أبد يحسين يومك ما مثيله يوم 
يامذبوح ياعطشان يامظلوم
______________________
إلك يحسين بگلوب الخلگ جمره
وللمحشر تظل ملتهبه مستعره
ما يوفي المحب لو دم جره صدره
او لو طول الدهر ينعه بگلب ملچوم
______________________
گلوب الطيبه بيك اليوم مفتونه
وبحبك عقول الشيعه مجنونه
محبتك بالگلب يحسين مكنونه
وكل مسلم بحبك سيدي ملزوم
______________________
حبك بالضماير محد يفسره
وكل ظالم يجي ما يگدر يغيره
بس اعليك تجري سيدي العبره
ودمع النايبه صبح ومسه مسچوم
______________________
الباري سيدي هوّه الرفع ذكرك
ياللي دينه العتقه قدمت نحرك  
هوّه الي رفع شانك رفع قدرك
وفرض حبك علينه الواحد القيوم
______________________
انته ابن الزچيه الطاهره البضعه
چتيل الغاضريه وساچب الدمعه
لجلك تنعه أملاك السمه السبعه
وجبريل اعله چتلك ينحب ومالوم
______________________
نحلفك سيدي بضلع أمك الزهره
وبچبد الرضيع ولوعته ونحره
تتقبل عملنه وينضمن أجره
ونظل بخدمتك يا سيدي للدوم
______________________


*سعد الذبحاوي

أبد يحسين يومك ما مثيله يوم

ايهاب المالكي - مهرجان القوافي 2

ahmed alsarraf

Popular tracks