أنا على شانش أزعل حكومة قطر، عجمي و قلبي خبل لا بعتها بعتها ..

أطنخ تدلل دام أنا وأنت حيين
تفداك روحي كان روحي تسدك 
بلدك قلبي والشوارع شرايين
تمشي مع الشريان من حيث ودك
مره تمشي داخل العين يا عين
ومره تخش الفكر محد ٍ يردك
ومره تخيم في الحشى بين ضلعين
وعلى غدير الود ترشف بيدك
والله اني كل ماجيت مع ذاك المكان
تلد عيني غصب صوبه وانا مالدها
والله اني لالمحته غدت عشري ثمان
وسال دمعي من عيوني وهي ماودها
والله اني يوم جيته معصب وزعلان
لين قال بليز ريلكس نفسك هدها
ومن نشدني قال ماجور وش فيك تعبان
قلت له كلمتك هذي لغيري بدها
وش اقول لمن ذبحني دلعها والحنان
لين قلبي صار خاتم باصابع يدها
كامله والكامل اللي عليه المستعان
‏كاملة والكامل الي عليه المستعان 
‏تخسر اليا تحدت توقف ضدها 
‏كانها ضبي تذير وقفا مع طمان 
‏في فياض غاطن العشب الأخضر خدها 
‏درة ما تطلع الا بحفل ومهرجان 
‏من بحور ماعرف جزرها من مدها 
‏وقفي بين الخطأ والصراط المستقيم 
والعبي بين التراحيب وكفوف الوداع 
وسولفي مثل المشاريه في صوت الحشيم 
واسكتي مثل الشفايف لاطاح القناع 
واضحكي مثل النواويير في روضة خريم 
واغرقي مثل المزاجات في غرب الرفاع 
وابعدي مثل المتاهات في حلم اليتيم 
واقربي بين السوالف وكتفي والذراع 
وانظري لي نظرة الشوق للشي القديم 
واغرقي بالدمع الازرق مضاليل وساع 
اقبلي مثل التباشير في وجه الكريم 
وارحلي مثل التعازي على موت الشجاع
 بس أنا أحب والحب ما به باس سكةٍ كل الأجيال تمشيها
اكتم السر وأخشى من البلاس وأم وجهين والله ما أدانيها
رغبتي في﻿غنوجٍ تكد الرأس ليتها تطلب البيع واشريها
حيث فيها من الفن خمس أجناس درةٍ من طمع ما يخليها
درةٍ لبسوها الحرير لباس ليت عيني دوامًا تراعيها
حملوها الجواهر وعقد الماس ساطعٍ برقبتها وأياديها
من هواها طيور الهوا بلاس بالشوارع قليلٍ تخطيها
دونها الباب والقفل والحراس حذروها وانا ميتٍ فيها
كل ما جيت بسلم من الهوجاس مال ميزان قلبي بطاريها
خدها ورد وعيونها نعاس بأحسن اوصاف ربي مسويها
مرحبا يا اعذب الاصوات واغلاها
صوتها العذب مرسالته على شاني
والمشاعر ترحب به من اقصاها
من خفوقي ومن دمي وشرياني
كل بيتن يداعب حمرة اشفاها
يمتلكني ويامرني وينهاني
أنا وأرضي وشعري من فداياها
حتى بحري ولولوي ومرجاني
وكل بيت تثنى في محياها
يحمل اسمي وتاريخي وعنواني
بقى من اللي خذيته قلب بين اصبعين وان قلت هاته من عيوني وتامر امر
وان قلت لي موقعي من عالم الحسن وين بعد الثلاثين كان الله عطاني عمر اقول مزيون وأشباهك ماهيب أربعين أشباهك اثنين يا اما شمس والا قمر يكفي انك اول ظبي ياخذ من الصقر عين ومن الذلول العمانيه هيام وضمر
وانت تدري كل ماتحتاجني تلقاني
يشهد الله عنك ماتقدر تشح يديه
بس تكفي لاتعذبني ولاتنساني
ضمني يانور عيني في حشاك شويه
كل ماشفتك تدخلني بعالم ثاني
عين تنظر لك بشر والثانيه حوريه
فيك شيطان الهوى ياسيدي وصاني
بالغلا والولف والتقدير والحنيه
مانيب في حبك كذوب ودجال
ولاني على بعدك قليل الحسايف
ظاميك واحبك ولي منك اللال
وأبيك وأرقى في هواك النوايف
وانته تطاوع بي حسود وعذال
ماتدري انك غير كل الولايف
عندي ولك في روضة الروح منزال
والحب سوابي مثل ما انت شايف
لو اني أسلى كان ماجيت فالبال
‎هيه ياللي غرك الحسن و أطغاك الجمال
‎و الله ان اموت ما شفت لأوصافك شبيه
‎لو يسام الحسن والتيه بجنيه و ريال
‎ما بقى في سوق غيرك ريال ولا جنيه
‎كيف أهدك للمقادير و أنتي راس مال
‎راس مال و مال و المال ما يعطى السفيه
‎حافظك حفظي لعيني و رمشي لك جلال
‎و أنتي تشحين بالما و أنا شفي مويه
ياجعلها تفدى على الأرض ماطاك
الله بمن هو مثلها يبتليها
لكن لعب في يا وليفي تغّلاك
نفسي غلاك من الصدود يحديها
تبطي علي وأنا هنا واتحراك
كبدي لواهيب الصبر تشتويها
اجمّع علومك امن هناك وهناك
الله لو انها تنشرى لا اشتريها
ريح ملايكتك ولاتكلف جهدك
والله لا قبلك ولا بعدك ولا
ماعندي أحلى من شهدك إلا شهدك
ولا عندي أغلى من غلاك ولا غلا
يا مزني اللي كلما غطرف رعدك
فززت غدرانك واونست الغلا
تعال ويلم النسايم في وعدك
ونحمي الريضان ونكحل هلا
ونسمي الحزات تبشر في سعدك
وبتلقف لو ماني بملقوف
‏بقول احبك وانت قلي تموني
‏وانا على شوفتك مغرم وملهوف
‏واحن لك مير انت منت بحنوني
والله ما أخبر انه دخل قلبي الخوف 
‏والله ما أخبر اللي بكنه عيوني
‏واليوم شف دمعي بسبتك مذروف 
‏هلت دموع العين مثل المزوني
‏هلت مدامع عيني وعيونك تشوف
‏لا وخساره فيك دمعة عيوني
وطيّر معه خمسة ضلوع 
‏غير عين ٍتطرح الطير من سابع سما 
‏كل ما ناظرتها قلت يا بخت الدموع
‏الدموع اللي تبختر على خد اطخما
يا غناتي والله اني عليك اظما واجوع
‏لين اشوفك ثم لا عاد جوع ولا ظما 
والحب ماهو حرام بنص قرآني
‏محرمٍ بالهجر والوصل تحليله
‏أنا متيم وفاقد نصفي الثـاني
‏مشفٍ لزوله ومشتاق لمداهيله

