الكلمات
_____________
احيانا ثقتكوا الزايده في ايمان الشخص بيكوا
لم تُمثل لكم ابدا غير حُزنٌ مستديمٌ 
--------------------
اللي بينا مش مجرد حب عادي لا دا عشره 
ازاي تهون علييكي كل حاجه كانت بيننا
اتهامك اني الهامل وانك ناسيه انك مهمله
انا كنت معاكي دايما بس دنيتنا معتمه

متقوليش اني صادق وانك انتي مصدقاني
انا كل ما بياس منك , برجع بحاول تاني
يمكن تكوني كامله وكل حاجه فيكي تمام
بس اللي ناقصك دايما , شدة الايمان 

تآمني بيا وبيكي وكل حاجه كانت بيننا
انك تكوني ذاتك قبل ما تمشي ورا تقاليدنا 
كل كلمه هقولها حالا , اسمعيها كويس 
انا مش دوميه تحت ايدك ولا مركب محتاجه لريس

بس انا راضي بكوني دوميه برضو مش هتحركيني
مظنش اني كنت قادر انك تتمسكني عليا 
كل شيء هيعدي عادي , حياتي مش هتكمل بيكي
انت مش فاهم ظروفنا , التمثيل دا لعبه بايخه

----------------------------

بيتهموك بحاجات عمرها ما حصلت ابدا منك 
طب قول انك اذنبت مش هتلاقي اللي يآمنلك 
انت نجم لامع جدا وسط كون مطفي 
متصدقهمش لما يقولوا انك كنت فالصوا  (x2)

-------------------

طوفانهم لما يثور مش هيستأذن انه يدوسك
تأكد يوم ما تُظلم منهم , مش هيفرق يومها موتك
انت مش فارق معاهم متحاولش تكسر قاعده
اللي يحاول يبعد ساعده حتي لو هتعيش لواحدك

لو رافضين وجودك , عادي جدا سبهم وامشي
دا نوح ركب السفينه ومركبش فيها ابنه
فاكرين نفسهم دوا لكل داء اتخلق فينا
متهاتيش مع بشر عقولهم مجرد زينه 

الناس دي عايزينك تتظلم بس هما ميتظلموش
كل فكره محاطه بينا من ناحيتهم , طُعم موت
قدام منك طرق كتير وبتختار اللي يوقعك
انت مُبرمج لا ارادي علي اختيار الطرق الغلط

شايفينك مُذنب عادي شوفهم برضو بنفس النظره
كلامهم مش هيحبط فيك اكتر من ضغوطاتها 
في ناس بتواجهه الهموم ومتقدرش عليها 
خليك من صف جموعنا , بنتغلب عليها
  
بيتهموك بحاجات عمرها ما حصلت ابدا منك 
طب قول انك اذنبت مش هتلاقي اللي يآمنلك 
انت نجم لامع جدا وسط كون مطفي 
متصدقهمش لما يقولوا انك كنت فالصوا  (x2)
________________________
Written by: Ahmed Wageh
Vocals: Ahmed Wageh
Music: Mostafa Ebrahim
Master and mix by: Ahmed Wageh
© 2019 Ahmed Wageh

TROJAN 'SUFFERING' | تروچان  - عناء

ليركس
_________________
كل شئ هيعدي عادي ولطريق الصح هتوصل
بس انت قوم وعافر واوعاك ف يوم تفكر
ف ازاي هقدر عليهم وهما اشباه براكين
افتكر كل كلامك وقوتك ف سب الدين

انك تعدي خطوط ربك قال اجتنبها 
طب مانت قادر تسب , اقدر يلا علي براكينهم
انت مش مكروه من حد انت بس كاره نفسك
هل تفكيرك في اللي راح هيعيد الزمن مثلا

ترجع تراجع نفسك علي كل خطيئه ارتُكبت 
ف تقول دا شيئ محال مش مصدق انك مذنب
مسكين فاكرهم هيحبوك لو قولتلهم ع الحقيقه
الناس دي عايزه اللي ينافقها مليون مره ف الدقيقه

