انا اللي بالامر المحال اغتوي - رباعيات صلاح جاهين

من نور الخيال و صنع الأجيال في تاريخ القاهرة - حلقة سيد درويش
تأليف: فؤاد حداد
ألحان و غناء: سيد مكاوي
إخراج: فتح الله الصفتي

نص الحلقة:
ليه يا عرب تستبدل القفطان
عرب التفت على مهله واتبسّم
يا سنته نوارة الأوطان
خلى الكلام يحلى ويتقسم
يا سامعين أبناء بلد واحده
تحت السما الواحده عرب بيقول:
أيام تسعتاشر بتحيى الحى
و تخلى فنان البلد مسئول
يا سامعين يا اهل الزمان الجاى
ليلكم منور فى العزب والقرى
كان ياما كان من مبدأ الذاكره
الشمس طالعه وصوتى مش سامعاه
حرمت أغنى لها وانا فى الدرا
فتحت شباكى وقلبى معاه
وجبت ريح البحر للقاهره
وطلقت حنجرة الفتاه والشاب
ورفعت فنى الى مقام الشعب
فنى رجع للأصل بالطفره
رجعت لى مصر بقوة الثوره
الثوره ضاربه فى صميمى جدور
أغنيه أمنيه قدر مقدور
الحدادين نافخين معاى الكور
والخبازين قايدين معاى الفرن
أخبز لكل الناس عشا وفطور
والفلاحين ماليين معاى الجرن
داقين فى قلبى السبع والعصفور
منورين المونه والمعجنه
كاتبين لى أيام الزمن والسنه
نسمه بنفسهم جايه متلحنه
وسؤال فى ودنى زى نبض النور
يا مصرى يا سيد وابوك درويش
النيل بيجرى والا ما بيجريش
النيل بيجرى والعجل بيدور
والفجر طالع بالصنايعيه
ومصر لازم تبقى مصريه
وكل كلمه تقولها أغنيه
وكل أمنيه وأمل دستور

يا مصر يا مصريه كتر خيرك
طالقه على جناح الأمل طيرك
يا مصر راضيه و ربنا أعطاها
شوقى وبيرم والأديب طه
فيه ناس طوت أشجانها جوه الصدور
حافظ يناجى فى الخيال والطيف
وبين عيونه زى ضربة سيف
وفى سكوته آهة المقهور
هاتى الآهات اللى ما تتأوهش
هاتى الآهات اللى ترج الوحش
وفى سجن الاستعمار تهد السور
عَلّى رقبتك زى جيش منصور
صبى علينا زى شمس الظهر
فى الأرض ما تخليش خيال مكسور
يا مصر يا أول كتاب العصور
أنا ابوس ايديك الشريفه كل ما تولّد
سنين ورجاله تحيى الأرض وتخلد
أبوس ايديك لتسعتاشر وشيخ سيد
يا مصر يا أول كتاب العصور
أنا ابوس ايديك الشريفه كل ما تولّد
سنين ورجاله تحيى الأرض وتخلد
أبوس ايديك لتسعتاشر وشيخ سيد
عرب التفت فى هيئة الفنان
فى عروته الورده اللى بتفتح
قال كان بودى ألحن الجرنان
أخبار تجينا الصبح وتفرح
عرب اللى دايب من أمل وحنان
كل الشوارع تعرفه والدور
ألفين سلام مطرح ما عينه تدور
مشى فى الجنينه اتقطفت له الزهور
قال كلنا نحب الوطن يا ولادى
أنا كنت باحلم بالنهاردا الليله دى
صبحت بلادى بلادى
وانتوا المغنيين وانا الجمهور


من نور الخيال حلقة سيد درويش

"رباعيات علي غير العادة"

أنا اللي عمري اشتياق في اشتياق
وقطر داخل في محطة فراق
قصدت نبع السم .. وشربت سم
من كتر شوقي وعشمي ف الترياق

عجبي

على رجلي دم نظرت له ما احتملت
على إيدي دم سألت ليه ؟ لم وصلت
على كتفي دم وحتى على راسي دم
أنا كُلي دم... قتلت ؟ولا انقتلت؟

عجبي

غسل المسيح قدمك يا حافي القدم
طوبى لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم

عجبي



رباعيات "صلاح جاهين" بصوته

يامصر قومي - الشيخ إمام / أحمد فؤاد نجم

من فوق  شواشي الدره 
بدريه السيده
من قعدة مزيكا نجوم FM

من فوق شواشي الدره-نجوم FM

حفل تكريم الفنان مارسيل خليفة
مسرح الأونيسكو - لبنان - فبراير 2014
الأوركسترا الوطنية اللبنانية بقيادة أندريه الحاج

