مهرجان سايكوباتي - أحمد شوقي

( فار ومحشش.. مخُّه مشش
فكَّر إنُّه يكون إنسان
حِلم سخيف فـ دماغُه معشش
ساق فـ الحلم وركبُه جنان

وانتو يا هُبْل مشيتوا وراه
قال عايزين تعملوا قلبان
فرعون ميِّت فـ التوراه
لكن حيّْ فـ عبطستان

فرعون لينا أمل وأمان
نار بترُخّْ على اللي اتأمروا
هوَّ غضنفر وانتو فيران
بُكرة دِماكم تصبح خمرُه

أوعى تقولُّه فـ يوم تعبان
داحنا راحتنا ننفذ أمرُه
أوعى تشارك فـ الغليان
غضبُه يطولك تبلع جمرُه)

قدِّم يا ابني فروض الطاعة
واعلن إنك مابتفهمش
طبِّل ياللا بكل نطاعة
داللي يطبل مابيندمش

أوعى تقول أنا عندي كرامة
أوعى يا فالح تعمل دؤرُم
وقتها هـ نواجهك بصرامة
تيجي كلابنا فـ لحمك تُقُرم

نقدر يا ابني فـ لحظة نجيبك
لو كنت فـ قمقم متداري
بالكهربا نكشف ملاعيبك
وتقوَّق وماحدش داري

أوعى تقول ما اقبلش إهانة
طاطي وطنش وأوعى تخرَّف
واعرف إن الحقّ معانا
وإن الذلّ دا حاجة تشرَّف

( سايكوباتي سايكوباتي
فجأة برشَّط فوق حياتي 
مَصّْ دمي ونبض روحي

كَلْ دماغي مين يهشُّه
صوتُه مزعج زيّْ وِشُّه
غاوي يسخر من جروحي )

مش غاويين يا حبيبي أذيَّة
قلبنا طاهر قوي وحنيِّن
بسّ تآمن بالحريَّة
تبقى عدو وكفرك بيِّن

إيه ذنبنا علشان تحرجنا
دا مافيش غيرنا عليك بيحِن
مِن رِقتنا تشوف كرابيجنا
نازلة بتبكي عليك وتئن

جالك قلب إزاي تناكفنا
نعل جِزمنا دا فوقك سقف
والدنيا دي هـ تمشي بكيفنا
مهما تهاتي يوماتي يا بأف

دا الكون غابة واحنا أسودها
وانتا وجودك مالهوش قيمة
بالدبابة الدنيا نسودها
صوتك يطلع تبقى جريمة

( سايكوباتي سادي نازي
جايّْ يقدِّم لي التعازي
فـ اللي قاتلُه قصاد عينيا

مش هـ طاطي وهيَّ كلمة
واللي دابحُه بشفرة تِلمة
تارُه مش هـ يهون عليا )

صوتك ريحتُه بارود وبجاحة
أمَّا تناحة وحاجة تِشِلّ
ما آدي الناس حواليك مرتاحة
وانتا لوحدك كًتلةْ غِلّ

بتشكك فـ عقول معصومة؟
يا ابني اتنيِّل بقى واتلمّ
دي المسألة واضحة ومحسومة:
تِغرَق تِولَع إحنا أهمّ

على مين جاي يا حلو تحوَّر
اعقل بقى واستهدى يا جحش
لأحسن م الكهربا هـ تنوَّر
اخرس خالص ماتبجَّحش

بعد ما نزهق من تعذيبك
ونصدَّع من كُتر عياطك
مِن رحمتنا هـ يبقى نصيبك
موتة تعالجك مِن إحباطك


( يا سليل جنس العقارب
رفضي صادق مش موارب
مهما دمِّي يحنِّي إيدك

ياللي جُبْنك كُلُّه خِسَّة
صوت غنايا الحُرّْ لسَّه
أعلى من تسقيف عبيدك

صوتي بيهزَّأ جنابك
مهما تتحامى فـ كلابك
مهما تتمادى فـ جنونك

ياللي نافخينك بزفَّة
مش هـ أجاوبك غير بتفَّة
تزرع الرُّعب فـ عيونك )

………..

