شباك قديم .. حنان ماضى

اهيم شوقا - محمود محي

قصيدة لـ إيمان الميهى 
https://www.facebook.com/eman.abdoullah

أداء : منّة كُردى وإيمان الميهى 
https://www.facebook.com/Kawkabmashy

من ديوان : فردة حلق 

معرض الكتاب 2015

قصيدة: بلوزة تريكو
النهارده ...-
 كات عيوني واسعة جداً
عايزة تلقُط نور كفاية
- دبّة النملة كمان
كات ملازماني ومعايا
-راسي -وبرغم انشغالي-
 كات حِمايا
-أمّا كل شعور فـ قلبي..
كان كفاية عشان أخاف
...
-رغم خوفي
كنت ماشية ثابتة جداً
مؤمنة ان الحق ضيّ
وان ذُلّي ماكانش وارد
طول ما عزّي فـ قلبي حيّ
-دنيا كانت ليل وضلمة
رغم برد ماكانش جامد
كنت لابسة هدوم كتير
كنت دفيانة بضمير
كنت خايفة
أي حد يشد فتلة من البلوزة
فجأة كل الخيط يكُرّ
-كات هدومي الشتوي واسعة
كنت خايفة اتعرّى فـ عيون
شايفة طعم العِزّة مُر
شايفة إن البنت "عورة"
وان جهل الأنثى "ستر"
...
-اتّاخدْتْ..  
فـ المواصلة
لما شفته حامي ضهر مراته جامد
بس لمّا بنت تركب
كان بيخبط فيها قاصد
...
-انهزَمْتْ
لما شفته بيقرا حادثة
بنت كانت راكبة تاكسي
وانتهتْ جوّاه بكارثة
طبّق الجرنال وتمتم:
تستاهلها
أصلها لو باحترامها
كان لايمكن طال ضافرها
...
-زيّ ما انت
-لسّه فارس جوّه قلبي
-لسّه دمّك حامي ضهري
-لسّه بتداري عليّا لمّا اصلّي فـِ الميدان
-آه صحيح معرفش اسمك
بس باتغطّى بعيونك
اللي كانت واسعة جداً
عايزة تلقُط نور كفاية
-لجل مبدأ
كان يوميها 
جاي معايا

ـــــــ
إيمان الميهي*
من ديوان: فردة حلق
27-12-2011
(إهداء لـ ست البنات)






بلوزة تريكو _ إيمان الميهى _ منّة كردى

اغنية الدنيا نص ونص اهداء للانثى غناء والحان طاهر ابراهيم 

أداء وألحان*طاهر ابراهيم ...اغنية الدنيا نص ونص ♥

مسافر

قصيدة مصطفى ابراهيم القاتلة

قالوا لي زمان - يحيى نديم ونور ناجح

#نسمة_محجوب -  دوام الحال من المحال من فيلم "الدنيا مقلوبة"

كلمات: عبد المنعم طه
ألحان : وائل ترك

اهيم شوقا - محمود محي

Akmal Abaza