ألحان : مارسيل خليفة

يا ساري من جداهم يا مبلغني سلام
يا مذكرني بهواهم يومٍ سرت الأنسام

هل يا ترى ألقاهم في قادم الأيام
أشوف طيب حماهم وأطفي لهيبِ هيام
عندي نِذِر بـ غلاهم إن أشرفتُ بسلام
لأسجد أنا بـ مرآهم سجدة شكر وقيام

يا ساري من جداهم يا مبلغني سلام
يا مذكرني بهواهم يومٍ سرت الأنسام 

هذا وأتمناهم في صحوي والمنام
يا محلا ذكراهم يوم يطيب الكلام
عندي نِذِر بغلاهم إن أشرفتُ بسلام
لا ألثُم والله ثراهم وأخصهم بصيام

يا ساري من جداهم يا مبلغني سلام
يا مذكرني بهواهم يومٍ سرت الأنسام

محمد محسن - يا ساري

تيمة عبد الفتاح ضرغام - زيزينيا

حسن أرابيسك يتحدث عن وحدتة - من مسلسل (أرابيسك: أيام حسن النعماني)

على الحجار-مأساة الحلاج-قد كنت عطراً-صلاح عبد الصبور

 احدى القصائد الرائعة لفؤاد حداد "اوعى ما توعاش" وهي عبارة عن "حوارية"بين حمار وصاحبه، تنقل 'حالة' متفردة عن طبيعة العلاقة التي تربطهما ومدي عمق الأصرة التي تصل بينهما والأغنية تليحن وغناء الملحن ابراهيم رجب 
و هذه كلمات الأغنية:
إوعي ماتوعاش
لاجلن ان
جلاجله ترن
ولاعب الجن
ولف الدنيا، وعاش 
حلوة نقاوة سنه
ولاطير الفيوم
يعرف يخدم اصل اكمنة
متربي ومخدوم
ولافيش أهدأ، واروق منه ولافين اروق منه واذوق
لابس احمر واخضر، وازرق
قال ياسروجي عشان يستزرق
وياك النقاش
اوعي ماتوعاش
يتني رقبته، ولايعوجها
ويعرف ودنه منين
سمع الكلمة ولم يحوجها
تنقال له نوبتن
ايها جهه علي ايها وجهه
خدها في غمضة عين
مشط دهب بيزين قورته
خمسه وخمسة، واما جعورته
عمره مايفتحهاش
ولابيرد علي المتبلي
ولايزعل من حد
ولاشلت له في القلب وشال لي
ولاشديت، ولاشد
الامرة واحدة دخل لي
قافيه بضحك وجد
قال شوف مين فينا اللي يجلي.
قلت له أصلك جحش، وقال لي
اصلك صبي جحاش
إوعي ماتوعاش 

إوعى ماتوعاش

كلمات : صلاح جاهين

وقف الشريط فى وضع ثابت
دلوقتى نقدر نفحص المنظر
مفيش ولا تفصيلة غابت وكل شىء بيقول وبيعبر
من غير كلام ولا صوت اول ما ضغط الموت على زر فى الملكوت
بخفة وبجبروت فى يوم اخبر
وقف الشريط فى وضع ثابت
دلوقتى نقدر نفحص الصورة
انظر تلاقى الراية منشورة
متمزعة لكن مازالت فوق بتصارع الريح المسعورة
انظر تلاقى البلاد اجيال ورا اجيال رافعاها باستبسال
ونزيف دماء سيال على الجبهة
وفى عنفوان النضال
وقف الشريط فى وضع ثابت
خللى المكانجى يرجع المشهد
عايز اشوف نفسى زمان وانا شاب داخل فى رهج الثورة وانا غضبان
ومش عاجبنى جن او انسان
قاللى المكانجى رجوع مفيش عيش طول ما فيك انفاس تعيش
بص شوف ركن الشباب فيه الف مليون شاب
ومش عاجبهم لا وصى ولا اب
انظر اليهم وانت تتذكر
ليه ضربة صابت وضربة خابت وضربة وقفت بالشريط فى وضع ثابت
انظر وشوف ع المهل براحة
الشمس وسط القبة قداحة
والقدس واقعة والحرم منداس
صوت الجرس والاذان على قلبها حراس
وادى بطلها هل فى الساحة
قلب الحجر فى الايد بيغلى حماس
قال المكانجى بنوم وانا مكلوم
قال المكانجى والشريط شغال
مالكش تسأل سؤال
انظر وشوف الحق لما انهان
انظر وشوف الآن
بكرة بقى امبارح فى حضن زمان
وبعد بكرة فوق همومك فات
مفيش شريط مأجور ولا خوان 

انا اللي بالامر المحال اغتوي - رباعيات صلاح جاهين

Ahmed_Hashad

Recent comments

Wesam Megawer

Wael Hamed 1

Muhammad Hilal

Rody Samy

Related tracks