وتعدي نص طريق وتقول دا لسه فاضل نصه
ف تيأس من كلامهم واحباطهم ترجعه كله 
نفس التراك هتعديه وتفتكر احداثه 
ف تبدأ تسال نفسك انت ازاي عديت اساسا

افتكر كل خطيئه وكل ذنوبك قوم وحاول 
الدنيا ملاهي كبيره والمطلوب تكون محارب 
اياك تكون عاق لفكره او تتخطي حدودك
احنا ف زمن مليان كتير بناس تقدر تدوسك

افتكر كل خطيئه وكل ذنوبك قوم وحاول 
الدنيا ملاهي كبيره والمطلوب تكون محارب 
اياك تكون عاق لفكره او تتخطي حدودك
احنا ف زمن مليان كتير بناس تقدر تدوسك
____________________________
بوصف حاجات كتير عن بشر صعب عليا اوصفها
الناس دي متتناقش ف حاجه هما مش فاهمينها 
عمرهم ما هيشوفوا الفيلم دول عاشقين للكواليس
مش هيبصوا لتعبك ابدا , وهتفضل وسطهم حبيس

انا مش ملاك ولا نبي سبتلك التدين
انا اخر ثمره ف اخر شجره ماتت من كلامهم 
انت مش اول مناضل ولا عمرك هتكون آخرهم
انت اول صح لاخر غلط في قايمتهم

اللي حبك كان مسالم بس فيه غموض مجهول 
 ان مفيش حد فينا قلبه يخلو من الجحود
بيحاولوا يقنعوك ببكره و انه احسن م اللي فات
كل ما المده بتقل بتبقا اقرب للمات

خيوط حياتك متلعبكه مفيش حل ليها ؟
طب حاول كدا تصلي وتقرب م الفريضه!ه
ببنخلق شخصيات وهميه ونبدأ نتكلم معاها
علي امل دا يسكنّا او نتعافي او ما شابه

افتكر كل خطيئه وكل ذنوبك قوم وحاول 
الدنيا ملاهي كبيره والمطلوب تكون محارب 
اياك تكون عاق لفكره او تتخطي حدودك
احنا ف زمن مليان كتير بناس تقدر تدوسك

افتكر كل خطيئه وكل ذنوبك قوم وحاول 
الدنيا ملاهي كبيره والمطلوب تكون محارب 
اياك تكون عقل فكره او تتخطي حدودك
احنا ف زمن مليان كتير بناس تقدر تدوسك
_________________
Written by: Ahmed Wageh
Vocals: Ahmed Wageh
Poster: Ahmed Wageh
Music: Mostafa Ebrahim
Rec & Master & Mix by: Ahmed Wageh
© 2019 Ahmed Wageh

TROJAN 'FIGHT' | تروچان  - حارب

الكلمات :

مبحاولش اعكس مراياتي و أزيف واقعي المر
بجسد الحقيقه في شكل كامل مش نص 
بَظهر اسوء ما فيا و الشر اللي جوايا
لو مش هكون فرعون هكون لك طريق هدايه

انا ناقص و انتو كوامل مش عيب دا فرق شاسع 
اني ببين كدا اخطائي و عمري ما كنت ليها حاجب
مابعملش حساب للناس ومش هيفرق مين يفارق 
مش قابل شكل حياتكم مش بذم فيكوا بذاتكم
 
انا بذم في شكل الواقع اللي يوم عن يوم اسوء
مش  هبدء انا بنفسي بس هكون طريق للصُلح
الدنيا مسيرها تُفني التمسك بيها هيضُر 
الضعف مش مبرر ليك , احنا ف غابه ي شقيق

دوامه عايشين لحسابها والنهايه اهي بتضييق    
رد فعلنا واحد و الرد الاقوي أبقي
اي حد فينا عايش لازم يبقا ليه سابقه   
مش مختلفين في شيئ الاختلاف  ف وجهات النظر

