اللي بني مصر كان في الأصل

wafwaf arabic list

الشيخ أمـام و أحمد فؤاد نجم - مصر يـا أمه يا بهية / النسخة الأصلية

يا حبايبنا
فين .. وحشتونا
لسه فاكرينا
ولا نسيتونا
دا حنا فى الغربة
م الهوى دبنا
وأنتو فى الغربة
جوه قي قلوبنا 
اوعوا تفكروا
إننا تبنا
مهما فرقونا
ولا بعدونا
يا حبايبنا

أحمد فؤاد نجم

الشيخ إمام - يا حبايبنا

مرعوبين. .. الشيخ امام 
كلمات: أحمد فؤاد نجم
مرعوبين مرعوبين مرعوبين
مش باقول لك ياحبيبى
مرعوبين
اللى فاكرينة عنتر
مرعوبين
واللى رقصوا فى حضن كارتر
مرعوبين
واللى سافروا لجولدا ماير
مرعوبين
والنسايب والقرايب
مرعوبين
والمشايخ فى الزكايب
مرعوبين
والسفاك المصريكانى
مرعوبين
والفراخ الامريكانى
مرعوبين
كل حكام الخيانة الماجورين
والسماسرة والحشم
والطباخين
مهما حاولوا يخوفوكوا
بالعساكر
فتشوهم
حتلاقوهم مرعوبين
مش باقول لك ياحبيبى
مرعوبين

مرعوبين - الشيخ امام


أنا الأديب وأنتم أدرى
وعاشق الناس والخضرة
لا عمري طبلت ف حضرة
ولا قلت حاضر للنصاب
الله الله يا بلدى ولا كنا صحاب

*******

خاين ولا حد يجيرو
زي الكلاب يلقى مصيرو
قتيل وفايت فينا غيرو
ماشيين وف نفس السرداب
الله الله يا بلدي مخبر ع لباب

*******


سلام مربَّع للجرانين
فارشين صور تحت العناوين
سينا اللي راجعة عريسها عنين
وأغلب المعازيم عزَّاب
الله الله يا بلدي والكل كلاب



*******

آدى السلام ولا بلاشى 
سينا اللي مدفع مافيهاشى
بالأمر جيش ما يروحهاشي
حطولها قفل ورَزة وباب
الله الله يا بلدى والأرض خراب


*******

مشوا الجيوش مشية وِزَّة
ترقص وعقبى ليوم غزة
اشرب وح يجيبو المزَّة
من أورشليم فستق وكباب
الله الله يا بلدي والعيشة هباب


*******

محلى السلام بطَّل كلاكيع
ممنوع كلام ضد التطبيع
علشان ما يلحق نفسو يبيع
أحلامنا يا حلاوة الأحزاب
الله الله يا بلدي شوفو الكذاب


*******

أصل الحكاية أن بهية
مدبوحة وبتدفع ديه
يا مصر ح تعيشى مطية
إذ يحكمك ضبوره وكاب
الله الله يا بلدي سنو الأنياب


الشيخ إمام- انا الاديب و انتم ادرى

شرفت يا نيكسون - الشيخ إمام / أحمد فؤاد نجم

رائعة الشيخ امام عيسى بوتيكات 
غناء و الحان شيخ الموسيقيين الراحل 
امام عيسى 
كلمات الشاعر
احمد فؤاد نجم 

كلمات الاغنية 

بوتيكات النات كوانَّات

وشقق مفروشه وعمولات

يا حلاوه الناوه كوانّاوه

يا بلدنا يا آخر فتاكات

بوتيكات النات كوانَّات

**

شبيك لبيك فتح مخك

لبيك شبيك غمض عينك

حتقفّل مخك ح نطخك

ونلوشك لو تفتح عينك

ركب قرنين تركب مازدا

وتعيش سلطان في البرواز دا

مش عاجبك فالجبنه الفاسدة

والعيش والفول والكرَّات

يا حلاوه الناوه كوانّاوه

يا بلدنا يا آخر فتاكات

بوتيكات النات كوانَّات



مين فيكوا ما يعرفش عليوه

شيّال المينا الكحيان

في ثواني اتمول واتحول

بقي مسيو عليوه عليَّان

إزاي؟

ما هي بوظه ومفتوحه

على حس ولاد المفضوحه

وأرانب صاحيه ومدبوحه

تتأستك تبع البنوكات

يا حلاوه الناوه كوانّاوه

يا بلدنا يا آخر فتكات

بوتيكات النات كوانَّات



حتقول الفقرا ومشاكلهم

دي مسائل عايزه التفانين

وأنا رأيي نحلها طوالي

ونموّت كل الجعانين

وبهذا ما حدش حيجوع

لو نعلن هذا المشروع

وح نقفل هذا الموضوع

نهائياً

ونعيش في تبات

يا حلاوه الناوه كوانّاوه

يا بلدنا يا آخر فتكات

بوتيكات النات كوانَّات

الشيخ امام - بوتيكات - جودة عالية - HD

آدم وحنان - ماجدة الرومي

محمد ناصر ـ وجيه عزيز ـ إيمان يونس

 عندي نفس الإحساس عندك
إيدي دايما بتسابق ودك
تسأل نفسي اسمع ردك
واتكلم تنطقني ف قلبك
اوعي تفكرني بصدك
عندي نفس الإحساس عندك
***
 عاشق للكون في هواكي
وراسم أحلام وياكي
وأسأل عن قلبي معاكي
وأسكت لما اسمع ردك
 اوعى تفكرني بصدك
عندي نفس الإحساس عندك
***
 جايز بتاخدني حبيبة
وأشعر وكأني ف غيبة
وارجع من تاني لقلبك
ألقاني بعيد عن قلبك
***
 قادر أنا أعمل زيك
واستغنى عن جنة ضيك
وإن جاني الشوق من حيك
هتدور واتجاهل ودك
- اوعى تفكرني بصدك
عندي نفس الإحساس عندك