مهداة إلى روح:
         ش. ح.
            (والحِدق يفهم)

كلمات وألحان: أنطونيوس نبيل

توزيع: زيكا برودكشن

ميكس وماستر: محمد رمضان

التسجيل بأستوديو:
Power Music Studio

تصميم اللوجو: بيتر نبيل

شكر خاص : لــ ميسون الشوابكة

انتاج: رِهاف للإنتاج الفني

مهرجان سايكوباتي - أحمد شوقي

سفينة نوح – أحمد شوقي

مُهداة إلى أرواحِ اللاجئين الَّذِين اِبْتَلَعَ البَحرُ شُمُوسَ أحلامِهم؛ لأنَّنا نَحْيَا بقلوبٍ عَمْيَاءَ فِي زمنٍ أبكم: نَعْتَصِمُ بظَلْمَاءِ ذواتِنا الخَاوِية ولا نبتغي إلَّا القَسَاوةَ دِينًا؛ كي لا نَلْحَظَ خِسَّةَ صمتِنا الأثيم فِي سَمَادِيرِ اللَّغْوِ التَّافِه.

الفُلك مين اللي بناه؟ إحنا
ياما العَرق شوِّه ملامحنا
وانتوا اللي لمَّا طَلِّت المحنة
قولتوا المرور للفُلك مش مسموح

الفُلك ده العمر اللي تاه منَّا
دا حلمنا اللي بخَلْقُه تاهمنَّا
حضنُه اللي قولتوا حرام يطمنَّا:
أشلاء شجر فيهم نفخنا الرُّوح

يا راقدين جوَّه سفينةْ نوح
طَعم المنام إزاي بيحلالكم
واحنا كفوفنا ع الخشب بتنوح
واحنا فـ عينينا الموت بيسألكم:
بسلاحكو ليه واخدين مطارحنا؟

هوَّ الطوفان خايف يغربلكم
ولَّا الطوفان رافض يسامحنا؟
ولَّا احنا قُربان للغَرق ممنوح
علشان صنمكو يعيش يدلِّلكم؟

سامحونا لو خربشنا توب ليلكم
بأنين ضوافرُه بتحبي جوَّانا
ماقبلش يطلع غير بأبشع صوت

ننده على الفُلك اللي شايلكم
والموج أفاعي بطونها مليانة
بوشوش عيالنا اللي فطمها الموت

يا اللي فـ سفينة نوح هناك نايمين
معلش داوشينكم بألف أنين
دا الموت بِكَفّ غشيم مصافحنا
فـ عيونُه صَمْت عيالنا دابحنا

............

كلمات وألحان: أنطونيوس نبيل

توزيع: مينا ميلاد
تشيلو: محمود صالح
ناي: محمد عنتر
ميكساج وماستر: ميشيل عبد الملك
التسجيل بأستوديو : ALL SAINTS STUDIO

شكر خاص لـ:
ميسون الشوابكة
أسماء زكي

لوجو: بيتر نبيل
مونتاج : هيثم عزت 
انتاج : Rehaf for music production

سفينة نوح – أحمد شوقي

لو فـ يوم عنِّي اتسألتي
قولي اسمي
كل حرف بيرتوي
من نور عينيكي
لو فـ يوم عنِّي اتسألتي
قولي جسمي
روح جريحة بتنكوي
من شوقها ليكي

لو فـ يوم عنِّي اتسألتي
قولي إنِّي كنت قبلِك
ضلّ باهت لمَّا قابلِك
هبّ م الموت وانتزع
قلبُه م الخوف والفزع
حطّ حلمُه بين أناملِك
دارى همُّه وابتسملِك
ضمِّتيه ضحكت جروحي

لو فـ يوم عنِّي اتسألتي
ماتسيبيش الناس تناقشِك
اوصفي بالصمت حالتي
ماتقوليش غير إنِّي ناقشِك
بالعطش على عضم روحي