بالعكس احنا مساكين بس انتو شايفين العكس 
احنا بندمن الهيروين و انتو بياعين الصنف 
اختلافنا ف نوع البدره سبب للكل إعاقة 
بقوا يشوفونا بنص عين ويشوفوكوا بالنص الاخر

مصممين نواجه مهما كان حتي التمن
الواقع دا مش شبهكوا طب ليه تتجسدوا بيه 
انا عمري ماكنت شبهكم ولا راضي باللي انتو فيه
انا طبعا مش مثالي ولكنّي مش زيكم 

اللمه دي كدابه والمصلحه هي اللي تحكم 
صحاب عايزلها اعاده فالترتيب وكمان تصنيفهم
مكنتش عايز اتكلم عن حد فيهم هنا
بس اخينا باع اخينا فالموضوع بدأ من هنا

دا مش كلام مكتوب الكلام دا بيحصل فعلا 
لو مش قابلين بالواقع طب احنا في الخيال مثلا !  
انت شخص طموح جدا برافو عليك هتعيش حياتك
ابقي قابلني ان عشتها ومتنساش ترفع بصَماتك

انا عايش حياتي بطولي يوم ما قسيت هي عليا
دا انا يوم ما حبيت واحده كانت حابه قبلي 100
انت كطفل حابب لعبه وكالعاده مِتمسّك بيها
يوم ما اتاخدت منو يعيط وميعرفش الشر فيها

السبب ف اختلافنا مش تعدد الاعداد
مش عايشين فيها لوحدكم , الدنيا خد وهات
محدش فيها هيخلل ف بلاش نميمة وكتر كلام

اللي فينا فيكوا , واحنا اه واطين
بس انتو تراب ورمم .. بمعني تاني وسخين

بالعكس احنا مساكين بس انتو شايفين العكس 
احنا بندمن الهيروين و انتو بياعين الصنف 
اختلافنا ف نوع البدره سبب للكل إعاقة 
بيشوفونا بنص عين ويشوفوكوا بالنص الاخر
____________________________________
Written & Vocals : Ahmed Trojan
Music: Free Beat
Master & Mix : Ahmed Trojan
Rec at: ATOM studio
Poster: Ahmed Trojan
2019 Ahmed Wageh

TROJAN 'NOT AS U THINK' | تروچان  - بالعكس

Lyrics & Vocals: Ahmed Trojan
Poster: Emad Hamdy
Music: FB
Rec at: ATOM Studio
Master & Mix by : Ahmed Trojan
© 2019 Ahmed Wageh

Channel: www.youtube.com/ahmedtrojan
YouTube: https://youtu.be/9JvxWebTYMM 

الكلمات :
بعدت عنك مهما بعدت وعمري ما استحملت
انا عمري فيوم ما شوفتك زيك زي اي بنت
مكنتش قادر اني اتساب ف سبتك ايوه سبت
قبل ما تسبيني سبت معاكي روحي , سكنت

انا عمري ما كنت فايق ف اي كلام كتبتهولك 
بالرغم , فاكر كل ذكري و كل حلم حلمتهولك 
استحملت كل افعالك وطريقنا مكانش ممهد
بعت السهل واشتريت الصعب و دا من أجلك

بحاول اراعي شعوري كون علاقتنا مش احتداميه
انا عمري ما شوفت سعادتي مع اي واحده تانيه
بكره تعرفيني يا بنت الناس وتحفظيني كويس
بقيت بقابل كل حاجه وانا مبسوط وعادي كويس

بيوهموك بورده ومبتلاقيش  غير اشواكها
انت ليه مش مصدق انك تحت الحد الادني
بيشفقوا عليك وانت مش فاهم يا أبله 
امتي بقا هتعرف انهم ملهمش مبدأ
_______________________________
"Co"..''x2''
بيوصفوهم بالورود , دول زي السم ف الدوا
غاز الاوزون ملوث للهوا 
وجودهم عنصر هام .. قربهم عنصر سام
اكترهم فالوجود مايه .. قليلين الخام 
________________________
انا اه كنت وحش وكل ليله ببقي اوحش
من بعد فراقنا بيوم وانا من ساعتها مش احمد
بس انتي ملاك مينفعش تكوني وحشه
فاهماني يا سندريلا .. او مش فاهمه مش هتفرق 

