Name: شباك النبي علي باب الله by AhmedKhaled
Duration: 9 min 59 s
Description: علي الحجار - شيماء سعيد - هانى عبد الفتاح - امال ماهر- محمد العزبي - محمد الحلو - غادة رجب

اغنية من فيلم احنا بتوع الاتوبيس

دلوقتى اقول انا لى اولاد

قلب فـارس من فيلم ( أخر أيام الأرض ) - هاني عادل

أنا قلبي كان شخشيخة أصبح جَرس  جلجلت به صحيوا الخدم والحرس  أنا المهرج - صلاح جاهين

بلدك بعيدة ياعنب

فرقة الطنبورة البورسعيدية 

ALTANBOURA BAND -- SHOFT AL2MAR   شفت القمر - فرقة الطنبورة السمسمية

عمار الشريعي - فيلم حليم - عشانك يا قمر

البقرة حلوب الشيخ إمام

اداء صوتى: ايرينى سمير
vocal performance: ereiny samir
اغنية لفيروز الصغيرة والفنان انور وجدى من فيلم 
"دهب"
1953 .. كلمات محمود بيرم التونسي والحان منير مراد

كروان الفن وبلبله اداء صوتى ايرينى سمير

علي الحجار - شيماء سعيد - هانى عبد الفتاح - امال ماهر- محمد العزبي - محمد الحلو - غادة رجب

شباك النبي علي باب الله

يعوض الله علي الأخلاق النــــاس في سبــــــــــاق علي البكش والاستـرزاق امســـــك يــــا بوليـــــس  ياما ضماير ناقصه رباط وزمم مطــــاط مطاــــط -- الشيخ امام وأحمد فؤاد نجم.

"علام"
للمرة السابعة والعشرين يطلبون مني أن أحكي لهم القصة من البداية..أصبحت أشهر رواد المقهى الصغير، يأتي لي جمهور من المقاهي المجاورة ليسمعوا الحكاية. أُستبدلت الربابة بكوب القهوة المظبوط ثم حمص الشام الذي يدفئ العروق في ليالي الشتاء. 
الليلة أنا مُتعب والقهوة لم تعد تساعد على الحكي ولكني لا أستطيع مخالفة الرسالة، لا أستطيع مقاومة كل تلك العيون التي تنظر لي في تقديس..ينتظرون مني أن أحكي لهم الحكاية، أن أنطق أولى كلمات الحدوتة.. التي يعرفونها جميعًا، أن أقول: 