لو فـ يوم عني اتسألتي
قولي إنِّي فـ انتظارِك
كنت شمعة الليل هازمها
شمعة فـ ضلوعها اشتعلتي
كان هلاكها جوَّه نارِك
فجر دافي بيلتهمها
جوَّه نارِك كان هلاكي
نور ميلاد الحلم فيَّا
جسر بيني وبين سماكي
ضلُّه بيطبطب عليَّا

ليش يا شِفاف الجُرح تحمرُّوا
كَنَّه صابيعَك ع البيبان مرُّوا
ليش يا شِفاف الجُرح تصفرُّوا
بِكيوا الأساور والطيور فرُّوا
ليش يا شِفاف الجُرح تخضرُّوا
تُمَّك قُرنْفُل والغَليل ضرُّه
ليش يا شِفاف الجُرح تزرقُّوا
ريقَك رِماح جَوَّه الحَشا اندقُّوا
ليش يا شِفاف الجُرح تسودُّوا
الشمس طايحة تا تبوس خدُّه
ليش يا شِفاف الجُرح تبيضُّوا
وين بَيلسانَك صَدري كان أرضُه

الحقيني مهما موج الريح يعارضِك
واحضنيني سلسليني فـ حضن نبضِك
لملميني
سلَّحيني بغنوة راضعة من شفايفِك
هـ تلاقيني بكل جرح فـ روحي شايفِك
بتناديني
................................
كلمات وألحان: أنطونيوس نبيل
توزيع: وليد ميمني

جيتار: مصطفى أصلان
كولا: محمد عاطف
قانون: وليد حسن
هندسة صوت: ميشيل عبد الملك

حضور مميز للفنانة: مريم حلمي
شكر خاص للدكتور: جمال عمر




استجواب - جوني و أحمد شوقي

طريق للنور – أحمد شوقي

كاسات م المُر شاربها
لكن فايق أهو وبأمشي
قُصادي حيطان بأحاربها
تزيدني جِراح مابندمشي

يجوز تايه أنا وواهم
عبيط يمكن ومش فاهم
لكن مهما الوجع داهم
حصون الفرحة جوَّايا
هـ تفضل غنوتي معايا
مصاحباني برغم الضيق
مصاحباني فـ كل طريق
ونا مخلوق مصاحبها

هـ أغنِّي بكلّ شيء فيَّا
بجرحي بصمتي بدموعي
بضلِّي برعشة فـ إيديَّا
بآخر نبضة فـ ضلوعي
ولو أحلامي قدامي
جُثث ع الأرض مرميَّة
هـ أغنِّي عشان أرقَّصها

هـ أغنِّي وأقول يا ليل لأه
مانيش عبدَك مانيش بقَّة
فـ توبَك سارحة منسيَّة
ضوافرَك سهل تفعصها
ساعةْ ما تحبّ تتسلَّى
هـ أغنِّي
ومستحيل عن حلمي أتخلَّى

برغم التوهة والأحزان
فيه شمس الليل مخبِّيها
مغمِّيها بحديد مصهور
برغم التوهة والأحزان
بأغنِّي عشان
مافيش غير الغُنا
يقدر يصحِّيها
مافيش غير الغُنا
يفتح طريق للنور

.....................
كلمات وألحان:
أنطونيوس نبيل

توزيع:
جون إسطفانوس

حضور مميز:
ريم نسيم

كمان:
محمد علي

كلارينت:
حموسو

هندسة صوت:
ميشيل عبد الملك

تصميم الغلاف: بيتر نبيل
(كادر من فيلم عودة الابن الضال)

شكر خاص لعمنا:
جمال عمر

طريق للنور – أحمد شوقي

ديناميت – أحمد شوقي

كِيف انكتبلي إني أبتعد عنها
ونا أدنى مِن حبل الوريد ليها
لولا إن دمي هـ يأذي فستانها
أنا كُنت جوَّه القلب أخبِّيها

يابا

يابا شفايفها تقولشي نبيت
جاي من كروم متزنَّرة بديناميت
كرابيج شذاها تركَّع العفاريت
أسرى لسناها وراها ينساقوا

يابا عينيها تِرهِب الكوابيس
تغلب جيوش متحصَّنة بمتاريس
فيهم جمال لو يوم رآه إبليس
يسجد ويبري الدمع أحداقُه

