بقَّ وخبا وحاريهو في الزمن اللي جاي

لا بعدك الايام صفن لا قدرت اعرف وجهتك 💔

لك الرحمة والمغفرة  إبداع إبداع

كلمات: صلاح حاج سعيد
لحن وأداء: مصطفى سيد احمد
----
ومرقت من قلبك مشيت
طفت الشوارع والمدن
لفيت حواري الدنيا جيت
فتشت في عيون الزمن 
لي سكتك وكم من مشيت
لا لقيتك انت ولا بقيت
القى المواعيد يصدقن
لا بعدك الايام صفن
لا قدرت أعرف وجهتك
**
و سرحت في خاطري 
وسهيت في ذكرتك 
سفرك و مشاويري
وتباريح سكتك 
خرز السبح
ممدودة في جيد 
الاماني المستحيل
شقهة حروف اللقيـا
في غفلة أسى 
الزمن البخيل
رنة خطاك 
سايقاني للحلم القبيل
نتلاقى ما نعرف مدى
واتجاوز النغم الصدى
واتسابق العمر الجميل
**
أصحى ومعاي 
يصحى الشجن
ويفيق أساي 
واساك يجن
والقاكى يغلبني الكلام
ويشرقني بالاسف الحزن
و يكفيك خيال 
في غمرة 
الاسى والمحال
القاك شقى العمر اللي فات
و القاك فرح في غفلة مات
و يلقاني فيك مسدار 
يغنيلك أساي
دوبيت يجر نمك 
علي حرقة حشاي
قمرا طلع في غيم سماي
بقّ وخبا وحاريهو 
في الزمن اللي جاي 
وحاريهو في 
الزمن اللي جاي ..


Comments

Ømêr Qűreshĩ

mohamedelfatih ibrahim

DrI Azrag

Miral Ombadi

ام شهد

Ayman Atbara

artistov

omer jenkeez

omer jenkeez

khalifa aboalgasem