انا كنت طفل في حاجة لحضن امه بس مبتحسيش
مالك ؟ مفيش ! مصل الحياه معاكي ورافضه اني اعيش 
بُكايا سال علي الحيطان وقع عماد البيت 
مكانش همي اني ببكي , كان كل همي هنعيش فين 

مكانش حب دا لعب عيال ياعم فكك
هي مش عايزاك يلا سيبها وفك قيودها
لو غرقت حاسب .. ايدك ماتتمدش
انت نسيت مهما عملت .. القطط بتخربش

اخرة كلامي ده ايه , غير جرح ف كل يوم يزداد
مش هتحسي برضو ب اي حاجه مهما طال بينا البعاد
خلاص بقي ابعد عني نسيتك بس بجرعه
مانتيش نيمو يا حلوه عشان تنسيني ب هادي السرعة

كنت بحب القهوه الساده وكنت عاشق مرارتها
بس المر كان بزياده , كرهني فيها و ف سيرتها
لو ناسيه الليل و آخره ف انا مش هنسي وهفضل فاكر
عارف حقيقتك بدري لكن خدعتني محدش كامل   

انت نكره مش ف قاموس حبيبتك ولا هتبقي 
نصيحه مني قبل ما تغرق سيبها
لابسالك وش الطيبه وهي قالعه لغيرك
مش دهب هي , زي مانت فاكرها لأ دي طينة
___________________________
"Co"..''x2''
بيوصفوهم بالورود , دول زي السم ف الدوا
غاز الاوزون ملوث للهوا
وجودهم عنصر هام .. قربهم عنصر سام
اكترهم فالوجود مايه .. قليلين الخام

13/07/2019

Ahmed Trojan "تروچان" | Can't Leave U "مهما بعدت عنك"

Lyrics & Vocals: Ahmed Trojan
Poster: Ahmed Trojan
Music: Free Beat
Master & Mix by : Ahmed Trojan
© 2019 Ahmed Wageh

Link YouTube: https://youtu.be/z5wuWwxVmjg
Channel: www.youtube.com/ahmedtrojan


الكلمات :
انا راسخ ف الارض دي مش هطلع غير بروحك
مضمون كلام الناس مجرد سم مضاد لطموحك
مفيش مبني من غير سقف. عادي هد سقف طموحك
متجادلنيش ي صاحبي لو عايز تفضل صاحبي

لو قربك دا مصلحه ، بلاها منه سبني لواحدي
وانتي بلاش عكننه ونكد وش الصبح
لو الحب بالشكل دا فا ملعون ابوه دا حب
الوحده روح لشخصي وانسب حل ليا

كان جمبي هنا كتير دلوقتي اهو وحدييا
ياللي كنت هنا روحت فين تعالي سلم
سالوني كتير عنك بس انا رافض اني اتكلم
هقول ايه ولا ايه ولا ايه؟

هقول سابني لواحدي ومشي وعادي بكل افتري 
انا كنت بس بحبك وانت شايفني لازقه بغري
خلاص خلصت كدا .. ضميرك كدا مرتاح
لو بُعدك عني بلاد ف انا رحال .. مش برتاح

بعدوا عني وخانوا مش مجرد بس بعدوا
بيقابلوني بابتسامه ومدح كتير و فضهري يسفوا
كانت بتقول انا غيرهم وفالاخر اهي وياهم
متلونين بكتير الوان لكن بيصبوا ف ركن واحد

Co..
لو بكتب كل يوم كان زماني دوستويفسكي
كلكوا مو صلاح وانا لواحدي ميسي
كلماتي مبسطه زي معادلات اينشتاين 
انا المبرمج وكل الباقي دا ويب سايت