يابا دا ليل جبَّار
بيتمادى
ما تزول حيطانُه إلا بأنفاسها
ورداية وسط النار
بتتهادى
رافضة تطاطي للوجع راسها

يابا دا رُمانها تركني دبيح
وعضامي تهلع م العطش وتصيح
إن لم أدوقُه الكون دا يبقى ضريح
والجنَّة نار الأنَّة فـ عناقُه

لا تغسِّلوني إن مُتْ فيها شهيد
لا تسبِّلوني وفجري لسَّه بعيد
دا الخصر مال شوفتْ الجبال بتميد
دوقتْ الهلاك مجدول بترياقُه

يابا دا مَلْو الجُوف
نيران قايدة
مالي خلاص إلَّا حليب ريقها
زيح الدوا الموصوف
مالوش فايدة
واحفرلي قبري إن لم أعانقها

His winey breath became a sigh,
In bed, he said “The way is long,
No one in love can ever die;
No mighty death can beat a song”

..................................

مُهداة إلى روح:
رهاف الأغا

كلمات وألحان ورؤية:
أنطونيوس نبيل

توزيع:
جون إسطفانوس

شارك في الغناء:
مريم حلمي
ماريان إسكندر
ريم نسيم

جيتار:
شريف فهمي

ساز:
أسامة حسن

ميكس وماستر:
ميشيل عبد الملك

شكر خاص لعمنا:
جمال عمر

ديناميت – أحمد شوقي

بسمة في الجحيم - مرثية لـ فيكتور خارا

سالتْ دِماه ع الأرض تتقصَّع
على مهلها بتحضن عيال حافية
سِدر الجيتار بالدم مترصَّع
مجنون بريحةْ لمستُه الدافية

وآدي الصوابع ياللي قاطفينها
مِن رقصها الأخضر على الأوتار
لو حدّ منكم جايّ يدفنها
لازم يطوَّق قبرها بأسوار

على كُلّ سور
لازم جيوش وجيوش
وتكون قلوبهم حجر
علشان مايترعبوش
بُكرة الصوابع ياللي دافنينها
ترفض تطاطي لقبر يسجِنها
تطرح تزلزل أرضكو بأزهار
والزهرة صرخة أمل
متعمِّدة بالنار
مين اللي يقدر فيكو يخفيها؟

بُكرة الزهور تكبر تصير فراشات
بُكرة الفَراش يُرقص على الجيتارات
ينده بحِسّ المطر
تِتمدّلُه الأبصار
يضحك فـ وشّ الخطر
كلّ الحيطان تنهار
يحيي فـ قلوب البشر
غنوة الخلاص فيها


لا تُحنِ رأسَك تحتَ أنيارِ الليالي
ماذا يَضِيرُكَ مِنْ نَعيبِ الهَازئينْ؟
فابْسُمْ كأنَّك لم تكنْ يومًا تُبالي
وانزِفْ غناءك لا يُمازِجُهُ الأنينْ

لا تَنْزَعِ الكَأسَ المَريرةَ عَنْ فَمِكْ
كُنْ عِطرَ أنغامٍ تَمزَّقَ بالرَّصاصْ
فالموتُ غَيثٌ والحَرائقُ فِي دَمِكْ
هذا خَلاصُكَ مِنْ أحَابيلِ الخَلاصْ


كُنْ بَسمةً تَهفو إلى قَنْصِ المُحَالِ
واحْمِ الأقاحِيَ مِنْ نِعالِ العَابرينْ
إن كانَ صمتُكَ مَوئِلًا لكَ مِنْ زوالِ
مُتْ نَابِشًا فِي الجُرحِ عَنْ شَدوٍ دَفِينْ

لا تَنْزَعِ الكَأسَ المَريرةَ عَنْ فَمِكْ
كُنْ عِطرَ أنغامٍ تَمزَّقَ بالرَّصاصْ
فالموتُ غَيثٌ والحَرائقُ فِي دَمِكْ
هذا خَلاصُكَ مِنْ أحَابيلِ الخَلاصْ

يا غنوة راقدة فـ سجن عايز يقتلِك
أوِّل ما قُلتْ اشتاقتلِك صحُّوا السِّلاح
زَعَق الرُّصاص فـ ضلوعي لمَّا ضِحكتلِك
وطِّيتْ بدمي رسمتلِك مليون جناح

هذا خَلاصُكَ مِنْ أحَابيلِ الخَلاصْ

........................