يوم الجمعة الساعة 3 بعد الضهر اتولد علام..الدكتور قال لوالدته ان ابنها عنده عيب خلقي في عينه وبسببه مش هيقدر يغمض أبدًا، والدة علام ضحكت لما سمعت كلام الدكتور عشان افتكرت إعلان روتانا سينيما. والد علام مركزش في كلام الدكتور، باله كان مشغول بترتيبات السفر والأجازة اللي أخدها من غير داعي.
في أول يوم ليه ف المدرسة علام عرف إن أبوه مات، مكانش عارف يعني إيه موت ومكانش عارف يعني إيه أبوه. كل اللي كان عارفه إنه هيرجع من المدرسة بدري، قبل بقية الأطفال اللي بيعرفوا يغمضوا عنيهم بشكل طبيعي.
في نفس اليوم بالليل وبعد مالناس الكتير مشيوا والدة علام فتحت التليفيزيون على مسرحية العيال كبرت وقعدت تضحك. عشان كده، لما كان في المدرسة في تالتة إعدادي وعرف إن والدته ماتت روح من المدرسة بدري..لبس قميص أسود، وبالليل بعد مالناس اللي  ماجوش مشيوا فتح التليفيزيون ودور على قناة بتعرض مسرحية العيال كبرت..وقعد يضحك .
علام مكانش بيحلم أبدًا، كان دايمًا آخر حاجة بيشوفها هي صورة أمه المقلوبة وبعد كده بيغيب عن الوعي وعنيه نص مفتحة لحد ما يصحى على صورة أمه القلوبة، يتعدل على طرف السرير فتتعدل الصورة.
علام مرجعش المدرسة من ساعة ما سابها يوم موت أمه، كان بيحب مُدرسة الرسم بتاعته فاشتغل نقاش، شغله كان معروف لكل الناس وزباينه بيجوله من كل مكان عشان معروف إن شغله مختلف، كان دايمًا بيشوف حاجة زيادة، تفاصيل محدش بيعرف يشوفها غيره..يمكن عشان عمره ما غمض…"
العيون لا تزال متسعة تترقب مشهد العراف الأعمى، كلهم يعرفون الحكاية كاملة، بل منهم من يحكيها بتفاصيل إضافية أدهشتني شخصيًا حين سمعتها، ومع ذلك يأتون..دائمًا يأتون..
أمد كفي لأرتشف رشفة من كوب القهوة فأجده باردًا كضريبة على الإسترسال في الحكي في هذا البرد القارس.
" واحد حمص يا عم سعيد "
العيون تتلفت في ملل، يجب أن استأنف الحكي حالًا قبل أن أفقد ذلك الشغف في عيونهم:
" شاف الزبون شغل علام في الشقة واتقلب وشه وزعق في علام: مش عايز الشغل ده، إعملي الحيطة دي كلها من الأول.
أول مرة من ساعة ما مسك علام سكينة المعجون والفرشاة يعترض زبون على شغله، رجعله علام فلوس العربون وطلب منه يشوف نقاش تاني يكمل الشغل ونزل الشارع مش قادر يشوف اللي حواليه، ومش قاد ميشوفهمش.
ولأنه كان مش شايف اللي حواليه، خبط في عجوز أعمى بيحاول يمشي من غير عصاية يشوف بيها. 
قاله الأعمى: ما تحاسب يا أخينا..إنت مبتشوفش؟
رد علام: ياريت، أنا بشوف حتى وانا نايم.
رد الأعمى: دي مشكلتك، فتح عنيك هتشوف اللي انت عايز تشوفه، غمضها..هتشوف الحقيقة.

فكر علام في كلام الأعمى لثواني والتفت عشان يرد عليه لكن ملقاش ليه أي أثر..
بعد 3 سنين جمع علام كل الفلوس اللي اشتغل بيها وراح لدكتور وعده إنه هيقدر يعالجه، هيخليه يقدر يغمض عينه وميشوفش زي باقي البشر..
بعده بيومين خرج علام من المستشفى وهو عنده القدرة أخيرًا انه يغمض..
الرهبة والتوتر خلوه يأجل كل حاجة لحد ما يروح البيت..
طفى كل أنوار الشقة، وقف في بلكونة الدور التالت مستعد أخيرًا إنه يشوف الحقيقة، إنه يغمض عنيه..
.
.
.
مشافش أي حاجة..ضلمة..مساحات لا نهائية من اللون الأسود، ومفيش ولا مشهد من العيال كبرت..
مقدرش يستحمل الحقيقة..نط من بلكونة الدور التالت وهو بيفكر، يمكن..يمكن كده يشوف.."

إنتهيت من حكايتي وقد هزم الشتاء حمص الشام أيضًا فصار باردًا كليالي ديسمبر الحزينة..الكراسي كسولة، الطاولات لا تبالي كمن سمع كل القصص في تاريخ البشرية، العيون منبهرة ورواد المقهى الصغير يتناقشون مع بعضهم البعض في تفاصيل الحدوتة مرسلين نظرات تقديس ووتعظيم ناحيتي من آن إلى آخر، أما أنا فأعود برأسي إلى الوراء وغمض عيني لأجرب ذلك الإحساس الجديد مرة أخرى وأنادي عم سعيد متجاهلًا قدمي التي تصرخ من الألم جراء سقطة حديثة وأشير نحو الجميع من حولي وأقول:
" الحساب عليهم يا عم سعيد"
ينظر لي الرجل العجوز في شفقة وعدم فهم قائلًا: " على مين يبني، إنت قاعد لوحدك من الصبح..مفيش غيرك في القهوة"
.
.
.
تمت

شباك النبي علي باب الله

AhmedKhaled

Related tracks