بين المستحيل والممكن

احمد تحسين - العدو الاهم

أحمد تحسين - جون

احمد تحسين - لو كنا

احمد تحسين - المخاطرة

الحقيقة قصيده احمد تحسين 

احمد تحسين - الحقيقة

احمد تحسين شعر كلمه فى سرك

احمد تحسين - كلمه فى سرك

احمد تحسين - الضايع

شعر 
قصيده النمل
أحمد تحسين 

احمد تحسين - النمل

#محمود_درويش #فلسطين #العربى

غنى ..انا العربى

لا شىء يعجبنى

صاحى بدرى
هتلحق ايه 
ده بيت مهدود 
مكان اصﻻ مهوش موجود
ياخى طب حتى استنى
يوقف منك نزيف الروح
هتلحق ايه
شمس بتغيظك وطالعالك
وبصالك بسخريه
اديها عايشه مع غيرك
وقايله لكل صحابتها
مقضيها كﻻم فيا
طلعت انت مرايتها
وتلميعه لوحده كات مصديه
سمعت الى عارفينك
قالوا انك مكبرها
عملت جهد فوق جهدك
ورغما عنك بتخسرها
ﻻخر لحظه بتقولك اخسرنى
بتشبه موس و عورنى
سهيت عنه لقيت الدم
ف بص ياعم لو ركزنا ف القصه
هتطلع انت بميه  ميزه
 وعيبك بس كان هى 
وعلى الوقت إلى ضايعته متزعلشى 
لكام مره بافعألها تقول ان متنفعشى 
وانت بتكمل وبتجمل وبتعدى   
فلوم نفسك 
على احزانك الخالده 
وعلى حضنك إلى عفرته 
بناس تافها
وعلى قلبك إلى عكرته 
بكام كذبه
كأن طفل لمس النار مكان ورده 
كان غلطك يوم ما سمعت 
قالوا نجده فروحت جريت 
ولما وصلت فجأءه لقيت
مكان النون شوفت الميم 
لقيت شله من التعابين 
قامت نهشاك 
كفايه قبل ما تسيبك 
شوفت ف عنيها واحد غيرك 
ف كات خيانك 
وبعد ده كله لسه حزين
ده والله يحرم عليك قوله وحشاك 
ف اصحى وفوق 
صحيح الدنيا بتلخبط 
أدى إلى كات من مده فى حياتك بتتشعبط
وبتخبط على بابك 
ومتردش 
تغير من كل احبابك 
وانت متهتمش 
اديها ياعم بتقولك بابها مقفولك 
وبتقولك بلاش خنقه 
وسمت غيرتك أن جنون 
كأن تخاف من إلى يصون 
وتجرى بس لليهون ولليبيع 
بلاش تهريج 
بلاش تمثيل 
دموع تماسيح 
قلوب نيه 
ظهور حيه 
غريبه الناس دى والله
لكن مش غريبه عليك 
فى ناس بتحلم بيك 
وأول ما ايدها تبقى جوه ايدك 
بيتغير وتتحول لناس تانيه
ده حال الناس 
وابليس كان ف أصله ملاك 
غريبه ازاى متستغربش 
وكان لازم فى وسط السكه تقابل ناس مبتقدرش
عشان بكره تشوف إلى بيقدر 
فخاف على قلبك الأخضر من حبال دايبه
وسيب الذكره تقتلها بأيدين بارده
وكمل م إلى يشبه ليك باقى الدايره 
ومش هى إلى كات تنفع تبقى بنت وبيت
فقول علطول كتير جواك غلطت بأنى حبيتك 
عشان ابدا مفيش واحد تبقى  بنت أصول 
تكون وياك وحط بديل على الويتنج 
هتزعل ليه
سيبك غيرك ياخد وقته 
يدوق إلى زمان دوقته 
فيعرف أن فى معناه 
ويفهم ان الجمال بره 
بيخفى كتير 
كده احسن 
فخد راحتك 
وفضى مساحتك لليستاهلك 
لناس تزرعها ف حياتك ف تحصد خير
 تأمن بيك كأنك دير
تشوفك انك الجايزة
لناس تدخل حروب وياك 
وتضمن بيك تكون فايزه 
وعلى الجرح إلى كان متساب 
مصيره يخف
وسيب حقك مع الأيام اكيد هتلف 
مفيش ظالم ملوش مالكه 
اكيد هتيجى فيوم تكون باكيه 
وتحكى لكل أصحابها عن ذنب عاش ما اتردم
هتهد كلام وكلام جديد يتبنى 
وهتبقى سيرتك ليها زى عذاب 
هتيجى تحكى تقول بكل حزن ندم 
انا سبت راجل بالفعل كان حبنى 
علشان جريت لسراب