مستنين ايه ، انا فاضي بره و جوا
روحوا مع اللي راحوا سواء برضاهم او بعنوه
قولولهم كان كويس. كان نفسه يبقي كويس
كان عايز يبقي لين بس الدنيا عايزاه متربس 

"x2"
كان نفسي وانا صغير اكبر ابقي سوبر مان
كبرت فهمت عرفت انه وهم وكان احلام
بريقنا ف النفوس بريقكم انتو ف الفلوس
العظمه ليا لواحدي عشان سبتلك الفيوز 

الساعه خلاص فجريه وحالتك اهي مزرية 
نفسك تنام وتصحي ياعيني والذاكره ممحيه
سقف الاوضه اقرب لينا من وشوش كتير حوالينا 
كنتو فين لما تعبنا وكنا بنبكي كل ليلة

خوفنا من السموم بنحاول نبعد عنها
بنعالج فيها بسناننا والتعابين وسطينا بنيابها
كلهم بياعين والشاري فيهم سمسار
بلاش تآمن لأمثالهم دول دجالين و ده زار

"x2"
انا مش روبوت يا صاحبي وكفايا لحد هنا
وخد الباب ف ايدك كفايا علينا برد الشتا
تسمعني او متسمعنيش مش فارق معايا اصلا
دا كتاب ودي ورقه فاضيه وانت فيها مجرد فاصله

TROJAN 'NAP AZR2' | تروچان - ناب أزرق

Lyrics & Vocals: Ahmed Trojan
Poster: Ahmed Trojan
Music: Tower Beatz
Master & Mix by : Ahmed Trojan
Rec At : ATOM Studio
© 2020 Ahmed Wageh

Channel: www.youtube.com/ahmedtrojan

Lyrics
حتي ف وسط تعاستك بتضحكي يابختي بيكي 
مهما كان حجم المشاكل بالنسبالك سيكي ميكي 
مهما كان حجم الحديث ما بيننا كلامك دايما ع اللي ليا
تسمحيلي اكون معاكي مهما حصل وتكوني ليا 

استني ماتمشيش هتسبيني وسط مين 
هي دي بشر تتعاشر مهما ضربت من هيرون
وعد الحر دين عليه وانت وعدك كان جوازنا 
هسيبك تمشي بس مش هسامح في حقي ابدا 

معلش كنت غبي لما قولتي انك وضحالي زي الشمس 
وانا مش فاهم حاجه السما مش صفيالي 
سامحيني علي احمالي حمولي لا تحمل ع الهاادي
شوفتي بقا ان انا الصح وانك مش مكاني 

جميله ف كل احوالك حتي لو القبح مشع
يكونلك يا تكونيلي مفيش للوسط سعر
لبعدك صدقيني نفسي اقدر ابعد
أعمدٌ أم إجبار علي ما صدر من جانبك

نون نبي نخبرك انو بقلبي انتي
كنتي لي مفتاح وكنت ليكي قفلك
علاش القرب طالما اخرتها برضو فراق
اسف لبعدي عنك واسف ان بينا بلاد

co..
طول مانت لابس تاج طبيعي يبقي وزنك اتقل
دي متستاهلش دبلة شوفلك بس واحدة احسن
دور ع اللي يسد الناقص مش يشوف عيوبك
دور ع اللي يخيط قاطعك مش يشق توبك

صعوبة المشهد لا يطاق وصفها 
زي اول ليلة لبنت ماتت في قبرها 
ورغم كل دا طلعت في الاخر ببالغ
هل دا منطقي يا حوا , مين فينا كدا اللي ساذج

آدم احسن خلق الله 
آخر قطرة في اخر كاس
اخر نقطة دم ف اخر عرق تالف 

ادم احسن خلق الله يقال انه اوحشهم 
مين كان سبب المصيبة اللي وقع فيها ؟ =ضلعة
انا مش يوسف يا زليخة هسكتلك وتسوقي فيها 
انا مش علاء الدين ولا انتي كنتي اميرة 

