Red Star, 2010-2017,  by Akram Al Halabi

نص تسجيل - النجم الاحمر

طلع الضو، عالصبح، والقرية على الجبل. التلفون عبيرن، وصوت سيفون الحمام عبيرن. اثنين قاعدين عبيحكو عالطاولة. في ولد عبيصفر بالصفيرة، وواحد عبيحكي بالمكرفون قاعد عالتلة، وبين الشجر عبيعيط بالمكرفون. في واحد حامل شخص متل كأنه مش حامله، وماشي بالشارع.  وفي شخص ملفوف بقماش وشخص ثاني عبيشحطو. وفي امرأة لابسي كندرة وعبتفقش تفاح بالكندرة. وفي أولاد صغار عبيلعبو لعبة الإكس، بالحارة. في اولاد صغار عبيلعبو لعبة الحبلة. وعمزبلة البلد في شخص عبيتسلق عالزبالة. البيوت مرصوفة رصف، وبكل بيت فيه مكرفون. مكرفونات عبتعيط. في شخص عبيصرخ بالمكرفون، بوجه المكرفون بالمقلوب. وبالشارع سيارة بترجع برجوع، والناس قاعدة عبتشكي. وفي شخص عبيمشي لقدام بس شكلو بيرجع لورى، متل كأنه مرجع ترجيع. وصوت رذم بكل حارة، صوت المتة، خشة المتة. في شخص عبيدهن بيرسم خط وبيمحيه، بيرسم خط وبيمحيه، بيرسم خط وبيمحيه، بيرسم خط وبيمحيه. وفي ولد صغير في بحلقو وردة. وفي كتاب عبتقلب صفحاته الريح. وفي امرأة لفت عروس بلبنة ودقتها بالمسمار عالحيط. وفي واحد قاعد عكرسة الحمام عبيقرء الجريدة.  وفي شخص ثاني عبيحلق تفاحة.  وكل هذا الوقت في زلمة قاعد بالبلد عبيفتح الباب ويسكره. وبالمساء شب وصبية بالمطعم قاعدين، الصحن، أجا الأكل, بس أجا الأكل حط اصبعو بالأكل. والناس عبتحشي، الناس كلها عبتحشي، بتحط فراش، بتحط فوقو صباط، فوقه فراش، وبتحط شوية تفاح، فوقهن بطانية، بعدين بتحط شوية زراريع، وتحط فوقهن بطانية، بعدين شوية خس، بعدين فراش فوقهن، بتحط شوية خشب، وشوية أشخاص، وبتحط فوقهن فراش… حشي, يعني عبتحشي كل شي مع كل شي. وفي صبية عبتمشي بين شجر التفاح، معها لزقات جروحة، عبتلزق العنود، عنود الشجر.  وفي اختيارية قاعدين عبيكتبو عالبيضات، وشعرهن عبيطول، عبيطول لأنه عبيهرب، مش عبيقدر يوقف انو مايطولش. وااااو… عشريط الحدود في جنود عبيدبكو. وبحقل الألغام في شب وصبية حطو طاولة وكرستين وعبيشربو كاسة نبيذ. وفي ناس طلعت عالتفاح، لفت التفاح بالقماش وركبت ميكرفونات على كل شجرة، وبلشو بحكو مع بعض. في يوم مرقت غيمة، عبتشتي ورد، طلعو ينادو، بنا انام بسلام. وفي واحد هاجم على الكرسي، شبق فيها شبق. في ولد صغير معصب، سبل ديه لتحت، وضرب رجله بالأرض. في يوم شتت الدنيا، طلعت الناس تغني، شتي شتي يا دنيا على سطوح البرية، شتي شتي يا دنيا على سطوح البرية. في يوم طلع النجم الأحمر، طلعت الناس تغني، نحنا هلى لونا البطيخ الأحمر احمر، نحنا هلي لونا التفاح الأحمر أحمر، نحنا هلي لونا الكرز الأحمر أحمر، أحمر أحمر.  وضل لحد إسا طالع النجم الأحمر، الناس طولت شعرها، وعلقت مفاتيح البيوت بالجداديل، وصارت تخش، خش خش خش خش… في يوم قررت الناس تتصالح، فطلع قرار إنو مسموح التخميس، فطلعت الناس تخمس. عين, والعين عين، وعالأنف أنف، وعالأذن أذن، وعالوجنة وجنة، وعالفم فم، وعالذقن ذقن، وعالشعر شعر، وعالعنق عنق، وعالمكان مكان، مش أكثر ولا أقل. وكل الناس قاعدة عبتمشي على قاسم دحة وتتمرجح بالمرجوحة، قاسم دحة وتتمرجح بالمرجوحة، قاسم دحة وتتمرجح بالمرجوحة ٠٠٠

Akram Al Halabi's Album

Red Star

Hey
Duration: 00:01:04
2017
by Akram Al Halabi

Try again

جواباً على حدوث خرية مقبلة...!
لقلقَ اللقلقلُ لقلقاً صغيراً، فلقلقَ اللقالقَ لقالقاً كثيرةً. ...لق لق لقت الفواخير الزلعومية لأجل قذف المادة الخطابية، فلقلقوا كثيراً. لق لق لق ...

06.08.2011

Lak Lak   لق لق

ahm ahm aa aa ahm ahm aha aha aa aa ahmm ahmm aa aa ...

Aha ahm aa

Shot on the Syrian lens

Deep sleeping after troubled night

Sound composition from the music of Munir-Bashir (Nahawand). 2012. 

Flakes Sounds

M-Nada
Sound composition , Majdal Shams, Golan-Heights. 2012

M-Nada

The Tunnel  النفق

The heights complaint   انا مش يذلي ولا انا لازم

Akram Al Halabi, he is a visual, conceptual artist. The sound works that presented here, some of which are part of installation works, or independent works, or sound experiments. to see his work and more information, visit the artist's website.

Akram Al Halabi

Popular tracks