exآخر رسالة لل

اختاروا النهايات الشيك
خلى شريكك بعديك يعرف قمتك 
مثلا لو قالك كله نصيب 
اشكروا جدا 
على الحظات الدافيه فوقت البرد 
على أول مسكه ايد 
على ضخ الأدرينالين  
مع اول وعد 
على أول كلمه حب 
سالت من بين شفايفكم 
على أول نظره بحضن 
تبقى مبنكوا
اشكروا على فتره كبيره من الإخلاص 
اشكروا على كل حاجات فاتت وخلاص 
فى حاجات مش لازم تنداس 
وانتم ماشين 
اتركوا فتافيت منكم 
تذكر بالخير
سامحوا  الشارع إلى جامعكوم
سامحوا نصيبكوا إلى وجعكوا
سامحوا الحظ إن خداعكوم
خليكوا ديما متسامحين 
كونوا الكاملين ف قصص ناقصه 
كونوا الحظه إلى متتعوضش 
بالتالى رجعوا ف قلوبكم من غير خدش 
اتبدلوا النظرات ك الاسرى 
من غير حسره 
كونوا فرصه سعيده فعلا زى ما قالوا 
وان سألوكوا الناس 
حطم اسميهم ع رف 
وقولوا ناس غابوا 
وبلاش تفضحوا اسرركوا لناس تانين
الفازه إلى شالتلك ف ورود 
والله ما تستاهل تكسير 
سيبوا الذكره الحلوه تعيش ف امان 
وايكوا يقتلها الدخان 
كونوا بنقاءالشمس وارحلوا بسلام
كونوا الطرف المبدع في التلوين
رغم عذابه 
وبلاش تبقوا مجرد ناس دابوا 
فلذلك اختاروا كلامكم بعناية 
واكتبوا للفيلم أحلى نهايه 
ترضى الطريفين 
وافهموا ديما
 مجروح واحد مقسوم لاثنين 
احسن ما تعيشوا اتنين جارحين