غناء:
أحمد شوقي
مريم حلمي

كلمات وألحان ورؤية:
أنطونيوس نبيل

توزيع:
جون إسطفانوس

كمان:
محمد علي

هندسة صوتية:
ميشيل عبد الملك

الرسوم مهداة من:
مينا المرسنلي

شكر خاص لـ:
أسماء زكي
جمال عمر

إنتاج :
رهاف للإنتاج الفني

بسمة في الجحيم - مرثية لـ فيكتور خارا

- ياللا يا نونو بسرعة ننام
نتمرجح سوَّا فـ الأحلام
دي المراجيح بتنادي علينا
بتقول ياللا تعالوا أوام

= زعلانة منَّك إبعد عنِّي
مش راح ألاعبَك أو تلاعبني
عايزة أتنطط عايزة أغنِّي
وانتا عايزني أنام وتسيبني

- معقول أبعد عنِّك انتي
دانتي حياتي وضيّ عينيَّا
إوعي تنامي خلاص يا حبيبتي
ياللا يا روحي نغنِّي شويَّة

= لأة يا بابا نغنِّي كتير
نونو خلاص مابقاش زعلانة
هـ نجيب للفراشات زمامير
والدباديب هـ تغنِّي معانا

- بس بشرط الأوِّل بوسة
بوسة لبابا يا أحلى عروسة

(صوت بوسة سريعة)

= آدي البوسة أوام غنيلي
- لأة يا نونو ضحكتي عليَّا
قبل الغنوة لازم تديلي
بوسة بجد كبيرة قويَّة

= طب هـ أديلك حبّة كاندي
- أطعم عندي إنِّك تبوسيني
لو مش عايزة وناوية تعاندي
يبقى خلاص أنا أغمَّض عيني

(صوت سبع بوسات متتابعة)

- كده عسولة كده شطورة
= كده قلبي مصحصح ومزقطط
- أنا عصفور ونتي العصفورة
= والعصافير لازم تتنطط

= ياللا يا بابا نغنِّي بسرعة
- اصبري حبَّة لحد ما أفكر
= إوعى تقوللي نغمَّض إوعى
- يبقى خلاص بيَّاع السُّكر
- ياللا نغنِّي = هيييييييه

- سُكر مُكر = لا لا لا
- بياع السُّكر = لا لا لا
= سُكر مُكر - لا لا لا
= بيَّاع السُّكر - لا لا لا

- م الصبحيَّة عامل غارة
= بيلفلف من حارة لحارة
- اللي يجيلُه بياخد سكر
= واللي يسيبُه يا ألف خسارة

- سُكر مُكر = لا لا لا
= بيَّاع السُّكر - لا لا لا

- مهما بيشقى ويزيد همُّه
= أول ما القطاقيط يتلموا
- بيزغزغهم ويضحَّكهم
= زيّ السُّكر شربات دمُّه

- سُكر مُكر = لا لا لا
= بيَّاع السُّكر - لا لا لا

- جايب سكر ليكي وليَّا
= للأطفال ويقول دا هديَّة
- واللي يفرَّح طفل يا نونو
= يستاهل مليون أغنيَّة

- سُكر مُكر = لا لا لا
= بيَّاع السُّكر - لا لا لا

(تتثاءب النونو)

- نونو خلاص نِعستْ قدامي
= أيوه يا بابا أنا عايزة أنام
- هـ أزعل منِّك أوعي تنامي
= بسّ يا بابا أنا عايزة أنام
- يعني خلاص مش طايقة كلامي
= نبقى نكمِّل فـ الأحلام

(يغني هامسًا)

- ياللا يا نونو بسرعة ننام
نتمرجح سوَّا فـ الأحلام
دي المراجيح بتنادي علينا
بتقول ياللا تعالوا أوام

(يتثاءب في النهاية!)
...........................