أقبلي مثل التباشير في وجه الكريم

يامنوة الروح يوم إن الحشا ضمّش 
تلّي حشا القلب تل ورزي القامه 
يافتنة الغيد يوم إن الغلا زمّش 
سمّي على القلب من خلفه وقدامه 
ويا تلعة الجيد لامن قلتي بفمّش 
ودعتك الله حبٍ(ن) يذبح هيامه 
ماني بقايل سقى الله روحتي يمّش 
لكن سقى الله عصر الحب وأيامه 
الشخص في عين من يغليه لا همّش 
ماتطيح له دمعه إلا تطيح له هامه 
روفي بأبو زيد قبل يموت مالمّش 
وهزي قوامٍ(ن) لاهندم كن هندامه 
أصيلةٍ(ن) قد قناها خالش وعمّش 
ولها عقيد النشاما يكرب حزامه 
وخليني أطيح من منحرش لا كمّش 
طيحة كبيرٍ(ن) ماعاد تشله عظامه 
مجرم غلا وش عليه إن شرْب من دمّش 
مادام بعدش بداية لحظة إعدامه 
وإن طوّل البعد وإن ماطال لا يهمّش 
أنتي فْوجهي ووجه الشعر وإلهامه 
القلب كنش فْحضن إبيش وألا أمّش 
إلين يموت الغلا ونكفّن أحلامه

يا منوة الروح يوم إن الحشى ضمَّش / محمد إبن الذيب

على عيد إنكسـاري .