الدنيا اوضة وصاله وانا وانتي ف مركب واحدة 
بكرة نتقابل ف يوم بس هنكون ف بولادنا 
وان الزمن مر رُغم أمهم مش موجودة
وانهم خلاص شافوكي بعد حكايات مهولة 

كلامي مش هيوصف نقطة في بحر اللي كان بيننا
حتي النقطة قبل ما تنزل بحر الوصف هتعاتبنا 
انا عارف اني النقطه اللي في حياتك سمرا
بس دي خلاص النهايه ، سامحيني لأخر مره

co..
طول مانت لابس تاج طبيعي يبقي وزنك اتقل
دي متستاهلش دبلة شوفلك بس واحدة احسن
دور ع اللي يسد الناقص مش يشوف عيوبك
دور ع اللي يخيط قاطعك مش يشق توبك

TROJAN 'TAJ' | تروچان - تاج

Lyrics & Vocals: Ahmed Trojan
Poster: Ahmed Trojan
Music: Elwarsha Beats
Master & Mix by : Ahmed Trojan
Rec At : ATOM Studio
© 2020 Ahmed Wageh

Channel: www.youtube.com/ahmedtrojan

Lyrics :
المبدأ اختل والتل قل قل
الكل ماشي ف نفس السكه 
الكل ف الكل اتخم

حياتنا أشبه باليوتوبيا مبنية علي كذبة
خطط 2010 لحد الان ما زالت تبني
توبنا ؟ ولا توبنا. أوبنا ؟ ولا عودنا
نفس الايد الممدوده هي نفس النكسة الكبري

لم اري اي خيرا في هذه الحياه المطلقه
عاملت كل صنف ، و كل صنف كان مصيدة
بيعنا كل شئ عشان نفوس مريضة بنشتريها
نفس النفس أذيتنا وسامحنا ودي الطبيعة

كلها بقت بتجامل ، كلهم بقوا منافقين
محدش فيهم كامل ، شمال ويقولوا يمين 
هنفضل ف الوحل وكل مدي هنغرق اكتر 
طول ما نفوسنا شر وما حدا لحدا يفضل

محدش حب ليك الخير الكل كان بيمثل
كله ف الحلو معاك وف الوحش بيكنسل
تأقلم مع عيوبك لو كان عيبك سبب ضعفك
لو ضعفت ف يوم هتدي فرصة للناس تاكلك

مكانش حد منهم مخلص بما فيه الكفايه
انه ينول شرف الصداقة ويبقا طول الوقت معايا
مريض باللي بسمعه مريض برأي الغير
اخر فرصة نجاة كانت لقمة سبقني وكلها الطير

انا كل ثانيه عن التانيه بعلي وببقي اجمد 
اعمل مهما تعمل برضو مش هتبقي احمد 
اوقات كتير ببقي انسيابي غصب عني سامحني
قتلوني واحد واحد وشايفهم اهم ف جنازتي 

وكل واحده فيهن غدرت سيكا دلوقتي سايبها
اما انت يا صاحبي شايفك جاي وطالب  هُدنه
متبقاش مجرد ساكن وتتشاكل مع اللي مسكنها 
كلكم نفس الطينة وانا نفس اللي مشكلها

مهما غنيت وهغني هفضل برضو old school
متناقشنيش في ال type مش هغير المنظور
انا كل يوم بشوف نموذج اوسخ م اللي قابله
تقريبا الكوخ بيرسم وفان مات بسببه

الروتين قاتلني وانا اصم ومبتكلمش 
حتي لو اتكلمت مين هيسمع مليون وش
حتي لو اتسمعت مين هيفهم قلب مايتفهمش
حتي لو اتفهمت اخرتها معروفه "معلش

موازين  الزمن اختلت والكل بقي معوج
والقلب اللي كان ملأه دلوقتي بقا مهجور
شبهك وشبهي الزمن يجر الرجل بطعم 
ننظر للحقيقة نجد بُعدَ وراء بعد

