من - اتوب عن حبك انا

فيلم البرئ بيتكلم عن الحريه الشامله !!
عمار الشريعي صاحب مقوله " ازاي تشوف المزيكا " نجح بشكل مرعب انه يؤلف مزيكا مش هنسمعها تاني غير من عمار ،حتي اغاني الفيلم كانت بصوت عمار الشريعي ! بس ده عمره ما كان جديد علي عمار.
الفيلم والمزيكا اتعملوا سنه 1986
فيلم البرئ اتصنف انه من احسن 100 فيلم في تاريخ السينما المصريه
التركيبه الاعظم في تاريخ عمار الشريعي 
مزيكا عمار مع صوت احمد زكي واستخدام وحيد حامد وعاطف الطيب وتوصيف الموسيقي التصويريه في اهم مشاهد الفيلم .
معتقدش ان ممكن يحصل تاني في التاريخ التركيبه دي ! اعتقد عمار كان واصل لاخر ابداعه في الموسيقي دي ، حتي اغاني الفيلم نفسه عمار غناها بصوته ومن اشعار الخال عبد الرحمن الابنودي
أول اغنيه كانت يا قبضتي والتانيه كانت محبوس يا طير الحق ولكن تبقي الموسيقي التصويريه هي الاهم
واخيرا 
" حسين افندي ابن عم الحاج وهدان لا يمكن يكون من اعداء الوطن ابدًا "

عمار الشريعي - موسيقي فيلم البرئ

مشهد النهاية - فيلم الكيت كات 
المره دي بعيدا عن المزيكا .. المره دي عشان البلد دي 
التراك ده مناسب للاوضاع والظروف الحاليه
" انت اعمي وكل الناس عارفه انك اعمي وكل الناس بتقولك يا اعمي وانت مش مصدق حد فيهم وبتضحك زي الاهطل علي اي حاجه " 
وفي الاخر وقعنا في النيل !!

النهاية - فيلم الكيت كات

تلحين وغناء :  " العبقري " مصطفي سعيد. 
كلمات : تميم البرغوثي.

كلمات الاغنية :
يا شعب مصر اِللي سابقه ضحكته غضبه
ما يطلع الصبح إلا و صحبتك سببه
يا معلم الليل يخف شوية عـَ الغلبان
يا حِجة الشمس تفضل طالعة ساعة كمان
مستأذنة و هى مش عادتها الاستئذان
متونسة بالميدان و بعشرته و نَسَبُه
----------------------------------------------------------
حاول تمسك دموعك ! لو تقدر.

يا شعب مصر - مصطفي سعيد

صعيدي في الجامعة الامريكية 1998

صعيدي في الجامعة الامريكية .. مشهد الجامع والماخور

you will find me beside the music always  !
how to see with your ears !! how to see the music !

Ahmed Farag

Popular tracks