مرسال لحبيبتي

حَبِيبْتِي .. حبيبتي

شرطه مايله

فرااااااغ

وهكتب ليه حروف إسمك ؟

ما هو إنتي في قلبي .. ساكنه القلب عارفه بقصتي وحالي

ومين غيرك في قلبي أكتب له مرسالي

.. أما بعد

مانيش عارف ده جوابي الكام

ماعونتش بحسب الصفحات ماعونتيش بحسب الأقلام

ماعونتش بحسب اللي ضاع من الأوهام .. كفايه إني بحبك بس

وقلبك لو بقلبي حس .. أو شاف حاله في بعادك

لصلي ربه وإستغفر لذنبه وصام

وياما في نفسي .. ياما ياما ياما ياما يامـــــــا

في نفسي .. تيجي لقلبي وتحني

ولازم تعرفي .. إني لا أنا عفريت ولا جني

بحبك بس إيدي أقصر كتير مني .. فمش هقدر أجيبلك من الدهب كفه

وأجيبلك من الياقوووووووووت كفة .. ومش هقدر أجيب الوالي في الزفة

ومش هقدر أجيبلك بيت يموت القطر لو لف في حماه لفه

كفايه إني بحبك مووووووت .. وحب الناس ندامه وعار وحبي عكسهم عفة

و لو ترضي في عندي شروط?