نفس الأحساس - وجيه عزيز ـ إيمان يونس

Romantic Songs أغــــــاني رومــــــانسية
http://www.facebook.com/aghany.romansseya

Nicole Saba - Hafdal Ahlam 2012

يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى

رافعين جباه حرة شريفة
باسطين أيادى تأدي الفرض

ناقصين مؤذن وخليفة
ونور ما بين السما والأرض

يا مصر عودى زى زمان 
ندهة من الجامعة وحلوان 

يا مصر عودى زى زمان تعصى العدوين وتعاندى
آمان آمان بيرم أفندى


يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى



الدم يجرى فى ماء النيل
والنيل بيفتح على سجنى

والسجن يطرح غلة وتيل
نجوع ونتعرى ونبنى

يا مصر لسه عددنا كتير لا تجزعى من بأس الغير
يا مصر ملو قلوبنا الخير وحلمنا ورد مندى
أمان بيرم أفندى


يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى



يسعد صباحك يا جنينة
يسعد صباح اللى رواكى

يا خضرا من زرع إدينا
شربت من بحر هواكي

شربت من كاس محبوبى وعشقت نيل أسمر نوبى
وغسلت فيه بدنى وتوبى وكتبت إسمه على زندي
آمان آمان بيرم أفندى

يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى

يامصر قومى .. الشيخ أمام

كلمات: أحمد فؤاد نجم
بقرة حاحا

ناح النواح و النواحة

على بقرة حاحا النطاحة

و البقرة حلوب

حاحا

تحلب قنطار

حاحا

لكن مسلوب

حاحا

من أهل الدار

حاحا

و الدار بصحاب

حاحا

و احداشرباب

حاحا

غير السراديب

حاحا

و جحور الديب

حاحا

و بيبان الدار

حاحا

واقفين زنهار

حاحا

و  يوم معلوم

حاحا

عملوها الروم

حاحا

زقوا الترباس

حاحا

هربوا الحراس

حاحا

دخلوا الخوجات

حاحا

شفطوا اللبنات

حاحا

و البقرة تنادي

حاحا

و تقول يا ولادي

حاحا

و ولاد الشوم

حاحا

رايحين ف النوم

حاحا

البقرة انقهرت

حاحا

ف القهر انصهرت

حاحا

وقعت ف البير

حاحا

سألوا النواطير

حاحا

طب وقعت ليه

حاحا

وقعت م الخوف

حاحا

و الخوف ييجي ليه

حاحا

من عدم الشوف

حاحا

وقعت م الجوع

و من الراحة

البقرة السمرة النطاحة

ناحت مواويل النواحة

على حاحا

و على بقرة حاحا



حاحا - الشيخ إمام

ورقة من ملف القضية؛
الشيخ أمام؛

أحمد فؤاد نجم؛
تقاسيم؛؛

ورقة من ملف القضية - الشيخ إمام؛

انا طبعي كدا - نيكول سابا

الشيخ امام-كوكاكولا جت بالسلامة

الحمد لله خبطنا
تحت بطاطنا
يا محلا رجعه ظباطنا
من خط النار
يا اهل مصر المحميه
بالحراميه
الفول كتير والطعميه
والبر عمار
والعيشه معدن واهي ماشيه
اخر اشيا
مادام جنابه والحاشيه
بكروش وكتار
ح تقول لى سينا وما سينا شي
ما تدوشناشي
ما ستميت اوتوبيس ماشى
شاحنين انفار
ايه يعني لما يموت مليون
او كل الكون
العمر اصلا مش مضمون
والناس اعمار
الحمدلله وأهي
ظاطت
والبيه حاطط
في كل حته
مدير ظابط
وإن شالله
حمار
ايه يعني فى العقبه جرينا
ولا ف سينا
هى الهزيمه تنسينا
اننا احرار
ايه يعني شعب ف ليل ذلة
ضايع كله
دا كفاية بس اما تقول له
احنا الثوار
الحمد الله ولا حولا
مصر الدوله
غرقانة فى الكدب علاوله
والشعب احتار
وكفايه اسيادنا البعدا
عايشين سعدا
بفضل ناس تملا المعده
وتقول اشعار
اشعار تمجد وتماين
حتى الخاين
وان شا الله يخربها مداين
عبد الجبار 

خبطنا تحت باطتنا - الشيخ امام

و أنــا فـى العُمر مُسـافرٍ .. ومعـى عينـاك و أُغنيـة <3

الشيخ أمـام و أحمد فؤاد نجم - مصر يـا أمه يا بهية / النسخة الأصلية

ahmed-sami

Recent comments

Eros

عزالدين

Mohamed Roshdy

ahmed mekkawy 5

Related tracks