كلمات وألحان:
أنطونيوس نبيل

توزيع:
جون إسطفانوس

جيتار:
مصطفى أصلان

تدريب صوتي لجونير:
أوليفيا فادي

هندسة صوتية:
ميشيل عبد الملك

شكر خاص لـ:
سامية العاصي
(لولاها لما كانت الأغنية)

مونتاج:
هيثم عزَّت

إنتاج:
رِهاف للإنتاج الفني

???? ??? – ???? ???? ? ?????

بوسة بجد – أحمد شوقي و جونير

دعاء يناير – أحمد شوقي

إذا اشتملتْ على اليأسِ القلوبُ
وضاقَ لما بِهِ الصَّدرُ الرَّحيبُ
وأوطنتِ المَكارهُ واستقرَّتْ
وأرستْ في أماكنِها الخُطُوبُ
ولم ترَ لانكشافِ الضُّرِّ وجهًا
ولا أغنى بحيلتِهِ الأريبُ
أتاكَ على قنوطٍ مِنكَ غَوثٌ
يَمُنُّ بِهِ اللَّطيفُ المُستجيبُ

...................

كلمات: الإمام علي رضي الله عنه

ألحان: أنطونيوس نبيل

كمان: محمد علي

بيانو: مينا ميلاد

شارك في الغناء: ريم نسيم

هندسة صوتية: ميشيل عبد الملك

مونتاج : صقر عزت

إنتاج : رهاف للإنتاج الفني

do3aa yanayer

دعاء يناير – أحمد شوقي

لا تسألي – أحمد شوقي

يَا دُرُوبًا مِنْ نِصَالِ
يَا رِيَاحًا مِن أنينْ
يَا عُيُونًا لا تُبَالِي
اُرْفُقِي بِالعَابِرينْ

تَتَسَاءَلِينَ عَلَامَ يَحْيَا
هؤلاءِ الأَشْقِيَاءْ
الحَالِمُونَ الهَائِمُونَ
فِي زَمْهَرِيرٍ مِنْ عُوَاءْ
الصَّابِرُونَ عَلَى البَلَاءْ
المُكْرَهُونَ عَلَى العَنَاءْ
المُتْعَبُونَ وَدَرْبُهمْ
قفرٌ وَمَرْمَاهمْ هَبَاءْ
المُنْحَنُونَ وَمِلْؤُهم
جَمْرٌ يُزَمْزِمُ فِي الخَفَاءْ
هَذِي القُلُوبْ
ظَمْأَى تَلُوبْ
تَحْسُو نَقِيعَ الحَنْظَلِ
هَا هُمْ أمَامَكِ فَاسْأَلِي

أنْسَتْهمُ الأيامُ مَا
ضَحِكُ الحَياةِ وما البُكاءْ
أَزْرَتْ بِدُنْياهمْ وَلَمْ
تَتْرُكْ لَهُمْ فِيهَا رَجَاءْ
إنِّي أُعانِقُ خَيْبَتي
عُمْرًا يُطَارِدُهُ الفَنَاءْ
قَبْرٌ هُوَ قلبُ الشَّقِيّ
والعَينُ يَأبَاهَا الضِّياءْ
ألَا فَانْظُرِي
وَرْدًا يُسَاطُ بِمِنْجَلِ
فَتَمَهَّلِي
لَا تَسْألِي


أنْسَتْهمُ الأيامُ مَا
ضَحِكُ الحَياةِ وما البُكَاءْ
أَزْرَتْ بِدُنْياهمْ وَلَمْ
تَتْرُكْ لَهُمْ فِيهَا رَجَاءْ
اِمْضِي لِشَأنِكِ وَاسْكُتِي
أنَا وَاحِدٌ مِنْ هؤلاءْ
صَمْتٌ هُوَ نَزْفُ الأبيّ
لُغْةٌ يُجَافِيهَا الرِّياءْ
ألَا فَاهْجُرِي
لَيْلَ السُّؤالِ لِيَنْجَلِي
فَتَأمَّلِي
لَا تَسْأَلِي

...............................