بس لحظه يامهملنى وناوى فى غيابك
دامك اللى ناوى الفرقا باأقول اللى باأقوله
أنت يعنى لانويت تغيب باقف عند بابك
لاوربى تاقف الدنيا وأنا " تأبى الرجوله "
ماتعودت اتبع المقفى ولو حضرت جنابك
رح عساها خيرة والدرب لك عرضه وطوله
روح لاجابك امجيب الغيم واترك لى صوابك
جيت حلم ورحت حلم تشبه احلام الطفوله
ماأنت بأول من طعن هالقلب والدرب انتهابك
ياثقل خطواتك البارح وهالليله عجوله
باغى الفرقا !!جعل ربى يعجل فى ذهابك
بايع قلب لك الله كنت ماتحلم تطوله
من يلومك..؟ شايف حالك وف.. بداية شبابك
طاغى تجرح قلوب الناس تحسبها بطوله
بسألك: كم واحد قبلى هقابك واشتقى بك؟
أنت ياللى نظرة عيونك قبل عرفك خجوله
ياكثر ماكانت ظنونى دخيل الله تهابك
بس اكذبها واقول اوهام والقلب وميوله
اثرك اللى تستلذ ان ذاقوا العالم عذابك؟
مشكله !! والمشكله هذى بسيطه ومحلوله
كان مالبستك الغيره مثل لبست ثيابك
قل عوافى.. قل مثل غيره تركته وبسهوله

أنت يعني لا نويت تغيب باقف عند بابك؟ / حمد السعيد

‎⁨يالـيت ربي جاب منك ثلاثة..

Just Turned 17 (New Faces Remix) [2020]

وراك لك وقت لا تسأل ولا تتصل؟

أعزك لو إنك جرح ومجاهدك قتال

يامعذب الاحباب ياغايب متى وقت الوصول
انا على نار انتظر رجعتك لوطال الغياب 

ياهمي الي لو يزول العمر كله مايزول
ياقرب من الي في يدي وابعد علي من السحاب 


ياصيف عمري ياربيع العمر ياغلى الفصول
يافرحتي ياسلوت الايام يانواع العذاب 

يابحر جده ياشفا الطايف ياحايل ويش اقول
ياتراث مكه ياحضارت نجد يابها والضباب 


يانغمت الاوتار ياعزف الموسيقى والطبول
ياظحكت الاحباب مابين التغلي والعتاب 

ياعنفوان الخيل ياوقفات ماضين الفعول
يانشوت الكسبان ياعزت عزيزين الجناب

يابسمت الاطفال يانظرات في الطرف الخجول
ياهيبت السلطان ياقدر اللحى حق الرقاب 

ياحكمت العاقل ياعطف الام يامعنى القبول
يالذت الماء في ظماء الظميان ياعذب الشراب 


يامعجم الاخلاق يافهرس تعاليم الوصول
ياروعة الابداع يابنك المبادي والاداب 

فديت عمرك يابعد عمري جعل عمرك يطول
احسب احساب الي حسب لاحساب حسبتنا حساب 


بجاه رب ام القرى والقدس وبجاه الرسول
انا مصاب اوجبك يلزمك بسعاف المصاب 

صبرت حول وحال حول الحول واستقبلت حول
وانا انتظرك تذوب في قلبي وقلبي فيك ذاب 


وجيتك وانا كلي غلا جيتك وانا كلي ميول
النفس لارظاك احظرت والقلب لارظاك استجاب

وعجزت ياصعب طلوع اسالك ياصعب نزول
تصمت ولاحكي لك سوال اصمت ولاتحكي جواب 


عزلتني عن عالمن ماكنت انا عنه معزول
اطرد وراك العمر كله كني اطردلي سراب 

سمعت قولي وانت قلي ودي اسمع ويش تقول
انا طرحت الك السوال ومنتظر رد الجواب

عبدالله السميري - يا معذب الأحباب يا غايب

قصيد شعر قصيده قصيدة سعد علوش عبدالله علوش حمد السعيد قصيد شعر شاعر علي بن حمري محمد بن الذيب محمد بن فطيس عبدالمجيد عبدالله راشد الماجد محمد السكران منصور بن جعشه راشد فهد سعد بن جدلان خلف بن هذال محمد السبيعي حمد المري سلمان بن خالد علوش بن علوش ابيات افلاطون المرعب
 

الحب مايعرف قبيله ولا دين
نكس حكومات وكسر اشده
جوه عقال وراحو مجانين
كم واحد خاضه ولاهوب قده

‎⁨عبدالله بن علوش | الحب ما يعرف قبيله ولا دين

⠀⠀ ⠀ ⠀ ⠀ ⠀⠀ ⠀ ⠀ ⠀ ⠀⠀ ⠀ ⠀ ⠀ ⠀⠀ ⠀ ⠀ ⠀⠀

أنا على شانش أزعل حكومة قطر، عجمي و قلبي خبل لا بعتها بعتها ..

عجمي

Recent comments

عامـر

شـِوقَ

عجّمي ❤️

.

Related tracks