سوداني

عبدالمنعم الخالدي اسرار الهوي

مصطفى سيد أحمد والخالدي وسيف الجامعة - قلبي مالو اليوم - عود وإيقاع

نرجسة..محمد الأمين

غضبك جميل زى بسمتك

على كل حال شكلك بديع

حكم الغرام بتذللي

وحكم الجمال بتدللك

الإشتياق والإحتراق والوجد لي

والإبتسام والإنسجام والحسن لك

عجباً تكون قاسي ووديع

نظرة عيوني لمحنتي

سحر الجمال في بهجتك

خائف عيونك تنجرح من نظرتي

خائف فؤادي يذوب غرام من نظرتك

يا آية المعنى الرفيع

ما بين خضوعي وجبرتك

أراك قريب لكن بعيد عن بغيتي

من بعد ما اوقعتنى في فتنتك

جرت وجفيت وجفاك مريع

على كل حال شكلك بديع

غضبك جميل ذي بسمتك





د. محمد دفع الله - غضبك جميل

يا سلام منك انا اه تسجيل عود

خالد الصحافة وعثمان اليمني. عينيك يا اعز الناس

كلمات - سيد عبدالعزيز
لي نية في قمر السماء مقاصدي معاك آه ما اجسما
ابني الفكر واهدما والعين تسيل دمع الدما
والدمعة مرات اعدما لحبيبي روحي اقدما
ياليته يرضى يخدما
***
حواسي مالها كلما هبت نسيمة تألما
روح يانسيم لها كلما لوجاهلة كنت اعلما
حـن المعذب للما
***
عجبا ملاك ساكن حما في حماية الحيا احتمى
منعو الدلال يظهر حماه هلك النفوس وابا يرحما
من هجرو ياحامي الحمى
***
بديها روحي تقسما بدل الزهور في مواسما
مهما النفوس قدرن سما تفدي العيون الباسمة
الفي القلوب ممضي إسما
***
كم من محاسن أعظما فيك خايلة خلقة منظمة
زي معنى شاعر ناظما صفا بهجتك ما أعظما
شوفتك ظماء وتروي الظماء
***
حي المسالمة ومسلما الذكراها أنسي وقلما
الـذكرى دايـماَ مؤلـمة لله روحي أسـلمـا
ما القمرة مالـقيت سلما
لله أموري أسلما
للقمرا مالقيت سلما
لي نية في قمر السما



نية في قمر السما

فيصل عبداللطيف الصحافة-من اجل حبي

محمد النصري يا أمنا

مصطفي سيد احمد وامال النور يا مطر عز الحريق

ليه بتسأل إبراهيم عوض

انة المجروح ... للشعار سيد عبد العزيز ... 

انة المجروح
يا أنة المجروح 
يالروح حياتك روح 
الحب فيك يا جميل 
معنى الجمال مشروح 
للحب لهيب فى الجوف زى الزناد مقدوح 
منه الجبابرة تلين لصوت بلابل الدوح 
وتصاحبو النسمات تفضل معاها تدوح 
بين نغمة الأشواق ومحاسن الممدوح 
الناس تحب رؤياك بالخاطر المشروح 
حورية فى السودان بحبى ليكى أبوح 
يا عنب جناين النيل أتمنى منه صبوح 
وانشد فؤادى الضال بين الرياض مذبوح 
وأرى الهلال فى ظلال تلك الخميلة يلوح 
أنا لو ضمنت رضاك اكون سعيد ممنوح 
يا من تسر رؤياك تفرح وتنسى النوح 
تكسى النهار بجمال خديك جمال ووضوح 
منه الغزالة تقيف فى موقف المفضوح 
من الوله للقاك دمعى الغزير مسفوح 
ناقم على الأيام مع أنه طبعى صفوح 
انا والخيال فى جدال وانت بنداك منفوح 
كل ما النسيم يغشاك زى الحديقة تفوح 
رايق كحيل نعسان انسان رقيق وجموح 
ساحر العيون بجمال فى سواك ما مملوح 
ان كان تميس بنميس ان كان تموج بنموج 
عدل الطبية جعل جور الحبيب مسموح
يا ملفت الأنظار يابسمة المفروح 
وانا أهدى ليك الحب حب من فؤاد مجروح
حب الشحيح للمال حب الجبان للروح

ابو داود انة المجروح - تغريد محمد

ما قدرت أوادعك حسه ليك مشتاق
بعدك الأيام قاسية ما بتنطاق
من غير أي مذاق
بس بكرة أعمل آيه لو كترت الأشواق
وأتكويت بالنار الفراق حراق
يرضيك يقيف نبضي كان بهواك خفاق
وأبكي من جواي وأزرف الدفاق
لو تعرف الشوق زاد لوعة للعشاق
خوف من قدر مجهول من زمن فراق
أهي الظروف جمعتنا جات عيشتنا فراق
ما جات لقتنا بعاد

عبدالمنعم الخالدي اسرار الهوي

Ahmed Mustafa | احمد مصطفى

Related tracks