إلى المَلَائِكَةِ الأطْهَارِ، الَّذِينَ نُلَطِّخُ طُهْرَ نَضَارَتِهِمْ بأوْحَالِ بَلَادَتِنَا، ونَجْتَثُّ بَرَاعِمَ أَجْنِحَتِهِمْ بِسِكِّينِ غَفَلَتِنَا، وَنَضِنُّ عَلَى أَرْوَاحِهِمْ الرَّهِيفَةِ بِفُتَاتٍ مِنْ خُبْزِ البَسْمَةِ وَرَشَفَاتٍ مِنْ حَلِيبِ الحَنَانِ، ثمَّ َنَشْمَئِزُ مِنْهُمْ فِي غَطْرَسَةٍ دَنِيئَة ونُشِيحُ بِوُجُوهِنَا عَنْهُمْ تَأفُّفًا وَضَجَرًا؛ وَمَا نَحْنُ إلَّا لُصُوصٌ مُنَافِقُون وَمَا هُمْ إلَّا جَمَالٌ ذَبِيح..
إلَى أَطْفَالِ الشَّوارعِ نُهْدِي هَذِي الأُغْنِيَةَ الهَزِيلَةَ، الَّتِي لَا تُعَادِلُ مِعْشَارَ حَبَّةِ حَلْوَى.

كلمات:
الشاعر الراحل عمر أبو ريشة
أنطونيوس نبيل

ألحان:
أنطونيوس نبيل

توزيع:
بولس جرجس

جيتار:
طارق حمودة

فلوت:
سوسنة ريمون

حضور مميز:
ريم نسيم

هندسة صوتية:
ميشيل عبد الملك

لوجو:
بيتر نبيل

شكر خاص لـ:
أسرار شوقي

انتاج : 
رهاف للإنتاج الفني

la tsali

لا تسألي – أحمد شوقي

جنب الحيط – أحمد شوقي وريم نسيم

(برولوج)
هنا هنا الأمان
تعالى
جرَّب واحجز مكان
بسرعة
دا شيء جنان
فينك
من زمان!


لمَّا تسيب الحيط يرشيك
يديك ضِلّ زوالُه وشيك
تديه آخر نبضة فـ لحمك
وتقول إنِّي خلاص فـ أمان
قبل ما تنطق فجأة يبان
حشد غيلان فـ العتمة يزاحمك

مهما ساعتها بذلّ تبرطَّم
وتقول عيشت تمللي فـ حالي
كلّ عضامك راح تتحطَّم
يعني يا خويا هـ تبقى تسالي

زي اللبّ ما بين أسنانهم
راح تتشقلب راح تتقرمش
بسّ يا عيني هـ تفضل واعي
مش هـ ينوبك من إحسانهم
غير تكشير على وش مكرمش
تلقى عياطك مالهوش داعي

مهما تقول أنا كنت حليفهم
عيشت مِطاطي وقلبي مقرفص
مهما تحاول تستعطفهم
مهما تعيَّط مهما ترفَّص
حظَّك مش ممكن يخالفهم
مش مكتوبلك يا ابني تفلفص

مش مكتوبلك غير تتاكل
قطمة فـ قطمة والله يعينك
اسكت بقى مش طالبة مشاكل
هُمَّا أساسًا مش سامعينك

يرضيك برضُه تكون غلباوي
بعد العمر دا كلُّه فـ موتك
دانتا سكوتك عدَّى بلاوي
جاي دلوقتي هـ تنبح صوتك

ليه بتئن تِقِل مزاجهم
إيه راح تكسب من إزعاجهم
خلِّيك مؤمن بالترفيه
بطَّل دوشة بلاش تناكفهم
سيبهم بقى ياكلوك على كيفهم
ما تقوَّقش وتبقى سفيه

إيه فـ الدنيا دي لسَّه فاضلك
دانتا خلاص على باب الجنَّة
لو تتكرَّم سيب لنا ضلَّك
سيبُه بسرعة بلاش تستنَّى