ما تراه مش دافع انك تاخد عني فكره 
انت اللي هتدفعلي علشان تفهم عني اربا
ربيت زيك علي ايدي وعلي فكره نهشوا أيديا
عرفت ليه معاملتي معاك محدوده وليها ناهيه

ما قد فات مجرد هامش واللي جاي صافي ربح
الفاجر هذا الان كان زمان بياع سبح

TROJAN 'BAYYA3 SEBA7' | تروچان - بياع سبح

Lyrics & Vocals: Ahmed Trojan
Poster: Ahmed Trojan
Music: Contrary Beats
Master & Mix by : Ahmed Trojan
Rec At : ATOM Studio
© 2020 Ahmed Wageh

Lyrics:
بصطاد ف بحر ميت وده فعل غير ثانوي
اتحملت كتير هموم اصبحت الآن شخص غير سوي
انا ثابت جداً اه بس من جوايا هش
انا عايم في بحر كالحياه ومش هاممني سمك القرش

ادمنت كوني مريض في كونك انتي كنتي الدوا
كنت رافض اي علاج لانك كنتي علاجي انا
حبيت وجودك  بس كرهتك لما سبتك
بالغت كتير في الاهتمام واستنفذتي كل طاقتي
 
اجزاء puzzle مبتكلمش غير بكل جزء
انا كنت قطعه واحده وانتي كنتي باقي اللغز
مفيش مره استسلمنا كان كل مره نُهدم
ازاي شايفاني في كل مكان وازاي انا كنت مُهمَل

عايشين بدون اهداف بدون ايمان بدون عقيده
طالبين نجاه من تاني محتاجين فرصه جديده
اكيد هوصل في يوم يابنت الناس صدقيني 
بتوه في متاهه وبرجع تاني اقول يمكن تنسيني
 
انسيني وعيشي حياتك انا مش منك هبقا قريب
انا اللي يفكر يبعد مش بفكر فيه و اقرب
CO ... x2
بنخاف نواجه الفشل سايبين احلامنا تغرق
مش محتاجين طوق نجاه مبنفكرش نصعد
ياللي زرعتي الشوك جوانا نسيتي تحصديه
نفسنا ننام بقا لو يوم زهقنا من النيكوتين

بنخاف نواجه الفشل سايبين احلامنا تغرق
مش محتاجين طوق نجاه مبنفكرش نصعد
ياللي زرعتي الشوك ف قلوبنا نسيتي تحصديه
نفسنا ننام بقا لو يوم زهقنا من النيكوتين 

لو اتعلقت بشئ عمري فيوم ما اتهاون بيه 
وممكن اسيبك عادي جدا بنفس مقدار التمسك بيكي
انا مش نوح ومش هنعدي البر التاني 
بنذرع بذرة امل محصوده يأس فثواني 

بنخاف ليزيد وجعنا مش عايزين حد جمبينا
البحر هينشف عارف  بعد ما تغرق السفينه
هنتحمل وجعنا مع اننا اصلا بنموت
الضحكه دي مكسوره ومش هقول اني مجروح

مش محتاجين قشايه علشان نتعلق بيها
كنتي جمبي عشان قوتي يلا تعالي استمديها 
مش هنبين احزاننا هي باينه كدا وحدها
موعدكيش اننا نستسلم والأوجاع احنا قدها

بالرغم البحر ميت مش مؤمن بالمستحيل
و فكوني انا حبيتك رغم كوني كنت بديل

بنخاف نواجه الفشل سايبين احلامنا تغرق
مش محتاجين طوق نجاه مبنفكرش نصعد
ياللي زرعتي الشوك جوانا نسيتي تحصديه
نفسنا ننام بقا لو يوم زهقنا من النيكوتين
CO ... x2
بنخاف نواجه الفشل سايبين احلامنا تغرق
مش محتاجين طوق نجاه مبنفكرش نصعد
ياللي زرعتي الشوك ف قلوبنا نسيتي تحصديه
نفسنا ننام بقا لو يوم زهقنا من النيكوتين

Trojan - تروچان ✪

Popular tracks