أنا طبعاً بحبك موت .. ولكن بردو ليا شروط

أنا عايزك تكوني في الوريد دمه .. وتبقي في عقلي أنا همه

و تبقي ورد جوا القلب غيري يشوفوا يتحسر ولا يشمه

وعايز رمشك الجارح .. سهراط يجرح فؤاد غيري مايرحمشي وأنا أجيلك

أعدي فوق سهراط رمشك ولا أخافشي .. وحتي لو وقعت في يوم من الخضه

أقع في عنيكي و أتوضي .. وأصلي ركعتين لله

وأبوس نن العنين .. وأمشي لأ أنا طماع ولا في طبعي الأنانية

جناين قلبي راح تفضل .. ولو طال البعاد فاتحه

بحبِـــــــــــك قولتها بالكسره .. نفسي أسمعها بقي بالفتحه >3

Aly Elhilbawi , Mrsal / علي الهلباوي , مرسال

ابويا الطيب علي الحجار


..حَبِيبْتِي
..شَرْطَه مَايْلَه
..فَرَاغْ
وهَاكْتُبْ لِيهْ حُرُوفْ إِسْمِكْ؟
مَا هُو انْتِي فْ قَلْبِي سَاكْنَه الْقَلْب
عَارْفَه بْقِصِّتِي وْحَالِي
ومِينْ غِيرِكْ فِي قَلْبِي اكْتُبْ لُه مِرْسَالِي؟
..و...... أَمَّا بَعْد
مَانِيشْ عَارِفْ جَوَابِي دَا جَوَابِي الكَّامْ
مَا عُدتِشْ بَاحْسِب الصّفْحَاتْ
مَا عُدتِشْ بَاحْسِب الاّقْلاَمْ
مَا عُدتِشْ بَاحْسِب اللّي ضَاعْ مِن الأَحْلاَمْ
..كِفَايَه انِّي بَاحِبِّكْ بس
..وقَلْبِكْ لَوْ بِقَلْبِي حسّ 
أَوْ شَافْ حَالُه فِي بْعَادِكْ
!لَصَلَّى لْرَبُّه واسْتَغْفَرْ لِذَنْبُه...وْصَامْ
قُولِي لِي ازّايْ أَحِبِّكْ حُبّ يِرْضِيكِي؟
أَنَا تَايِهْ... وِنِفْسِي اوْصَلْ أَرَاضِيكِي
دَا لَوْ كَان الْهَوَا بِالسُّهْد
..انَا سِيدُهْ
ولَوْ قُلْتِي انّ حُبِّكْ صُوم
..أَنَا عِيدُهْ
ولَوْ حُبِّك فِدَاهْ قَلْبِي
أَقَطَّعْ قَلْبِي مِيتْ مَرَّهْ
..وَاقَدِّمْ لِكْ عَنَاقِيدُهْ
!وِبِتْقُولِي بَاحِبِّكْ لِيهْ؟
وهُوَّ الْقَلْب مِتْعَذِّبْ كِدَه بْإِيدُهْ؟
بَاحِبِّكْ... حَتَّى لَوْ بِاب الْقُبُول اتْسَدّ
وهَاتْخَيِّلْ صَدَى صُوتِي بِيَاخُدْ كِلْمِتِي وْيِرْجَعْ مَعَاه الرَّدّ
:ولَوْ قُلْتِي لِي مِيتْ مَرَّهْ
.."أَنَا عُمْرِي مَا حَبِّيتْ حَدّ"
هَازيد الْكِلْمَه مِيتْ مَرَّهْ
دِي نُقْطِةْ مَيَّه مِ الْمَطَرَهْ إِذَا فَاضِتْ
..تِهِدّ السَّدّ
وحَتَّى لَوْ فَارِقْتِينِي
..هَاحِبِّكْ فِي الْفُرَاقْ بَرْضُهْ
هَوَاكِي فْ قَلْبِي لَوْ شُفْتِيهْ
..نَوَافْلُه وْسُنِّتُه وْفَرْضُهْ
وحُبِّكْ أَرْضُه
لَوْ تِنْسِيهْ... هَيِنْسَى ازّايْ حَنِينْ أَرْضُهْ؟
ويَامَا فْ نِفْسِي
يَامَا فْ نِفْسِي
تِيجِي لْقَلْبِي وِتْحِنِّي
..ولاَزِمْ تِعْرَفِي إِنِّي
..لاَ انَا عَفْرِيتْ وَلاَ جِنِّي
..بَاحِبِّكْ... بَسّ إِيدِي اقْصَرْ كِتِيرْ مِنِّي
فَمِشْ هَاْقدَرْ
أَجِيبْ لِكْ مِ الدَّهَبْ كَفَّهْ
وَاجِيبْ لِكْ مِ اليَاقُوتْ كَفَّهْ
ومِشْ هَاْقدَرْ
أِجِيب الْوَالِي فِي الزَّفَّهْ
ومِشْ هَاْقدَرْ
أَجِيبْ لِكْ بِيتْ
يِمُوت الْقَطْر لَوْ لَفّ فْ حِمَاه لَفَّهْ
كِفَايَه انِّي بَاحِبِّكْ مُوتْ
وحُبّ النَّاسْ نَدَامَه وْعَارْ
وحُبِّي عَكْسهُمْ عِفَّهْ
ولَوْ تِرْضِي فَعَنْدِي شْرُوطْ
أَنَا طَبْعاً بَاحِبِّكْ مُوتْ
ولَكِنْ بَرْضُه لِيَّه شْرُوطْ
أَنَا عَايْزِكْ تِكُونِي فِي الْوَرِيدْ دَمُّهْ
وِتِبْقِي فْ عَقْلِي انَا هَمُّهْ
وِتِبْقِي وَرْد جُوَّا الْقَلْب
غِيرِي يْشُوفُه يِتْحَسَّرْ... وَلاَ يْشِمُّهْ
وعايزك تفهميني لو كلامي طلّ من رمشي
وعَايِزْ رِمْشِك الْجَارِحْ
صِرَاطْ يِجْرَحْ فُؤَادْ غِيرِي مَايِرْحَمْشِي
وَانَااجِيلِك
أَعَدِّي فُوقْ صِرَاطْ رِمْشِكْ... وَلاَ اخَافْشِي
وحَتَّى لَوْ وِقِعْت فْ يُومْ مِن الْخَضَّهْ
أَقَعْ فِي عْينِيكِي وَاتْوَضَّا
وَاصَلِّي رَكْعِتِينْ لله
وَابُوسْ نِنّ الْعِينِينْ
..وَامْشِي
لاَ انَا طَمَّاعْ
وَلاَ فْ طَبْعِي الأَنَانِيَّهْ
بَاحِبِّكْ
وانْتِي انَا طَبْعاً
ومَا اسْمَحْشِي لِحَدّ يْكُونْ شِرِيكْ فِيَّهْ
وقَبْل مَا يِخْلَص الْمِرْسَالْ
:بَاعِتْ لِكْ مِنْ عِينَيَّه سُؤَالْ
وهُوَّ الْحُبّ كَانْ عِيبَهْ؟
ولَوْ مَرَّهْ حِلِمْت بْضِحْكِتِكْ فِي النُّومْ
عَلَيَّهْ تِتْحَسَبْ غِيبَهْ؟
وفِي الآَخِرْ
بَاعِتْ لِكْ وَيَّا مِرْسَالِي الْجِدِيدْ أَحْلاَمْ
بَلاَشْ تِرْمِيهَا كَالْعَادَه مِنَ اعْلَى الْبُرْجْ
وِخَايِفْ يِبْقَى مِرْسَالِي نِهَايْتُهْ زَيّ أَجْدَادُهْ
!فِي قَلْب الدُّرْجْ
جَنَايِنْ قَلْبِي رَاحْ تِفْضَلْ ولَوْ طَال الْبِعَادْ فَاتْحَهْ
بَاحِبـِّــكْ
قُلْتهَا بِالْكَسْرَهْ
!!!نِفْسِي اسْمَعْهَا بِالْفَتْحَهْ

مرسال لحبيبتي - علي الهلباوي (من برنامج باسم يوسف "البرنامج)- توزيع جميل

صباح
الشحرورة
أغاني نادرة لصباح
أروع أغاني صباح
فايت علي بيتنا

صباح _ فايت على بيتنا ❤️

موسيقه حماسيه💥🔥

El-2awafy القوافي - محمد محيي

مكنتش صدفة

endloses Staunen, 
im stillen Strom des Lebens,
versöhnlich im Sein.

ruhge Akzeptanz,
kommen und gehen lassen,
befreit und erfüllt.

sich verlieren im
ewigen Wandel der Zeit,
kein Ich und kein Du.

sich wiederfinden,
in zeitloser Ewigkeit,
offene Räume.

das Leben versiegt,
jedes Wort bloss Schall und Rauch,
Gegenwart verblasst.

friedvolle Leere,
kein Hoffen und kein Bangen,
die Suche endet.

music & lyrics by Martin Senn
arrangement by SUNO

Mohamed Hamaki \ Shak5bata 3al 7et

Ahmed Gamal.

Related tracks