لو تتنازل يعني وتقبل
تدينا ضلَّك كده بالذوق
عايزين قبل ما يلحق يدبل
قبل ما ضلَّك حالتُه تسوء
نلحق جنب الحيط نرميه
علشان غيرك يعتر فيه
ياللا إنجزنا اللهْ يخلِّيك
قبل ما نزهق ونشفِّيك

(إبيلوج بوليفونيك)

آهٍ يا زِنْزَانة شِبْهِ الحَنَشْ لَوْ هَمّْ
umbra lacrimae suavium mortis 
(دموع الظل.. قبلة الموت الحانية)

لَا شَكّْ عَايزَانا مُضْغَة فـ خَشْمِ الغَمّْ
umbra tremulae gladium fortis 
(رعشة الظل.. سيف الباطش)

ما أبْشَعِكْ زَانَة مِتزَركَشَة بِالدَّمّْ
umbra jacturae gaudium noctis 
(هزيمة الظل.. نشوة الظلام)

......................

إلى رسَّامي الجرافيتي:
بينما يَزحفُ الآخرون فِي ظِلِّ الجدرانِ الغاشمة راجفين، قانعين بلُقمةٍ مِن الأمنِ الرَّخيص ورَشفةٍ مِن الطُّمأنينةِ المَسمومة..
يُجازفُ هؤلاءِ ببسالةٍ؛ ليصنعوا لنا مِن الجدرانِ حناجرَ لا تخشى ولا تغفو، تَصدحُ فِي وَجهِ الليلِ الجَائرِ بأغنياتٍ يانعة: كلماتُها خطوطٌ ثائرة وموسيقاها ألوانٌ لا تُهادِن..
إلى مَن يُواجهونَ جَهامةَ الجدرانِ بعيونٍ حَالِمَة، بَاسِمين تَحْتَ سِياطِ الزَّمنِ الرَّديء، ومِن بَيْنِ أصَابِعِهم تَنْبُعُ أنهارٌ مِن صِدقٍ يَتلظَّى..
إلى مَن يُؤمنونَ بأنَّ الرَّصَاصَاتِ العَابِسةَ الخَسِيسَة، ستصبحُ بينَ أنَامِلِ الجَمَالِ الجَلِيل، شَرَانِقَ حَبَالى بالفَراشاتِ الرَّهيفةِ، نُهدي هذي الأغنيةَ الهزيلة.

كلمات وألحان ورؤية: أنطونيوس نبيل

توزيع: جون إسطفانوس

ساكس: حموسو

تسجيل وميكساج وماستر: ميشيل عبد الملك

التسجيل باستديو: 
all saints studio

شكر خاص لـ:
أحمد علي
جمال عمر

ganb el7eet

جنب الحيط – أحمد شوقي وريم نسيم

أحلام شاقة – أحمد شوقي

تسع سنين أحلام شاقة
بأغنِّي للنور وانحازلُه
فـ كلّ حرب بيدخلها
مافضلش منِّي ولا اتبقى
غير غنوة دايمًا بتغازلُه
بأنزفها مش بسّ بأقولها

يا شمس يا قريبة وغايبة
إمتى برجوعِك تحييني
وأشوف قيودي حبال دايبة
مالهاش ضوافر تأذيني؟

مهما الحيطان هـ تكون أقوى
مِن صوتي والليل ملازمني
أنا ليَّا فـ عيونِك مأوى
مافهوش مخاوف تهزمني

فـ الحِلم للشَّمس بأغنِّي
وبقلبي فـ العَتمة شايفها
بأنده عليها ومستنِّي
تفتح عيوني بشفايفها

...............................

كلمات وألحان:
#أنطونيوس_نبيل

توزيع:
مينا ميلاد

ميكساج وماستر:
ميشيل عبد الملك

لوجو:
بيتر نبيل

شكر خاص لـ:
جمال عمر
هاني فتح الله

مونتاج:
هيثم عزت

#رهاف_للإنتاج_الفني

ahlam shaqa

أحلام شاقة – أحمد شوقي

مافيش غير الغُنا
يفتح طريق للنور

Ahmed Shawky

Popular tracks