اختاروا النهايات الشيك

عينكى الحلوه دى قالت 
كلام عمرك ما يوم قولتى 
كأن الحزن فى حياتك
 قمر ساطع ومبيمشيش
تدارى الحزن في هزارك 
تبانى أن انتى مبتبكيش 
لكن على مين
وانا حافظك كلك 
 بحواريكى
وانا  كل ما ادقق ف عينكى
بلمح موال
اشوف فى حريق في البال 
واشوف قلبك مع محتال  
والاحظ دمعه بتتقلب على الجنين
اشوف حكايات غريبه بطيش 
كأن القلب بيدى إلى ميديش 
  وده ميرديش 
ياست الكل والله .. بيسقط من جناحك ريش 
عشان ناس ميستهلوش
تقبلى وشوش بتتبسم 
توعدى البسمه بالبسمه
تبدلى سيئه بحسنه 
تلمى ف ناس بلا لازمه 
ويبقوا بلازمه جوه الدم 
عن اصحاب بقوا اوغاد 
ف آخر الفيلم 
عن  لحظات بقت الالغام 
فطرحت هم
ونومك إلى زاد حاده 
من فتره انا ملاحظوا 
وسميته ..هروب من واقعك البهتان  
رهان خسران وبتخبى 
وروجك إلى سبتى على الفنجان كأنه سؤال
 انا فهمته وجوبت عليه 
مصير الجرح والجارح هيتقبلوا 
ف من حقى اعرف
 دموعك ماشيه رايحه لفين
وحزنك إلى زاد سعروا 
ف رقبه مين 
عنيكى الحلوه ليه ديما بيتخموا 
ف بنأدمين 
متتخدعيش 
ويوسف اتخان من حداشر آخ 
مش من حداشر ديب 
ف لوشوفتى دمك ف ناب شخص قريب 
متتفجءيش
الغدر مش ف الشجر 
الغدر ف العصافير  
الحدثه مش م القدر 
الحدثه ف التقدير 
والحب مش ف الألم 
الحب ف التخدير
والقلب إلى انفطر 
مصيره تانى يعيش 
ف غنى من قلبك
وقلبك وربى فيه الشيش  
ده لولا الغنا بيحتمى ف صوتك  
ولولا الأرض طهاره بوجودك 
لكنتى بقيتى ناى مهجور 
مستنى عازف ما يمر فيه الروح 
  ف ينطلق و يعيش 
ولولا عينك النعمه 
ولولا قلبك الأعمى
 لكان ياما حاجات متجيش 
كأن حرير وغاوى الخيش 
سحابك مطره ليه اخطاء
ورحك طلعه منها شياط 
ومسروقه  نبضاتك
قصاد عينك
يخلص ادم الثمرات 
تقولى محتاج
وهو يشتهى عياطك 
كريمه حتى ف جراحك
تسيبى شطان بيتسلل لجناتك 
اقول ده شطان تقولى لا ده حياتك
كأن النصح جه من عيار فالت
مصدقتوش  
وادي الشجرة إلى في عينك مالت
ومسنوده بخوف ورموش
كدبتى كل كلام قولتلوا 
وصدقتى كلام هو مقلهوش 
طب هعمل ايه 
وعنيكى آخر كوبليه لى حليم قالوا
انا شوفت من الظلم 
واحد ملهوش ف المزيكا 
يقعد على كرسى بيانوا 
وإهى دى علاقتكم بالكامل 
أو زى ما كل الناس شافوا 
 والوم على قلبك مش روحك
على كل ازاز مر وشافوا 
والناتج
 كلامك أكبر من بوحك 
ف لسانك كاتم ف سيره وساكت
وعنيكى فتنت أهى و قالت 
وأظن عنيكى مبتكدبش 
كان نفسى الحبل أن ميفلتش
ولا رجلك تتقل على أيام
كان نفسى حياتك تفضل خام 
لكن دلوقتى 
اذا يطلع مفتاح مكسور من الباب
هيحس بمأستك وتحسى بمأساته 
واهو ده شكلك وانتى بتخرجى بره حياته
لكن خلينا نبص لقدام
هتعيشى حياه بلا خوف وعتاب
وجع المتساب أحيانا 
أهون بكتير من وجع السايب 
ومش كل فراق اسمه هزايم 
ف ناس بتعدى علينا
ولما بنجى نحسبها 
نتجتهم تطلع بلا قيمه 
وفى ناس خسرتهم بهزيمه
ف عيدى من الأول حسباتك
مين سابك مين جمبك ثابت 
واسمعى نصحتى وخدى بيها 
أن كان نسينهم خطوه 
ف الخطوه لابد تعديها
والخطوه أن كانت ضحكه 
ف الضحكه لازم تحيها 
وسماكى لابد تصفيها 
وتزيحى الغيمه
احسن ما عنيكى تبان للناس
زى السيما

زى السيما

القصه ومافيها 
هتتهنوا فى البدايات 
بعدها بفترات 
هتلاقى شوقهم قل
هتلاقى وعد اختل  
العله عين البشر 
 النظر مش فل
البعد بيكبر 
القرب بينقص 
ف أنسوا م الآخر 
تبقوا بنفس الحجم 
الحاجه لو ف ايدك 
بتشوفها ليك أرخص
مع أن كات فى عينك 
 من مده بتزهزه 
وانتوا بعيون الطفل 
بتموتوا ف التكرار
املا فى شىء منصف 
فيسبلكو التكرار 
ارهاق عين تنزف 
بتدخلوا ف علاقات
نسبه فورصكم صفر
و تجربوا ف مفاتيح 
مش صالحه نفس القفل 
فتعيدو ف تجارب 
من نفس نوع القالب 
كما واحد نساى 
كل أما يشرب شاى 
ديما يفجأه  التفل

رسالة

متحلمشي مدحت صالح

بكتب كلام فارغ فيقولوا شعر وشاعر !

https://m.facebook.com/home.php


ahmedtahsin4444

Popular tracks